- Detalhes
- Escrito por Mateus Goncalves
- Visualizações: 263
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D halo abertura ba II Jornada Edukasaun Físika no Desportu ho tema “Conbtributos Para Uma Vida Saudavel e Uma Cidadania Ativa” ne’ebé organiza husi Departamentu Edukasaun Fisika no Desportu (DEFD), iha Auditório Fundasaun Oriente, Dili, (29/04).
Iha diskursu, Reitór hato’o parabéns ba Departamentu Edukasaun Fisika no Desportu ne’ebé maka organiza II jornada sientífika ne’e tanba Desportu no Edukasaun Fisika ne’e importante tebes hodi hetan vida saudável, no desportu importante iha vida humana.
“Ita espera katak ho profesór internasionais sira-nia tulun bele fasilita diak liutan Departamentu Edukasaun Físika no Desportu ba oin no husu mós ba departamentu atu halo kampaña no promove desportu hodi atrai estudante sira tama iha departamentu ne’e. Husu atu deskobre desportu tradisional sira ne’ebé ezisti iha komunidade”, dehan Magnífiku Reitór.
Iha fatin hanesan Diretór DEFD Profesór Francisco Barbosa Pereira hatete, atividade II jornada sientífika ne’e hala’o durante loron rua hahú husi dia 29 to’o dia 30, ho objetivu atu transmiti koñesimentu ne’ebé profesór sira iha ba estudante sira.
“Husu ba estudnate sira atu aproveita didi’ak oportunidade ne’e hodi aprende saida maka oradór sira fahe. Nune’e ho atividade ne’e bele eleva kualidade estudante sira ninian la’ós teoria de’it maibé hatudu mós iha prátika”, dehan Profesór Francisco.
Partisipa iha II jornada sientífika ne’e Visereitor ba Asuntu Akadémiku no Garantia Kualidade Profesór Dr. Samuel Venâncio de Souza Freitas, reprezentante Ministériu Juventude no Desportu (MJDAC) nia Diretór Jeral Sr. João Rodrigues, Dekanu FEAH Profesór Teodoro Soares, Diretor SECA Profesór Vicente Paulino, diretór departamento, dosente no estudante sira.
Média UNTL 
: Mario Jonio M. Mendonça
: Mario Jonio M. MendonçaFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 231
Universidade Nacional Timor Lorosa’e (UNTL) liuhusi Visereitoria ba Asuntu Estudantís (VRAE) nia Gabinete dos Asuntos Relasionados e Questões de Política de Género servisu hamutuk ho Unwomen fó trenamentu ho tema ‘’Hasa’e Kapasidade Pesoal UNTL hodi responde ba Asédiu Sexual & Violénsia bazeia ba jéneru iha universidade’’ ba dosente no funsionariu sira.
Formasaun refere lokaliza iha salaun Marfin FOKUPERS (Forum Komunikasaun Feto Timor-Leste) Farol nian, Díli (26/04), ho objetivu atu kapasita ba dosente no funsionáriu sira hodi hasa’e sira-nia koñesimentu kona-ba Asédiu Sexuál no Violénsia Bazeia ba Jéneru hodi bele responde ba asuntu Inisiativa Kampus Seguru iha universidade.
Eventu ne’e fó husi formadór mak Sr. Alberto Piedade husi FOKUPERS no partisipa husi dosente funsionáriu no konvidadu sira.
Média UNTL : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 191
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, simu vizita delegasaun Secretary Development Cooperation Section, Sr. Eren Zink, Ph.D. husi Suécia, iha Sala Video-Konferénsia UNTL nian, Díli (25/04).
Objetivu husi vizita ne'e, atu hatene liután kona-ba kooperasaun ne'ebé UNTL halo ho Association Asian Studies (ASS), nune'e bele esplora informasaun hodi ajuda Timoroan sira ne’ebé atu kontinua dezenvolve koñesimentu liuliu iha área rekursu naturais no floresta.
Partisipa husi Visereitór ba Asuntu Pós-Graduasaun no Peskiza, Profesór Afonso de Almeida, Vise- Dekanu ba Asuntu Akadémiku FCS nian, Profesór Bernardo Idalina Leto, dosente no ekipa husi Suécia nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 200
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D, hamutuk ho Embaxadór Japão iha Timor-Leste, Tetsuya Kimura, no Osaka Gas Fundation entrega bolsa ba estudante hamutuk tolunulu (30) husi Faculdade de Engenharia Ciência e Tecnologia, iha Auditóriu FECT-Hera, Díli (25/04).
Relasiona ho asuntu refere, liuhusi entrevista Proreitór ba Asuntu Kooperasaun, Profesór Tomé Xavier Jerónimo, hateten estudante hirak ne’ebé hetan sertifikadu ne’e, tanbá sira selesionadu ba bolsa husi Osaka Gas Fundation ho valor ne’ebé di’ak.
“Kompaña Osaka Gas oferese bolsu estudu ba bolseiru sira ne’e liuhusi prosesu naruk ida hanesan identifika estudante sira ne’ebé ho valor di’ak, mak bele hetan bolsa no ohin entrega sertifikadu ba bolseiru sira", dehan Proreitór.
Iha diskursu Embaxador Japão nian iha Timor-Leste, Tetsuya Kimura, sente kontenti bele distribui bolsa ne'e no hato'o nia parabéns ba estudante bolseiru sira.
“Parabéns ba estudante bolseiru sira hotu ne'ebé admitidu iha bolsa ba tinan 2024 ne’e, ha’u fiar katak estudante sira ne’e, sei aproveita di'ak bolsa ida-ne’e no espera katak husi bolsa ne’e estudante sira bele gaña esperiénsia no kria esperiénsia ba futuru Timor-Leste nian”, tenik Embaxadór.
Iha fatin hanesan reprezentante bolseiru Joaninha de Fátima Tilman Magno, sente orgullu tanbá bele hetan bolsa ne'e hodi tulun ona família no hakman sira nia ekonomia liuhusi bolsa ida ne’ebé oferese husi Osaka Gas Fundation.
“Ha’u sente orgullu tebes bele hetan bolsa ne'e, tanba bele ajuda ami durante iha ami-nia prosesu estudu no agradese ba Osaka Gas Fundation nia apoiu husi bolsa ida bele hakman mós ami-nia família nia ekonomia”, hatete Bolseira.
Bolseiru na’in 30 FECT nian ne’e, kompostu husi Departamentu Engeñaria Mekanika (6), Engeñaria Civil (6), Engeñaria Eletroniku no Eletrika (6), Engeñaria Informátika (6) no Departamentu Geologia Petroliu (6).
partisipa husi Visereitora ba Asuntu Estudantís, Profesora Lígia Tomás Correia, Proreitór, Diretór Ezekutivu FDCH, Julio Aparicio, Reprezentante Jica nian iha Timor-Leste, Dekanu, Vise-Dekanu, Diretór Departamentu, Dosente no Konvidadu sira.
Média UNTL : Domingos Amaral
: Domingos AmaralFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 178
Universidade Nacional Timor Lorosa'e (UNTL) nia Magnífiku Reitór Profesór dr. João Soares, Martins, MPH,Ph.D hasoru malu ho delegasaun husi Turquia International Cooperation Agency (TICA) Under Prime Minister Office of Turkey, Mr. Ibrahim Katirci no Mr. Gokhan Keser, iha Sala-Videokonferénsia, UNTL nian, Díli (24/04), hodi deskuti apoiu ekipamentu prátika laboratóriu sira iha UNTL.
Objetivu husi sorumutu ne'e, parte rua deskuti kona-ba laboratóriu sira hanesan, Faculdade de Medicina e Ciência da Saúde, Faculdade de Educação Artes e Humanidades, Faculdade de Ciências Exatas no fakuldade seluk ne'ebé ho departamentu sira nesesáriu ba laboratóriu.
Hafoin enkontru, ekipa husi TICA nian vizita mós ba FMCS nia laboratoriu sira iha Lahane no tempu tuir mai mak sei haree fali laboratóriu sira seluk.
Partisipa iha enkontru ne'e, Visereitór ba Asuntu Akadémiku no Garantia Kualidade, Profesór Samuel Venâncio de Sousa Freitas, Visereitór ba Asuntu Administrasaun Finansa no Administradór Jerál, Profesór Helio da Costa Mauquei, Visereitór ba Asuntu Pós Graduasaun no Peskiza nian, Profesór Afonso de Almeida no ekipa husi TICA nian.
Média UNTL : Leonia de A. da Costa
: Leonia de A. da CostaFoto : Leonia de A. da Costa & Denilson Amandio Barros
: Leonia de A. da Costa & Denilson Amandio Barros