- Detalhes
- Escrito por Mateus Goncalves
- Visualizações: 243
Universidade Nacional Timor Lorosa'e (UNTL) liuhusi Diresaun Nasional Aprovizionamentu (DNA) tuir artigu 65.° do DL n.°22/2022, loron 11 fulan-maiu, ne'ebé aprova Rejime Jurídiku Aprovizionamentu, Kontratu Públiku no Respetiva Infrasaun, fo sai rezultadu Empreza manan na'in ba Servisu Fornesimentu Material Operasional no Eskritóriu, Servisu Fotokopia no Imprimir, Manutensaun Veíkulu no Fornesimentu Kombustivél ba UNTL.
Informasaun klaru bele hare iha anexu tuir mai:
- Detalhes
- Escrito por Mateus Goncalves
- Visualizações: 238
Universidade Nacional Timor Lorosa’e (UNTL) nia Faculdade de Medicina Ciência da Saúde (FMCS) realiza Judisium no Juramentu Profissional ba finalista hamutuk atus-rua sianulu resin ida (291), ho tema “Produzir Profissionais da Saúde Competentes, Adaptáveis, Criativos e Sívicos para Garantia o Direito a Qualidade Serviços de Saúde”, iha Salaun Oka, Surikmas, Díli (9/04).
Iha diskursu reprezentante Reitór, Profesór Dr. Samuel Venâncio de Souza Freitas atual Visereitór ba Asuntu Akadémiku no Garantia Kualidade, hato’o parabéns ba finalista sira hotu no kongratula ba FMCS, tanba bele produz rekursus kualifikadu hamutuk na’in 291, hodi tripla misaun liuhusi rekursu humanu ne’ebé kualifikadu hodi servi nasaun.
“Parabens ba finalista sira hotu no kongratula ba estrutura FMCS nian no juramentu ne’e la’os promesa, tanba juramentu ne’ebé ohin imi halo hanesan vinkulu ne’ebé mak servisu ba umanidade rai segredu no valoriza vida ema hotu nian”, dehan Visereitór.
Iha fatin hanesan Dekana FMCS nian Profesora Lídia Gomes, hato’o parabéns ba finalista sira hotu ba loron importanmte ida ne’e, liuhusi idaidak nia dedikasaun esforsu luta to’o finaliza jornada akadémiku no atinje mehi bele sai profissionál saúde.
“Juramentu profissionál ne’e bele ona tau iha prátika, liuhusi koñesimentu no abilidade étika ne’ebé imi iha hodi serbí komunidade ho integridade no sensibiliade. Imi sai ona hanesan alumni UNTL, nian nafatin hamorin almamater UNTL, hatudu nafatin responsabilidade profissionál iha imi-nia servisu fatin”, tenik Dekana.
Totál finalista FMCS 291 ne’e, kompostu husi departamentu ha’at, hanesan, Medicina Jeral hamutuk na’in (45), Farmacia (161), Nutrição e Dietética (63) no Departamento de Ciências Biomédicas Laboratoriais (81).
Partisipa iha serimónia judisium ne’e Sekretáriu Estadu Komunikasaun Sosial (SECOMS), Expedito Dias Ximenes, Diretór Ezekutivu ANAAA, Dr. Nilton Paiva Mau, Embaxadora Cuba iha Timor-Leste, Grisel Alina Aldama Innis, Proreitór, Dekanu fakuldade sira, Vise-Dekanu, Dosente, Funsionáriu, Konvidadu, Inan-Aman no Estudante sira.
Média UNTL 
: Mario J. Mendonça
: Mario J. MendonçaFoto 
: Domingo Amaral
: Domingo Amaral- Detalhes
- Escrito por Mateus Goncalves
- Visualizações: 245
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, halo abertura ba workshop Matadalan Elaborasaun Atividade iha ambitu preparasaun ba OJE (Orsamento Geral de Estado) tinan 2025 nian ne'ebé organiza husi Diresaun Nasional Planu Finansas (DNPF), iha Auditóriu FECT Hera, Díli (08/05).
Iha workshop ne'e, Reitór apela ba fakuldade, unidade no diresaun sira atu prepara planu atividade prioridade sira nune'e bele implementa atividade sira bazeia ba OJE iha tinan 2025.
"Husu ba fakuldade unidade no diresaun sira, atu halo avaliasaun ba atividade ne'ebé durante ne'e ita halo no planu programa saida maka ita sei implementa iha tinan oin nomós ita sei sai uma na'in ba konferénsia FORGES nian ba dala-25", dehan Reitór.
Reitór dezeja katak liuhusi diskusaun ne'e bele fó hanoin di'ak ba malu atu nune'e atividade ne'ebé ita planeia iha 2025 bele implementa ho di'ak.
Partisipa husi, Visereitór, Proreitór, Diretór Jerál, Diretór Nasional, Dekanu, Vise-Dekanu, Dosente no Funsionáriu sira.
- Detalhes
- Escrito por Mateus Goncalves
- Visualizações: 234
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, hetan entrevista husi reprezentante Organizasaun Mundial Saúde (OMS) husi Zenebra, Mr. Jeremy Cheong Chi, atu hatene kona-ba saúde universal iha mundu liuliu Timor-Leste.
Entrevista ne'e hala'o iha Gabinete Reitór nian, Díli (09/05) ho objetivu atu rona opiniaun husi Magnífiku Reitór kona-ba Timor-Leste nia komitmentu no implementasaun saúde desde independénsia to'o agora nune'e bele implementa kuidadu saúde primária hodi atinji saúde universal no reforsa saúde iha rai laran.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 252
Universidade Nacional Timor Lorosa’e (UNTL) nia Visereitoria para Asunto Académico e Garantia Qualidade (VRAAGQ) servisu hamutuk ho Departamento de Média e Comunicação (DEMCOM) realiza Debate Akadémiku ho tema ‘’UNTL À CONVERSA: Prazo de Conclusão dos Cursos na UNTL, Desafios e Solucões’’, ba Edisaun III nian iha Auditóriu, FECT Hera, Díli (7/05).
Iha diskursu Magnífiku Reitor Profesor dr. João Soares Martins,MPH.Ph.D agradese ba inisiativa husi VRAAGQ ho DEMCOM ba realizasaun eventu ne’e, no apresia ba interlokutór sira hotu, nune'e UNTL sei anota informasaun sira husi debate refere.
"Apresia tebes ba interlokutór sira hotu husi kada fakuldade ne'ebé envolve estrutura ho estudante sira, ohin ami rejista informasaun inportante sira ne'ebé ita boot sira hato'o iha debate ida ne'e. Husi debate ne'e ita sei buka solusaun ba problema ne'ebé ita enfrenta iha ita-nia universidade", dehan Reitór.
Iha fatin hanesan, Visereitor para Asunto Académico e Garantia Qualidade (VRAAGQ) Professór Samuel Venâncio de Souza Freitas, hatete, modelu diskusaun sira hanesan ne'e mak loloos sai metodolojia aula, tanba diskusaun sira hanesan mak renovada atu bele haktuir saida mak tendensia ba ensinu aprendizajen ohin loron nian.
"Modelu diskusaun sira hanesan ne'e mak loloos sai metodoljia aula, tanba diskusaun sira hanesan mak renovada atu bele haktuir saida mak tendensia ba ensinu aprendizajen ohin loron nian, apresia tebes tanba iha diksusaun ida ne'e ita bele rekolla informasaun importante husi Interlokutór sira nune'e ba oin ita hadia," dehan Profesór Samuel.
Visereitór ne'e mós hatutan, iha loron 22 fulan Maiu tinan ne'e, UNTL sei realiza konferénsia ida durante loron tomak atu fó segmentu ba asuntu ne'e, nune'e modelu konferénsia ne'e atu dehan katak, tama ho problema sai ho solusaun relasiona ho konkluzaun kursu hodi hatur kualidade.
Partisipa iha diskusaun ne’e Visereitór, Proreitór, Dekanu, Visedekanu, no interlokutór sira husi Faculdade de Filosofia e Ciências Humanas (FFCH), Faculdade de Ciências Sociais (FCS), Faculdade de Agricultura (FAGRI) no Faculdade Turismo, Artes, Indústrias Criativas e Culturais (FTAICC), Senadu Estudantíl husi Fakuldade sira no estudante. Enkuantu iha debate estrutura Faculdade de Agricultura nian mak la partisipa.
Média UNTL : Leonia de A. da Costa
: Leonia de A. da CostaFoto : Domingos Amaral
: Domingos Amaral