- Detalhes
- Escrito por Mateus Goncalves
- Visualizações: 225
Universidade Nacional Timor Lorosa'e (UNTL) nia Diresaun Nacional Rekursu Umanu (DNRH) aprezenta Relatóriu Estudu Mapamentu Funsionáriu sira-nian ba Conselho Gestão ne’ebé envolve estrutura no dekanu sira husi kada fakuldade hodi deskuti kona-ba rekursu adminitrasaun nian ne’ebé seidauk sufisiente, iha Sala-Videokonferénsia UNTL nian, Díli (15/05).
Objetivu husi enkontru atu aprezenta rezultadu mapamentu rekursu umanu nia ba Conselho de Gestão hodi deskuti no solusiona jestaun rekursu umanu ne’ebé menus iha administrasaun fakuldade sira hodi prezudika ba atendimentu. Tanba Ne’e konsellu jestaun desidi atu halo transferensia funsionáriu administrativa ne’ebé iha diresaun balu ho kuantidade barak ba hala’o fali servisu iha Adminidtrasaun fakuldade sira.
Iha aprezentasaun ne’e, aprezenta husi Diretór Diresaun Nasional Rekursu Umanu nian, Sr. Cançio Monteiro no partisipa husi Magnífiku Reitór Profesór dr. João Soares Martins, MPH, Ph.D, Visereitór, Proreitór, Dekanu no ekipa husi DNRH nian.
- Detalhes
- Escrito por Mateus Goncalves
- Visualizações: 204
Universidade Nacional Timor Lorosa’e (UNTL) liuhusi Faculdade de Direito (FADIR) nia Dekanu Profesór José Tomas Alves, iha nia knaar fatin Kampus Sentral, Dili (15/05) hatete, planu prioridade ba FADIR nian ba 2024 nian, iha prioridade tolu (3) hanesan, kontratasaun Profesór, Fornese kursu mestradu, usa sistema SIA (Sistema Informasaun Akadémika).
“Ha’u foin asumi knaar nu'udar dekanu fulan ida, tanba ne’e ha’u ezekuta de’it dekanu sesante nian planu, tanba ne’e ha’u haree planu prioridade tolu mak sai importante atu implementa hanesan, 1) kontratasaun ba profesór sira, 2) fornese kursu mestradu ba profesór lisensiadu sira iha rai laran no rai liur, 3) uza sitema SIA atu la bele prejudika ba publikasaun notas estudante sira nian” Dehan Dekanu.
Dekanu hatutan, fakuldade mós planu atu halo kontratasaun ba profesór internasional sira hodi eleva diak liután kualidade fakuldade nian, inklui planu sira seluk no espera tinan oin universidade bele aloka orsamentu nune’e funsionamentu fakuldade nian bele di’ak liután iha futuru.
- Detalhes
- Escrito por Mateus Goncalves
- Visualizações: 213
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D, hamutuk ho estrutura no sívitas akadémika presta omenajen ba matebian Olegario Sanches (funsionáriu iha Diresaun Nasionál Pagamentu Propinas-DNPP-UNTL), ne’ebé termina nia jornada moris iha 13 Maiu 2024, iha HNGV, Díli.
Iha rezidénsia matebian nian, Aimutin Díli (13/05), Reitór UNTL nian lori sívitas akadémika universidade nian, hato’o sentidu kondelénsia ba família liuliu ba matebian durante ne’e dedika nian an ba universidade ne’ebé servisu ho disiplina tebes.
“La’ós família de’it mak sente triste, maibé UNTL no ami mós sente triste, tanba lakon ona ami-nia funsionáriu di’ak ida ne’ebé durante ne’e dedika nia an tomak no tau interese aas liuba nia servisu iha universidade ho displina tebes”, dehan Reitór.
Reitór mós husu ba família matebian nia kaben no oan sira atu forsa nafatin, tanba la’os ema mak hakarak, maibé buat hotu planu Maromak Nian, ema hotu hasa’e orasaun nune’e matebian nia klamar bele hetan naroman.
Olegario Sanches moris iha Alas Same 15 outubru 1976, hakotu nia peregrinasaun moris iha Ospital Nasional Guido Valadares iha 13 Maiu 2024, ho idade 48. Matebian nu’udar funsionáriu iha Diresaun Nasional Pagamentu Propinas.
Média UNTL 
: Domingos Amaral
: Domingos AmaralFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 208
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D partisipa iha audiénsia públika ho Komisaun G Parlamentu Nacional kona-ba projetu Lei baze ba Ensinu Superior, iha Sala Reuniaun Komisaun G nian, Parlamentu Nacional nian, Díli (15/5).
Objetivu husi audiensia ne'e, Komisaun G konvida Magnífiku Reitór sira husi Universidade Públika no privadu sira atu konjunta matenek no reforsa lei baze ensinu superiór nian. Tanba lei ne'e sai produtu ba ema hotu no benefísiu ba Timoroan sira hotu.
Iha audiénsia ne’e preside husi Prezidente Komisaun G ne’ebé trata asuntu Edukasaun Juventude, Kultura no Sidadania, Deputadu Armando dos Santos Lopes.
Akompaña husi Visereitór ba Asuntu Akadémiku no Garantia Kualidade, Profesór Samuel Venâncio de Sousa Freitas no partisipa husi Reitór sira husi Universidade Dili (UNDIL), Universidade Católica Timorense (UCT), Instituto João Saldanha (IJS) no Instituto Politecnico de Betano no membru sira hotu husi Komisaun G Parlamentu Nacional nian.
Média UNTL : Leonia de A. da Costa
: Leonia de A. da CostaFoto : Leonia de A. da Costa
: Leonia de A. da Costa- Detalhes
- Escrito por Mateus Goncalves
- Visualizações: 247
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D hamutuk ho estrutura hetan vizita husi Magnífiku Reitór Universitas Nusa Cendana (UNDANA-Kupang), Prof. Maxs U.E. Sanam, M.Sc, hodi deskuti reforsa kooperasaun entre instituisaun rua iha futuru.
Enkontru refere lokaliza iha Sala-Video Konferénsia UNTL nian, Díli (14/05), ho objetivu atu haforsa kooperasaun entre parte rua. Aleinde UNTL aprezenta proposta ida kona-ba planu realiza semináriu internasionál ne'ebé sei realiza iha Oecusse iha fulan Novembru tinan ne'e.
Partisipa husi Visereitór ba Asuntu Administrasaun no Finansa no Administradór Jerál Profesór Hélio A. X. Mauquei, Visereitór ba Asuntu Pós Graduasaun no Peskiza nian, Profesór Afonso de Almeida, Proreitór ba Asuntu Kooperasaun nian, Profesór Tomé Xavier Jerónimo, Dekanu Faculdade de Agricultura, Dekana Faculdade de Medicina e Ciência da Saúde, Profesora Lídia Gomes, no ekipa husi Universidade UNDANA nian.
Média UNTL : Leonia de A. da Costa
: Leonia de A. da CostaFoto : Mario Jonio Mendonça
: Mario Jonio Mendonça