- Detalhes
- Escrito por Mateus Goncalves
- Visualizações: 275
Universidade Nacional Timor Lorosa'e (UNTL) liuhusi Faculdade de Ciências Sosiais (FCS), nia estudante Cesaltino de Jesus ho nia pakote eleitu ba estrutura AAEF (Asosiasaun Akadémika Estudantíl Fakuldade) ho totál votu 422, liuhusi eleisaun ne’ebé hala’o iha Resintu Kampus Kaikoli, Díli (24/05).
Tuir Prezidente Ezekutivu pakote da-toluk eleitu Cesaltino de Jesus hateten, nia parte agradese tanba bele hetan konfiansa husi votante sira, iha eleisaun ne'e, maibé presiza fó ideia ba malu, nune'e kontribui ba dezevolve ita nia kampus FCS, liuhusi atividade hirak ne’ebé hatuur iha planu.
"Ami-nia mandatu programa maka, treinamentu ba debate, debate sientífiku no diskursu públiku, fo formasaun hakerek sentífiku, kursu komputadór, diskusaun semanál no iha mós modalidade desportu sira nsst.
Programa hirak ne'e maka ami sei tau prioridade iha mandatu no atu implementa maka ami sei servisu hamutuk ho ami nia ekipa no ami sei halo aprosimasaun mós ho maun, bin sira ne'ebé iha koñesimentu nomós dosente", dehan Prezidente Ezekutivu Eleitu.
Reprezentante votante Estela Perdigâo Gudinho Gaio husu ba estrutura eleitu atu servisu hamutuk hodi implementa programa sira liuliu liga ba problema sira ne'ebé estudante sira hasoru iha FCS.
"Ba senadu no nia estrutura sira atu bele kolabora hamutuk hodi bele hala'o sira nia knaar ho di'ak hodi responde ba estudante sira nia problema sira no bele halo mudansa ne'ebé mak di'ak liután ba FCS, tanba ita boot sira mak sai hanesan matan no tilun ba estudante sira", dehan Estela.
Iha fatin hanesan Beatris de Araujo nu’udar votante rekomenda estrutura AAE-FCS tenki realiza programa sira ne'ebé aprezenta ona iha kampaña hodi bele promove di'ak liután kampus FCS.
"Ha'u rekomenda ba senadu foun FCS ne'ebé ami votante sira tau konfiansa hodi implementa duni programa sira ne'ebé aprezenta, nune'e bele promove liután estudante sira-nia kapasidade no mentalidade liu husi diskusaun, debate nsst, espera katak programa ne'ebé sira aprejenta bele implementa iha tempu badak", dehan Beatris.
Iha eleisaun ne’e partisipa husi votante 1.436, no distribui ba pakote I hetan votante hamutuk 97 (6,75%), Pakote II votante 153 (10,7%), Pakote III votante 422 (29,3%), Pakote IV votante 262 (18,2%), Pakote V votante 361 (25,1%), Pakote VI votante 133 (9,26%).
Média UNTL 
: Abrão do Rosario Soares ( estudante DCS)
: Abrão do Rosario Soares ( estudante DCS)Foto 
: Abrão&Zezinho&Francisco ( estudante DCS)
: Abrão&Zezinho&Francisco ( estudante DCS)- Detalhes
- Escrito por Mateus Goncalves
- Visualizações: 314
Universidade Nacional Timor Lorosa'e (UNTL ) nia Magnífiku Reitór, Profesór dr. João Soares Martins, MPH, Ph.D hamutuk ho Embaixadora Wang Wenly distribui bolsa-estudu ba estudante na'in sianulu resin haat (94), iha Auditóriu FECT-Hera, Díli (24/05).
Iha diskursu Reitór hatete, bolsa ne'e oferese ba estudante sira hodi estuda nune'e bele kontribui ba dezenvolvimentu Timor-Leste nian iha setor hotu, tanba bolsa ne'e oferese ba estudante sira ne'ebé valór di'ak no balu ne'ebé ekonomia la sufisiente hodi sustenta estudu inklui estudante nain haat ne'ebé hetan medalla kondekorasaun nu’udar vensedór ba desportu.
"Agradese ba bolsa ida-ne'e, husu estudante sira atu aproveita didiak hodi estuda, nune'e bele kontribui ba dezenvolvimentu nasaun nian iha setór hotu. Tanba bolsa ne'e oferese husi Embaixada Xina.
Lori naran universidade nian agradese profunda ba Governu Xina liuhusi nia embaixada no hein katak kooperasaun ne'e la'o nafatin ba oin, hodi kontinua apoiu ita-nia estudante sira, tanba kooperasaun ne'e signifikante tebes ba Timoroan sira", dehan Reitór.
Embaixadora Xina nian iha Timor Leste, Wang Wenly hatete, bolsa ne'e nu’udar programa ida husi Governu Xina nian, no fó parabéns ba estudante sira tanba liuhusi selesaun mak sira hetan bolsa ne'e.
"Ha’u kontente tebes hodi distribui bolsa ida-ne'e ba estudante sira no Governu Xina hakarak apoiu UNTL tanba UNTL nu'udar Universidade Públiku no úniku iha Timor-Leste. Ami hein katak estudante sira bele aproveita didiak hodi kontribui ba dezenvolvimentu Timor-Leste nian", tenik Embaixadora Xina.
Iha fatin hanesan Bolseira Rozalia Mónica Moruc, sente kontente bele selesiona mós ba bolsa refere, tanba selesiona tuir kritéria hanesan valór di'ak (3.00) ba leten no ba futuru sei esforsu atu mantein valor ne'ebé iha.
"Ha'u nu'udar benefisiária sente kontente tebes, tanba bele pertensia mós ba selesaun ida-ne'e no ba futuru, ha'u sei esforsu hodi mantein valór ne'ebé iha", dehan Estudante Faculdade de Direito ne’e.
Bolsa interna ne'e oferese ba estudante hamutuk na'in 94 kompostu husi méritu hamutuk na'in lima-nulu (50), bolsa kbiit laek hamutuk na'in haat-nulu (40) no bolsa espesial ba kondekoradu vensedór desportu hamutuk na'in haat (4).
Partisipa husi Proreitór ba Asuntu Kooperasaun nian, Profesór Tomé Xavier Jerónimo, Diretora Jerál ba Ensinu Superior no Siensia husi MESSK, Dra. Filomena Lay Guterres, Diretór Ezekutivu Fundu Dezenvolvimentu Kapitál Humanu (FCDH), Sr. Julio Aparicio, Visereitór, Proreitór, DiretórJerál, Dekanu, Dosente, Inan Aman husi Bolseiru sira no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Domingos Amaral
: Leonia de Araújo da Costa & Domingos Amaral- Detalhes
- Escrito por Mateus Goncalves
- Visualizações: 235
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D, ho estrutura enkontru ho Ministra Finansas, S.E. Santina Viegas Cardoso, iha Sala-Enkontru Ministériu Finansas, Aitarak-Laran, Díli (24/05), hodi diskuti kona-ba progresu universidade nian.
Diskusaun ne'e diskuti kona-ba progresu no dezenvolvimentu universidade nian. Aleinde ne’e parte UNTL mós aprezenta atividade peskiza no prosesu aprendzajen ba iha kursu Lisensiatura, Mestradu no Doutoramentu.
Partisipa husi, Visereitór, Proreitór, Diretór Jerál Servisu Apoiu Reitoria Sr. Jacinto H. S. Belo, Diretór Nasional Pagamentu Propinas, Sr. José Freitas Soares no ekipa husi Ministériu Finansas nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 278
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins,MPH, Ph.D hamutuk ho reprezentante Komandante Polísia Nasional Timor-Leste (PNTL) Muníspiu Díli atual II komandante Superintendente João Pires halo abertura ba formasaun Ordem Unidas, iha Kampus Sentral UNTL, Díli (24/05).Iha diskursu Magnífiku Reitór agradese ba Komandu Jeral liuhusi PNTL Munisípiu Díli nian, ne’ebé iha vontande di'ak atu bele mai vizita UNTL hodi haree oinsa halo Uniformizasaun ba eventu Isar Bandeira ne’ebé hala’o iha inísiu semana kada fulan.
“Espera liuhusi formasaun ne’e estudante no funsionáriu hotu bele iha disiplina no akompaña di'ak orientasaun ba formasaun estandarte no uniformizasaun ne’ebé fó husi Komandu PNTL ho ekipa sira ba atividade iha eventu nasional no Isar-bandeira nian”, dehan Reitór.
Iha fatin hanesan II Komandante Munisípiu Díli Superintendente Polísia João Pires, sente orgullu ho karta despaxu husi Komandu Jeral PNTL nian, hodi nomeia hela ofisial balu hodi fó treinamentu Ordem Unidas ba estudante no funsionáriu iha UNTL.
“Treinamentu ordem unidas ne’ebé ita fó hanesan ho polisia no forsa ne’ebe ita uza manual ba iha eventu nasional no Isar-Bandeira ho nune’e husu imi hotu bele akompaña no rona orientasaun husi formador sira hodi nune’e bele haklean liután imi-nia koñesimentu iha prosesu Isar-bandeira nian”, tenik Superintendente Pires.
Partisipa iha abertura formasaun ne’e Xefe ekipa Inspetór Afonso da Silva, membru PNTL, funisionáriu no estudante sira. Enkuantu hafoin abertura ne’e formasaun sei hala’o kada loron Sesta-feira durante semana ne’en.
Média UNTL : Eugenia De Jesus
: Eugenia De JesusFoto : Eugenia de Jesus & Domingos Amaral
: Eugenia de Jesus & Domingos Amaral- Detalhes
- Escrito por Mateus Goncalves
- Visualizações: 208
Universidade Nacional Timor-Lorosa'e (UNTL) nia Magnífiku Reitór Profesór dr. João Soares Martins MPH, Ph.D partisipa iha Workshop Validasaun: Padraun Kompeténsia no Kódigu Étika ba Médiku, ne'ebé organiza husi Asosiasaun Médiku iha Timor-Leste (AMTL) no apoiu husi US Agency for International Development (USAID), iha Hotel Timor, Díli (23/05).
Objetivu husi atividade ne'e atu garante ba sustentabilidade sistema saúde nian ne'e, hodi hasa'e koñesimentu médiku sira-nian liuliu padraun kódigu étika ba médiku sira iha Timor-Leste, tanba médiku sira-nia servisu importante tebes hodi tulun timoroan sira-nia vida saudável.
Oradór ba workshop ne'e, Sr. Raimundo dos Santos, husi Hospital Nacional Guido Valadares (HNGV) no partisipa husi General Development Office Director USAID Mission iha Timor-Leste, Sra. Rebecca Robinson, reprezentante husi MESSK nian, Dr. Edmundo Viegas, Diretór Jerál sira husi liña ministeriál, asosiasaun médiku sira iha Timor-Leste, Ospital referal husi kada munisípiu no postu-saúde sira, inklui klínika privada no parseiru sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa