Universidade Nacional Timor Lorosa’e (UNTL) nia Ekipa Futsal Mane partisipa iha tasa Comissão Função Pública 2024 nian, konsege halakon adversáriu ekipa husi Provedoria dos Direitus Humanus e Justiça (PDHJ) ho golu 12-2, liuhusi jogu ne’ebé hala’o iha kampu futsal, Ministériu Juventude, Desportu, Arte no Kultura (MJDAC) Lecidere, Díli (25/05).
Kompetisaun ne’e hala’o kada tinan hodi selebra aniversáriu Comissão Função Pública nian iha loron 15 fulan Jullu 2024 ba dala X, no tinan ida-ne’e komisaun organizadora husi Ministériu ba Asuntu Kombatentes Libertasaun Nasionál.
Antes ne’e ekipa futsal feto husi UNTL derrota kontra ekipa husi Presidénsial Konsellu Ministru ho Skor 7-3, iha jogu tuir mai ekipa mane sei hasoru nia adversáriu husi Ministériu Petroleum no Rekursu Minerais, no ekipa feto sei hasoru ekipa husi Grande Projetu.
Média UNTL : Agostinho da Cruz
Foto : Domingos Amaral