- Detalhes
- Escrito por Mateus Goncalves
- Visualizações: 278
Universidade Nacional Timor-Lorosa’e (UNTL), liuhusi Faculdade de Engenharia Ciência e Tecnologia realiza seremónia agradesimentu kondekorasaun ba profesór Doutór Enjeñeiru na’in sanulu resin rua (12) ne’ebé kondekora husi S.E Prezidente Repúblika José Manuel Ramos Horta ho Ordem de Timor-Leste grau medalla, iha loron 19 Maiu 2024.
Serimónia agradesimentu ne’e reprezenta Magnífiku Reitór no atuál Visereitór ba Asuntu Akadémiku no Garantia Kualidade Profesór Samuel Venâncio de Sousa Freitas, hato’o parabéns ba profesór na’in sanulu resin rua (12) ne’ebé hetan kondekorasaun.
“Lori Universidade nia naran hakarak hato’o parabéns ba profesór doutór sanulu resin rua ne’ebé hetan kondekorasaun husi Prezidente Repúblika ho orden Timor ne’e hanesan orgullu bot ba família, FECT nian liu-liu ba UNTL”, dehan Profesór Samuel iha Auditóriu FECT, Hera, Díli (23/05).
Visereitór mós hato’o mensajen ba profesór Doutor sira atu nafatin sai profisional, peskizador iha tripla misaun ne’ebé di’ak, tanba nasaun atu dezenvolve no sustentavel papél prinsipál maka kontribui koñesimentu ne’ebé iha ba nasaun.
Iha fatin hanesan reprezentante profesór sira ne’ebé hetan kondekorasaun Doutór Eng. Constâncio A. Pinto, hateten kondekorasaun ne’e oferese husi prezidente rasik, tanba iha UNTL husi FECT iha ona profesór doutór enjeñeiru.
“Kondekorasaun ne’ebé ami hetan ne’e Prezidente Republika rasik mak fó avaliasaun hafoin ami hasoru malu iha Palácio Prezidente Aitarak 2022 hodi informa kona-ba atu halo estaleru Naval no ró, tanba ne’e Prezidente rona Faculdade Engenharia iha ona profesór doutor enginheiro hamutuk sanolu resin rua (12) no prezidente husu submete dokumentu, nune’e iha loron 19 fulan maiu 2024 ami hetan kondekorasaun husi prezidenti”, dehan Prof. Constâncio.
Profesór Doutór kondekoradu na’in sanolu resin rua ne’e husi Departamento de Engenharia Mecánica na’in ualu (8) Departamento de Engenharia Civil na’in rua (2) no Departamento de Engenharia e Eletronica na’in rua (2).
Partisipa iha seremónia ne’e, Diretór Nasional sira, Dosente, Funsionáriu , Estudante, Amu Kapelaun Nivio Levre Fdcc, Família no konvidadu sira.
#TimorLeste #presidênciaRepública #UNTL #FECT 23 Maio 2024
Média UNTL 
: Domingos Amaral
Foto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 227
Universidade Nacional Timor Lorosa'e (UNTL) liuhusi Diresaun Nasionál Aprovizionamentu (DNA), públika rezultadu manan na’ain ba solicitação de Quotação kona-ba Fornesimentu Refeisaun (Catering Service ), Fornesimentu Material Eskritóriu, Servisu Dekorasaun, Produs Konvite no Baner ba Serimónia Graduasaun UNTL ba dala-Tolunulu.
Informasaun kompletu bele haree iha aneksu.
Media UNTL / DNA
- Detalhes
- Escrito por Mateus Goncalves
- Visualizações: 203
Universidade Nacional Timor Lorosa'e (UNTL) nia Magnífiku Reitór profesór dr. João Soares Martins, MPH, Ph.D hasoru malu ho Prezidente Autoridade Munisípiu (PAM) Díli nian, Sr. Gregorio da Cunha Saldanha, iha Gabineti PAM nian, Díli (22/05), hodi deskuti kooperasaun ba futuru.
Iha sorumutuk ne'e parte rua deskuti kona-ba oinsá kuidadu ambiente, kuda ai horis, konkserva bee, loke barajen ba produtu lokal no produsaun resiklajen inklui sítiu turístiku sira.
Sorumutu ne'e akompaña husi Visereitora ba Asuntu Estudantís, Profesora Lígia Tomás Correia, Diretór ba Sentru Nacional Investigasaun Sientífika (CNIC), José António Lourenço da Costa, Proreitór ba Asuntu Inspesaun Auditoria Kontrolo Kualidade nian, Rosalino Gomes, Diretór Jerál ba Apoiu Administrasaun Reitoria, Sr. Jacinto Belo no ekipa husi PAM nian.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 225
Universidade Nacional Timor Lorosa’e (UNTL) nia Chefe Departamento de Corelação do Processo Disciplinar (DCPD) Sr. Quintino da Costa, iha nia kna’ar fatin Kampus Sentral, DÍli (22/05) hatete, planu prioridade haat mak sei implementa iha tinan oin hanesan, 1) Kontrolu servisu funsionáriu UNTL, 2) Disemina konduta étika no Estatutu Funsaun Públika nian, (3) Implementa regra prosesu disiplinar (4) Rekapitulasaun ba lista presensa husi departamentu no diresaun sira kada fulan.
“Departamentu iha planu prioridade haat, maibé tinan ne’e seidauk bele realiza, tanba departamentu foin eziste fulan tolu. Dadaun ne'e sei iha hela fase elaborasaun, tinan oin ita bele implementa, tanba ami-nia servisu atu haree ba disiplina funsionáriu sira-nian iha UNTL”, dehan Quintino.
Xefe Departamentu ne’e hatutan, departamentu prosesu disiplinar ezisti atu fó asisténsia no kontrulu servisu funsionáriu sira-nian no halo koordenasaun ho Komisaun Funsaun Públika atu halo kontrolu ba pontualidade funsionáriu sira-nian iha servisu hodi nune’e funsionáriu sira bele kumpri sira-nia dever no la’o tuir regra estatutu funsaun públika nian.
"Departamentu sei halo koordenasaun ho Komisaun Funsaun Públika atu bele fó dalan bainhira funsionáriu balun komete iregularidade iha servisu fatin, ita bele fo sansaun bazeia ba baze legal ne’ebé iha nomós desimina dekretu lei sira ne’ebé iha, ba funsionáriu públiku sira atu bele halo tuir. Espera katak iha tinan oin planu hirak ne’e sei implementa atu nune’e bele garante servisu funsionáriu sira-nian diak liután", tenik Xefe Quintino.
Média UNTL : Mario Jonio Mendonça
: Mario Jonio MendonçaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 232
Universidade Nacional Timor Lorosa'e (UNTL), liuhusi Proreitoria ba Asuntu Dezenvolvimentu Institusionál (PRADI) nia Jestór Projetu Enjeñeru Fernão Reis, M.Eng, iha Kampus Sentrál UNTL nian, Díli (21/05), hateten, konstrusaun ba edifísiu foun Instituto Nacional de Linguística (INL) nian ne’ebé lokaliza iha Liceu atinje ona pursentu 15,23 % konstrusaun ne'ebé responsabiliza husi kompañia DwiponggoBeeFetoTata, JV.
Enjeñeru Fernão hateten, obra refere atinji ona 15,23 % iha fulan Maiu ne’e no projetu konstrusaun edifísiu INL ne’e tarde, tamba movimentu ba fatin ho espasu ne’ebé ladun sufisiente.
“Projetu konstrusaun ne’e tarde, tanba movimentu ba fatin ho espasu ne’ebé ladun sufisiente ho nune’e ami konsege komunika ho kompañia sira hodi buka solusaun ba fatin atu bele rai sira-nia material no ekipamentu nune’e sira bele hala’o servisu”, dehan Fernão.
Relasiona ho progresu ne’e, Jestór Projetu Azi Ageng Riyadi, hateten konstrusaun ba edifisiu INL iha UNTL nia progresu iha fulan ne’e atinji ona 15,23%, espera katak iha fulan Novembru tinan ne’e bele remata ona konstrusaun ne’e.
“Durante konstrusaun ne’e ami hetan dezafiu mak hanesan material no ekipamentu sira ne’ebé ita atu rai espasu ladun sufisiente ho nune’e ita tenki halo servisu neneik ho nune’e ami husu ba parte UNTL bele fó tan fatin ba ami hodi bele rai ekipamentu no material konstrusaun nian, nune’e ba oin ami sei esforsu nafatin hodi remata projetu refere tuir kontratu ne’ebé iha”, hateten Jestór.
Média UNTL : Eugenia de Jesus
: Eugenia de JesusFoto : Denilson Amandio Barros
: Denilson Amandio Barros