- Detalhes
- Escrito por Mateus Goncalves
- Visualizações: 185
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D, halo abertura ba Workshop Akadémiku I Edisaun (2024) ho tema" Insucesso e Abandono Escolar na UNTL: Causas e Medidas de Mitigação e Soluçoes" iha Auditóriu FECT Hera, Díli (04/06).
Reitór hatete, diskusaun ne'e importante atu parte hotu bele tau hanoin hamutuk ho estratéjia nune'e bele solusiona no redús tempu estudu ba estudante sira tuir regra universidade nian.
"Ha’u fiar katak, liuhusi workshop ne'e bele hetan solusaun ne'ebé di'ak no husu ba fakuldade ida-idak atu ezerse papél ho disiplina, rigor no hatudu servisu ne'ebé di'ak, ida-ne'e mos sai hanesan sasukat ida ba iha avaliasaun ANAAA nian ba universidade", dehan Reitór.
Workshop ne'e, organiza husi Gabinete Visereitoria ba Asuntu Akadémiku no Garantia Kualidade, no partisipa husi, Visereitór, Proreitór, Diretór Jerál, Diretór Nasional, Dekanu, Vise-Dekanu, Diretór Departamentu, Dosente no Funsionáriu sira.
Média UNTL 
: Denilson Amandio Barros
: Denilson Amandio BarrosFoto 
: Mario J. Mendonça
: Mario J. Mendonça- Detalhes
- Escrito por Mateus Goncalves
- Visualizações: 271
Universidade Nacional Timor Lorosa'e (UNTL) liuhusi Diresaun Nasionál Aprovizionamentu (DNA), fó hatene ba Vendor/Suplier sira ne’ebé iha interese atu bele mai foti dokumentu kona-ba; Manutensaun Edifísiu no Laboratóriu (FAGRI), Manutensaun Edifísiu Polo Universitáriu Lospalos no Ainaro, Forñesimentu Mobiliariu ba UNTL, Forñesimentu Ekipamentus Informátiku ba UNTL no Forñesimentu no Instalasaun AC ba UNTL.
Husu bá Vendor/Suplier sira ne'ebé interese atu bele mai foti dokumentu iha Diresaun Nasionál Aprovizionamentu (DNA) UNTL nian iha oras servisu.
Informasaun kompletu bele haree iha aneksu.
Média UNTL / DNA
- Detalhes
- Escrito por Mateus Goncalves
- Visualizações: 289
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D simu delegasaun husi Universitas Airlangga, Indonésia, iha Kampus Sentral, Díli (29/05), hodi diskute klean liután kona-ba kooperasaun ne’ebé la’o tiha ona iha 2022, liga ba ensinu, peskiza no servisu komunitáriu.
Iha entrevista Reitór UNTL hatete, prezensa husi delegasaun UNAIR ne’e ba dala rua ona, ne’ebé antes ne’e mai halo akordu hodi halo servisu hamutuk iha área oi-oin ne’ebé liga ba servisu instituisaun rua ne’e nian.
“UNTL ho Universitas Airlangga, ita servisu hamutuk ona iha tinan ida ba kotuk, liuhusi servisu hamutuk ne’e ninia intensivu makaas tebes, tanba UNTL mós ba Airlangga no Airlangga mai UNTL.
Iha área barak loos mak ita bele servisu hamutuk, komesa husi estudu doutoramentu, Enjeñaria, Agrikultura, Saúde Públiku, ida ne’ebé kesi metin liu ita mak Dezenvolvimentu Komunitáriu”, hatete Reitór.
“Ami-nia delegasaun husi Universitas Airlanga atu promove programa Dezenvolvimentu Komunitáriu, tanba durante ne’e UNTL ho Universitas Airlangga iha ona memorandu, no ohin ami nia prezensa atu kontinua servisu hamutuk hodi reforsa liután parte akadémika no servisu komunitáriu nian”, hateten Dr. Yanuardi.
Koordenadór ne’e hatutan, delegasaun hirak ne’e mai husi área oioin atu promove programa dezenvolvimentu komunitáriu nian hanesan fahe esperiénsia ba estudante sira iha UNTL no komunidade sira iha universidade ne’e nia laran.
Partisipa iha sorumutu ne’e Visereitór, Proreitór, Dekanu, Dosente no Koordenadór Delegasaun Yanuardi di Raharjo ho nia ekipa.
Média UNTL : Agostinho da Cruz
: Agostinho da CruzFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 311
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D, fó apresisaun ba universidade nia Profesór Doutór na’in 13 ne’ebé hetan ona kondekorasaun husi Prezidente Repúblika, liuhusi diskursu iha serimónia Isár Bandeira fulan Maiu nian ne’ebé lokaliza iha Kampus Faculdade de Educação, Artes e Humanidades (FEAH), Díli (03/06).
“Ita tenki hato’o parabéns ba ita-nia profesór Doutór na'in 13 ne’ebé mai husi Faculdade de Engenharia Ciência e Tecnologia (FECT) 12 no na’in ida husi Faculdade de Ciências Sociais ne’ebé mak hetan kondekorasaun husi Estadu Timor-Leste.
Ba profesór sira seluk ne’ebé seidauk labele laran taridu, tanba prezidente iha nia kritéria rasik nune’e hau fiar katak ba oina Profesór sira iha UNTL barak mak sei hetan kondekorasaun”, hateten Reitór.
Profesór João mós husu ba estrutura FEAH no estudante sira atu tau matan ba konstrusaun edifísiu foun INL nian ne’ebé dadaun konstrui hela nune’e kompaña bele aselera konstrusaun tuir tempu ne’ebé mensiona iha kontratu.
Iha Isár-Bandeira ne’e korpu-isar bandeira no korru responsabiliza husi Faculdade de Educação Artes e Humanidades.
Partisipa másimu husi estrutura UNTL, Dekanu Fakuldade ho nia Estrutura, Dosente, Funsionáriu no estudante sira.
Média UNTL : Agostinho da cruz
: Agostinho da cruzFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 311
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D partisipa iha diskusaun kona-ba Esbosu Lei Baze ba Ensinu Superiór ne'ebé lidera husi Prezidente Komisaun G ne'ebé trata asuntu Edukasaun, Juventude, Kultura no Sidadania, Deputadu Armando dos Santos Lopes, iha edifísiu Institutu Apoiu Dezenvolvimentu Empresaria (IADE), Liquiça (31/05).
Diskusaun entre Komisaun G ho MESSK no Reitór sira husi Universidade Públiku, Privadu no Institutu sira hotu hodi deskuti kona-ba Esbosu Lei Baze Ensinu Superiór nian, nune'e MESSK bele iha hodi kontrola di'ak liután mandamentu universidade no institutu sira iha Timor-Leste.
Diskusaun ne'e lidera husi Prezidente Komisaun G no akompaña husi Vise-Prezidente Deputadu Gabriel Soares no Secretário da Mesa Comissão, Deputadu Mateus da Cruz de Carvalho no partisipa husi membru komisaun G nian, Deputadu Firmino Taequi, Deputada Sancia Florência Paixão Bano, Deputadu Marquita Soares, no Magnífiku Reitór sira husi universidade públika, privadu no institutu sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa