- Detalhes
- Escrito por Mateus Goncalves
- Visualizações: 203
Universidade Nacional Timor Lorosa'e (UNTL) nia estudante Faculdade de Medicina Ciência da Saúde (FMCS) kontribui no arranja rasik ekipamentu báziku sira hodi kompleta fasilidade ne’ebé universidade no parseiru sira prepara ona, nune’e bele uza ba hala'o prátika iha kampus.
Tuir Dekana FMCS nian, Profesora Lídia Gomes hatete, estudante sira arranja rasik ekipamentu báziku sira hanesan daun sona ema, seringa, vitamina hodi apoiu sira-nia prátika iha aula laran antes ba prátika iha sentru saúde sira.
"Estudante sira arranja rasik ekipamentu báziku sira hanesan, daun sona ema, seringa, no vitamina hodi apoiu deit prátika iha aula laran, maibé doadores sira mak apoiu ekipamentu boot sira ne'ebé iha laboratóriu hanesan manekin no seluk tan, ami mós esforsu hela atu sosa tan ekipamentu báziku sira hodi apoiu di'ak liután sira nia prátika", dehan Dekana FMCS.
Reprezentante estudante Lizeti Tailala Laranjinha Simões husi estudante Eskola Superior Enfermajen hatete, sira prepara duni ekipamentu báziku sira hodi uza ba prátika, tanba ne'e husu ba universidade atu apoiu ekipamentu báziku sira-ne'e hodi tulun liután sira-nia prátika.
"Ami arranja rasik ekipamentu bázika sira hanesan, daun sona ema, saringa no vitamina hodi prátika de'it iha kampus, tanba ne'e husu ba universidade bele apoiu mós ekipamentu báziku sira-ne'e hodi tulun ami-nia prátika ne’ebé di’ak liután", dehan Lizeti.
Média UNTL 
: Mario Jonio Mendonça
: Mario Jonio MendonçaFoto
: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 266
Universidade Nacional Timor Lorosa'e (UNTL), nia Diretór Nasional Atendimentu Estudante (DNAE), Sr. Rui Loco Pires, iha Kampus Sentral, Díli (18/06), hateten, universidade sei realiza graduasaun iha semestre impár 2024 ne’e ba finalista hamutuk rihun ida atus hitu ruanulu resin ualu (1728).
"Ita sei halo graduasaun ba finalista hamutuk 1728 no dadaun ne'e DNAE sei hein hela despaxu ba Dipploma Ministerial husi MESSK (Ministériu Ensinu Superiór Siénsia no Kultura) no espera katak ita bele halo graduasaun iha fulan Jullu tinan 2024", dehan Diretór DNAE.
Totál graduandu 1728 ne’e kompostu husi Faculdade de Agricultura (127), Faculdade de Engenharia Ciência e Tecnologia (323), Faculdade de Educação Artes no Humanidades (521), Faculdade de Medicina e Ciência da Saúde (291), Faculdade de Ekonomia e Gestão (94), Faculdade de Direto (64), Faculdade de Ciências Sociais (200), Faculdade de Filosofia e Ciências Humanas (52), Faculdade de Turismo Artes Indústrias Criativas e Culturais (43), inklui Mestradu no Pós-Graduasaun (13).
Média UNTL : Denilson Amandio Barros
: Denilson Amandio BarrosFoto : Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 284
Universidade Nacional Timor Lorosa’e (UNTL) nia Proreitór ba Asuntu Informatizasaun, Transformasaun Dijital no Inovasaun (PRAITDI), Profesór Frederico Soares Cabral, S.Kom, M.Eng, iha Kampus Sentral, Dili (13/06) hatete, dadaun ne’e UNTL implementa ona Sistema Informasaun Akadémika (SIA) ba Fakuldade no Sistema Gestão Patrimonio (SGP) ba Diresaun Nasional Lojístika no Manutensaun(DNLM).
“Agora dadaun ami halo hela sosializasaun ba fakuldade haat mak hanesan FEAH, FMCS, FCE no FADIR hodi implementa Sistema SIA iha semester par 2024, nune’e iha tinan oin mai espera katak bele implementa SIA iha fakuldade 10. Ne’e kompleta ona atu fasilita dosente no estudante sira bele asesu ona ba sistema dijitalizasaun akadémika nian”, dehan Proreitor.
Profesór Frederico hatutan tan, alende sistema SIA kria mós sistema Jestaun Património hodi jere Património UNTL nian no iha tinan ida ne’e apoiu mós Servisu Sistema Jestaun Biblioteka ne’ebé dadaun ne’e la’o hela no esforsu bele remata iha fulan ne’e.
“Servisu sira ne’e PRAITDI no DNIT servisu hamutuk iha sistema dijitalizasaun ne’e no apoiu mós liña internet ba diresaun sira no husu atu aumenta tan rekursu, tanba rekursu ne’ebé iha la sufisiente hodi atende servisu dijilizasaun iha fakuldade sira”, dehan.
Média UNTL : Eugenia de Jesus Guterres
: Eugenia de Jesus GuterresFoto : Laurindo da Cruz
: Laurindo da Cruz- Detalhes
- Escrito por Mateus Goncalves
- Visualizações: 210
Universidade Nacional Timor Lorosa’e (UNTL) liuhusi Proreitoria ba Asuntu Dezenvolvimentu Instituisional (PRADI) nia Jestór Projetu Enjeñeru Fernão Reis, M.Eng, iha Kampus Sentrál UNTL nian, Dili (18/06), hateten, reabilitasaun Auditóriu Faculdade de Ciências Sociais (FCS) nian ne’ebé lokaliza iha Kampus Kaikoli atinje ona pursentu 100% reabilitasaun ne’ebé responsabiliza husi Kompañia NELTIFER UNIPESSOAL LDA.
“Projetu reabilitasaun auditóriu FCS ne’e tarde, tanba sasan sira ne’ebé ita sosa husi Indonesia to’o mai tarde, maibé agora konsegue atinje ona 100%. Aleinde ne’e, ita presija resolve asuntu tékniku balun nune'e bele halo inspesaun ikus antes entrega", dehan Fernão.
Relasiona ho reabilitasaun ne’e kompañia hahú servisu iha 26/10/2023 no tuir planu remata iha 26/05/2024, maibé tamba kestaun tékniku sei prolonga tan hodi halo inspesaun no entrega.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes /Arkivu PRADI
: Laurindo da Cruz Gomes /Arkivu PRADI- Detalhes
- Escrito por Mateus Goncalves
- Visualizações: 250
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D fó posse ba estrutura Asosiasaun Akadémika Estudantís Fakuldade (AAEF) na’in tolu nulu (30) ba Períodu (2024-2026) ne’ebé organiza husi Gabinete Visereitoria ba Asuntu Estudantís, iha Kampus Sentral, Díli (07/06).
Iha diskursu Reitór agradese ba estrutura AAEF tuan nomós ba Visereitora Asuntu Estudantís ne’ebé mak diriji no akompaña nafatin Asosiasaun Akadémika Estudantís Fakuldade sira no bele realiza tomada de posse ba estrutura foun ba períodu 2024-2026.
“Parabéns ba esturutura foun ba períodu 2024-2026, husu ba imi hotu prontu atu simu responsabilidade ida-ne’e hanesan dalan di'ak ida ba imi, tanba ho koñesimentu ne’ebé imi iha sai hanesan bukae no baze ba imi nune’e bele sai mós lideransa iha futuru”, dehan Reitór.
Reitór mós husu ba estrutura AAEF foun sira hotu, nafatin estuda no kria ambiente amigável no saudável iha Universidade atu nune’e bele alkansa misaun universidade nian iha tripla misaun ba iha ensinu, peskiza no servisu komunitária nian.
Iha fatin hanesan AAEF emposadu foun Cesar João M. Baptista hatete, ohin ofisialmente simu posse hodi substitui knaar hanesan Asosiasaun Akadémika Estudantís Fakuldade (AAEF) ba Períodu 2024-2026 no termu de posse ne’e hanesan konseitu jurídika ne’ebé hateten, knaar ida ne’e la permanente no temporaria deit ho nune’e nafatin kontinua servisu ne’ebé iha ona.
“Lori Estrutura AEEF foun hakarak agradese ba Magnífiku Reitór, Visereitora ho nia estrutura no senadu sesante konsege realiza tomada de posse ba períodu 2024-2026, hodi asume responsabilidade ida-ne’e kompromete no defende estudante sira-nia direitu tuir Estatutu Asosisaun Akadémika nian.
Asosiasaun mós sei prontidaun tomak atu servisu hamutuk ho sivitas akadémika ne’ebé integra iha UNTL hodi apoiu programa sira ne’ebé iha benefísiu di'ak ba estudante iha tripla pilár akadémika nian”, dehan Cesar, Prezidente AAEF husi Fakuldade de Direitu.
Média UNTL : Eugenia de Jesus Guterres
: Eugenia de Jesus GuterresFoto : Mario Jonio
: Mario Jonio