- Detalhes
- Escrito por Mateus Goncalves
- Visualizações: 232
Universidade Nacional Timor Lorosa’e (UNTL) konstrui kantina foun ba sívitas akadémika UNTL nian, iha kampus sentral hodi hatan ba preokupasaun estudante, dosente no funsionáriu sira atu bele asesu ba matabisu ka almosu bainhira presiza.
Diretór Diresaun Nasionál Reseitas (DNR), Mateus Amaral, iha nia knar fatin Liçeu, Díli (19/06) hateten, konstrusaun ba kantina foun iha kampus sentral finaliza ona husi kompañia no entrega ona xave ba parte universidade dadaun ne’e seidauk bele utiliza, tanba sei presiza instala prepagu ba kada espasu/stand.
“Obra ne’e kompañia finaliza entrega ona ba parte UNTL, maibé, tanba Visereitór ba Asuntu Administrasaun no Administradór Jeral sujere atu instala prepagu kada espasu/stand, ho nune’e ita halo ona proposta ba EDTL no sira mai ona halo levantamentu dadus”, dehan.Diretór ne’e mós akresenta, depois instala ona prepagu mak UNTL sei loke konkursu ba empreza ne’ebé iha interese atu halo negósiu iha kantina refere.
Média UNTL 
: Agostinho da Cruz
: Agostinho da CruzFoto
: Ekipa Demcom
: Ekipa Demcom- Detalhes
- Escrito por Mateus Goncalves
- Visualizações: 229
Universidade Nacional Timor Lorosa'e (UNTL) nia Dekanu Faculdade de Ciências Sociais (FCS) Dr. Alarico da Costa Ximenes ho Ambassador of Japan to Asean, Mr. KIYA Masahiko abertura semináriu ho tema "Asean as an opportunity for Timor-Leste Partners Countries and Perspective", iha salaun Ministério da Justiça, Colmera, Díli (19/06).
Objetivu husi semináriu ne'e, atu suporta Timor-Leste sai nu'udar membru ba Asean, hasa'e koñesimentu estudante nian kona-ba dinamizmu no relasaun entre parseiru externa sira no nu'udar mos oportunidade ba estudante sira atu hato'o sira-nia observasaun kona-ba dezafiu no oportunidade ne'ebé aprezenta husi membru sira ASEAN nian.
Painelista ba semináriu ne'e, Ambassador of Japan to Asean, Mr. KIYA Masahiko, Ambassador of the Republic of Korea to Asean, Mr. LEE Jangkeun, Ambassador United States of America to Asean, Mr. Yohanes Abraham no modera husi Diretora Departamento Relação Internacional, Profesora Mica Barreto.
Atividade refere realiza husi Departamento de Relação Internacionais (DRI) hamutuk ho Embaxadór Japan iha Timor-Leste.
Partisipa husi Proreitór ba Asuntu Kooperasaun nian, Profesór Tomé Xavier Jerónimo, Diretór Sentru Formasaun Avansada nian, Profesór Apolinario Magno, ekipa husi embaxada tolu, dosente, estudante, no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Denilson Barros
: Leonia de Araújo da Costa & Denilson Barros- Detalhes
- Escrito por Mateus Goncalves
- Visualizações: 223
Universidade Nacional Timor Lorosa’e (UNTL) nia Diretór Nasional Rekursu Humanu (DNRH) Câncio Monteiro, Dr.Eng, iha Kampus Sentrál UNTL nian, Díli (18/06) hatete, tuir mapamentu funsionáriu nian ne’ebé halo ona iha tinan kotuk, hatudu katak presiza koloka tan vokal point iha kada fakuldade atu apoiu atendimentu servisu administrasaun nian.
‘’Ita UNTL hanesan instituisaun akadémika, nune’e servisu universidade nian konsentra iha sentrál, maibé forsa-traballu boot iha fakuldade nune’e presiza aumenta tan vokal point sira husi universidade ba iha fakuldade atu bele tulun servisu iha fakuldade, liuliu iha atendementu no responde ba nesesidade eskritóriu no operasional nian’’, dehan Diretór DNRH.
Diretór ne’e hatutan, mapamentu funsionáriu ne’ebé halo iha tinan kotuk nia relatóriu apresenta ona ba iha Konsellu Jestaun no fó ona apresiasaun no presiza tau atensaun ba fakuldade sira, tanba iha universidade sentrál ne’e hanesan jere de’it, maibé nesesidade hanesan prosesu aprendizajen ne’e iha fakuldade nune’e presiza tau prioridade ba atendementu servisu administrasaun iha fakuldade.
Média UNTL : Laurindo da Cruz Gomes
: Laurindo da Cruz GomesFoto : Mario Jonio Martins
: Mario Jonio Martins- Detalhes
- Escrito por Mateus Goncalves
- Visualizações: 233
Universidade Nacional Timor Lorosa’e (UNTL), nia estudante husi Faculdade Ciências Sociais (FCS) no Faculdade de Direito (FADIR), partisipa iha konferénsia públika ho tema “Inteligência Artificial e Responsabilidade Civil” iha Kampus Kaikoli, Díli (19/06).
Iha entrevista Dekanu FCS Profesór Dr. Alarico da Costa Ximenes, hatete, liuhusi konferénsia ne’e atu fahe informasaun ba estudante sira no aumenta estudante sira-nia koñesimentu kona-ba oinsa funsionamentu intelijénsia artifisial no responsabilidade sivíl.
“Iha Timor-Leste ita seidauk iha regra ou lei kona-ba intelijénsia artifisiál tan ne’e liuhusi konferénsia ne’e bele fahe informasaun ba públiku sira atu bele komprende funsionamentu intelijénsia artifisial ne’e, nune’e ajuda ita iha futuru atu bele utiliza dadus sira ho didiak atu nune’e ema la bele hatene privasidade ita-nian”, dehan Dekanu FCS.
Iha fatin hanesan oradora Profesora Auxiliar Dra. Isabel Mousinho de Figueiredo husi Universidade de Macau, hatete, mundu ohin loron hasoru problema intelijénsia artifisial iha mós oportunidade barak atu halo, maibé eziste mós perigu sira.
“Husu ba estudante sira atu estuda makas no kuriosidade atu aprende no aprende la’ós de’it atu konkista títulu lisensiadu, maibé kontinua nafatin estudu hodi komprende siénsia intelejénsia artifisial nune’e bele haklean koñesimentu”, tenik Isabel.
Iha fatin hanesan estudante husi Departamentu Sosiolojia, Ediana de Jesus da Costa, senti kontenti, tanba liuhusi konferénsia ne’e bele aprende no komprende tan kona-ba intelijénsia artifisial no responsabilidade sivíl.
“Ha’u espera liuhusi matéria ne’ebé mak ohin oradora fahe ne’e sai hanesan bukae ida ba ha’u no ha’u sei partilla fali informasaun ne’e ba kolega no komunidade sira kona-ba lalaok intelijénsia artifisial no responsabilidade sivil”, dehan Ediana.
Konferénsia refere organiza husi Sentru Estudu Avansadu no partisipa husi, Dekanu, Visedekanu, Diretor Sentru Avansadu, Profesór Apolinario Magno, Dosente, Funsionáriu no estudante sira.
Média UNTL : Mario Jonio Mendonça
: Mario Jonio MendonçaFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 210
Universidade Nacional Timor Lorosa'e (UNTL), nia Proreitór ba Asuntu Kooperasaun (PRAC) Profesór Tomé Xavier Jerónimo, reprezenta Magnífiku Reitór simu vizita husi Director Deputy Managing, International Cultural Communication Center Malaysia (ICCCM), Benjamin Leong, iha Sala-Videokonferénsia UNTL nian, Díli (19/06).
Partisipa husi Funsionáriu Proreitoria ba Asuntu Kooperasaun nian no ekipa ICCCM nian no ekipa MESSK nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros