- Detalhes
- Escrito por Mateus Goncalves
- Visualizações: 176
Iha vizita ne'e parte rua koalia kona-ba kooperasaun ne’ebé realiza ona liuhusi Memorandu Entendimentu (MoU) ne'ebé antes ne'e halo ona, nune'e ba oin bele implementa atividade. Aleinde ne'e mós parte rua diskuti kona-ba atu halo kapasitasaun formasaun ba dosente no estudante.
Partisipa husi Proreitór ba Asuntu Kooperasaun, Profesór Tomé Xavier Jerónimo, Dekanu Faculdade de Agricultura, Profesór Dr. Vicente de Paulo Correia no ekipa husi Coral Triangle Initiative.
Media
: Denilson Amandio Barros
: Denilson Amandio BarrosFoto
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 175
Universidade Nacional Timor Lorosa’e (UNTL) nia Direção Geral dos Serviços de Apoio à Reitoria (DGSAR) hamutuk ho Departamento de Língua Português-FEAH liuhusi parseria ho Universidade do Porto (UP), realiza semináriu "A Diáspora das Vogais do Português: Mais Perto do que Pode Parecer", iha, Kampus Sentral UNTL nian, Díli (28/06).
Semináriu ne’e hala’o hodi konvida Profesór Doutor João Veloso, Professor Catedrático husi Faculdade de Letras da Universidade do Porto (Portugal PT), hodi partilla kona-ba diferensa sira iha sistema vogál no prosesu fonolójiku entre variedade prinsipál sira portugés nian.
Aleinde ne’e analiza fenómenu sira hanesan redusaun vokalizmu la ho asentu iha Portugés Europeu no armonia vogál iha portugés brazileiru, hodi esplora sira-nia relevánsia hodi distinge entre variedade linguístika.
Partisipa husi Profesór Dr Benjamin de Araújo e Corte-Real, Diretór departamentu sira, konvidadu no estudante sira.
Media: Altur Ramos
: Altur RamosFoto: Altur Ramos
: Altur Ramos- Detalhes
- Escrito por Mateus Goncalves
- Visualizações: 158
Universidade Nacional Timor Lorosa’e (UNTL) nia Reitór Interinu no atuál Visereitór ba Asuntu Akadémika no Garantia Kualidade Profesór Dr. Samuel Venâncio de Sousa Freitas reprezenta Magnífiku Reitór Profesór dr. João Soares Martins MPH, Ph.D, hodi prezidi Isár Bandeira fulan Jullu nian, iha Kampus Sentral UNTL nian, Díli (01/07).
Iha diskursu Prof. Dr. Samuel husu ba sívitas akadémika atu kuida didiak ida-idak nia saúde liuliu parte psikolójiku nian, tanba servisu iha instituisaun dala barak hasoru difikuldade oioin maibé presiza esfosu hodi hala’o servisu tuir knaar ne’ebé iha.
“Lala’ok vida ne’e akontese, tanba ne’e kuidade didiak ita-nia saúde liliu ita nia bem star psikolójiku tanba servisu iha instutisaun, dala barak hanoin no hakarak lahanesan halo ita dezanimadu, maibé ita tenke hala’o duni ita-nia knaar ba di’ak instituisaun nian liuliu UNTL no hodi kontribui ba Timor-Leste”, Profesór Samuel.
Reitór Interinu ne’e hatutan, atu halakon hanoin barak ne’e iha buat rua ba dahuluk partisipa iha isár bandeira, tanba bele refleta ba fali buat ne’ebé eroi sira halo ba ukun rasik.
"Ita hotu iha universidade ne’e hanesan ekipa ida, team ida, tanba hakarak atu atinji objetivu ida, liuhusi idaidak nia papel hanesan dosente, funsionáriu no estudante”, dehan Prof. Samuel.Fonte ne’e mós agradese ba Faculdade de Filosofia e Ciências Humanas ne’ebé organiza Korpu-Isar Bandeira, Korru no Komandante-Parrada.
Eventu refere partisipa husi Visereitór, Proreitór, Diretór Nasionál, Xefe Departamentu, Funsionáriu no estudante.
Média UNTL: Agostinho da Cruz e Silva
: Agostinho da Cruz e SilvaFoto: Laurindo da Cruz & Domingos Amaral
: Laurindo da Cruz & Domingos Amaral- Detalhes
- Escrito por Mateus Goncalves
- Visualizações: 171
Universidade Nacional Timor Lorosa’e (UNTL) liuhusi Faculdade de Ciências Sociais, Departamento de Comunicação Social (DCS) nia estudante na’in-limanulu resin tolu (53) partisipa iha formasaun báziku operasaun kámera no foti imajen no vídeo, iha Laboratóriu Multimedia DCS nian, Kaikoli, Díli (1/07).
Diretor DCS nian, Mestre Roberto da Costa Pacheco hateten, formasaun ida-ne'e importante ba estudante sira atu nune'e bele tulun sira iha kareira liu-liu iha vida Jornalismu nian, liuliu operasaun kámera no foti imajen to’o produsaun video.
"Formasaun ne’e durante loron lima (1-5) tanba ne’e, ita bo'ot sira iha previlejiu bo'ot tebes hodi tuir formasaun ida-ne'e tanba, ita hetan iha aula laran maibé teoria mak barak liu, maibé imi estudante sira bele hetan iha formasaun ida-ne'e atu fundamenta liután prátika operasaun kámera no foti imajen to’o produsaun video.
Hanesan diretór husu ita bo'ot sira tenki partisipa no toma atensaun, tanba formasaun ne'e ajuda tebes ita bo'ot sira ba aban-bainrua bele aplika iha servisu ruma relasiona ho área Jornalizmu nian", dehan Diretór.
Iha sorin seluk Mestre Abilio Fonseca Soares nu’udar formador hateten, liuhusi foramasaun ida ne'e, estudante hirak ne'ebé tur iha banku universitariu iha potensialidade hodi aprende, no sira mós aprende teoria to'o iha prátika, kona-ba teknika oinsá bele kaer kamera no halo entrevista ba fonte sira iha terenu.
"Kria formasaun ne'e ho hanoin ida katak, estudante sira ne’ebé oras ne'e tur iha banku univeritariu iha potensialidade no iha talentu ne'ebé di'ak tebes hodi apriende tanba ne'e maka ami ne'ebé hetan oportunidade aprende iha rai liur (Sidney University of Tecnology) bele fahe fila-fali ami-nia esperiénsia ba sira.
Liuhosi formasaun ida-ne'e observa katak estudante sira iha vontade hakarak aprende hamutuk kona-ba oinsa bele hatene hodi utiliza Kámera Video Báziku nian atu nune'e bele ajuda estudante sira wainhira tun iha terenu hasoru fonte sira", dehan Formadór Soares.
Estudante Inocéncia M. Da Costa dehan konteúdu ne’ebé hetan relevante tebes liu-liu área Departamento Comunicação Sosial nian no bele tulun sira iha teknika utilizasaun kámera no halo entrevista.
"Ha'u hanesan estudante senti formasaun ne'e di'ak no relevante tebes liu-liu ba ami-nia área Departamento Comunicação Social nian, no tulun tebes ami iha tékniku uza kámera, monta kamera, foti Imajen no video, ko'alia ho ita-nia fonte sira iha terenu", hatutan Inocencia.
Media: Elizita Fernandes (Estajiária)
: Elizita Fernandes (Estajiária)- Detalhes
- Escrito por Mateus Goncalves
- Visualizações: 192
Universidade Nacional Timor Lorosa’e (UNTL) liuhusi Gabinete Visereitoria ba Asuntu Estudantís servisu hamutuk ho UN Women no FOKUPERS fó treinamentu ba estudante sira ho tema ‘’Hasa’e Kapasidade Pessoál UNTL hodi Responde ba Asédiu Seksuál no Violénsia bazeia ba Jéneru iha Universidade’’ iha Kampus-FEG nian, Díli (28/06).
Objetivu husi treinamentu ne’e atu bele aumenta abilidade no koñesimentu funsionáriu no estudante sira-nian kona-ba oinsa atu bele responde ba hahalok asediu seksuál no violénsia bazeia ba jéneru iha UNTL.
Atividade refere realiza hodi refleta ba Inisiativa Kampus Seguru nian, nune’e bele livre ba estudante sira atu estudu no livre mós ba funsionáriu no dosente hodi halo sira nia knaar iha universidade.
Treinamentu ne’e partisipa husi funsionáriu sira, Senadu Akadémiku Estudantís Fakuldade sira inklui estudante sira fasilita husi FOKUPERS ho nia treinadór mak Sr. Alberto Piedade.
Média UNTL: Laurindo da Cruz Gomes
: Laurindo da Cruz GomesFoto: Laurindo da Cruz Gomes
: Laurindo da Cruz Gomes