- Detalhes
- Escrito por Mateus Goncalves
- Visualizações: 229
Universidade Nacional Timor Lorosa’e (UNTL) nia Profesór Dr. Ananias Barreto husi Faculdade Economia e Gestão (FEG) liuhusi Oratio Sapientia iha graduasaun UNTL nian ba dala XXX, iha Jinaziu (GMT), Díli (12/07) hateten, graduadu sira tenki dezempeña pápel profisionál ba dezenvolvimentu sustentável nasionál.
“Graduadu sai hanesan pilar fundamentál ba dezenvolvimentu sustentável nasaun nian, tanba ne’e ita bo’ot sira tenki dezempeña papél profisionál ba dezenvolvimentu sustentável liuhusi siénsia ne’ebé idadiak hetan hodi defende direitu komunidade nian.
Ba ita-boot sira hotu nu’udar Graduadu UNTL nian iha papél hodi proteje ekosistema no kontribui koñesimentu signifikativa ba sosiedade ida justa próspera no resilente”, dehan Profesór Ananias ho tema oratio “A formação dos graduados com excelência caracter e visão global são os promotores efetivos para o desenvolvimento sustentável nacional”.
Atual Visedekanu ba Asuntu Akadémika FEG nian ne’e, motiva graduadu sira atu aplika kapasidade profisionál liuhusi karakter étika responsabildade sosial no prátika analítiku hodi fó solusaun pozitiva ba dezafiu ne’ebé nasaun no mundu enfrenta.
“Graduadu ne’ebé kualifikadu manifesta kapasidade profisionál liuhusi konstrusaun karakter étika, responsábilidade sosial no prátika analítika hodi fó solusaun positiva ba problema no dezafiu ne’ebé mundu enfreta liuhusi hanoin inovativa, sai baze esensial no fundamental ba visaun global hodi dezenvolve kresimentu ekonómiku hodi promove justisa sosial no preserva meiu ambiente iha sosiedade no nasaun”, dehan.
Liuhusi diskursu oradór mós husu ba Ministériu Ensinu Superiór Siénsia no Kultura (MESSK) atu dezempeña pápel hodi apoiu universidade sira nune’e bele prepara liután futuru lider ho transformasaun oioin liuhusi formasaun akadémika hodi kontribui ba dezenvolvimentu nasionál.
Média UNTL 
: Mario Jonio M. Mendonça
: Mario Jonio M. MendonçaFoto 
: Ekipa DEMCOM & Estudante DCS
: Ekipa DEMCOM & Estudante DCS- Detalhes
- Escrito por Mateus Goncalves
- Visualizações: 186
Universidade Nacional Timor Lorosa'e (UNTL) nia Profesór Dr. Juviano da Costa aprezenta nia Oratio Sapientia, iha serimónia graduasaun iha loron dahuluk sesaun dader nian, període dahuluk iha tinan 2024 nian ba dala XXX, iha GMT, Díli (11/07).
Liuhusi tema ne’ebé hato’o "Graduado com Excelência Caracter e Visão Global são Produtores, Repetivos do Dezenvolvimento Sustentavel Nacional", Profesor Dr. Juviano da Costa hatete, iha okaziaun ida-ne'e Faculdade de Agricultura ho Faculdade de Engenharia Ciência e Tecnologia bele produs ona rekursu kualifikadu ne’ebé bele kontribui ba prosesu dezenvolvimentu sustentavel nasaun nian.
"Graduasaun ba tinan akadémika 2024 nian, ba FAGRI no FECT, iha pontu haat mak importante atu ha’u hato’o ba tema ida-ne'e hanesan, (1) reflesaun kona-ba graduadu ho exelénsia karakter iha vizaun globál no jerál, (2) diskusaun ba graduadu iha vizaun globál iha kontestu agrikultura, no (3) diskusaun kona ba vizaun global iha enjenaria, (4) konkluzaun”, dehan dosente husi Faculdade de Engenharia Ciência e Tecnologia (FECT) ne’e.
Oradór ne’e mós fundamenta, graduadu ho karakter vizaun globál bele kontribui ba dezenvolvimentu nasionál ho exelénsia akadémika no profisionál, lidera iha inovasaun no peskiza, dezenvolve teknolojia foun hodi promove sustentabilidade profisional ne’ebé efisiensia hodi uza rekursu sira iha implementasaun ba prátika sustentavél nian.
“Dezenvolve karakter graduadu sira-nian sai profesionál hodi foti desizaun ne'ebé konsidera impaktu sosiál no ambientál iha asaun sira. Ho koñesimentu profisional bele promove dezenvolvimentu sustentavel sira bele realiza politika publika, iha mentál globál bele kria empreza sira sai solusaun hodi promove ekonomia sirkulár liuliu área agrikultura no siénsia no teknolojia”, Oradór ne'e salienta.
Partisipa iha serimónia solene ne'e, Magnífiku Reitór Profesór dr. João Soares Martins, MPH, Ph.D, Visereitór, Proreitór, Diretór Jerál, Diretór Nasionál, Diretór Sentru sira, Dekanu, Visedekanu, Diretór Departamentu, Dosente, funsionáriu, inan-aman, estudante no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Ekipa DEMKOM
: Ekipa DEMKOM- Detalhes
- Escrito por Mateus Goncalves
- Visualizações: 164
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph,D hamutuk ho estrutura hasoru malu ho Dr. Raja nu'udar Koordenadór ba Kursu Medisina Internasional husi India, iha Sala-Videokonferénsia UNTL nian, Díli (8/07).
Objetivu husi sorumutuk ne'e, parte rua deskuti kona-ba oinsa estabele kursu medisina internasional iha UNTL, tanba ne'e sira mos deskuti kona-ba prepara MoU hodi asina nune'e, kooperasaun bele lao ho di'ak ba futuru, maske nune'e, UNTL nia kooperasaun ho embaxada Cuba kontinua nafatin iha Kursu Medisina iha UNTL.
Hafoin diskusaun remata, parte rua mós desidi hala’o vizita ba auditóriu Faculdade de Engenaria Ciência e Tecnologia Hera, ne'ebé akompaña husi Visereitór no Proreitór sira.
Média UNTL: Leonia de Araújo da Costa
: Leonia de Araújo da CostaFoto: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 187
Universidade Nacional Timor Lorosa’e (UNTL) realiza serimónia solene liuhusi graduasaun ba dala XXX ho tema “Graduados Com Excelência, Carácter e Visão Global São Promotores Efetivos do Desenvolvimento Sustentável Nacional” durante loron rua (11-12 Jullu 2024) ho totál graduadu rihun ida atus hitu, sanulu resin lima (1715), iha Jináziu GMT (Gedung Matahari Terbit), Díli.
Iha diakursu Magnífiku Reitór UNTL Profesór dr. João Soares Martins,MPH.Ph.D hatete, graduasaun hanesan marka importante ida ba estudante sira ne’ebé konklui ona sira-nia estudu iha Universidade no rekezitu hodi hetan Grau Akadémiku nune’e serbí ba família no komunidade.
“Ida-ne’e hanesan marka ida ba estudante atu ba iha Merkadu Profisionál, hodi bele koloka sira-nia konkista akadémika no koñesimentu atu servisu iha komunidade, iha nasaun hodi kontribui ba Dezenvolvimentu Sosiokulturál Timor-Leste nian”, dehan Reitór.
Reitór hatutan, Graduasaun la termina graduadu sira-nia relasaun ho universidade no nafatin iha relasaun di’ak nune’e odamatan universidade nafatin nakloke ba sira ne’ebé hakarak atu aprende tan.
Iha fatin hanesan Ministru Ensinu Superior Siénsia no Kultura S.E. José Honório da Costa Pereira Jerónimo, hatete, graduasaun selebra momentu importante tebes iha moris estudante sira-nian.
“Ohin hanesan momentu nakonu ho emosaun haksolok tebes ba graduadu sira, ba dirijente universidade, liuliu profesór sira, tanba sira dedika sira-nia aan tomak hodi ohin imi bele finaliza imi nia perkursu iha UNTL.
Vitoria ba realizasaun ida-ne’e partilla entre estudante, dosente, inan-aman no familia sira ne’ebé kontribui diretamente no indireita. Tanba ne’e MESSK husu ba imi hafoin remata imi-nia perkursu akadémika tenki iha responsabilidade defende ba naran di’ak Almamater no kontribui ba dezenvolvimentu sosiedade no nasaun”, dehan MESSK.
Partisipa iha sesaun gradusaun nian husi membru Governu, Membru Parlamentu, Sosiedade Sivíl, Korpu-diplomata, parseiru dezenvolvimentu universidade nian, estrutura universidade nian, dosente, funsionáriu inan-aman, graduadu no konvidadu sira.
Bele asesu foto graduasaun nian iha link tuir mai;
Média UNTL : Laurindo da Cruz Gomes
: Laurindo da Cruz GomesFoto : Artur Ramos/Jaimito
: Artur Ramos/Jaimito- Detalhes
- Escrito por Mateus Goncalves
- Visualizações: 175
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MpH, Ph.D, enkontru ho Dekanu Faculdade de Agricultura, Faculdade de Medicina Ciência e Saúde no Faculdade de Engenharia Ciência e Tecnologia, iha Sala-Videokonferénsia UNTL nian, Díli (9/7).
Objetivu husi enkrontru ne’e koalia kona-ba investimentu Faculdade de Medicina Internasional nian iha Hera, sei apoiu husi Dr. Raja nu’udar Koordenador ba Kursu Medisina Internasional husi India, no iha diskusaun ne’e, dekanu husi fakuldade tolu mós konkorda ho investimentu ba edifísiu foun refere.
Partisipa iha enkontru ne’e Visereitora ba Asuntu Estudantís Profesora Dr. Lígia Tomás Correia, Proreitór, Dekanu Faculdade Agricultura Prof. Vicente de Paulo Coreia, Faculdade de Engenharia Ciência e Tecnologia, Adalfredo da Silva Ximenes, no Dekana Faculdade Ciência da Saúde, Profesora Lídia Gomes.
Média UNTL: Mario J. Mendonça
: Mario J. MendonçaFoto: Mario J. Mendonça
: Mario J. Mendonça