- Detalhes
- Escrito por Mateus Goncalves
- Visualizações: 353
Universidade Nacional Timor Lorosa’e (UNTL), liuhusi Diresaun Nasionál Rekursus Humanus, nia Diretór Cancio Monteiro, hatete, partisipasaun feto nian iha universidade nasionál ne’ebé lidera kargu diresaun no xefia hamutuk 29 ho reprezenta 39,2% husi totál pozisaun 74.
“Iha UNTL, partisipasaun feto nian ba kargu xefia iha diresaun no departamentu sira, hamutuk 39,2% husi total 74 pozisaun (diretór jeral too xefe seksaun) ne’e feto mak lidera. Enkuantu mane hamutuk na’in-haatnulu resin ida (44) reprezenta 60,8%.
Haree ba dadu ne’e, hatudu prestasaun jéneru ba kargu xefia iha UNTL ne’e, hanesan indikasaun di’ak tebes, tanba feto sira mós bele asumi responsabilidade pur-meritu iha diresaun no departamentu sira”, Dehan Diretór iha Kampus Sentral UNTL nian, Díli (25/06).
Diretór hatete, baseia ba dadus tuir mapa pesoal ba tinan 2024-2025 nian rejistu partisipasaun feto ba iha kargu diresaun nasional nian lidera husi feto na’in-tolu (diresaun hamutuk sanulu resin tolu), no kargu xefia total hitunulu resin haat (74) husi ne’e partisipasaun feto nain 29 mak lidera hanesan xefe departamentu no xefe sesaun.
Aleinde funsionáriu Diretór ne’e esplika, kargu xefia ne’ebé okupa husi dosente, hamutuk atus ida limanulu resin lima (155), no partisipasaun feto hamutuk limanulu resin haat (54) ne’e ekivale ho 35%.
Iha sorin seluk Xefe Departamentu Rejistu Alunos no Sistema Académico Matilde Reis hatete, nu’udar feto ida iha karreira ne’ebé asume hela kargu sente orgullu tebes, tanba ida-ne’e foin ba dahuluk manan ba vaga hodi lidera departamentu no iha mós hanoin katak to’o ona tempu atu oportunidade ba feto mós bele lidera.
‘’Hau Sente orgullu tebes, ba ha’u-nia aan rasik no ha’u mós hakarak enkoraza feto maluk sira seluk hodi hatudu ba katak, feto mós bele sai dirigente atu lidera iha diresaun no departamentu sira.
Ha’u husu ba feto maluk sira hotu kuandu ba iha opurtunidade atu kompete di’ak liu kompete no brani atu foti desizaun, tanba ita iha lei ne’ebé bele regula ita hotu nu’udar funsionáriu públiku’’, Dehan Sra Matilde.
Média UNTL 
: Mario J. Mendonça
: Mario J. MendonçaFoto
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 292
Universidade Nacional Timor Lorosa’e (UNTL) nia Ekipa Korál Funsionáriu partisipa iha kompetisaun Korál Funsaun Públiku 2024, iha salaun Três de Março Maubai, Ministério dos Assuntos dos Combatentes da Libertação Nacional (MACLN), Díli (28/6).
Kompetisaun ne’e hala’o kada tinan hodi selebra aniversáriu Comição Função Pública nian iha loron 15 fulan Jullu 2024 ba dala X ne’ebé organiza hosi Komisaun Organizadora husi Ministério dos Assuntos dos Combatentes da Libertação Nacional.
Iha kompetisaun ne’e Ekipa Korál UNTL konsege tama ba faze eleminasaun finál ho valór 4.132 hafoin kompete ho grupu sanulu resin hitu (17) ne’ebé mai husi grupu korál instituisaun públiku sira. Kompetisaun tuir mai iha faze finál sei hala’o iha 02 de Jullu 2024.
Média UNTL: Domingos Amaral
: Domingos AmaralFoto: Agustinho da Cruz
: Agustinho da Cruz- Detalhes
- Escrito por Mateus Goncalves
- Visualizações: 359
Universidade Nacional Timor Lorosa’e (UNTL), nia Diretór Nasionál Atendimentu Estudante (DNAE) Rui Loco Pires L.AP, hateten, durante semetre impár 2024 DNAE halo rejistrasaun ba estudante ho total rihun ruanulu resin haat, atus lima ruanulu resin ida (24521).
Haree husi dadus ne’ebé aprezenta ne’e, hatudu katak estudante la ativu ona ho kuantidade boot liu kompara ho estudante ne’ebé ativu”, dehan Diretór DNAE.
Diretór Rui mós fundamenta, ba estudante sira ne’ebé la ativu universidade kontinua fó oportunidade atu hakbesik ba departamentu hodi husu pedidu readmisaun, hafoin prosesa ba fakuldade no kontinua ba Visereitór Asuntu Akadémiku no Garantia Kulidade.
“Husi parte Visereitór Asuntu Akadémiku no Garantia Kulidade halo ona despaxu ba DNAE mak estudante ne’e bele halo readmisaun tuir períodu tempu ne’ebé nia la ativu”, dehan.
Iha fatin hanesan Senadu Estudante Faculdade de Direito Cesar Joăo M. Baptista hateten, estudante hirak ne’ebé lá ativu, ne’e reposabilidade universidade nian, maka atu haree no buka hatene estudante sira-nia problema iha ne’ebé universdade labele husik de’it.
“Ema hotu-hotu iha direitu atu asesu ba iha edukasaun, maibé relasiona ho estudante ativu no lá ativu ne’e responsabilidade universidade maka iha alternativu hodi buka estudante hirak ne’ebé lá ativu, no nia problema saida maka halo sira lá ativu, nune’e ita bele no enkoraja sira atu mantein iha sira-nia estudu”, hatutan.
Iha sorin seluk Estu
dante Faculdade de Economia e Gestão, Departamento de Gestão, Novania de Castro Legimai hateten, nia senti kontenti no orgullu tebes, tanba bele admitidu sai estudante iha UNTL, ho eskola ne’ebé baratu no kualidade.
dante Faculdade de Economia e Gestão, Departamento de Gestão, Novania de Castro Legimai hateten, nia senti kontenti no orgullu tebes, tanba bele admitidu sai estudante iha UNTL, ho eskola ne’ebé baratu no kualidade.“Ha'u hanesan joven feto ida senti kontenti no orgullu tebes, tanba bele admitidu iha UNTL, ho eskola ida ne’ebé baratu no kualidade tebes, maibé lá ema hotu-hotu bele asesu, maske iha kolega balu ne’ebé ladun ativu ona liu-liu mane sira, maibé ha’u fiar katak iha oportunidade tuir mai sira bele ativu fila-fali”, dehan Novania.
Média UNTL: Elizita Fernandes (Estajiária)
: Elizita Fernandes (Estajiária)Foto: Deonisia Soares Martins (Estajiária)
: Deonisia Soares Martins (Estajiária)- Detalhes
- Escrito por Mateus Goncalves
- Visualizações: 297
Universidade Nacional Timor Lorosa'e (UNTL)nia estudante Aleixo Mendonça dos Reis deside fahe tempu ba tuir prosesu aprendisajen nomós fa'an sigarru iha dalan públiku hodi sustenta nesesidade estudu loroloron nian hodi la depende liubá inan-aman.
Aleixo Mendonça dos Reis nu’udar estudante ativu husi Departamento de Ensino Pré-Escolar Faculdade de Educação Artes e Humanidades (FEAH) haktuir, liuhusi fa'an sigarru kontribui ona ba nia nesesidade estudu loroloron nian.
"Dalaruma fahe tempu hodi ba tuir aula depois fila husi kampus mai kontinua fa'an fila fali sigaru iha estrada públiku no jardin sira tanba, liuhosi fa'an sigarru bele sustenta ona ba ha'u-nia nesesidade loroloron no bele selu rasik ha’u-nia eskola nomós bele hatene poupa osan ba sosa tan sigarru mai fa’an fali", dehan Aleixo, iha Jardim 2006, Kolmera, Díli (26/06).
Aleinde ne’e Catarina da Silva Camões nu’udar estudante (UNTL) nia Faculdade de Ciências Sociais Departamento de Comunicação Social haktuir, liuhusi sigarru nia folin ne'ebé nia fa'an bele garante ba nia nesesidade loroloron no eskola nian.
"Ha'u nu’udar estudante la moe hodi buka osan liuhosi fa'an sigarru, desde 2022 hafoin ha'u tur iha banku universitariu iha Departamento de Comunicação Social, FCS-UNTL.
Ha'u desidi buka osan liuhusi fa'an sigarru, nune’e bele sustenta ha’u-nia nesesidade lorloron nian, no ha'u la depende liuba família, maibé ita rasik maka buka osan atu nunee bele print materia, selu transporte ba no mai, han nomós seluk tan", dehan Catarina.
Nia hatutan, hanesan estudante tenke hatene fahe tempu ba kampus tuir aula, buka moris rasik no fahe mós tempu ba estuda.
Média UNTL : Dionisia Soares Martins (Estajiária)
: Dionisia Soares Martins (Estajiária)Foto : Elizita Fernandes (Estajiária)
: Elizita Fernandes (Estajiária)- Detalhes
- Escrito por Mateus Goncalves
- Visualizações: 338
Universidade Nacional Timor Lorosa’e (UNTL), nia Diretór Diresaun Jeral Servisu Administrasaun Akadémiku (DJSAA), Armindo Leto Fátima hateten, Departamentu Promosaun UNTL iha Nível Munisipál (DPUNM) nia planu no servisu hamutuk ho Ministériu Ensinu Superiór, Siénsia no Kultura (MESSK) liuhusi Komisaun Asesu ba Ensinu Superiór (KAES) hodi halo rekrutamentu estudante foun ne’ebé asesu UNTL 2025.
“Departamentu Promosaun UNTL iha Nível Munisipal nia ezisténsia atu halo planu no servisu hamutuk ho ekipa husi MESSK liuhusi KAES hodi desemina informasaun ba estudante husi Ensinu Sekundáriu Jerál ho Ensinu Sekundáriu Tékniku Vokasional atu asesu iha ensinu superiór”, hateten Diretór Jerál, iha Kampus Sentrál UNTL nian, Díli (27/06).
Diretór Jerál mós salienta, relasiona ho planu foun sei koordena ho Xefe Departamentu Promosaun hodi identifika eskola sekundáriu foun sira ne’ebé foin tama ba XIII anu, nune’e parte diresaun bele halo sosializasaun.
Iha sorin seluk Xefe Departamentu Promosaun Andre Lote Pereira Costa hateten, departamentu ne’e sei kordena hamutuk ho ekipa husi MESSK nomós Instituto Politécnico Betano (IPB), antes tun ba halo soasializasaun iha munisípiu hotu inklui RAEOA, tanba ekipa ne’e servisu integradu.
“Fulan Setembru tinan ne’e ami ho ekipa husi Ministeriu Ensinu Superiór Siensia no Kultura sei kordena malu hodi tun ba halo sosializasaun ba estudante XIII anu, sekundáriu jerál sira ne’ebé iha interese atu tama mai UNTL no IPB iha munisípiu hotu, tanba programa ne’e planu anual”, dehan Xefe Departamentu.
Média UNTL : Domingos Amaral
: Domingos AmaralFoto : Agustinho da Cruz
: Agustinho da Cruz