- Detalhes
- Escrito por Mateus Goncalves
- Visualizações: 152
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hamutuk ho sívitas akadémika UNTL partisipa iha komemorasaun loron Comissão Função Pública (CFP) nian ba dala X, ne’ebé hala’o iha Munisípiu Ainaro (15/07) ho tema "Hametin Unidade Tane aas Étika Profesionalizmu hodi serbí Povu no Nasaun".
Iha entrevista Magnífiku Reitór hato'o parabéns ba funsionáriu hotu iha Timor-Leste, liuliu funsionáriu UNTL tantu rejime jerál (funsionáriu) no espesial (dosente) no liuhusi loron espesial ne'e atu fanun funsionáriu sira bele hasa'e tan dedikasaun no responsabilidade ba estadu tuir idaidak nia knaar.
"Parabéns ba funsionáriu hotu iha Timor-Leste no parabéns ba Ekipa Korál UNTL nian ne'ebé hetan primeiru lugar iha kompetisaun korál CFP nian 2024, ne'e hanesan motivasaun di'ak ida, nune'e ba oin bele prepara di'ak liután nomós UNTL hetan konfiansa atu sai hanesan uma na'in ba selebrasaun aniversáriu CPF nian iha tinan 2029”, dehan Reitór iha kampu Merkadu Lama, Suku Ainaro, Postu Administrativu Ainaro Villa.
Iha fatin hanesan, reprezenta Primeiru-Ministru, S.E. Ministru Planeamentu Investimentu Estratéjiku, Gastão de Sousa, hato'o parabens ba funsionáriu públiku hotu iha Timor-Leste no IX governu prioritiza programa rua iha setór administrasaun públiku, konsolidasaun governativa no kombate korrupsaun.
"Desentralizasaun Administrasaun Públika atu haforsa partisipasaun demokrátika no dezenvolvimentu ekonómiku iha nível munisipál to'o rurál ba prestasaun servisu ho kualidade atu implementa polítika dezenvolvimentu ida ne'ebé hanesan ba ema hotu", dehan Ministru MPIE Sousa.
Entretantu Prezidenti Komisaun Funsaun Públika, Sr. Agostinho Letêncio de Deus, kongratula funsionáriu públiku hotu no ajente Administrasaun Públika ne’ebé kontribui ativu ba konstrusaun estadu hahu husi 2000 to'o agora.
"Parabéns ba ita bo'ot sira hotu ne'ebé servisu ona iha Administrasaun Públika, tanbá ne'e sai funsionáriu publiku la'os knaar atu asegura ita-nia moris no familia, maibé mós sai servidór públiku tenki partisipa ativa iha konstrusaun estadu hodi halo dezenvolvimentu ba nasaun ne'e nian", dehan Prezidente CFP.
Eventu refere organiza husi Ministério dos Combatentes da Libertação Nacional (MCLN) no Comissão Função Pública (CFP).
Partisipa husi, E.S. Ministru sira, Membru IX Governu, Autoridade Munisípiu, Autoridade Postu-Administrativu, Autoridade Lokál, Funsionáriu, Komunidade no Konvidadu sira.
Média UNTL 
: Denilson Amandio Barros
: Denilson Amandio BarrosFoto 
: Agostinho da Cruz no Domingos Amaral
: Agostinho da Cruz no Domingos Amaral- Detalhes
- Escrito por Mateus Goncalves
- Visualizações: 172
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins,MPH.Ph.D partisipa iha reuniaun ho Ministru Ensinu Superior Siénsia no Kultura (MESSC) S.E. José Honório da Costa Pereira Jerónimo no Embaxadora Xina iha Timor-Leste Wang Wenli ho nia delegasaun.
Reuniaun ne’e hala’o iha Gabineti MESSC nian, DÍli (16/07), ho objetivu atu diskuti oinsa Embaxadora Xina nian iha Timor-Leste apoiu Biblioteka iha UNTL.
Partisipa husi Pro-Reitór para os Assuntos de Cooperação Prof. Tomé Jeronimo Xavier, ekipa husi MESSC no delegasaun husi Embaxada Xina nian iha Timor-Leste.
- Detalhes
- Escrito por Mateus Goncalves
- Visualizações: 204
Universidade Nacional Timor Lorosa’e (UNTL) liuhusi Faculdade Educação Artes e Humanidades nia graduadu Jaime da Costa Menezes husi Departamento de Ensino de Língua Tetun nu’udar graduadu mellór klasifikadu ho valór (3,66), iha serimónia gradusaun UNTL ba dala XXX iha Jinázio (GMT), Dili, 12/07.
Jaime da Costa Menezes hatete, susesu ne’ebé nia hetan hosi família agrikultór sira-nia suporta, no motivasaun durante estudu iha UNTL.
“Ha'u senti satisfas tamba bele fó fila-fali saida maka durante ne'e ha'u investe ona iha prosesu nia laran, tamba ne'e agradese tebes, motivasaun ne'ebé ha'u iha dezafia ha'u nia aan estuda maka’as tanba foti inan aman nia naran di'ak.
Mesmu inan-aman sira-nia profisaun nu'udar agrikultor, peskador maibé ida ne'e maka sai motivasaun ida ne'ebé boot ba ha'u atu bele esforsu maka'as hodi halo sira nia hakarak sai realidade no ohin loron ha'u hatudu ona ho susesu ida ne'e bele sai mos hanesan mellor klasifikasaun." Dehan nia, iha serimónia gradusaun UNTL ba dala XXX iha Jinázio (GMT), Díli (12/07).
Nia hatutan, susesu ida-ne'e sira sei hala'o knaar nu'udar ema edukadór, atu fó kontribuisaun ba dezenvolvimentu nasaun nian liuhosi siénsia ne’ebé aprende tiha ona iha prosesu estudu.
"Ami graduadu sira iha área espesiál hanesan Edukasaun konserteza ami atu fó kontribuisaun ba dezenvolvimentu maka liuhusi ami-nia knaar nu'udar edukadór, edukadora no dalan únika ba prosesu konstrusaun umanidade maka liuhusi edukasaun, tanba ne'e ami sei oferese saida maka ami aprende ona" , tenik nia.
#TimorLeste#UNTL#FEAH 15 Jullu 2024
Média UNTL : Octaviana Isidoro de Sa Benevides
: Octaviana Isidoro de Sa BenevidesFoto : Ekipa Demkom/Estudante DCS
: Ekipa Demkom/Estudante DCS- Detalhes
- Escrito por Mateus Goncalves
- Visualizações: 195
Universidade Nacional Timor Lorosa’e (UNTL) nia Diretor Centro de Formação Avansada (CFA) Profesór Apolinário Magno reprezenta Magnífiku Reitór hodi partisipa iha serimónia asina Nota Entendimente (MoU) entre Heavenly Culture Word Peace Restoration of Light (HWPL) ho Ministériu Ensinu Superiór, Siénsia no Kultura (MESSK), iha Salaun MESSK nian, Díli (16/7).
Objetivu husi asina MOU ne’e hodi konsentra iha asuntu edukasaun ba paz iha ensinu hodi hanorin sidadaun sira bele kontribui ba paz iha Timor-Leste.
Enkuantu entidade sira ne’ebé asina MoU ne’e mak HWPL ho MESSK hamutuk ensinu superiór neen (6) hanesan Univerdade Oriental Timor Lorosa’e (UNITAL), East Timor Coffe Intitute (ETCI), Instituto Politécnio Betano (IPB), Universitario Católica Timorense (UCT), Instituto Universitario Naroman Esperansa (IUNE).
Partisispa husi Ministru Ensinu Superior Siénsia no Kultura S.E. José Honório da Costa Pereira Jerónimo, Diretór Jerál HWPL Jennifer Choi ho ekipa, Diretora Jerál Ensinu Superiór no Siénsia Dra. Maria Filomena Lay Guteres no Reitór Universidade sira.
Média UNTL : Altur Ramos
: Altur RamosFoto : Altur Ramos
: Altur Ramos- Detalhes
- Escrito por Mateus Goncalves
- Visualizações: 202
Universidade Nacional Timor Lorosa’e (UNTL) nia Profesora Dra. Cipriana Santa Brites Dias husi Faculdade de Edução Artes no Humanidades (FEAH), hato’o Oratio Sapientia ho tema “Representa Uma Importância Contribuição Para Uma Visão Lística Integrada dos Problemas Educacionais Socio-Ambientais e Socio Culturais na Humanidade”, iha Graduasaun loron daruak nian, iha Jinzio GMT, Díli (12/07).
Iha oratio sapientia ne’e, Profesora Cipriana hatete, FEAH sai hanesan mahon edukativa ne’ebé forma futuru profesór kualifikadu liuhusi karakter, valór sosiál, kultural no solidariedade umana.
“Graduadu ne’ebé kualifikadu iha área edukasaun, kontribui koñesimentu ne’ebé hetan ba dezenvolvimentu sustentável inkluzivu, tantu iha nível nasionál nomós nivel global liuliu efetividade no planu estratéjiku ba asaun edukativa iha UNTL”, hatete Profesora Cipriana.
Profesora ne’e akresenta, graduadu sira presiza hatudu sira-nia kualidade koñesimentu no dezempeña funsaun hanesan elementu edukativu ida ne’ebé sei manifesta sira-nia profisionalismu iha kareira profesór nian.
“Edukasaun hanesan parte importante ida ba moris ema nian no husi edukasaun atu bele sustenta ekonomia iha família no kontribui ba dezenvolvimentu edukasional iha Timor-Leste.
Graduadu sira konsiente ba katak, edukasaun hanesan elementu esensial ba sustentabilidade ekonómika ba família no ba nasaun liuhusi edukasaun bele transforma pessoal ne’ebé kualifikadu hodi kontribui dezenvolvimentu sustentavel ba nasaun”, tenik profesora.
Iha diskursu profesora ne’e konsidera UNTL hanesan instituisaun públika ne’ebé únika no konsentra iha ensinu no formasaun liuhusi peskiza, inovasaun no servisu husi parte hotu nian ne’ebé alina ho sistema nasional husi Ministériu Ensinu Superior Siensia no Kultura (MESSK) ho Sistema Europe Creadit Transfer (ECTS) no Asean Credit Transfer System (ACTS).
Média UNTL : Abrão do Rosário Soares
: Abrão do Rosário SoaresFoto : Ekipa Demkom/Estudante DCS
: Ekipa Demkom/Estudante DCS