- Detalhes
- Escrito por Mateus Goncalves
- Visualizações: 212
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D, hetan vizita husi Delegasaun Erasmus Amigo husi Portugal, Profesora Doutora Myriam Lopes no Profesór Doutor José Carlos Ferreira, iha Sala Video-Konferénsia UNTL nian, Díli (18/07).
Vizita ne'e hala'o no objetivu atu parte rua diskuti kona-ba Mudansa Klimátika no Ambiente, nomós parte rua diskuti kona-ba atu loke kursu metradu no doutoramentu iha área Ambiental nian.
Partisipa husi Visereitór sira, Proreitór ba Asuntu Kooperasaun, Profesór Tomé Xavier Jerónimo, Diretór Sentru Formasaun Avansada, Profesór Apolinario Magno, no ekipa husi PRAC nian.
Média UNTL 
: Denilson Amandio Barros
: Denilson Amandio BarrosFoto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 223
Universidade Nacional Timor Lorosa’e (UNTL) nia Centro do Estudo Arte e Cultura (CECA) apoiu husi grupu Sangar Santo António Kampung Alór, promove Atividade Kulturál liuhusi kompetisaun kulturál iha Católica Santa Maria (SAMARIA) Ainaro, ho tema “CECA Visita Eskola Haburas UNIDADE liuhusi Kompetisaun Kultura no Arte”.
Diretór CECA Profesór Vicente Paulino hatete, programa ne’e parte ida husi atividade CECA nian, tanba hakarak atu promove kompetisaun kultura no arte iha eskola sira, nune’e mós hametin amizade entre eskola no CECA-UNTL.
“Dala ruma ami ho ami de’it iha servisu fatin, entaun talentu ne’e defisil fahe ba ema seluk, ho razaun ida-ne’e mak ami mós hakarak promove liután talentu sira ba estudante seluk.
Programa ida-ne’e parte husi estensaun kulturál, liga ho servisu CECA-UNTL nian, tanba ne’e mak ami implementa programa ne’e ba eskola, nune’e bele promove Kultura no Arte iha eskola sira”, hatete Prof. Vicente, iha Colégio SAMARIA, Ainaro (16/06).
Iha fatin hanesan Diretór Eskola Católica SAMARIA Ainaro Pe. Eugenio R. M. Caunan Lafo, agradese ba ekipa husi CECA-UNTL no Sangar Santo António ho atividade ne’e bele koñese malu di’ak liután iha área servisu no ambiente eskola nian.
“Ami agradese tebes ba ita bo’ot sira-nia prezensa iha ami-nia le’et, maske atividade ne’e urjente loos, maibé ami kontente tebes tanba ita bele koñese malu, nune’e mós ami hatene CECA ho ninia knaar sira no ita bo’ot sira mós mai hatene ituan realidade moris ema Ainaro nian ho nia ambiente sira”, hatete Pe. Eugenio.
Atividade husi CECA-UNTL ne’e komesa 13 to’o 16 fulan Jullu 2024, ho atividade sira mak hanesan fahe koñesementu kona-ba múzika liga ba Coral, Solo Vokal, Drum Band no ikus taka ho kompetisaun Coral no Solo Vokal ba estudante sira iha CatólicaSAMARIA nian, atividade ne’e hetan partisipasaun másimu husi profesór no estudante sira eskola nian, inklui ekipa Korál UNTL nian.
Média UNTL : Agostinho da Cruz e Silva
: Agostinho da Cruz e SilvaFoto : Domingos Amaral & Denilson Barros
: Domingos Amaral & Denilson Barros- Detalhes
- Escrito por Mateus Goncalves
- Visualizações: 179
Universidade Nacional Timor Lorosa’e (UNTL) liuhusi Diresaun Jerál Servisu Administrasaun Akadémika (DJSAA) nia Diresaun Nasionál Atendementu Estudante (DNAE) informa ba Graduadu sira ne’ebé foin gradua iha loron 11-12 fulan Jullu 2024 nian, atu mai halo legalizasaun ba diploma bazeia ba orariu ne’ebé aneksu.
Média UNTL/DJSAA/DNAE
- Detalhes
- Escrito por Mateus Goncalves
- Visualizações: 203
Universidade Nacional Timor Lorosa'e (UNTL) nia reprezentante Reitór, no atuál Proreitór ba Asuntu Kooperasaun (PRAK) Profesór Tomé Xavier Jerónimo hala'o enkontru ho Prezidente Asean Portuguese Community Conference (APCC) Sr. Joseph de Santa Maria hodi deskuti kona-ba kooperasaun ba futuru.
Eventu ne’e hala’o iha sala-Videokonferénsia UNTL nian, Díli (17/7), ho objetivu deskuti kona-ba MoU (Memorandum-Entendimentu) entre parte rua atu hametin kooperasaun ba futuru no realiza konferénsia iha UNTL.
Partisipa iha enkontru ne'e, Diretór ba Sentru Estudu Arte no Kultura (SEKA) nian, Sr. Vicente Paulino, asisténte tékniku no ekipa delegasaun husi APCC nian.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Mario Jonio Mendonça
: Leonia de Araújo da Costa & Mario Jonio Mendonça- Detalhes
- Escrito por Mateus Goncalves
- Visualizações: 166
Universidade Nacional Timor Lorosa’e (UNTL) nia graduadu husi Faculdade de Medicina Ciência da Saúde (FMCS), Departamento de Medicina Geral, HyoungWon Lee hateten nu’udar estudante tenke pasiénsa no senti difisil tebes, maibé ne’e la sai bareira no lahamate vontade hodi kontinua aprende nafatin.
Mellór Graduadu ho valór (3,97) ne’e dehan, liuhusi prosesu aprendizajen ne’ebé la’o durante tinan hitu (7) hodi aprende no pasiénsa no senti difisil tebes, maibé ne’e la sai bareira no lahamate nia vontade hodi kontinua aprende nafatin.
“Ha’u hakarak enkoraja ba ha’u-nia kolega sira ne’ebé dadaun estuda hela iha UNTL nafatin esforsu atu aprende di’ak liutan, nune’e iha futuru ita mak sei fó atendimentu saúde ba iha sosiedade no ita tenke aproveita didi’ak iha prosesu aprendizajen ne’ebé manorin sira fó hodi bele servi ba ita-nia nasaun Timor Leste”, Lee dehan iha serimónia graduasaun UNTL ba dala XXX iha Ginágio (GMT), Díli (11/07).
Lee sente kontenti bele gradua iha UNTL ho mellór klasifikadu no susesu ne’e, tanba esforsu no hetan apoiu husi família, kolega sira-nia motivasaun durante estudu iha UNTL.
“ Ha’u agradese ba parte husi universidade, funsionáriu no dosente sira hotu nia dedikasaun ba ami-nia estudu durante iha universidade, agradese mós ba família sira hotu liuliu inan-aman nia apoiu durante iha prosesu estudu to’o ohin loron bele gradua ho rezultadu ne’ebé di’ak”, dehan Graduadu Lee.
Média UNTL : Eugenia de Jesus Guterres
: Eugenia de Jesus GuterresFoto : Ekipa DEMCOM/Estudante DCS
: Ekipa DEMCOM/Estudante DCS