- Detalhes
- Escrito por Mateus Goncalves
- Visualizações: 217
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D hamutuk ho estrutura inaugura ona Auditóriu Faculdade de Ciências Sociais, iha Kampus KaiKoli, Díli (05/7).
Reitór agradese ba kompañia NELTIFER Unip. Lda, tanba bele konstrui auditóriu ne'ebé modernu no furak tebes, tanba ne'e parabéns ba servisu hotu husi kompañia nomos ekipa husi Proreitór ba Asuntu Dezenvolvimentu Institusional (PRADI) nian, no auditóriu ne'e fakuldade sei utiliza ba konferénsia, semináriu no atividade nesesáriu sira seluk.
"Agradese ba kompañia nomós PRADI UNTL, tanba bele konstrui ona auditóriu ida ne'ebé furak no modernu tebes, maské fasilidade ne'e iha FCS, maibé fakuldade hotu iha UNTL bele utiliza ba atividade ne'ebé relevante no nesesáriu, husu atu uza ho kuidadu", dehan Reitór.
Dekanu FCS nian, Prof. Dr. Alarico da Costa Ximenes, agradese ba universidade, tanba bele kria auditóriu ne'e iha FCS, no fakuldade bele aproveita oportunidade ne'e hodi hariku koñesimentu liuhusi realiza konferensia ka semináriu ruma.
"Agradese ba Universidade bele kria auditóriu ne'e iha FCS, antes ne'e FCS laiha auditóriu maibé agora iha ona, espera katak ita sei aproveita oportunidade di'ak sira liuhusi realiza konferénsia ka semináriu ruma", dehan Dekanu.
Auditoriu FCS ne'e konstrui husi kompañia NELTIFER Unip.Lda, hahú iha fulan novembru tinan 2023 no inaugura iha fulan Jullu tinan 2024, ho hetan bensaun husi Padre Kapelaun, Pe. Nivio Correia Lebre Fdcc.
Partisipa husi Viseretór, Proreitór, Diretór Jerál, Diretór Nacional, Diretór Sentru, Dekanu, Xefe Departamentu, Dosente, Funsionáriu no estudante sira.
Média UNTL
: Leonia de Araújo da Costa
: Leonia de Araújo da CostaFoto
: Leonia de Araújo da Costa & Altur Ramos
: Leonia de Araújo da Costa & Altur Ramos- Detalhes
- Escrito por Mateus Goncalves
- Visualizações: 167
Informasaun kompletu bele haree iha aneksu.
Média UNTL/DNA
- Detalhes
- Escrito por Mateus Goncalves
- Visualizações: 199
Universidade Nacional Timor Lorosa’e (UNTL) nia Magnífiku Reitór Profesor dr. João Soares Martins, MPH, Ph.D, asina Memorandu-Entendimentu (MoU) ho Ministério Admninistração Estatal S.E. Tomas do Rosario Cabral, iha Salaun Sekretariadu Gabinete Apoiu Tékniku Visita Sua Santidade Papa, iha Motael Farol nian, Díli (2/07).
Iha diskursu Magnifiku Reitór hatete, ho akordu ne’e bele iha dalan hodi masimiza rekursu ne’ebé mak iha liu-liu atu aproveita estudante sira ba halo estájiu iha suku sira hodi apoiu servisu administrasaun suku nian.
‘’Fakuldade liuliu iha Departamento de Administração Pública mak sai sentru atu bele hahú hodi kria inovasaun, hodi halo modernizasaun ba administrasaun iha suku. Ita bele halo atendimentu ida di’ak ba ita-nia sosiedade, tanba agora ita hotu hatene suku sira uza hela sistema manuál, maibé agora bele hadia atu bele sai globalizasaun ba dijitalizasaun’’, dehan Reitór.
Reitór mós hatutan, UNTL agradese ba opurtunidade ne’e no espera katak akordu ne’e bele implementa hodi fó benefísiu diretamente ba estudante sira nomós ba MAE.
Iha fatin hanesan Ministru Administração Estatal S.E. Tomas do Rosario Cabral hatete, ho akordu ne’e halo atu apoiu no hametin fali administrasaun suku no bele uza mós faze ida atu bele fó asistensia ba sosiedade no pontu ida di’ak tebes.
‘’Foin dadauk ami halo levantamentu ida atu tama ba mundu eletróniku ami lansa hela balkaun úniku ida iha munisípiu sira lori governasaun sentral besik liuba sosiedade ne’e.
Servisu rua ida mak servisu governasaun besik liu ba povu no ida mak profile munisípiu sira no reajustamentu liuhusi akordu ida-ne’e ita bele finaliza hodi hatene total populasaun ne’e hamutuk hira’’, Dehan S.E. Tomas.
Partisipa husi Pro-Reitor para os Asuntos de Coperação Profesór Tome Xavier Jerónimo, Pro-Reitor para os Asuntos Inspeção, Auditoria e Controlo da Qualidade Profesór Rosalino Gomes, Dekanu FCS Profesór Alarico da Costa Ximenes ho nia estrutura fakuldade, Diretor Jerál no Diretór Nacionál, Diretór Departamentu, Ekipa MAE inklui dosente FCS nian.
Média UNTL: Laurindo da Cruz Gomes
: Laurindo da Cruz GomesFoto: Domingos dos Amaral/ Laurindo da Cruz Gomes
: Domingos dos Amaral/ Laurindo da Cruz Gomes- Detalhes
- Escrito por Mateus Goncalves
- Visualizações: 169
Universidade Nacional Timor Lorosa’e (UNTL) Liuhusi Diresaun Nasional Aprovisionamentu (DNA) Fó sai konvite ba Públiku tuir Deskrisaun aneksu. Ba kompañia ne’ebé iha interese bele mai foti dokumentu iha DNA-UNTL.
Informasaun kompletu bele haree iha aneksu.
- Detalhes
- Escrito por Mateus Goncalves
- Visualizações: 208
Universidade Nacional Timor Lorosa’e (UNTL), nia Ekipa Korál Funsionáriu sai vensedór ba dahuluk iha kompetisaun Korál Funsaun Públiku 2024, iha Salão Três de Março Maubai, Ministério dos Assuntos dos Combatentes da Libertação Nacional (MACLN), Comoro Díli (02/7).
Kompetisaun ne’e realiza iha ámbitu komemorasaun aniversáriu Loron Nasionál Funsaun Públika nian, ne'ebé monu iha loron 15 fulan Jullu 2024 ba dala X, eventu ne'e organiza hosi husi Ministério dos Assuntos dos Combatentes da Libertação Nacional.
Instituisaun publiku neen (6), mak konsege to’o iha finál ne’e mak hanesan, UNTL I, Ministériu Finansas II, Ministeriu Planeamentu Investimentu Estratéjiku III, Sekretáriu Estadu Arte no Kultura IV, Ministeriu Edukasaun V, no Gabinete Primeiru Ministru VI.
Avaliadór ba kompetisaun ne'e, Pe. Joel Casemiro Pinto, OFM, Me. Ines Gomes, Fdcc no Pe. Adérito da Costa, SDB. Enkuantu distribuisaun prémiu sei realiza iha loron 15 fulan Jullu tinan 2024 iha Munisípiu Ainaro.
Partisipa iha kompetisaun ne'e, S.E Primeiru-Ministru, Kayrala Xanana Gusmão, S.E. Ministru dos Assuntos dos Combatentes da Libertação Nacional, Gil da Costa "Oan-Soru", Visereitora ba Asuntu Estudantís, Doutora Lígia Tomás Correia, Diretór do Centro de Estudos de Literatura Cultura e Artes (CECA), Profesór Dr. Vicente Paulino, no Funsionáriu kada instituisaun sira.
Média UNTL: Denilson Amandio Barros
: Denilson Amandio BarrosFoto: Ekipa DEMCOM
: Ekipa DEMCOM