- Detalhes
- Escrito por Mateus Goncalves
- Visualizações: 223
Universidade Nacional Timor Lorosa'e (UNTL) nia Diretór ba Centro de Estudo Cultura e Arte (CECA) Profesór Vicente Paulino, entrega ona prémiu ne'ebé funsionáriu na'in-ruanulu resin rua (22) sai manan na'in dahuluk iha Kompetisaun Korál Funsaun Públika 2024 nian, ba Magnífiku Reitór Profesór dr. João Soares Martins, MPH, Ph.D.
Iha Sala Videokonferensia UNTL nian, Díli (22/7), Magnífiku Reitór hato'o parabéns ba funsionáriu na'in rua nulu resin rua ne'ebé reprezenta UNTL hodi partisipa iha kompetisaun refere no konsege sai manan na'in dahuluk, agradese ba esforsu hotu ne'ebé ekipa halo durante prosesu tomak.
"Kontente tebes haree rezultadu ne'e, no parabéns ba imi na'in-22 ne'ebé reprezenta UNTL hodi partisipa iha kompetisaun ne'e no ita konsege hetan 1 lugar, agradese mós ba ekipa hotu nia esforsu durante prosesu tomak", dehan Reitór.
Iha fatin hanesan, Diretór CECA Profesór Dr. Vicente Paulino agradese ba ekipa ne'ebé sólidu tebes hodi lori UNTL sai ona manan na'in dahuluk ba kompetisaun refere.
"Parabéns ba imi hotu, no iha inísiu ha'u dehan ba sira katak tenke esforsu hodi sai 1 lugar no ikus mai gaña duni, prémiu ne'e ita hamutuk entrega ba Magnífiku Reitór no espera katak tinan oin ita partisipa no ita tenke mantein ho valór ne'e", tenik Diretór CECA.
Alende ne'e, Reitór entrega mos sertifikadu apresiasaun ba membru korál sira.
Seremónia refere partisipa husi Xefe Departamentu Arte no Kontemporanea (DAK)- CECA nian, Sra. Emeliana Da Costa Borromeu Andrade no ekipa Korál sira hotu.
Média UNTL 
: Leonia de Araújo da Costa
: Leonia de Araújo da CostaFoto 
: Agostinho da Cruz e Silva
: Agostinho da Cruz e Silva- Detalhes
- Escrito por Mateus Goncalves
- Visualizações: 215
Universidade Nacional Timor Lorosa’e (UNTL) nia Magnífiku Reitor Profesór dr. João Soares Martins,MPH.Ph.D, ho estrutura halo Inspesaun ba konstrusaun edifisiu Instituto Nacional de Linguistíca (INL) nian, iha Kampus Liceu, Díli (22/07).
Magnífiku Reitór hatete, inspesaun ne’e hala’o atu bele haree prosesu konstrusaun edifisiu nian, hodi aselera nune’e bele remata tuir kontratu ne’ebé iha, tanba sira servisu la’o tarde ituan tanba iha kestaun tekniku, maibé husu sira atu bele nafatin kontinua servisu makaas hodi bele remata.
‘’Ita agora haree dadauk konstrusaun ne’e atinje ona 22%, nune’e husu ba kompañia atu bele hakaas aan hodi servisu makaas liutan, atu bele remata lalais tuir kontratu ne’ebé iha ona, tanba iha semana rua mai tan kompañia foin fui sinta rai nian hafoin nahe. Ita espera servisu ne’e bele lao lalais di’ak liutan atu bele remata tuir termu kontratu’’, Dehan Reitór.
Iha fatin hanesan Project Manager Kompañia Dwiponggo, Be’e Feto Kaduak, Tata JV, Sr. Aji Ageng Riyadi,ST hatete, kontrusaun edifisiu ne’e agora atinje ona 22% no iha semana ne’e hahu fui sinta rai no nahe rai.
‘’Prosesu konstrusaun ne’e lao tarde ituan, tanba espasu la sufisiente atu rai material konstrusaun nian, entaun ami tenki muda fatin atu bele rai material sira nune’e ami bele servisu lalais no dadaun ne’e ami kesi ona besi sin
ta nian hein atu (cor) no nahe deit ona, ami mós sei esforsu atu servisu hodi bele remata tuir termu kontratu ne’ebé iha ona’’, dehan Sr. Aji .
ta nian hein atu (cor) no nahe deit ona, ami mós sei esforsu atu servisu hodi bele remata tuir termu kontratu ne’ebé iha ona’’, dehan Sr. Aji .Vizita ne’e akompaña husi Proreitór ba Asuntu Dezenvolvimentu Institusional (PRADI) Profesór Lelis Gonzaga Fraga, Proreitór ba Asuntu Planeamentu Monitorizasaun no Avaliasaun (PRAPMA) Profesór José Nelson Salsinha ho ekipa.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 220
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D, enkontru ho Sra. Liao Li nu’udar Deputy Chief China Média Group (CMG), iha Sala-Videokonferénsia UNTL, Díli (19/07).
Objetivu husi sorumutu ne’e China Média Group aprezenta sira-nia programa nomós diskuti kona-ba atu halo kooperasaun ho UNTL nune’e hodi asina Memorandu-Entendimentu (MoU) bele apoiu UNTL iha area oi-oin inklui parte media nian.
Partisipa iha sorumutu ne’e Visereitora ba Asuntu Estudantís, Doutora Lígia Tomás Correia, Proreitór ba Asuntu Kooperasaun Profesór Tomé Xavier Jerónimo, Diretor Jerál Servisu Apoiu Reitoria Sr. Jacinto H. S. Belo, Dekanu Faculdade de Ciências Sociais Profesór Dr. Alarico da Costa Ximenes, Xefe Departamentu Media e Comunicação Sra. Adelaide M. F. da Cunha ho delegasaun husi China Media Group.
- Detalhes
- Escrito por Mateus Goncalves
- Visualizações: 209
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins asina memorandu ho Ministériu Comercio Industria (MCI) S.E Ministru Filipos Nino Pereira, iha salaun MCI Mandarin, Díli (19/07), hodi kopera iha área produsaun mákina halo tua-sabu no tizolu.
“Agradese ba S.E Ministru nomos ministériu, tanba bele finansia projetu ida ne’e, espera liuhusi aprezentasaun ne’e bele fó rezultadu ne’ebé di’ak hodi ajuda komunidade moderniza sira-nia produsaun tua no tunu tizolu liuhusi mákina ne’ebé FECT produz.
Liuhusi kooperasaun ne’e bele atinji objetivu hadia ita-nia komunidade nia moris di'ak la barak, maibé bele redús persentajen ema ne’ebé moris iha liña probreza nia okos”, dehan Reitór.
Reitor akresenta, universidade apresia tebes, tanba sempre motiva profesór sira nafatin peskiza liu-liu servisu estensaun komunitária, atu nune’e bele fó benefisia ba komunidade no hanorin estudante jerasaun foun sira atu bele la’o tuir.
“Husu ba investigadór prinsipál (Profesór Domingos de Sousa Freitas) sira atu implementa prinsípiu servisu sira-ne’e, ita bele transfere koñesimentu ba ita-nia estudante sira atu mantein sustentabilidade ba atividade sira hanesan ne’e. Tanba ne’e ho akordu ne’e bele halo servisu relasaun di’ak efetivu no mais produtivu liutan”, dehan.
Iha fatin hanesan S.E Ministru Komersiu Indústria, Filipos Nino Pereira apresia ho aprezentasaun ne’ebé Profesór Domingos de Sousa Freitas halo bazeia ba peskiza ne’ebé tuir situasaun real Timor-Leste nian.
“Ami agradese ba kooperasaun ne’ebé la’o ona, ha’u hanoin bazeia ba faktu informasaun sira ne’ebé real bele lori ita ba hatene iha kondisaun ka nesesidade grupu mikro-pekena indústria sira ne’ebé presiza loos, nune’e ami haree katak ne’e importante tebes iha ita-nia apoiu ba mákina ka ekipamentu ne’ebé tuir duni saida mak sira presiza”, dehan Ministru.
Ministru dehan, ho koñesimentu ne’ebé mai husi UNTL envolve estudante sira bele prodús mákina prátika di’ak hodi tulun grupu sira no bele fortifika kooperasaun MCI nune’e bele kontinua apoiu malu iha parte seluk.
Partisipa husi Visereitora ba Asuntu Estudantís, Doutora Lígia Tomás Correia, Proreitór ba Asuntu Kooperasaun Profesór Tóme Xavier Jerónimo, Dekanu FECT Profesór Adalfredo da Silva Ximenes ho estrutura nomós ekipa husi MCI.
- Detalhes
- Escrito por Mateus Goncalves
- Visualizações: 196
Universidade Nacional Timor Lorosa’e (UNTL) nia Direçao Geral dos Serviços de Apoio a Reitoria servisu hamutuk ho Universidade de Aveiro no Universidade Nova de Lisboa realiza Worshop ho tema ''Risco, Alterações Climáticas e Soluções Baseadas na Natureza'' iha Auditóriu Faculdade de Ciências Sociais (FCS) nian, Kaikoli Díli (18/07).
Reprezentante Magnífiku Reitór no atuál Visereitór ba Asuntu Pós-Graduasaun no Peskiza Profesór Afonso de Almeida hatete, worshop ne’e importante tebes hodi koalia kona-ba alterasaun klimátika ho risku sira ba komunidade no atividade ema nian mak fó impaktu ba natureza.
‘’Dalabarak atividade ema nian ne’ebé hala’o mak fó impaktu ba ambiente no natureza, tanba liuhusi atividade sira-ne’e bele lori impaktu pozitivu no negativu, ho ida-ne’e mak ohin ita deskute iha ne’e hodi tau hamutuk hanoin ba solusiona problema sira ne’ebé ligasaun ho sustentabilidade no ekosistema nian iha futuru nomós ita bele iha konsiénsia ba atividade sira ne’ebé ita hala’o’’, dehan Visereitór.
Iha fatin hanesan Oradora Profesora Myriam Lopes husi Universidade de Aveiro hatete, alterasaun klimátika no dezafiu sira ne’ebé koloka umanidade nia atividade, tanba problema alterasaun klimátika sai mós problema ema nian.
‘’Ita tenki halo adaptasaun ba mudansa klimátika sira ne’ebé iha planeta ne’e no problema ne’e mak ita tenki halo sensibilizasaun ba ema hodi hasa’e koñesimentu no halo diskusaun hodi servisu hamutuk ho komunidade sientífika, politiku sira, organizasaun naun governamentais ho komunidade sira hodi bele adapta kondisaun iha Timor-Leste, atu nune’e iha futuru ema bele moris iha sustentabilidade, rejiliente”, dehan oradora Lopes.
Partisipa iha worshop ne’e Diretor Geral dos Serviços de Apoio a Reitoria Sr. Jacinto H. S. Belo, Proreitora ba Asuntu Provedoria no Akonsellamentu Profesora Teresa de Jesus Vaz Cabral, Oradór Profesór José Carlos Ferreira, Dekanu, Diretór Departamentu, Funsionáriu, Dosente, Senadu estudantíl no estudante sira.
Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus & Domingos Amaral
: Eugenia de Jesus & Domingos Amaral