- Detalhes
- Escrito por Mateus Goncalves
- Visualizações: 202
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D ho Ministru Ensinu Superior Siénsia no Kultura (MESSK) S. E. José Honorio da Costa Jerónimo, halo abertura ba kursu Mestradu iha Ciências Agrarias do Programa de Pós-Graduação e Pesquisa, iha Kampus Sentral UNTL nian, Díli (8/08).
Iha abertura Reitór hatete, objetivu husi kursu ne'e atu forma rekursu kualifikadu hodi kontribui ba mellora no moderniza setór Agrikultura iha Timor-Leste.
"Objetivu husi kursu ne'e mak atu forma no kaderniza rekursu kualifikadu iha área Agirkultura nian, no husi kursu refere atu bele kontribui no mellora liutan setór Agrikultura iha Timor-Leste, tanba sira mak hatene liu dezenvolvimentu Agrikultura nian iha ita-nia rai-laran", dehan Reitór.
Iha fatin hanesan Ministru MESSK nian, S.E José Honorio da Costa Perreira Jerónimo hatete, área agrikultura liuliu Siénsia Agraria mak pilár importante ba ekonomia no seguransa alimentár, tanba ne'e investimentu ba koñesimentu inovasaun iha área ne'e, importante ba dezenvolvimentu sustentável.
"Área Agrikultura mak pilár importante ba ekonomia no seguransa alimentar, tanba ne'e investimentu koñesimentu inovasaun iha área ne'e importante tebes ba dezenvolvimentu sustentavél, liuhusi koñesimentu ne'e bele ajuda ita-nia populasaun sira ne'ebé hasoru dezafiu iha agrikultura nian", dehan.
Estudante foun ne’ebé admitidu ba Kursu mestradu iha área Siénsia Agraria hamutuk sanulu resin lima (15).
Partisipa husi Prezidente Institutu Politekniku Betano (IPB) nian, Profesór Acacio Cardoso Amaral, Diretór Ezekutivu ANAAA nian, Dr. Diamantino Paiva Mau, eis-Retiór sira, Visereitór, Proreitór, Diretór Jerál, Diretór Nacional, Xefe Departamentu, estudante mestradu sira, dosente no konvidadu sira.
Média UNTL 
: Leonia de Araújo da Costa
: Leonia de Araújo da CostaFoto 
: Leonia de Araújo da Costa & Altur Ramos
: Leonia de Araújo da Costa & Altur Ramos- Detalhes
- Escrito por Mateus Goncalves
- Visualizações: 199
Universidade Nacional Timor Lorosa’e (UNTL) Faculdade de Ciensias Sociais (FCS) nia Auditorium ne’ebé inaugura ona iha 05 fulan Jullu 2024 no dadaun ne’e universidade rasik utiliza ona hodi halo atividade semináriu no fó espasu mós ba públiku atu utiliza hodi halo semináriu ka workshop, maibé tenke tuir prosedimentu interna universidade nian.
Dekanu Faculdade de Ciências Sociais, Profesór Alarico da Costa Ximenes, informa, auditorium ne’e inagura ona iha fulan kotuk no dadaun ne’e funsiona ona hodi halo atividade no loke mós ba públiku bele asesu.
“Ita iha ona regulamentu interna ba utilizasaun Auditóriu ne’e, bainhira públiku ka universidade rasik atu utiliza, tenke halo pedidu mai fakuldade, nune’e fakuldade halo despaxu hodi hetan autorizasaun ba utilizasaun Auditóriu ne’e”, dehan Dekanu, iha Kampus, Díli (06/08).
Dekanu haktuir, ba públiku sira ne’ebé atu uza tenke selu no osan hirak ne’e manda direta ba kaixa universidade hodi kontribui nu’udar reseita ba Estadu nian. Auditoriu FCS nian bele akumula ema hamutuk atus ida limanulu (150) no bele to’o mós atus rua (200).
Média UNTL : Domingos Amaral
: Domingos AmaralFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 163
Universidade Nacional Timor Lorosa’e (UNTL) liuhusi Faculdade de Engenharia Ciênsia e Tecnologia (FECT) nia estudante hamutuk atus rua ruanulu resin ualu (228) mak dezloka ona ba hala’o Estájiu Servisu Sosiál (ESS) iha munisípiu tolu Baucau, Atauro no Liquiça durante fulan rua Jullu to’o Setembru.
Visedekanu ba Asuntu Akadémiku nian, Profesór Tomas Soares Xavier, iha kampus FECT nian, Díli (29/7) hatete, dadaun ne’e FECT nia estudante husi departamentu haat mak hala’o Estájiu Servisu Sosial iha Munisípiu, Baucau, Ataúro no Liquiça.
“Departamentu haat hanesan, Departamentu Enjeñaria Jeolojia no Petroleu (64) estajiu iha Munisipiu Baucau, Departamentu Mekanika hamutuk (49) iha Baucau no Ataúru hahú husi 23 Jullu no remata iha 09 Setembru, Departamentu Enjeñaria Informátika hamutuk 57 estajiu iha Munisipiu Liquiça hahú husi 15 Jullu to’o 15 Agostu, Departamentu Eletrónika no Eletrika (58) iha Liquiça hahú husi 8 Jullu no to’o 19 Agostu 2024”, dehan Visedekanu.
Visedekanu mós esplika, normalmente Estájiu Servisu Sosial ne’e nia durasaun fulan rua no remata estájiu, estudante sira sei aprezenta relatóriu ba departamentu idaidak.
Aleinde ESS, Vise-dekanu mós haktuir, estudante na’in-87 Departamentu Enjeñaria Sivil mak hala’o Estájiu Profesional iha instituisaun governu no privadu sira iha Díli, Ermera no Maliana, hahú husi 25 Jullu to’o 25 Setembru 2024.
“Fakuldade mós dezloka estudante na’in 87 ba hala’o estájiu profisionál iha instituisaun governu no privadu sira iha Díli, Ermera no Maliana no atividade ne’ebé estudante sira halo bazeia ba komunidade nian nesesidade no buat ne’ebé bele fó benefísiu ba sira no komunidade rasik”, dehan.
Média UNTL : Domingos Amaral
: Domingos AmaralFoto : Agostinho da Cruz
: Agostinho da Cruz- Detalhes
- Escrito por Mateus Goncalves
- Visualizações: 184
Universidade Nacional Timor Lorosa’e (UNTL) nia Koordenadór Sentru Direitus Humanus (SDH) Profesór Celso da Fonseca hatete, SDU nia programa ne’ebé implementa iha 2024 mak liga ba Edukasaun, Peskiza, Treinamentu, no eventu sira hodi eleva kapasidade dosente no estudante sira-nian UNTL.
‘’Programa prioridade iha sentru nian mak halai liuba edukasaun hodi fó formasaun ba dosente sira ne’ebé hanorin matéria Transversais ba estudante sira no liuliu formasaun kona-ba direitus humanus ba estuante sira. Ami mós implementa programa peskiza ba asuntu sira ne’ebe relevate ho sentru ida-ne’e nian”, dehan Profesór Celso iha nia knaar fatin, Kampus Kaikoli, Díli (6/08).
Profesór Celso hatutan, iha sentru ne’e oferese mós treinamentu ba dosente no funsionáriu sira iha UNTL kona-ba Diretus Humanus nian atu bele haklean liu koñesimentu dosente sira-nia ba Diretus Humanus.
‘’Iha SDH ami mós konvida oradór sira husi Nasionál no Internasionál husi organizasaun sira atu mai fahe esperiénsia ba estudante sira iha UNTL nian no ami mós oferese biblioteka ida-ne’e ba estudante sira bele mai estuda no halo traballu ruma, aleinde ne’e sira mós bele halo diskusaun ba sira-nia traballu sira’’, hatutan.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 165
Universidade Nacional Timor Lorosa'e (UNTL) nia Reitór Interinu atual Visereitór ba Asunto Akadémiku no Garantia Qualidade (VRAGQ) Profesór Samuel Venâncio de Sousa Freitas, hatete, evita husu deskulpa bainhira tama servisu tarde, tranforma deskulpa ba obrigadu, tanba ema seluk hein ona.
"Baibain ita mai tarde tenke husu deskulpa, di'ak liu evita husu deskulpa bainhira mai tarde, maibé transforma deskulpa sai ba obrigadu tanba hein ona ha'u, nune’e abitua hodi la tarde tan", dehan Profesór Samuel, bainhira prezide serimónia Isar-Bandeira fulan Agustu nian, iha Kampus Sentrál UNTL nian, Díli (05-08).
Reitór Interinu ne'e, lori naran universidade nian agradese ba estrutura Faculdade de Medicina e Ciência da Saúde nian, tanba organiza ona korpu-isar bandeira, komandante-parrada no korru ba isar-bandeira fulan Agustu nian.
Partisipa husi Visereitór, Proreitór, Diretór Jerál, Diretór Nacional, Dekanu, Visedekanu, Xefe Departamentu, Dosente, Funsionáriu no estudante sira.
Média UNTL : Leonia de Araújo da Costa
: Leonia de Araújo da CostaFoto : Domingos Amaral no Agostinho da Cruz
: Domingos Amaral no Agostinho da Cruz