- Detalhes
- Escrito por Mateus Goncalves
- Visualizações: 215
Universidade Nacional Timor Lorosa’e (UNTL), nia Proreitora para os Asuntos de Provedoria e Aconselhamento (PRAPA), Profesora Teresa de Jesus Vaz Cabral iha Kampus Sentral, Díli (13/06) informa, sei hala’o atividade sosializasaun ba estudante sira kada departamentu kona-ba PRAPA nia servisu iha universidade.
“Atividade PRAPA ba tinan ida-ne’e mak ami foku liuba halo sosializasaun ba estudante sira kada departamentu iha fakuldade sira relasiona ho PRAPA nia servisu iha universidade tanba, ita-nia estudante sira barak mak seidauk hatene kona-ba PRAPA nia servisu. Aleinde iha fulan Outobru sei hala’o peregrinasaun ba sívitas akadémika hotu iha Foho Matebian”, dehan Proreitora.
Proreitora mós salienta, atividade seluk mak PRAPA halo fó akonsellamentu ba ema hirak ne’ebé husu PRAPA nia tulun, misa, orasaun, nomós fó pose ba estrutura Kampus Ministry nian.
Média UNTL 
: Domingos Amaral
: Domingos AmaralFoto 
: Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 198
Universidade Nacional Timor Lorosa’e (UNTL) liuhusi Diresaun Nasional Pagamentu Propinas (DNPP) informa ba estudante UNTL hotu katak, relasiona ho Registrasaun ba Semester PAR 2024, Banco Nacional de Comércio de Timor-Leste (BNCTL) sei halo atendimentu ba estudante sira iha fatin/ sukursal hotu ne’ebé mak iha.
Informasaun kompletu haree iha aneksu.
- Detalhes
- Escrito por Mateus Goncalves
- Visualizações: 236
Universidade Nacional Timor Lorosa’e (UNTL) nia Diresaun Nasionál Aprovizionamentu (DNA) hakarak informa ba públiku kona-bá konkursu ho númeru 003/UNTL/VI/2024 ho nia deskrisaun ba Konsturasaun Foun ba Landscape iha Fakuldade Agrikultura Hera.
Atu hatene informasaun detallu bele hare iha aneksu.
- Detalhes
- Escrito por Mateus Goncalves
- Visualizações: 202
Universidade Nacional Timor Lorosa’e (UNTL) liuhusi Diresaun Nasional Pagamentu Propinas (DNPP) informa ba estudante UNTL hotu katak Registrasaun ba Semester PAR sei hahú iha terseira semana fulan Juñu tuir orariu ne’ebé prepara ona.
Informasaun kompletu haree iha aneksu.
- Detalhes
- Escrito por Mateus Goncalves
- Visualizações: 281
Universidade Nacional Timor Lorosa’e (UNTL) nia Faculdade de Turismo, Artes, Indústrias Criativas e Culturais (FTAICC) nia Dekanu Profesor Dr. Feliciano Quintas do Céu ho Vise-Primeiru Ministru, Ministru Koordenadór ba Asuntu Sosiais, Ministru Dezenvolvimentu Rural no Habitasaun Komunitaria Eng. Mariano Assanami Sabino ofisialmente lansa website fakuldade nian ba públiku.
Liuhusi entrevista iha Salaun CNE, Díli (07/06), Dekanu FTAICC Profesór Dr. Feliciano Quintas do Céu hateten objetivu husi lansamentu website ne’e atu fó sai informasaun hotu ba estudante no públiku kona-ba atividade fakuldade nian.
“Lansamentu website importante mai ami atu divulga informasaun sira ba ami-nia estudante ativu, alumni sira nomós atu hasa’e imajen fakuldade nian ba públiku, nune’e entidade sira hotu bele hatene no akompaña kona-ba ezisténsia fakuldade nian nomós nia atividade sira”, dehan Dekanu.
Dekanu mós haktuir, sei servisu hamutuk ho PRAITDI nune’e bele utiliza website ne’e ho másimu hodi publika atividade sira fakuldade nian.
Iha sorin seluk Proreitór ba Asuntu Infomatizasaun Transformasaun Dijital no Inovasaun (PRAITDI), Profesór Frederico Soares Cabral hateten, website FTAICC nia ne’e mós hanesan atividade ida husi PRAITDI nian.
“Website ne’e mós faz parte ida husi atividade PRAITDI nian, aleinde atividade SIA nomós sistema apoiu administrativu sira.
FTAICC husu ita-nia apoiu kria sira-nia website, tanba hakarak publika sira-nia informasaun nomós atu priense kritéria ida ANAAA (Agência Nacional para Avaliação e Acreditação Acadêmica) nian, nune’e ekipa tékniku sira halo ezersísiu no konsege finaliza hodi halo lansamentu”, dehan Proreitór.
Proreitor mós salienta tan, dadun ne’e website refere funsiona ona hafoin halo lansamentu no fakuldade rasik mak sei responsável hodi fó sai informasaun, PRAITDI hanesan apoiu tékniku de’it.
Lansamentu ne’e realiza iha ámbitu seremónia judisium dahuluk ba estudante FTAICC. Partisipa husi estrutura, dosente, estudante no konvidadu sira
Média UNTL : Domingos Amaral
: Domingos AmaralFoto : Laurindo da Cruz
: Laurindo da Cruz