- Detalhes
- Escrito por Mateus Goncalves
- Visualizações: 268
Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, Ph.D sai oradór hodi hato’o kona-ba (komunidade nia partisipasaun iha edukasaun no prevensaun rabies) iha Semináriu Internasionál ho tema “Scientific Coorperotion to Create a Rabies-Free Environment in Timor-Leste” ne’ebé hala’o iha salaun CNE Lalini Larigutu, Díli (05/06).
Magnífiku Reitór hateten, komunidade nia partisipasaun iha edukasaun no prevensaun Rabies ne’e importante atu halo prevensaun ba moras Rabies.
“Ita tenke kumpri prinsípiu jerál prevensaun doensa-kontajioza liu-liu liga ho Rabies, iha nível governu presiza iha polítika, estratéjia no protokolu ne’ebé ligadu ho doensa kontajioja, transmisiveis. Tanba ne’e maské ita-nia alastra ne’e la barak foin iha vítima ida, maibé ne’e ita tenke kuidadu, ida-ne’e mak ita prátika ema sei la hetan kontaminasaun no sei la transmite moras ne’e husi ema ida ba ema seluk”, dehan Reitór.
Reitór mós hatutan, Rabies hanesan moras ida ne’ebé mai husi asu ka busa nune’e ema ne’ebé hetan tata husi asu tenke halo tratamentu adekuadu nune’e bele traba virus ne’e husi fatin ne’ebé animál tata labele daet ba iha orgaun seluk, tanba ne’e tenke iha regras rigorozu reforsa iha vizilánsia, Ministériu Saúde tenke partilla informasaun ba komunidade atu vasina animál sira.
Semináriu ne'e organiza, tanba servisu hamutuk entre UNTL liuhusi Visereitoria ba Asuntu Pós-Graduasaun no Peskiza nia kursu Mestradu Medisina Tropikal no apoiu husi Partnership for Human Development (PHD)-Australia no Minsitério Saúde.
Média UNTL 
: Domingos Amaral
: Domingos AmaralFoto 
: Agustinho Da Cruz
: Agustinho Da Cruz- Detalhes
- Escrito por Mateus Goncalves
- Visualizações: 233
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH.Ph.D prezide Reuniaun ho Konsellu Xefia, iha Sala-Video Conferência UNTL nian, Díli (5/06), hodi deskute kona-ba Prosesu Ensinu Aprendizajen no Avaliasaun Desempeñu Servisu Dosente sira nian.
Objetivu husi reuniaun ne’e atu deskute kona-ba (1) Prosesu Ensinu aprendizajen ne’ebé la’o iha fakuldade idaidak nian, (2) Desempeñu Servisu Dosente Sira-nian iha aula atu nune’e labele perturba ba estudantes sira nia prosesu ensinu.
Partisipa iha Reuniaun ne’e Visereitór, Proreitór, Dekanu kada fakuldade, Diretór Jerál, Diretór Nasionál, no Diretór Sentru sira.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 274
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, asina memorandu ho, Kompañia Weatherford Business Development Manager-AsiaPac, Sr. Afrizal Safrin, iha Sala-Videokonferénsia UNTL nian, Díli (05/06).
Memorandu ne'e hala'o ho objetivu atu servisu hamutuk iha área mina no gás, aleinde ne’e mós atu oferese bolsu estudu ba estudante sira, iha Faculdade de Engenharia Ciência e Tecnologia (FECT).
Partisipa husi Visereitora ba Asuntu Estudantís, Profesora Lígia Tomás Correia, Proreitór ba Asuntu Kooperasaun, Profesór Tomé Xavier Jerónimo, Visedekanu ba Asuntu Kooperasaun no Peskiza (FECT), Profesór Domingos de Sousa Freitas, no ekipa husi PRAC nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 213
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hetan vizita husi Reitór Universitas Muria Kudus Indonesia, Profesór. Dr. Darsono, M.si. ho ekipa, iha Sala-Videokonferénsia UNTL nian, Díli (06/06).
Objetivu husi vizita ne'e, parte rua diskuti kona-ba atu halo kooperasaun iha mobilidade estudante no dosente sira, aleinde ne'e mos ba parte rua sei asina memorandu nune'e bele estabelese komunikasaun di'ak liután.
Partisipa husi Visereitór ba Asuntu Pós-Graduasaun no Peskiza, Profesór Afonso de Almeida, Prezidenti Komisaun G Parlamentu Nasional Sr. Armando do Santos Lopes, no ekipa husi Universitas Muria Kudus nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 223
Universidade Nacional Timor Lorosa’e (UNTL) liuhusi Visereitoria ba Asuntu Pós-Graduasaun no Peskiza (PRPGP) realiza Semináriu Internasional ho tema “Promoção, Prevenção e Controlo das Doenças Raivas em Timor-Leste”, iha salaun Lalini Larigutu, CNE, Dili, (05/06) hodi partilla informasaun relasiona ho moras Raivas ne’ebé dadaun ne’e kontamina ona iha Timor-Leste.
Iha entrevista Reitór UNTL hatete, moras raivas hanesan dezafiu ida ba Timor-Leste, tanba ne’e iha semináriu refere bele fó hanoin ba malu atu bele kontrola territóriu tomak, nune'e ba oin Timor-Leste bele livre husi moras ne'e.
"Moras raivas ne’ebé dadaun ne’e iha ona Timor-Leste hanesan dezafiu ida ba nasaun tomak, tanba ne'e mak liuhusi semináriu ne'e ita tau hanoin hamutuk ne’ebé mak forte atu bele kontrola moras ne’e. Nune’e ita bele livre husi moras raivas refere, ita bele prevene nune’e ba oin mosu tan kazu hanesan ita preparadu ona atu trava nune'e labele kontamina ba ema seluk ka animál seluk”, tenik Reitór.
Reitór mos husu ba ba Governu presiza esforsu konjuntu liuliu Ministériu Saúde no Ministériu Agrikultura Pekuária, Peska no Floresta (MAPPF), tanba moras ne’e Jeonótiku ne’ebé transmiti husi animál ba ema.
Iha fatin hanesan Vise-Ministru Saúde Flavio Brandão Mendes de Araújo hatete, nia apresiza tebes ba eventu ne'e tanba eventu ne'e sensíbel ho situasaun ida ne'ebé mak Timor-Leste hasoru.
“Apresia tebes ba ha’u, tanba UNTL sensíbel duni ho problema ne’ebé mak ita hasoru, tanba ita foin hasoru moras rabies iha ita-nia rain, hatudu katak UNTL iha hanoin analítiku ne'ebé forsa tebes, krítiku tebes. Ho eventu ne’e ha’u fiar katak aprosimasaun hotu ne’ebé ita halo bele dezeñu ita-nia estratéjia hodi hasoru moras ida-ne’e”, hateten Vise Ministru Saúde.
Iha sorin seluk, Sekretáriu Estadu Pekuária S.E. José Vieira de Araújo, agradese ba UNTL ho apoiu husu PHD Australia iha Timor-Leste organiza semináru ne'e no parte MAPPF nian servisu makaas tun ba iha baze hodi halo prevensaun liuhusi halo vasinasaun anímal sira.
“Parte MAPPF liuhusi veterinária nian, ha’u agradese tebes ne’ebé lahamate sira-nia vontade, tanba ha’u vizita sira iha fatin barak ona, servisu makaas tebes ba to’o illa Ataúro no área rurál sira hodi halo vasinasaun ba animal sira, maibé ne’e mós tanba servisu hamutuk ho Minsitériu Saúde no parseiru sira hodi buka solusaun atu prevene moras refere”, hateten.
Semináriu ne'e organiza, tanba servisu hamutuk entre UNTL liuhusi Visereitór ba Asuntu Pós-Graduasaun no Peskiza nia kursu Mestradu Medisina Tropikal no apoiu husi PHD no Ministériu Saúde.
Partisipa husi Embaxadora Australia iha Timor-Leste Caitlin Wilson, Visereitór, Diretór Nasionál, Membru Governu no estudante UNTL.
Média UNTL : Agostinho da Cruz e Silva
: Agostinho da Cruz e SilvaFoto : Domingos Amaral
: Domingos Amaral