- Detalhes
- Escrito por Mateus Goncalves
- Visualizações: 206
Universidade Nacional Timor Lorosa’e (UNTL) liuhusi Faculdade de Ciências Sociais, Departamento Comunicação Social nian estudante sira halo sosializasaun kona-ba Perfíl Departamentu nian ba Estudante Ensino Secundária Geral (ESG) Paralelo Fleixa, Fernando Lasama de Araújo, ne'ebé lokaliza iha Postu Administrativu Maubisse, Suku Aituto.
Estudante Carlota Alves hateten, liuhosi sosializasaun ida-ne'e hodi kaderniza sira atu bele ho vizaun no badinas estuda hodi tama iha UNTL liu-liu iha Departamento de Comunicação Social.
"Ohin loron ha'u senti kontenti tebes ho bin-maun husi DCS sira-nia prezensa tanba, bele fahe hamutuk esperénsia ne'ebé sira hetan iha banku Universitáriu nian ba ami, liu-liu oinsa atu hakerek Notisia, Rádiufoniku, Foto Jornalizmu, Prátika Redasaun no Televiziva inklui Asesoria Imprensa", dehan Alves iha Ensino Secundária Geral Paralelo Fleixa (15/06).
Aleinde ne'e manorin husi eskola ESG Fernando Lasama de Araújo, José da Silva Lopes akresenta, sosializasaun ida ne'e tulun tebes estudante sira no influénsia, tebes estudante sira bele hili Área Komunikasaun Sosiál nian.
"Sosializasaun ida ne'e Ha’u bele dehan katak, atu habelar liutan koñesimentu estudante sira nian liu-liu komunikasaun, atu estudante sira iha ensinu sekundária ne’e bele iha koñesimentu no motiva liutan sira hodi aprende liutan to’o iha universidade. Tanba, aban bainrua bele sai estudante ne'ebé kualidade iha aréa Jornalismu nian, presiza mós apriende, entaun liuhusi ida-ne'e prezensa universitáriu sira-nian hodi habelar vizaun no misaun DCS nian", dehan.
Iha fatin hanesan estudante husi Departemento Comunicação Social Zequino G. V. Soares hateten, liuhusi sosializasaun refere sai hanesan oportunidade ida hodi fahe koñesimentu ne'ebé iha ligadu ho matéria ne'ebé hetan iha banku universitáriu nian.
"Sosializasaun ida-ne'e sai hanesan oportunidade ida ba ami hodi bele fahe koñesimentu balun kona-ba matéria balun ne'ebé hetan iha banku universitáriu atu nune'e bele fahe fila-fali ba alin sira iha ensinu sekundáriu.
Iha momentu ne'e sente kontente tebes tanba hetan partisipasaun másimu husi estudante sira tanba, sira kuriozu tebes atu hatene kle'an kona-ba Jornalismu nian liuhosi lansa pergunta iha oin hodi buka hatene saida maka ita fó ba sira", hatutan.
Sosializasaun refere realiza iha ámbitu atividade Bina-Akrab 2024 hamutuk ho estudante, dosente, alumni, autoridade lokál no komunidade sira iha suku Aituto durante loron tolu (13-16 Juñu 2024).
Média UNTL 
: Deonisia Soares Martins (estudante DCS)
: Deonisia Soares Martins (estudante DCS)Foto
: Elizita Fernandes (estudante DCS)
: Elizita Fernandes (estudante DCS)- Detalhes
- Escrito por Mateus Goncalves
- Visualizações: 200
Universidade Nacional Timor Lorosa'e UNTL nia Faculdade de Ciências Sociais, Departamento Comunicação Social hala'o Bina-akrab no apoiu servisu iha kapela AVE-MARIA AITUTO, atu hametin amizade entre estudante ho Docente no komunidade sarani sira iha suku Aituto, durante loron tolu (13-16 Juñu).
Prezidente Komisaun Organizadora Sebastiana Ximenes Soares hateten, atividade bina-akrap ne'e hala’o kada tinan tinan estudante ho dosente no alumni sira atu kria lasu amizade hamutuk ho komunidade sira liuhusi atividade sira mak hanesan servisu sosiál, sosializasaun no limpeza jeral.
"Hanesan Prezidente Komisaun Organizadora ba atividade ida ne'e inisiativa mai hosi ami estudante ho dosente no alumni sira hodi hili suku Aituto-Fleixa sai hanesan fatin hodi halo atividade bina-akrab no atividade ne’ebé maka ami halo hanesan ajuda komunidade sira mak atividade apoiu servisu fíziku, lalin fatuk no ajuda badaen sira iha kapela Ave-Maria Aituto nian.
Ita mós halo sosializasaun ba estudante iha Ensino Secundária Jerál Paralelo Fernando Lasama de Araujo Aituto, iha mós noite-kultura (animasaun múzika, dansa-tradisionál, poezia, no loke filme DCS nian) ba komunidade inklui autoridade lokál suku Aituto nian. Aleinde ne’e halo limpeza jeral iha fatin ne’ebé ami iha ba hanesan aredór suku no kapela nian", dehan Prezidente Komisaun Organizadora iha Aituto (15-06).
Iha fatin hanesan estudante Esquiel da Costa Pinto, sente kontenti ho atividade Bina-akrab ne’e, tanba bele koñese malu di’ak liutan entre estudante, dosente, alumni no komunidade sira.
"Ha’u hanesan estudante foun tinan akadémiku 2024 nian sente orgullu ho atividade ida ne’ebé organiza hosi Departamento Comunicaçāo Social sira. Tanba liuhusi atividade ida ne’e ami bele kria amizade no apriende hamutuk ho sira liuliu ajuda Komunidade sira no halo mós atividade seluk", dehan.
Iha fatin hanesan Xefe suku Aituto, Grigorio Lopes Pereira agradese ba DCS, tanba bele hili Aituto hanesan lokál ba atividade oioin ne’ebé bele ajuda komunidade no sarani sira iha Aituto.
“Lori komunidade Aituto agrdese ba DCS liuliu estudante, dosente, alumni sira tanba bele mai iha Aituto ne’e ho atividade oioin ne’ebé bele ajuda komunidade, ne’e hatudu ona estudante sira mak sai ajente transformadór ba dezenvolvimentu”, dehan Finalista husi DCS-FCS ne’e.
Dosente responsável ba atividade Servisu Sosiál iha DCS, Mestre Miguel Gonçalves hateten, atividade ne’e departamentu la’ós kria de’it amizade entre estudante foun, estudante tuan, dosente, no alumni sira maibé hakbesik ba komunidade hodi halo mós atividade servisu sosiál.
“Liuhusi atividade Bina-akrab ne’e ita fahe ba sesaun lubuk ida atu lori estudante sira kumpri pilár universidade nian hanesan edukasaun, peskiza no servisu sosiál, nune’e hakbesik ba serbí komunidade”, dehan.
Atividade realiza ho apoiu husi estudante, dosente, alumni DCS nian no kolabora ho autoridade lokál suku nian, Amu Paroku Maubisse nian inklui Katekista sira husi Kapela Ave-Maria Aituto nian.
Média UNTL : Elizita Fernandes (estudante DCS)
: Elizita Fernandes (estudante DCS)Foto : Deonisia Soares Martins (estudante DCS)
: Deonisia Soares Martins (estudante DCS)- Detalhes
- Escrito por Mateus Goncalves
- Visualizações: 234
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D hasoru malu ho Sra. Kim Haesook, Cordenadora ba Organizasaun Não Govermental The Promise husi Korea-Sul ho nia ekipa hodi deskuti sira-nia apoiu ba Departamento de Media e Comunicação (DEMCOM-UNTL).
Sorumutu ne’e hala’o iha Sala-Videokonferénsia UNTL, Díli (14/06), ho objetivu atu parte rua bele deskuti apoiu The Promise ba DEMCOM, liuliu produsaun video nian, tanba ekipa The Promise sei destaka nia voluntáriu ida bazeia ba memorandun ne'ebé asina ona iha fulan setembru 2023.
Partisipa husi Proreitór ba Asuntu Kooperasaun nian, Profesór Tomé Xavier Jerónimo no ekipa husi The Promise nian.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 210
Universidade Nacional Timor Lorosa'e (UNTL) nia Faculdade de Medicina Ciências da Saúde (FMCS) realiza Caping Day hodi halo Jurramentu ba estudante husi Eskola Superiór Enfermajen no Parteira hamutuk atus-rua tolu-nulu resin tolu, iha salaun Delta Nova, Díli (14/06).
Magnifiku Reitór hato'o parabéns ba estudante sira, tanba durante ne'e tuir aula no liuhusi jurramentu hodi bele sai fonte di'ak hodi kuidadu komunidade nia saúde iha Timor-Leste.
"Ohin ita boot sira marka tan istória foun ida iha FMCS no Universidade, tanba ne'e parabéns ba imi hotu ne'ebé ohin halo jurramentu antes ba prátika iha ospital no klínika sira, espera katak imi bele sai fonte ne'ebé di'ak hodi servi komunidade sira, husu mós atu bele prátika tuir saida mak imi promete ona iha loron ohin", dehan Reitór.
Dekana FMCS nian, Profesora Lídia Gomes hatete, Caping Dday ne'e sai nu'udar programa importante ida ba FMCS nian, liuliu ba Eskola Superior Parteira no Enfermajen semestre tres sira, antes ba halo prátika iha klínika ka ospital sira.
"Caping Day ne'e nu'udar programa importante ida ba ami nia Fakuldade liuliu iha estudante Eskola Superior Parteira no Enfermajen, antes sira ba prátika iha komunidade, klínika ka ospital sira, tenke Capping Day no juramentu, nune'e sira bele servisu ho domin no justu", dehan Dekana FMCS.
Lizeti Tailala Laranjinha Simoes, estudante husi eskola Superior Enfermajen nian hatete, durante ne'e aprende teoria iha aula no sira halo promesa antes ba prátika iha terenu.
"Kontente no agradese tebes ba loron ohin, tanba loron ne'e importante tebes mai ami, durante ne'e ami aprende deit iha aula, maibé ohin to'o ona faze Caping Day ka juramentu, tanba ami presiza prátika ho justu hodi kuidadu pasiente sira ho di'ak liután", tenik Lizeti.
Partisipa husi Visereitora ba Asuntu Provedoria no Akonsellamentu, Profesora Teresa de Jesus Gusmão Vaz Cabral, Amu Kapelaun UNTL nian, Padre Nívio Correia Lebre Fdcc, estrutura FMCS nian, dosente, estudante no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 207
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D sorumutuk ho Royal Australian College of Surgeons (RACS), The Fred Hollows Foundation (FHF), iha Gabineti Reitór nian, Kampus Sentrál, Díli (13/06), hodi ko'alia kona-ba oinsá rekolla informasaun sira relasiona ho setór saúde matan.
Objetivu husi sorumutuk ne'e, parte rua deskuti kona-ba oinsá rekolla informasaun sira relasiona ho setór saúde matan, nune'e bele uza hanesan materia advokasia ida ba governu nomós doadór sira ne'ebé iha interese atu apoiu iha setór ne’e.
Sorumutuk rerefe akompaña husi Advocacy Advisor husi The Fred Hollows Foundation (FHF) Sr. Ben Murphy ho nia Cordenadora Emily Hodgetts, Interim Country Manager, Royal Australasian College of Surgeons (RACS) nian, Sr. Januário Gusmão no Dr Manoj Sharma.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa