- Detalhes
- Escrito por Mateus Goncalves
- Visualizações: 205
Universidade Nacional Timor Lorosa'e (UNTL) liuhusi Diresaun Nasionál Aprovizionamentu (DNA), loke Solisitação de Quotação hanesan, Fornesimentu Refeisaun (Catering Service ), Fornesimentu Material Eskritóriu, Servisu Dekorasaun, Produs Konvite no Baner ba Serimónia Graduasaun UNTL ba dalatolunulu. Ba kompañia sira ne'ebé iha interese bele mai foti dokumentu iha DNA-UNTL.
Informasaun kompletu bele haree iha aneksu.
- Detalhes
- Escrito por Mateus Goncalves
- Visualizações: 211
Universidade Nacional Timor Lorosa’e (UNTL) nia Visereitor para Asunto Académico e Garantia Qualidade (VRAAGQ) servisu hamutuk ho Departamento de Média e Comunicação (DEMCOM) realiza Debate Akadémiku ho tema ‘’UNTL À CONVERSA: Prazo de Conclusão dos Cursos na UNTL, Desafios e Solucões’’, ba Edisaun II nian iha Auditóriu, FECT Hera, Díli (30/04).
Iha diskursu Magnífiku Reitor Profesor dr. João Soares Martins,MPH.Ph.D hato’o agradese ba inisiativa husi VRAAGQ ho DEMCOM, tanba bele iha inisiativa atividade debate ida-ne’e hodi bele fó espasu hodi bele rona mós kona-ba saida mak estudante sira hato’o haree ba problema sira ne’ebé sira hasoru durante iha prosesu estudu.
‘’Ha’u hanoin dialogu ida-ne’e importante tebes hodi rona problema sira ne’ebé durante ne’e, estudante sira hasoru iha sira-nia prosesu estudu nian. Tanba ne’e husu mós ba dekanu sira atu anota hela ba informsaun sira husi estudante sira hodi ita bele deskute nune’e bele hadia iha futuru bele lao diak liu, nune’e estudante sira mós la estuda kleur liu iha UNTL’’, dehan Magnifiku Reitór.
Iha fatin hanesan, Visereitor para Asunto Académico e Garantia Qualidade (VRAAGQ) Professór Samuel Venâncio de Souza Freitas agradese ba fakuldade sira ne’ebé partisipa iha diskusaun ne’e diak tebes hodi hatan ba problema estudante sira nian.
“Liuhusi diskusaun ne’e, atu iha biban bele avalia iha fakuldade ida-idak hodi fó espasu atu bele resolve buat ruma iha fakuldade entre estudante ho dosente no estrutura sira.
Ohin segunda edisaun ita koalia kona-ba kualidade kursu no kualidade prosesu aprendizajen ba estudante sira hodi rona oinsa estudante sira-nia preokupasaun no bele hare mos kona-ba regulamentu akadémiku nian’’, dehan Profesór Samuel.
Partisipa iha diskusaun ne’e Visereitór, Proreitór, Dekanu, Visedekanu, no interlokutór sira husi Faculdade de Direito, Faculdade de Educação Artes e Humanidades (FEAH) no Faculdade Ciências Exatas (FCE), Senadu Estudantíl no estudante sira.
Média UNTL 
: Laurindo da Cruz Gomes
: Laurindo da Cruz GomesFoto 
: Eugenia de Jesus Guterres
: Eugenia de Jesus Guterres- Detalhes
- Escrito por Mateus Goncalves
- Visualizações: 184
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D hasoru malu ho reprezentante husi Universidade de Las Palmas de Grab Canária Profesór Juan Manuel Santana nu'udar eis Diretór Catedrático Historia Moderna no Diretora Departamento Psicologia, Sociologia e Trabalho Social hodi deskuti kooperasaun ba futuru.
Vizita ne’e lokaliza iha Gabinete Reitór nian, Díli (30-04), ho objetivu mak parte rua deskuti oinsá kria kooperasaun iha área edukasaun nian, maibé iha diskusaun ne'e deskuti mos oinsá ezistensia fakuldade sira iha UNTL no ba futuru mak deskuti klean hodi apoiu iha área ne'ebé nesesáriu.
Reprezentante na'in rua ne'e mai tuir programa Erasmus nian ne'ebé hetan husi Universidade Las Palmas no dadaun ne'e iha hela atividade iha Faculdade de Ciências Sociais durante semana ida.
Média UNTL : Leonia de A. da Costa
: Leonia de A. da CostaFoto : Leonia de A. da Costa
: Leonia de A. da Costa- Detalhes
- Escrito por Mateus Goncalves
- Visualizações: 190
Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, PhD, hasoru malu ho Sekretariu Jeral Federasaun Futebol Timor-Leste (F-FTL), Sr. Grigorio Correia, iha Sala-Videoconfêrensia UNTL nian, Díli (30/04), hodi diskute kona-ba pedidu F-FTL ne’ebé husu espasu atu konstrui kampu Futsal iha área UNTL nian.
Objetivu husi sorumutu ne’e ekipa husi Federasaun Futebol Timor-Leste mai hasoru malu ho Reitór UNTL atu koopera no servisu hamutuk iha área desportu nian liga ba konstrusaun kampu futsal nian iha universidade.
Partisipa husi Visereitora ba Asuntu Estudantís Profesora, Lígia Tomás Correia, Proreitór ba Asuntu Kooperasaun Profesór Tome Xavier Jerónimo, Xefe Departamentu Atividade Estrakurikular Sr. Joviano S. Reis no ekipa husi F-FTL nian.
- Detalhes
- Escrito por Mateus Goncalves
- Visualizações: 167
Universidade Nacional Timor Lorosa’e (UNTL) nia Magnifiku Reitor Profesór dr. João Soares Martins, MPH. Ph.D asina nota de entendimentu (MoU) ho Profesora Maria do Ceu husi Universidade do Porto hodi koopera iha área desportu nian, iha Auditóriu Fundasaun Oriente, Díli (29/04).
Objetivu husi asina memorandu ne’e, parte rua atu koopera diak liutan iha área Desportu nian, hodi mantein nafatin lasu amizade no fó formasaun ba estudante sira. Nune’e mós bele fó posibilidade ba profesor sira ne’ebé atu kontinua sira-nia estudu mestradu ka doutoramentu iha Univesidade Porto.
Partisipa iha serimónia ne’e, Visereitór ba Asuntu Akadémiku no Garantia Kualidade, Profesór Dr. Samuel Venâncio de Souza Freitas, reprezentante Ministério Juventude e Desporto Arte e Cultura (MJDAC) nia Diretór Jeral Sr. João Rodrigues, Dekanu FEAH Profesór Teodoro Soares, Diretor SECA Profesór Vicente Paulino, diretór departamentu, dosente no estudante sira.
Média UNTL : Mario Jonio M. Mendonça
: Mario Jonio M. MendonçaFoto : Domingos Amaral
: Domingos Amaral