- Detalhes
- Escrito por Mateus Goncalves
- Visualizações: 673
#TimorLeste #UNTL #FECT #COVID19# COVID19TL 30 Setembru 2021 - Universidade Nacional Timor Lorosa’e (UNTL), realiza Semináriu Internasionál ho tema” Grandes Dezafius, Oportunidade, Prioridades Nasionais, Polítika Esterna” ho Oradór prinsipal Dr. José Ramos Horta, iha Auditóriu FECT Hera-UNTL (30/09).
Magnífiku Reitór Profesór dr. João Soares Martins MPH,Ph.D, iha abertura hateten oradór prinsipál ba semináriu ne’e ko’alia kona-ba dezafiu, oportunidade no prioridade sira Timor-Leste sei hasoru, nune’e mós halo reflesaun ba tinan 20 Timor-Leste nia independénsia.
“Esplikasaun sira ne’ebé oradór hato’o pertinente no importante atu haklean liután ita-nia koñesimentu kona-ba polítika esterna, diplomásia nomós nia esplikasaun liga ba prioridade nasionál sira, no globál liga mós ba situasaun COVID-19-19”, tenik Reitór.
Iha fatin hanesan, Eis Prezidente José Ramos Horta hateten, Timor-Leste iha dezafiu barak maibé oportunidade ida mak tranzisaun ba jerasaun foun no tranzisaun ne’e hahú tiha ona dezde tinan 2002 liubá.
“Ko’alia mak ida ne’ebé dezafiu, oportunidade, prioridade nasionál, polítika eksterna, ha’u esplika mak ida ne’e tranzisaun jerasaun hahú tiha ona iha 2002 Komité Sentrál, líder sira, ne’ebé mate iha tempu luta kuaze hotu-hotu mate iha tempu luta momentu ne’ebá iha estrutura governu no parlamentu maioria jerasaun foun”, tenik Dr. Ramos.
Partisipa iha semináriu ne’e, Visereitór, Proreitór, Diretór-Jerál, Diretór Nasionál, Funsionariu, Dosente, estudante no konvidadu sira.
Média UNTL 📝: Denilson A. Barros (estajiáriu)
Foto 📷: Pio Belo Ximenes, Denilson A. Barros, Leonia de A. da Costa
- Detalhes
- Escrito por Mateus Goncalves
- Visualizações: 501
- Detalhes
- Escrito por Mateus Goncalves
- Visualizações: 649
#TimorLeste #UNTL #FD #MAP #COVID19 #COVID19TL 28 Setembru 2021 - Universidade Nacional Timor Lorosa’e (UNTL) nia Fakuldade Direitu, komemora Dies Natalis ba dala XVI (16), liuhusi kuda Ai-Parapa oan hamutuk 200 iha área Kosteira Metinaru (Sentru Viveriu Ai-Parapa Metinaru Iha Aldeia Sahan, Suku Wenunuk, Postu Administrativu Metinaru), Munisípiu Dili (28/09).
Iha fatin hanesan, Visedekanu ba Asuntu Estudantíl, Profesór Estevão Fernandes, hateten aktividade ne’e nudar parte ida husi programa aniversáriu Fakuldade nan, ho objetivu husi reflorestasaun refere atu kontribui ba fó mahon ba ikan sira iha tasi laran.
Visedekanu ba Asuntu Estudantíl, Profesór Estevão Fernandes
“Programa reflorestasaun ne’e parte ida husi programa komemorasaun aniversáriu Fakuldade ba dala XVI, ba ezisténsia FD nian iha UNTL. Reflorestasaun ne’e hodi proteje no fó mahon ba ikan sira no ekosistema sira iha tasi”, tenik Profesór Estevão.
Iha fatin hanesan, reprezentante Ministériu Agrikultura no Peskas (MAS) nia Xefe Unidade Áreas Costeiras no Mangais, Sr. Domingos Soares Mook, agradese ba servisu hamutuk hodi kuda Ai-Parapa oan no atu lori mós mensajen ba jerasaun foun sira liuhusi programa sira hanesan ne’e.
“Agradese tebes ba alin sira, mai ita servisu hamutuk tanba estafeta dezevolvimentu iha nasaun ne’e husi ita bo’ot sira hodi hatutan, ami nia parte hanesan tau hela markasaun, atu halo kompletu jerasaun sira tuir mai”, tenik Sr. Domingos.
Iha fatin hanesan, Prezidente Komisaun ba Komemorasaun Aniversáriu FD nian, Sr. Joaquim Domingos Ramos, hateten, atividade ba komemorasaun Dies Natalis nian, iha programa ha’at mak sei implementa ba dahuluk mak reflorestataaun (kuda aiparapa oan).
“Tinan ida ne’e Fakuldade Direitu sei selebra nia aniversáriu iha loron 06 fulan Outubru 2021, aktividade ne’ebé kria mak hanesan Reflorestasaun, Palestra, Misa Agradesimentu no konfraternidade”, hateten Prezidente Komisaun.
Partisipa iha kuda ai oan ne’e Vise-Dekanu ba Asuntu Estudantil, Profesór Estevão Fernandes, Asosiasaun Estudante Fakuldade hamutuk ho estudante, reprezentante MAP nian, Sr. Domingos Soares Mook, ho nia funsionáriu sira.
Média UNTL 📝: Agostinho da Cruz e Silva
Foto 📷 : Pio Belo Ximenes
- Detalhes
- Escrito por Mateus Goncalves
- Visualizações: 604
#TimorLeste #UNTL #CECA #COVID19 #COVID19TL 29 SETEMBRU 2021 - Universidade Nacional Timor Lorosa’e (UNTL) nia Sentru Estudu Kultura no Arte (CECA), realiza Kolókiu Internasionál ho tema ”Timor-Leste Edukasaun, Siênsia no Kultura” iha Auditóriu Liceu UNTL nian, Díli (29/09).
Magnífiku Reitór, Profesór dr. João Soares Martins MPH, Ph.D, iha diskursu agradese CECA ne’ebé organiza ona kolókiu refere, no husu atu promove liután siénsia, kultura no seluk tan.
“Agradese ba sentru ne’ebé bele organiza ona hodi hala’o kolókiu ne’e, no tenta nafatin atu bele haree no esplora liután kestaun siénsia, edukasaun no kultura liu-liu aspetu kultura nian, nomós presiza halo estudu klean liubá ita-nia kultura rasik”, tenik Reitór.
Reitór dezeja katak ho atividade ne’e, bele kontribui ba transmite valor kultura timoroan nian ba jerasaun foun sira, hodi promove nafatin tradisaun bei’ala sira husik hela, nune’e jerasaun foun sira kontinua hatutan.
Iha fatin hanesan, Diretór Sentru Estudu Kultura no Arte, Profesór Doutór Vicente Paulino hateten, liuhusi eventu siénstifiku ne’e bele fahe nafatin informasaun relasiona ho siénsia, kultura no seluk tan.
“Atu promove traballu profesór sira-nia, estudante ne’ebé lisensiadu ona hanesan traballu kolatoria ida, tanba Timor-Leste presija duni promosaun ba eventu sentífiku sira, hodi bele fahe informasaun kona-ba siénsia, kultura, edukasaun nian no rezultadu aprezentasaun sira sei publika iha livru”, tenik Profesór Vicente.
Kolókiu ne’e rasik aborda temátika sira hanesan Língua Ensinu, Média no Komunikasaun, Kultura, Linguístika, Kurríkulu, no Meiu Ambiente.
Eventu akadémiku ne’e, ninia espasu limitadu ba akadémiku no estudante sira, rezultadu husi kolókiu ne’e sei publika liuhusi livru atu públiku bele asesu.
Partisipa iha kolókiu ne’e Visereitór, Proreitór, Dekanu, Visedekanu sira, Dosente, Estudante, Funsionáriu no konvidadu sira.
Média UNTL 📝 :Denilson A. Barros
Foto 📷 : Pio Belo Ximenes
- Detalhes
- Escrito por Mateus Goncalves
- Visualizações: 513
#TimorLeste #UNTL #USAIDTimorLeste #COVID19 #COVID19TL 29 Setembru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, simu vizita husi -Embaxada Estadu Unidus Amerika (EUA) 🇺🇲 nia Ofisiál ba Asuntu Públiku, Sr. Johnson Timothy, hodi diskuti Kooperasaun no Edukasaun iha universidade nasionál.
Vizita ofisiál ne’ebé hala’o iha Gabinete Reitór UNTL nian, Díli (28/09) ne’e, ho objetivu hodi diskuti planu no programa instituisaun rua ne’e nian, ne'ebé sei konsentra ba edukasaun iha ensinu superiór liuliu UNTL.
Aleinde ne'e, iha parte espesífika diskuti mós kona-ba dezenvolvimentu biblioteka, e-library (biblioteka-online), treinamentu ba profesor sira, simináriu, peskiza no mobilidade estudante.
Vizita ne’e partisipa mos husi, Koordenador Uma Amerika nian, Sr. Ezaquiel Ribeiro no Sr. Leopoldo Gusmão.
Média UNTL 📝: Mateus Gonçalves
Foto 📷: Mateus Gonçalves