- Detalhes
- Escrito por Mateus Goncalves
- Visualizações: 10277
#TimorLeste #UNTL #UNWOMEN 10 Fevereiru 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, ho Reprezentante UNWomen nian iha Timor-Leste, Sra. Sunita Caminha, halo’o diskusaun kona-ba kontinuasaun kooperasaun entre UNTL ho UN Women, iha Sala Vídeo Konferénsia (10/2), Kampus Sentral, Díli.
Diskusaun refere ho objetivu atu kontinua kooperasaun servisu, liuliu hare ba implemetasaun programa “Kampus Seguru” hodi asegura no prevene aktu violénsia sira hanesan asédiu seksuál, asaltu sexuál, violénsia fíziku iha resintu UNTL nian.
Iha tempu hanesan, UNWomen mos entrega relatório konaba Kampus Seguru durante tinan lima ba kotuk ba Magnífiku Reitór UNTL.
Partisipa iha diskusaun ne’e, Visereitora Asuntu Estudantíl, Profesora Eng.ª Lígia Tomás Correia, M.Sc, Proreitora Asuntu Kooperasaun, Profesora Doutora Lídia Gomes, SKM, M.Kes., Próreitor ba Asuntu Provedoria no Akonsellamentu, Prof Tomé Xavier Jerónimo,SH,M.D, Diretóra Poliklínika Universidade, Profesora Teresa António Madeira Soares,BDS,MPH, ekipa husi UNWomen ', Sra. Teresa Verdial, no Sr. Sylvio Fonseca.
Média UNTL 📝: Mateus Gonçalves
Foto 📸: Altur Ramos (estajiáriu)
- Detalhes
- Escrito por Mateus Goncalves
- Visualizações: 10322
#TimorLeste #UNTL #ADN 9 Fevereiru 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D ho Visereitór no Proreitór sira hala’o enkontru ho Diretór Ezekutivu Ajénsia Dezenvolvimentu Nasionál (ADN), Eng. Mariano Renato Monteiro da Cruz, ho nia ekipa, hodi ko’alia kona-ba kritériu sira husi ADN ba Projetu foun ne’ebé atu konstrui iha futuru, iha Sala Vídeo Konferénsia UNTL nian, Díli, (09/02).
Reitór UNTL apresia tebes ho servisu ADN nian, ne’ebé durante ne’e kontrola projetu hotu ho kualidade liuliu projetu sira ne’ebé halo iha UNTL.
“Ha’u apresia tebes servisu ADN nian, tanba halo servisu ho di’ak ba konstrusaun sira ne’ebé mak halo iha ami-nia universidade tanba ho kualidade ne’ebé di’ak no iha futuru, ami hakarak halo kooperasaun di’ak liután atu nune’e bele hadia prosesu dezenvolvimentu institusionál nian foku ba infraestrutura”, dehan Reitór.
Iha parte seluk, Diretór AND nian, Eng. Mariano Renato Monteiro da Cruz, hateten katak enkontru ne’ebé hala’o atu habelar papel Ajensia Dezenvolvimentu Nasional nian ba Estrutura foun universidade nian liuliu iha dezenvovimentu Institusional nian.
“Ohin ami ko’alia kona-ba projetu tuan sira (ongoing) no projetu foun sira, tanba ADN nia papel ne’e tenki verifika no sertifika, tan ne’e kritéria lubuk ida mak ami aprezenta ona ba Reitór ho nia estrutura sira atu apar hodi bele submete dokumentu sira ba ami hodi halo verifikasaun antes halo prosesu aprovisionamentu no implementasaun, atu nune’e labele difikulta iha prosesu pagamentu”, tenik DJ ADN.
Diretór ne’e mós propoin atu hatama lalais ona dokumentu kona-ba projetu foun tolu (3) ne’ebé mak atu konstrui tanba presiza tempu atu halo verifikasaun.
Partisipa iha enkontru ne’e Visereitór ba Asuntu Administrasaun no Finansas no Administradór Jeral Profesór Doutór Helio A. da C. Xavier, Ph.D, Proreitór ba Asuntu Dezenvolvimentu Instituisional, Profesór Doutór Lelis Gonzaga Fraga, Proreitór ba Asuntu Planeamentu, Monitorizasaun no Avaliasaun Profesór Nelson Salsinha, Ph.D, Diretór Nasional Planu No Finansas, Sr. Egídio dos Santos Filipe, Xefi Departamentu no ekipa UNTL, Adjuntu Januario M. Guterres ho nia ekipa ADN nian.
Média UNTL: Agustinho da Cruz e Silva, Altur Ramos (estajiáriu)
Foto: Agustinho da Cruz e Silva
- Detalhes
- Escrito por Mateus Goncalves
- Visualizações: 11093
Magnífiku Reitór, Profesór dr. João Soares Martins, MPH, Ph.D, simu vizita husi S.E. Embaixadór Repúblika Populár Xina 🇨🇳 nian iha Timor-Leste
#TimorLeste #UNTL 05 Fevereiru 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, simu vizita husi S.E. Embaixadór Repúblika Populár Xina 🇨🇳 nian iha Timor-Leste 🇹🇱, Dr. Xiao Jianguo, iha Sala Vídeokonferensia, kampus sentrál UNTL nian, Díli (05/02).
Vizita refere ho objetivu hodi ko’alia kona-ba kooperasaun ne’ebé realiza ona entre UNTL ho Embaixada Xina ne’ebé antes ne’e hala’o tiha ona, no diskute mós pasu kooperasaun ba oin.
“Ohin Embaixadór Xina nian ho ekipa mai atualiza kona-ba kooperasaun entre UNTL no Xina ne’ebé antes ne’e la’o tiha ona, hanesan bolsu estudu ne’ebé implementa kada tinan hodi oferese bolsu estudu interna ba estudante UNTL nian”, tenik Magnífiku Reitór.
Iha biban ne’e, Magnífiku Reitór mós solisita apoiu Governu Repúblika Xina nian, liuhusi Diplomata Dr. Xiao Jianguo, hodi hadia infraestrutura nian hanesan biblioteka, laboratóriu no seluk tan.
Partisipa enkontru ne’e Vise-Reitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Vise-Reitór ba Asuntu Pós-Graduasaun no Peskiza, Profesór Doutór Gabriel António de Sá, Pro-Reitora ba Asuntu Kooperasaun Profesora Doutora Lídia Gomes SKM. MPH, Pro-Reitór ba Asuntu Dezenvolvimentu Institusionál, Profesór Doutór Lelis Gonzaga Fraga, Embaixadór Repúblika Xina nian iha Timor-Leste ho nia ekipa.
Média UNTL 📝 : Leonia de Araújo (estajiária)
Foto 📸 : Agostinho da Cruz
- Detalhes
- Escrito por Mateus Goncalves
- Visualizações: 10432
#TimorLeste #UNTL 8 Fevereiru 2021
Magnífiku Reitór Universidade Nacional Timor Lorosa’e (UNTL), Profesór dr. João Soares Martins, MPH, Ph.D, akompaña husi Visereitór no Proreitór sira, hala’o audiénsia ho S.Exa. Primeiru-Ministru RDTL, Taur Matan Ruak, hodi relata planu UNTL nian no prioridade sira durante tinan lima (2021-2026) nomós aprezenta Ekipa Reitorál foun, iha Palasiu Governu, Díli (8/2).
Reitór UNTL hateten katak audiénsia refere atu aprezenta estrutura foun universidade nasionál nian ba períodu tinan 5 oin mai, nomós solisita akonsellamentu ruma husi S.Exa. Primeiru-Ministru.
“Ami kontenti tebes ho audiénsia ohin, tanba hetan oportunidade hodi aprezenta estrutura foun ne’ebé simu ona pose husi Konsellu Jerál iha 29 janeiru ne’e, nomós aprezenta planu estratéjiku UNTL nian ba S.Exa Primeiru-Ministru Taur Matan Ruak”, tenik Reitór.
Reitór mós salienta tan katak iha planu estratéjiku ba tinan lima mai hatuur ho prioridade sia (9), reforsa jestaun universidade nian (1), reforsa misaun universidade nian ensinu (2), peskiza no servisu estensaun komunitária (3), reforsa sentru sira universidade nian, investe iha rekursu humanu liuliu profesór sira (4), mellora infrastrutura (5), reforsa kooperasaun Internasionál no Nasional (6), garante kualidade (7), bem-estar ba profesór sira (8), funsionáriu no estudante sira (9).
Iha audiénsia ne’ebé hala’o Reitór akompaña husi Visereitór Assuntus Akadémiku no Garantia Kualidade, Profesór Doutór Samuel Venâncio de Sousa Freitas, Visereitór Asuntu Administrasaun, Finansas no Administradór-Jerál, Profesór Helio Augusto da Costa Xavier Mauquei, Ph.D, Visereitora Asuntu Estudantíl, Profesora Eng.ª Lígia Tomás Correia, M.Sc, Próreitor Asuntu Planeamentu, Monitorizasaun no Avaliasaun, Profesór José Nelson Salsinha, Ph.D, no Proreitora Asuntu Kooperasaun, Profesora Doutora Lídia Gomes, SKM, M.Kes.
Média UNTL 📝: Mateus Gonçalves
Foto 📸: Mateus Gonçalves
- Detalhes
- Escrito por Mateus Goncalves
- Visualizações: 3400
#TimorLeste #UNTL 5 Fevereiru 2021
Magnífiku Reitór Universidade Nacional Timor Lorosa’e (UNTL), Profesór dr. João Soares Martins, MPH, Ph.D, akompaña ho Vise-Reitór no Proreitór sira halo vizita servisu ba administrasaun sentrál universidade nasionál nian hodi observa direta funsionamentu administrasaun akadémika nian, iha Kampus Sentrál UNTL nian, Díli (05/02).
Iha visita ne’e Magnífiku Reitór konsege halo diskusaun ho Diretór Nasionál no Xefe Departamentu sira atu koñese lala’ok atividade atendimentu no rejistrasaun nian, inklui difikuldade sira ligadu ho servisu administrasaun nian durante ne’e.
Vizita ne'e akompaña husi Vise-Reitór Asuntu Akadémiku no Garantia Kualidade, Profesór Doutór Samuel Venancio Freitas, Vise-Reitór Asuntu Adminitrasaun Finansa no Administradór-Jerál Profesór Helio A. da C. X. Mauquei, Ph.D, Proreitór ba Asuntu Planeamentu, Monitorizasaun no Avaliasaun, Profesór José Nelson Salsinha, Ph.D.
Média UNTL 📝: Altur Ramos, (estajiáriu)
Foto 📸: Agostinho da Cruz