- Detalhes
- Escrito por Mateus Goncalves
- Visualizações: 3033
#UNTL, 29 janeiru 2019
Bazeia ba dadus estudante sira Universidade Nacional Timor Lorosa’e UNTL ninian, to’o tinan letivu 2018 nian, hosi Diresaun Nasionál Atendimentu Estudante (DNAE), korpu estudantil hamutuk 17,688.
Hosi total ne’e, analiza ba jéneru nian, total estudante sira feto barak liu mane, no ida ne’e passu pozitivu ida atu garante paridade géneru iha sosiedade laran, inklui mos iha nivel akademiku nian.
“Ita-nia estudante sira ne’ebé mai rejistu bazeia ba relatóriu 2018 nian, hamutu 17,688 maibé fahe ba jéneru, feto hamutuk rihun ualu atus ualu limanulu (8,850), no mane hamutuk rihun 8 atus neen neenulu resin tolu (8,663)”, tenik Diretór Diretór Nasionál Atendimentu Estudante (DNAE) Rui Loco Pires, iha Kampus Sentral, Dili.
Sentru Estudus Géneru iha UNTL analiza daudauk kestaun ida ne’e relasiona ho Timor-Leste nian kompromissu atu atinji Objetivus Dezenvolvimentu Sustentável (ODS), liu-liu ODS 5 konaba Igualidade Jéneru iha partes sosiedade hotu-hotu, atu garante sosiedade ida ne’ebe inkluzivu no igual liu.
Média UNTL
Foto: Miguel Gonçalves, Moises do Rego
- Detalhes
- Escrito por Mateus Goncalves
- Visualizações: 1474
#UNTL, 28 janeiru 2019
Universidade Nacional Timor Lorosa’e (UNTL), hola parte mos iha Reuniaun Grupu de Traballo ba Objetivus Dezenvolvimentu Sustentável (ODS) / Sustainable Development Goals (SDGs) iha Timor-Leste, iha Salaun Sosiedade Sivil, Palácio do Governo, iha Dili.
Grupu de Traballo ba Objetivus Dezenvolvimentu Sustentável (ODS) mak kordena no akompaña implementasaun asoens atu realiza ODS sanulu resin hitu (17) iha Timor-Leste to’o tinan 2030.
Iha tinan 2019, Timor-Leste sei aprezenta VNR (Voluntary National Review) ka Revizaun Nasional Voluntária, nudar relatóriu nasional konaba ba implementasaun ODS nia Objetivus 17, Alvus 169, Indikadores 232, iha rai laran ba High Level Political Forum (HLPF) iha ONU. Timor-Leste sei aprezenta VNR ba HKPF ba dahuluk iha tinan ne’e 2019.
Grupu Traballo refere lidera hosi Gabinete Primeiru-Ministru nian no kompostu hosi reprezentantes liñas ministerias governu nian, intituisoens sosiedade sivil, instituisoens akadémikas públika no privadas sira, setor privado, komunikasaun sosial no mos parseirus dezenvolvimentu nian.
Universidade Nacional nia pontu fokal hodi reprezenta instituisaun publika akademika ne’e iha Grupu de Traballo ODS Timor-Leste nian mak Pro-reitór Assuntos Koperasaun Professor Doutor Eduardo Serrão, ne’ebe mos sei lidera Grupu de Traballo ba ODS/SDGs iha nível UNTL laran nian.
Média UNTL
Fotos: Janio Tilman
- Detalhes
- Escrito por Mateus Goncalves
- Visualizações: 2435
#UNTL, 25 janeiru 2019
Universidade Nacional Timor Lorosa'e ho sentimentu profundu hato'o katak UNTL lakon ona Dosente Professor Doutor Ermelindo Barreto, ne'ebe fila hikas ona ba Aman Maromak Ninia kadunan Santu iha loron 25 Janeiru 2019, tuku 3 dader iha Ospital Guido Valadares-Dili.
Professor Doutor Ermelindo Barreto nu'udar mos dosente ida ne'ebe hahu partisipa iha prosesu harii UNTL. Nia mos nu'udar membru meritu konsellu jeral UNTL nian iha periodu 2011 to'o 2013. Professor Doutor Ermelindo Barreto, dosente husi Departamento Ensino de Biologia, Faculdade de Educacao, Artes e Humanidades remata nia Doutoramento iha Brasil iha tinan 2018, no foin reativa nia servisu iha UNTL.
UNTL presta omenajen ba dala ikus iha Universidade antes lori ba nia moris fatin iha Balibo.
- Detalhes
- Escrito por Mateus Goncalves
- Visualizações: 6447
#UNTL, 28 janeiru 2019
Estudante sira tinan letivu 2019, ne'ebe hetan ona asesu ba universidade nasional UNTL liuhosi Kanál A Rejime Jeral, no Kanál C Rejime Oportunidade, ne’ebé aprovadu husi Ministériu Ensinu Superiór, Siénsia no Kultura (MESSK) hahu rejistru daudauk ona iha UNTL.
Prosessu rejistrasaun ba alunos UNTL foun 2019 nian, sei halao durante loron hat (4) deit, hosi segunda feira loron 28 janeiru to’o kinta feira loron 31 janeiru 2019, iha kampus Centrál.
Diretór Nasionál Atendimentu Estudante (DNAE) Rui Loco Pires, iha Kampus Sentral, Dili, esplika ho detallu prosesu rejistrasaun ba estudante sira foun tuir faze haat.
Dahuluk, estudante sira tenki ba foti formuláriu no tenki hatudu sira-nia Númeru Ezame Nasionál no fó hatene pasa iha departamentu.
Daruak, estudante sira sei foti resibu iha Departamentu Finansas UNTL nian hodi ba halo pagamentu iha Banco BNCTL, iha kualker ajensia BNCTL ne’ebé ezisti iha Timor-Leste rai laran tomak.
Datoluk, estudante sira hafoin selu iha Banco BNCTL sei foti KRS, no entrega resibu pagamentu husi banku ba iha Akadémika, iha Kampus Sentral.
Dahaat, ka ikus liu mak kada estudante entrega kópia sertidaun RDTL tahan ida.
Ba prosessu rejistrasuan iha mos nia kustu rasik no diretór esplika katak estudante sira hala’o rejistrasaun kada estudante ida sei selu totál dolar Ualu-nolu-resin-hitu ($87).
“Dolar rua-nolu ($20) ba manutensaun edifisiu, dolar rua-nolu-resin-walu ($28) ba Kazaku Alma Mater, no dolar tolu-nolu ($30) selu ba Propinas Semestre ida, inklui Orientasaun (ordik) $ 9”, dehan Diretór Rui Loco Pires.
Diretór esplika no refere tan katak DNAE sei hala’o atendimentu loron haat (4) deit ne'e duni apela ba estudante sira hotu ne’ebé liu ona hosi kanál A no C atu kompleta sira nia rejistrasaun atu la bele lakon fatin entrada ba estuda iha UNTL iha ano letivu 2019 nian.
Média UNTL
Foto: Maria Isabel
Rejultado Asesu UNTL ba Estudante Foun Nebe Passa ba Ensino Suprior UNTL/IPB ba Tinan Akademiku 2019
- Detalhes
- Escrito por Gede Jhony
- Visualizações: 39546
AVIZU
Fó-hatene ba kandidatu estudante foun asesu UNTL tinan akadémiku 2019 katak :
- Estudante ho klasifikasaun valór aas liu iha kada munisipiu (lista aprovadu hosi Ministério do Ensino Superior, Ciência e Cultura mai rejista iha Administrasaun Akadémika UNTL;
- Ba estudante aprovadu tuir bolitin ofisiál Ministério do Ensino Superior, Ciência e Cultura, mai halo inskrisaun hahú loron 28 to´o 31 fulan-Janeiru
2019, iha Diresaun Atendimentu Estudante, Kampus Sentral UNTL, tenke
lori kartaun ezame;
- Ba estudante aprovadu tuir bolitin ofisiál Ministério do Ensino Superior, Ciência e Cultura, Diresaun Instituto Politécnico Betano (IPB) atu ba halo inskrisaun hahú loron 28 to´o 31 fulan-Janeiru 2019, iha Kampus IPB Same-Manufahi.
- Ba kandidatu sira ne´ebé la rejista iha loron determinadu, konsidera rezigna an.
Obrigadu ba atensaun
file: Rejultado Asesu UNTL ba Estudante Foun Nebe Passa ba Ensino Suprior UNTL/IPB ba Tinan Akademiku 2019