- Detalhes
- Escrito por Mateus Goncalves
- Visualizações: 287
Universidade Nacional Timor Lorosa'e, (UNTL) nia Faculdade de Agricultura (FAGRI) hala’o Judisium ba dala XXIX ba finalista na’in atus ida limanulu resin lima (155) ho tema “Fini ba Futuru”, iha Auditóriu FECT Hera, Díli (11/10).
Dekanu FAGRI nian, Profesór Vicente de Paulo Correia hato’o parabens ba finalista sira, tanba ho esforsu no pasiensia bele konklui ona estudu, agradese mós ba konfiansa inan-aman no família sira, tanba bele fó konfiansa ba UNTL.
“Ami hakarak hato’o parabéns ba finalista sira hotu, tanba ho imi-nia pasiénsia no esforsu maka’as mak ohin, imi rasik konklui ona estudu ida ne’e, no ami mós hakarak agradese ba inan, aman no familia sira tanba fó ona konfiansa mai UNTL hodi haruka sira nia oan mai hala’o estudu iha UNTL to’o ohin sira remata ona.
Husu mos ba governu atu tau importansia ba setór agrikultura iha Timor-Leste, nune’e bele hasa’e produsaun iha rai laran hodi kontribui ba ekonomia iha Timor-Leste”, dehan Dekanu.
Iha fatin hanesan, Ministru Ensinu Superior, Siénsia no Kultura (MESSK), S.E. José Honorio da Costa Pereira Jerónimo hatete, governu iha ona planu hodi fó importansia ba área sira hotu, tanba ne’e sei iha prosesu diskusaun nian, tanba ne’e parabéns ba finalista sira hotu.
“Parabéns ba alin sira hotu, ohin ha’u haree estudante Kursu Peskas no Siénsia Mariñabnian lubuk ida mak judisium hotu, 2026 ita hanoin ona atu harii peska no mariña iha Timor no ami mós deskuti ona iha fundu kapital umanu, oinsá haruka joven sira ba estuda iha mestradu” dehan Ministru.
Reprezentante finalista, Zevancio Fernandes hatete, UNTL hatudu responsabilidade moral hodi produs rekursu umanu sira ne’e ho kualidade no iha kompetensia sai valór umanidade nu’udar siéntista foun nasaun nian ba futuru.
“Ami hotu hakarak agradese ba apoiu tomak husi parte hotu-hotu, no agradese mós UNTL liuhusi FAGRI hatudu ona responsabilidade moral hodi prodús rekursu ne’ebé ho kualidade no iha valór umanidade nu’udar sientista foun ba nasaun ida ne’e nia futuru, tanba husu ita hotu atu hola responsabilidade hodi kontribui ba nasaun ida ne’e” dehan Zevancio.
Totál finalista hamutuk na'in 155, kompostu husi Departamentu Agronomia (30), Departamentu Agro Sosio Ekonomia (24), Departamentu Saude Animal (52), Departamentu Pekuaria (35), Departamentu Peskas Siensia e Marinha (14).
Partisipa iha eventu ne’e, Dekanu Fakuldade Enjeñaria Siénsia no Teknolojia, Profesór Profesór Adalfredo G. da Silva Ximenes, estrutura FAGRI, Dosente, estudante, inan-aman no konvidadu sira.
#TimorLeste #UNTL #FAGRI #FECT #MESSK 14 Novembru 2023
Média UNTL 📝: Leonia de A. da Costa
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 284
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D simu vizita delegasaun husi Southeast Asian Ministers of Education Organization (SEAMEO), Sra. Romyen Kosaikanont, iha Sala Video-Konferénsia UNTL nian, Díli, (16/11).
Objetivu husi vizita ne'e atu haree kona-ba universidade nia ekosistema ba peskiza ne'ebé durante ne'e halo ona, nune'e universidade sira iha ASEAN bele iha espasu ba servisu hamutuk liuliu iha peskiza nian.
Aleinde ne'e mós halo vizita ba iha saladeaula no biblioteka sentral, universidade nian.
Partisipa husi Visereitór ba Asuntu Pós-Graduasaun no Peskiza Profesór Afonso de Almeida, Visereitór ba Asuntu Akadémiku no Garantia Kualidade Profesór Samuel Venâncio de Sousa Freitas, no ekipa husi SEAMEO.
#TimorLeste #UNTL #SEAMEO 16 Novembru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 283
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, halo abertura ba semináriu ne'ebé organiza husi Faculdade de Medicina e Ciência da Saude, ho tema"Juntos na Ciência Rumo à Excelência" hodi komemora Dies Natalis UNTL nian, ba dala ruanulu resin tolu iha 17 Novembru (2000-2023).
Semináriu ne'e, hala'o iha salaun Eskola Superior Enfermagen (ESE), FMCS Lahane, Dili (15/11), ho objetivu atu selebra susesu UNTL nian, nomós atu oferese oportunidade hodi halibur ideia no fahe koñesimentu no kria relasaun ba malu tuir komprimisiu, nune'e bele kontinua hadia kualidade edukasaun liuhusi peskiza no servisu komunidade iha Timor-Leste.
Semináriu ne'e partilla husi oradór Dr. Dewa Putu Widjana, no partisipa husi Visereitór ba Asuntu Pos-Graduasaun no Peskiza, Profesór Afonso de Almeida, Dekana FMCS, Profesora, Lidia da C. Gomes, Diretór Departamentu, Dosente, Funsionáriu Estudante no konvidadu sira.
#TimorLeste #UNTL #FMCS 15 Novembru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 298
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, simu vizita husi Diretór da Faculdade de Educação e Comunicação, Universidade Católica de Moçambique (UCM), Profesór Doutor Felipe Andre Angst.
Vizita ne'e, hala'o iha Sala-Video- Konferénsia UNTL nian, Díli (15/11), ho objetivu atu diskuti kona-ba kooperasaun ne'ebé durante ne'e halo ona, nune'e bele kontinua servisu hamutuk nomós atu haree ba kursu doutoramentu, mestradu no lisensiatura, iha área Edukasaun, nomós iha área seluk ne'ebé sei oferese husi Universidade Católica Moçambique.
Partisipa husi Proreitór ba Asuntu Kooperasaun Profesór Tomé Xavier Jerónimo, no ekipa husi Universidade Católica Moçambique.
#TimorLeste #UNTL #PRAC #UCM 15 Novembru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 258
Universidade Nacional Timor Lorosa’e (UNTL) nia Magnífiku Reitor Profesór dr. João Soares Martins,MPH.Ph.D halo abertura ba Jornada Sientífika ne’ebé organiza husi Gabinete Visereitoria ba Asuntu Estudantís, iha ámbitu komemorasaun Dies Natalis UNTL nian ba dala 23 (17 novembru 2000-2023), iha Auditóriu Liceu UNTL nian, Díli (14/11).
Magnifiku Reitor hatete, ohin loron di’ak tebes halo abertura ba jornada sientífika ne’e hodi komemora Dies Natalis UNTL nian badala ruanulu resin tolu (23) no agradese ba Gabinete VRAE bele realiza atividade ida ne’e hodi promove estudante sira pro ativu, espresa talentu no matenek iha Universidade.
“Alende ne’e ita boot sira mós tuir aula normal, estájiu, peskiza no prátika. Ita mós tenki partilla ita nia koñesimentu ba Siénsia no iha momentu jornada hanesan ne’e importante tebes atu ajuda ita forma ita-nia matenek ho katakter inteletuál. Ho atividade sira ne'e ha’u espera ba oin bele organiza di’ak liutan iha nivel fakuldade no Departementu’’, dehan Reitór.
Iha fatin hanesan Visereitora ba Asuntu Estudantís Profesora Lígia Tomás Correia hatete, atividade refere organiza iha ámbitu Dies Natalis atu enkoraja estudante sira sai adekuadu, sai toman oinsa bele halo aprezentasaun sientífika.
‘’Iha momentu ida ne’e ha’u hakarak dezafia estudante sira la’ós de’it ko’alia no komentáriu maibé hanoin ho pensamentu krítiku oinsa bele aprezenta traballu sientífiku ne’ebé durante ne’e imi hala’o tiha ona iha fakuldade.
Traballu hirak ne’e mak konsege prodús ona poster sientífiku ne’e. Ba oin ita nafatin realiza jornada sientífika hodi nafatin fó korajen ba estudante sira atu bele halo aprezentasaun sientífiku’’, dehan Visereitora.
Atividade ne’e hetan partisipasaun husi aprezentador sira hanesan, Jonio Soares finalista husi FCS, Cesaltina Hingis G. de Sousa Belo finalista husi FECT no Don Vinton Cae Armando finalista husi FCE, Vise-Dekanu, Dosente, Funsionáriu inklui estudante sira.
#TimorLeste #UNTL #VRAE 14 Novembru 2023
Média UNTL 📝: Laurindo da Cruz Gomes
Foto 📷: Laurindo da Cruz Gomes