WhatsApp Image 2023 11 30 at 12.55.08 1

Universidade Nacional Timor Lorosa’e (UNTL) nia Profesora Ligia Tomas Correia M.SC, reprezenta Magnífiku Reitór hodi partisipa iha selebrasaun Loron Mundial Siénsia ba Páz no Dezenvolvimentu ho tema “ Promover a Investigação Científica para o Desenvolvimento Nacional de Timor-Leste “ iha salaun Ian Martin, Balide Díli (30/12).

Selebrasaun refere organiza husi Instituto Nacional de Ciência e Tecnologia (INCT), ho objetivu atu haree ba papel siénsia nian iha sosiedade nune’e ema bele dezenvolve siénsia ho di’ak liuhusi estudu no peskiza. Aleinde ne’e, INCT mós lansa jornál sientífiku ida ba peskizadór sira bele públika sira-nia obras sientífiku.

WhatsApp Image 2023 11 30 at 12.55.08 4

WhatsApp Image 2023 11 30 at 12.55.08

 

 

 

 

 

 

 

 

Partisipa husi Ministru Ensinu Superiór Siénsia no Kultura (MESCC), S.E. José Honório da Costa Perreira, Prezidente Institutu Politékniku Betano (IPB), Profesór Acácio Cardoso Amaral, Reitór husi universidade sira, membru governu no eis membru governu sira, diretór no dosenti sira inklui konvidadu sira.

#TimorLeste #UNTL #MESCC #INCT 30 Novembru 2023
Média UNTL 📝: Eugenia de Jesus
Foto 📷: Altur Ramos

Comment

WhatsApp Image 2023 11 26 at 13.19.15 2
Universidade Nasionál Timor Lorosa’e (UNTL), nia graduandu Nolasco Amélia João Viegas de Jesus Torezão nu’udar mellór graduandu husi Faculdade de Ciências Sociais, Departamento de Relações Inernacionais, totál IPK (Index Prestation Communlative) 3,37 ho klasifikasaun exelente.

“Ha’u senti kontenti tebes bainhira ha’u hamriik iha oin reprezenta estudante husi 1.549 nia lian, hodi bele hato’o ami-nia sentimentu de gratidaun ba ami-nia família, konvidadu no dosente sira nu’udar estudante ne’ebé hetan mellór klasifikadu”, dehan iha serimónia graduasaun ba dala rua-nulu-resin-sia (XXIX), iha Auditóriu FECT, Hera-Díli (11/2023).

Nia hatutan, graduasaun la’os ikus ba sira-nia futuru, tanba hanesan joven ida sei kontinua dezenvolve nasaun ne’e sai nasaun ne’ebé di’ak liu, no xave atu sai mellór graduandu maka tenki estuda makaas.

“Ha’u hanoin ida-ne’e la’os atu termina kedas ami-nia futuru, tanba hanesan joven Timor Leste ami-nia futuru sei naruk, tanba luta libertasaun ne’ebé mak ita-nia éroi sira tula mai ita-nia leten ami sei kontinua atu dezenvolve nasaun ida ne’e di’ak liutan ba oin.

Ha’u hanoin dever estudante nian atu atinji estudante mellór klasifikadu nian maka estuda, estuda ne’e importante, tanba bainhira ita tur iha 75% iha ita-nia liman no 25% mak iha dosente sira-nia liman, entaun bukae saida mak ita simu husi ita-nia universidade ita foti sai hanesan referénsia, maibé hanesan ema akadémiku ida, nafatin ba buka esperénsia iha liur hodi bele aumenta ita-nia kapasidade”, hateten.

Mellór Graduandu ne’e hato’o, nia mehi atu sai diplomata ne’e maka inspira tebes nia hodi bele atinji ninia objetivu, nia mós planu atu tinan oin bele kontinua ninia estudu Mestradu nian iha área Relações Internacionais.

Iha fatin hanesan aman husi mellór graduandu Lino de Jesus Torrezão senti kontenti no apresia ba prestasaun di’ak ne’ebé nia oan hetan.

“Nia hanesan ha’u-nia oan, ha’u senti elojiadu ho ninia prestasaun ne’ebé mak di’a. Kuandu nia tuir estudu nu’udar estudante iha UNTL, moralmente ha’u sempre fó motivasaun katak, iha mundu ita hakarak sai hanesan ema ne’ebé gloriozu no ema ne’ebé susesu ne’e presiza estuda.
Imi-nia inan-aman sira sei iha forsa ekonomikamente atu haruka imi ba eskola, di’ak liu aproveita, se imi la i ba futuru. Tanba se la’os ita mak projeta ita-nia futuru sé tan?”, nia hakotu.

WhatsApp Image 2023 11 26 at 13.19.15 1

WhatsApp Image 2023 11 26 at 13.19.15 3

 

 

 

 

 

 

 

 

#TimorLeste #UNTL #FCS 23 Novembru 2023
Média UNTL 📝: Augusta Neusa Moniz (estajiáriu)/Paul Negro (estajiáriu)
Foto 📷: Altur Ramos

Comment

 


WhatsApp Image 2023 11 26 at 13.47.23Universidade Nacional Timor Lorosa’e (UNTL), liuhusi Faculdade de Ciências Sosiais (FCS), Departamentu Inkluzaun Komunitária Sosial nia estudante Gilberta do Santos Pereira, estudante ida maské ho kondisaun difisiente matan, sai orgullu ba família tanba gradua ona ho títulu Akadémiku Baxarelatu, iha serimónia graduasaun ba dala XXIX, ne’ebé realiza iha Auditóriu FECT Hera-Díli (23/11).

Iha entrevista graduanda Gilberta dos Santos Pereira sente kontente tebes, tanba maski ho kondisaun difisiente matan, maibé bele ultrapasa iha prosesu hotu hodi hetan graduasaun.

“Sente orgullu mezmu ho kondisaun difisiénsia matan, maibé ha’u bele ultrapasa iha etapa sira hodi hetan ha’u-nia nível edukasaun baxarelatu husi Departamentu Inkluzaun Komunitária Sosial. Ha’u husu mós ba maluk difisiensia sira hotu atu labele lakon vontade, mesmu ho limitasaun maibé la sai obstákulu atu luta hodi hetan susesu,” nia informa.

Graduandu ne’e mós agradese ba UNTL espesifikamente FCS no nia departamentu rasik ne’ebé fó ona oportunidade ba sira ho kondisaun difisiensia hodi hala’o estudu. Nia agradese mós ba família no parte hotu ne’ebé fó ona apoiu ba nia susesu.

WhatsApp Image 2023 11 26 at 13.53.40 1

 

#TimorLeste #UNTL #FCS 23 Novembru 2023
Média UNTL 📝: Abrão do Rosario Soares (estajiáriu)
Foto 📷: Artur Ramos, Octaviana Isidoro de Sá Benevides (estajiáriu)

Comment

WhatsApp Image 2023 11 26 at 13.25.48 1

Universidade Nacional Timor Lorosa’e (UNTL) nia Profesor Dr. Benjamin de Oliveira Hopffer Rego Silveira Martins sai oradór ba oratio sapientia iha serimónia solene graduasaun ba dala XXIX, iha Auditóriu Faculdade de Engenharia Ciênsia e Tecnologia (FECT) nian, Hera Díli (23/11).

“Kongratula garaduadu sira ba esforsu iha perkursu aprendizajen to’o alkansa meta ne’ebé sira idaidak hein, ho arma poderosa no kapasidade profisionál ne’ebé iha, buka atu manifesta ba bem-estar sosiedade no nasaun nian’’, dehan nia.

Profesor Benjamin hato’o parabéns espesial ba graduadu sira, tanba bele konklui ona perkursu akadémiku ba esforsu, sakrifísiu to’o ona alvu ne’ebé durante ne’e mehi, tanba edukasaun hanesan feramenta poderosa ida ne’ebé iha hodi salva no kuida sofrimentu humanu liuhusi empatia no ho paisaun, komprimísiu ho exelénsia.

“Manifesta ita bo’ot sira-nia kapasidade profisionál hodi utiliza sistema ne’ebé gratifikante no hatudu kredibilidade no étika hodi kontribui ba sosiedade nia di’ak, no promove ben komun, hameno ba graduadu sira kontinua aprende nafatin, tanba koñesimentu hanesan jornada ne’ebé interminável no buka atu adapta no aprende kontinuamente tanba save ba imi nia susesu maka aprende la iha sasukat”, nia dehan.

#TimorLeste #UNTL 23 Novembru 2023
Média UNTL 📝: Mario Jonio (estajiariu)
Foto 📷: Altur Ramos

Comment

WhatsApp Image 2023 11 26 at 13.08.05

Universidade Nacional Timor Lorosa’e (UNTL) realiza serimónia solene liuhusi graduasaun ba dala XXIX iha loron kinta-Sesta 23-24 Novembru 2023 ho total graduadu rihun ida atus lima, limanulu resin haat (1554), iha Auditóriu Faculdade de Engenharia Ciência e Tecnologia (FECT), Díli (24/11).

Iha entrevista Magnifiku Reitór Profesor dr. João Soares Martins, MPH.Ph,D hatete, ohin no aban selebra graduasaun ba estudante sira husi fakuldade sira iha UNTL nian no foin ba dahuluk estudante sira ho númeru boot tebes selebra sira nia gratidaun ba estudu nian.

‘’Ohin ne’e loron ida importante ba graduadu sira no hanesan jubiloza ba sira festeza sira nia susesu no gratidaun, no liuhusi siénsia ne’ebé sira konkista iha prosesu perkursu akadémiku nian hodi apoiu iha sosiadade no dezenvolvimentu nasionál”, dehan Reitór.

WhatsApp Image 2023 11 26 at 13.05.43 1

WhatsApp Image 2023 11 26 at 13.06.34 2

 

 

 

 

 

 

 

 

Iha fatin hanesan Ministru Ensinu Superior Siénsia no Kultura S.E. José Honório da Costa Pereira Jerónimo, hato’o parabéns ba graduadu sira, tanba bele konkista sira-nia estudu to’o remata iha hodi hetan grau akadémiku nian.

“Ita tenki fó kontribuisaun pozitivu ba instituisaun ida-ne’e. Ne’e importante, profesór no funsionáriu sira, estudante sira no ita hotu hodi melhora UNTL ba futuru no ita hotu iha dever atu halo kontribuisaun ba ita nia rai”, dehan MESSK.

“Kontribuisaun UNTL ba dezenvolvimentu nasionál ne’e makas, se ita haree ba rekursu umanu ne’e boot loos, maibé ne’e lato’o, ita presiza tan, tanba ne’e fó hanoin ba Universidade no ba Graduadu sira iha nível akadémika di’ak tenki uza rekursu sira-ne’e apoiu iha Universidade no Fakuldade”, hatutan.

WhatsApp Image 2023 11 26 at 13.06.34 6WhatsApp Image 2023 11 26 at 13.06.34 3

WhatsApp Image 2023 11 26 at 13.08.05 2

WhatsApp Image 2023 11 26 at 13.08.05 3

 

 

 

 

 

 

 

 

Partisipa iha sesaun gradusaun nian husi membru Governu, Membru Parlamentu, Sosiedade Sivíl, Korpu-diplomata, Amu Kapelaun UNTL nian Pe.Nivio Lebre Coreia, Fdcc, parseiru dezenvolvimentu universidade nian, estrutura universidade nian, dosente, funsionáriu inan-aman, graduadu no konvidadu sira.

#TimorLeste #UNTL #MESSK 25 Novembru 2023
Média UNTL 📝: Laurindo da Cruz Gomes
Foto 📷: ALtur Ramos, Abrão do Rosario Soares (estajiáriu)

Comment