- Detalhes
- Escrito por Mateus Goncalves
- Visualizações: 490
Universidade Nacional Timor Lorosa’e (UNTL) nia Magnífiku Reitór Profesor dr. João Soares Martins, MPH,Ph.D partisipa iha diskusaun Mesa-Redonda ho tema “A Importância do Ensino de Português Pelo Mundo” organiza husi Programa Doutoramento Internacional (DINTER) UNTL nian, iha Auditóriu Centro Cultural de Português Jorge Sampaio, Embaxada Portugal, Díli (29/01).
‘’Importante tebes mai ita atu bele aprende Português iha Timor-Leste, hodi hanorin iha aula. Nune’e mós bele halo komunikasaun di’ak ho ema portuges no hakarak aprezenta ba imi doutorandu hotu iha ne’e katak, aprende di’ak, bainhira termina kursu ne’e bele sai rekursu di’ak ba universidade no país’’, dehan Magnífiku Reitór liuhusi diskursu.
Iha fatin hanesan Ministru Ensinu Superior Siensia no Kultura (MESSK) S.E. José Honório da Costa Pereira agradese, tanba bele partisipa iha mesa redonda kona-ba importánsia ensinu portugés no lansamentu ba Revista Mozaiku husi estudante doutorandu sira-nian.
“Língua-Portugeza importante tebes ba ita uza hodi halo konversa iha mundu, no portugés hanesan veíkulu ba kompreensaun ema nian iha prosesu ensinu, negósiu, relasaun internasionál no kooperasaun, tanba ne’e ema hatene konversa uza portugés bele hetan opurtunidade iha área oin-oin”, dehan MESSK.
Iha okasiaun ne’e lansa mós revista MOZAIKU ne’ebé hakerek husi estudante Doutoramento Internacional (DINTER) nian.
Partisipa husi Visereitór ba Asuntu Pós-Graduasaun no Peskiza Profesór Afonso de Almeida, Diretora Jerál Ensinu Superiór no Siénsia Sra. Maria Filomena Lay Guterres, Diretór Nasionál sira, dosente, estudante no konvidadu sira.
#TimorLeste #UNTL#VRAPGP #DINTER #CAPES 30 Janeiru 2024
Média UNTL 📝: Laurindo da Cruz Gomes
Foto 📷: Domingos Amaral
- Detalhes
- Escrito por Mateus Goncalves
- Visualizações: 226
Universidade Nacional Timor Lorosae (UNTL), nia Magnífiku Reitór Profesór dr. João Soares Martins MPH,Ph.D ho nia estrutura, simu vizita husi Embaxadór Malázia nian iha Timor-Leste, H.E Amarjit Sarjit Singh, ho delegasaun EMGS (The Education Malaysia Global Services), iha Sala Video-Conferênsia UNTL nian, Díli (29/01).
Iha entrevista Magnífiku Reitór hateten, universidade simu vizita husi embaxadór ho delegasaun husi Universidade Malázia nian, hodi diskute kooperasaun ho Timor-Leste liuliu asuntu edukasaun.
"Ita simu delegasaun sira husi universidade Malázia nian, no sira sai hanesan ajénsia ba estudu, bainhira ita haruka estudante sira ba hala'o estudu iha Malázia, maibé universidade sei kolabora ho FDCH (Fundo Densevolvimento do Capital Humano) no Embaxada molok haruka sira ba hala'o estudu", dehan Reitór.
Partisipa iha vizita ne’e, Visereitór, Proreitór, Diretór Sentru, no ekipa EMGS (The Education Malaysia Global Services) nian.
Média UNTL 📝: Mario J. Mendonça, Denilson A. Barros
Foto 📷: Mario J. Mendonça
#TimorLeste #UNTL #Malaizia 01 fevereiru 2024
- Detalhes
- Escrito por Mateus Goncalves
- Visualizações: 222
Universidade Nacional Timor Lorosa’e (UNTL) liuhusi Faculdade de Economia e Gestão (FEG) nia Estudante Hadomi Natureza (ESHANA) selebra ezisténsia ba dala 15 (2009-2024), iha Salaun Xanana Sport Center, Bairu Formosa nian DÍli (27/01).
Reprezenta Visereitora ba Asuntu Estudantís, atual Xefe Departamentu Alumni no Empregabilidade Elvino Alves Correia hato’o parabéns ba Grupu ESHANA ba existénsia ba dala 15, ne’e hatudu katak unidade iha grupu nian kontinua nafatin hodi hala’o atividade estra hodi aumenta koñesimentu Hadomi Ambiente.
“Ohin ita selebra tinan 15 ezisténsia ESHANA ne’e hatudu mai ita atu bele hadia di’ak liutan atividade sira ne’ebé ita hala’o hodi hasa’e no melhora di’ak liutan ita-nia kapasidade atu bele kuidadu ambiente ho diak no atu habelar siénsia ba ema hotu. Ba oin ita sei haree iha possibilidade atu la’ós de’it iha FEG maibé mai iha UNTL nian”, dehan Elvino.
Iha fatin hanesan, Visedekanu Asuntu Estudantís FEG nian, Profesor Aleixo Ximenes hato’o agradese ba fundador sira ne’ebé funda ona ESHANA iha FEG ba estudante sira, tanba bele forma estudante nia mentalidade ba hadomi ambiente.
“Atividade ESHANA nian estudante sira hala’o dalabarak ba iha Munisípiu, atu haree no kuida ambiente no estudante sira la’o ain ba visita fatin-fatin. Estudante sira mos halo sosializasaun ba komunidade no hanesan manorin nain sempre fó espasu atu hala’o atividade sira, maibé mós labele haluha katak sira mai iha ne’e atu hala’o estudu”, dehan Profesor Aleixo.
Koordenadór ESHANA nian Henrique Bento Perreira hatete, aniversáriu ESHANA nian selebra ona iha loron 23 Janeiru maibé kondisaun balu mak adianta no foin realiza iha 27 Janeiru ne’e.
“Ha’u agradese ba fundadór sira mak funda ona grupu ne’e, no atividade barak mak hala’o ona ita labele konta ida ba ida. Maibé ne’e atu motiva ita hodi lori mós kolega sira atu bele hala’o asaun kiik liuhusi atividade limpeza jeral, la’o ain ba munisípiu, halo sosializasaun, hadomi natureza no habelar siénsia ba malu hodi kontribui ba dezenvolvimentu”, hatutan.
#TimorLeste # UNTL# FEG# ESHANA 29 Janeiru 2024
Média UNTL 📝: Laurindo da Cruz Gomes
Foto 📷: Laurindo da Cruz Gomes
- Detalhes
- Escrito por Mateus Goncalves
- Visualizações: 222
Universidade Nacional Timor Lorosa’e (UNTL) nia Visereitór Asuntu Administrasaun, Finansas no Administradór-Jerál (VRAAF-AG), Profesór Hélio Augusto da Costa Xavier Mauquei, Ph.D orienta Diresaun Nasional Rekursu Umanu (DNRH) enkontru ho kargu Xefia no Xefe Sesaun na’in 40 ne’ebé foin lalais tomada-posse, iha Salaun Faculdade de Ciências Exatas Balide, Díli (29/01).
“Ohin konvoka enkontru ho kargu xefia na’in 40 hodi fó mensajen ba sira, nune’e hala’o sira-nia servisu efisiénsia no esfikasia hodi garante funsionamentu no atendimentu universidade nian bele la’o ho di’ak. Alende ne'e rona mos preokupasaun ne’ebé sira hasoru iha servisu fatin, hodi hatan tuir kbii’it ne’ebé universidade iha”, dehan Visereitor.
Iha fatin hanesan, Diretór Nasional Rekursu Umanu Dr. Câncio Monteiro hatete, enkontru ohin ne'e hodi fó bemvindu ba xefia foun sira atu mai haforsa di'ak liutan servisu administrasaun nian, nune’e mellora atendimentu ba públiku liuliu iha UNTL.
“Agradese ba VRAAF-AG ne’ebé konvoka ona enkontru hodi hato’o mós benvindu ba xefia sira hodi rona sira-nia preokupasaun no problema ba iha servisu administrasaun no atendimentu públiku iha UNTL. Espera ba oin bele mellora di’ak liutan, informa mós ba xefia sira hodi jere servisu ho di’ak no nafatin arkiva dokumentu sira hodi guia no motiva ita atu halo mudansa ba servisu ho efiensia no efikas”, hateten Diretor.
#TimorLeste #UNTL #VRAAF-AG #DNRH 29 Janeiru 2024
Média UNTL 📝: Eugenia de Jesus
Foto 📷: Altur Ramos
- Detalhes
- Escrito por Mateus Goncalves
- Visualizações: 219
Universidade Nacional Timor Lorosa’e (UNTL) nia Proreitora ba Asuntu Provedoria no Akonsellamentu (PRAPA) Profesora Teresa de Jesus Vaz Cabral, iha Kampus Sentral UNTL nian, Díli (26/01), hatete Uma Akonsellamentu ne’ebé mak existe iha universidade rejista ona kliente hamutuk nain sanulu resin neen (16).
“Dadaun ne’e ita nia uma akonsellamentu rejistu ona ema hamutuk nain 16, mak mai husu atu akonsella no sira mai ho ida-idak nia problema. Iha ne’e Ita iha Amu Kapelaun Pe. Nivio Lebre Correia,Fdcc mak disponivel tebes hodi atende ba kualker asuntu no ha’u mós sempre akonsella karik problema mak sira hasoru la presiza ba iha Amu”, dehan Profesora Teresa.
Profesora Teresa hatutan, problema ne’ebé rejistu mak kona-ba asuntu estudu nian no balu ne’ebé mai ho problema seluk, PRAPA sempre prontu nafatin atu atende ba Sivitas Akadémika tomak.
“Agora dadauk ami tau ona iha ami-nia planu, sei halo sosializasaun ba estudante foun sira ne’ebé agora atu tama kona-ba funsionamentu Uma Akonsellamentu no ami mós prepara ona hodi tun direta ba iha kada fakuldade no departamentu hodi esplika atu estudante no funsionariu sira bele komprende di’ak, tanba dalabarak husu deit reprezentante mak mai maibé bainhira sira remata sira la fahe informasaun ba kolega sira seluk”, dehan.
Uma Akonselamentu ne’ebé lokaliza iha Kampus Sentral UNTL nian, disponivel durante oras servisu nian hahú husi segunda to’o sesta hodi fó atendimentu iha parte akonsellamentu nian ba sivitas akadémika universidade (estudante, funsionáriu no dosente).
#TimorLeste #UNTL #PRAPA 29 Janeiru 2024
Média UNTL 📝: Laurindo da Cruz Gomes
Foto 📷: Eugenia de Jesus Guterres