WhatsApp Image 2024 02 06 at 09.01.01 1

Universidade Nacional Timor Lorosa’e (UNTL) nia Faculdade de Direito (FADIR), ho Faculdade de Turismo Artes Indústrias Creativas Culturais (FTAICC), preparadu hodi hetan avaliasaun no reakreditasaun programátika husi ANAAA (Agência Nacional para a Avaliação e Acreditação Academica), iha tinan akadémika 2024.

Visedekanu Administrasaun no Finansa FADIR Profesór Estevão Fernades, iha Kampus sentral UNTL nian (23/01) hateten, Departamento de Direito Geral prontu ona atu simu avaliasaun ANAAA ba daruak.

“Iha tinan 2019 FADIR hetan avaliasaun, maibé tinan ne’e ami-nia ekipa sei revé fali dokumentu sira hodi bele hetan pontuasaun ne’ebé di’ak liután”, dehan Visedekanu.

WhatsApp Image 2024 02 06 at 09.01.01

Iha sorin seluk, Dekanu Faculdade de Túrismo Artes Indústrias Creativas Culturais (FTAICC) Profesór Feliciano Quintas do Céu, hateten mos katak FTAICC mós preparadu ona hein vizita husi ANAAA.

“Ami hanesan fakuldade foun ho nune’e ami prepara no esforsu hodi responde tuir kriteria ne’ebé ANAAA hatur ona, espera ho vizita husi ANAAA bele hadia di’ak liután ba buat ne’ebé seidauk konsege hadia”dehan Dekanu.

#TimorLeste #UNTL #FADIR #FTAICC 05 Fevereiru 2024
Média UNTL 📝: Eugenia de Jesus
Foto 📷: Laurindo da Cruz Gomes

Comment

WhatsApp Image 2024 02 05 at 14.19.00 1

Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH. Ph.D, konvida sivitas akadémika universidade nian atu partisipa iha Isar-Bandeira ne’ebé hala’o iha inísiu kada fulan, tanba atividade ne’e hanesan dever ida.

“Serimónia Isar-Bandeira ne’e ita hala’o atu sivitas akadémika tomak bele partisipa, tanba nu’udar sidadaun iha dever no responsabilidade.

Ita sei halo rotasaun ba kada Fakuldade sira, tanba ne’e husu ba Fakuldade sira atu halo preparasaun. Nune’e, Isar Bandeira bele halo mós iha kampus seluk, labele iha sentrál de’it”, dehan Reitór liuhusi diskursu, iha Kampus Sentrál UNTL nian, Díli (05/02).

Reitór mós husu estrutura no funsionáriu hotu nia prontidaun no responsabildade, atu partisipa másimu iha Isar-Bandeira atu bele fó omenajen ba ita nia eroi sira.

“Isar-Bandeira ne’e, husu ita atu hato’o omenajen ba ita-nia eroi sira. Tanba ne’e, agradese mós ba responsável ekipa Reitória nian ne’ebé uza mós vestuáriu tais. Ba oin ita idaidak mai uza ho selenda ida”, dehan Reitór.

WhatsApp Image 2024 02 05 at 14.18.40

WhatsApp Image 2024 02 05 at 14.18.43

WhatsApp Image 2024 02 05 at 14.18.39

WhatsApp Image 2024 02 05 at 14.19.00

 

 

 

 

Isar-Bandeira fulan Fevereiru nian responsavel husi Ekipa Gabinete Reitoria no partisipa husi Visereitór, Proreitór, Diretór Jerál, Dekanu, Diretór Nasionál, Xefe Departamentu, Dosente no funsionáriu sira.

 #TimorLeste #UNTL 05 Fevereiru 2024
Média UNTL 📝: Domingos Amaral
Foto 📷: Domingos Amaral & Agostinho da Cruz

Comment

WhatsApp Image 2024 02 02 at 18.21.01

Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH,Ph.D hamutuk ho estrutura UNTL, partisipa anúnsiu rezultadu finál ba estudante ne’ebé atu asesu ba ensinu superiór UNTL ho IPB iha tinan 2024 nian, iha salaun MESSK, Díli (2/02).

Tinan 2024 ne’e estudante ne’ebé asesu ba ensinu superior UNTL ho total rihun haat atus hitu hitunulu resin-haat (4.774) no IPB hamutuk atus-haat neen-nulu resin rua (462).

Anúnsiu rezultadu ne’e partisipa husi Ministru Ensinu Superior Siénsia no Kultura (MESSK), S.E José Honório da Costa Pereira, Prezidente Komisaun ba Koresaun Valór, atual Diretora Jerál Ensinu Superior, Sra. Maria Filomena Lay Guterres, Magnífiku Reitór UNTL, Prezidente Institutu Politékniku Betano, Acacio Cardoso Amaral, Diretór Jerál, Diretór Nasional, Xefe Departamentu no konvidadu sira.

WhatsApp Image 2024 02 02 at 18.21.01 1

Ikus liu, Universidade Nacional Timor Lorosa’e (UNTL) informa katak, rezultadu finál, hanesan lista ho naran kandidatu sira ne’ebé “Admitidu” sei divulga liuhusi Website hanesan:
(1) Website Universidade Nacional Timor Lorsa’e (UNTL) (www.untl.edu.tl)
(2) Website Ministeriu Ensinu Superior Siénsia no Kultura, (MESSK), (http://mescc.gov.tl)
(3) Website Intitutu Politékniku de Betano (IPB), (www.ipb.edu.tl)
(4) Pájina Facebook UNTL, MESSK no IPB

#TimorLeste #UNTL #MESSK 02 Fevereiru 2024

Média UNTL 📝: Mario J. Mendonça
Foto 📷: Domingos Amaral & Denilson Barros

Comment

WhatsApp Image 2024 01 29 at 14.51.32

Universidade Nacional Timor Lorosa’e (UNTL) nia Estudante Fakuldade Direitu Dalia Maria Bianco iha Kampus sentral UNTL nian (31/01) hatete, atividade Inisiativa Kampus Seguru nian ne’ebé hala’o iha universidade di’ak, hodi bele tulun estudante sira hatene respeita malu no labele halo aktu asédiu seksuál iha resintu kampus.

“Ha’u agradese tanba Inisiativa Kampus Seguru iha universidade ne’e atu ema hotu bele iha vontade di’ak hodi aprende siénsia. Liuhusi formasaun ne’ebé oferese bele aumenta ami-nia koñesimentu atu hadok aan husi asediu seksuál no hanorin ami bele livre iha kampus hodi estudu’’, dehan Dalia.

WhatsApp Image 2024 02 05 at 09.34.37

Visereitora ba Asuntu Estudantís (VRAE) Profesora Lígia Tomás Correia, hatete iha tinan 2024 ne’e bazeia ba planu, Kampus Seguru sei kontinua la’o nafatin atu bele asegura estudante sira-nia prosesu aprendizajen.

“Ita-nia resultadu husi Kampus Seguru ne’ebé Ita hala’o kobre ona estudante, dosente, no funsionáriu hamutuk 892. Sira iha ona kompriensaun diak kona-ba prevensaun violénsia bazeia ba jéneru no prátika moris livre husi asédiu iha kampus”, tenik VRAE.

Profesora Lígia hatutan universidade servisu hamutuk ho UNwomen, Fokupers, no Rede Feto Hodi fasilita fo formasaun ba estudante, dosente no funsionáriu sira. Nune’e kria grupu traballu tékniku ba Inisiativa Kampus Seguru ne’ebé envolve estudante sira kada fakuldade hodi aseguru ambiente estudu ne’ebé konfortavél, amigavél.

#TimorLeste #UNTL #VRAE 2 Fevereiru 2024
Média UNTL 📝: Laurindo da Cruz Gomes
Foto 📷: Laurindo da Cruz Gomes

Comment

 

WhatsApp Image 2024 02 01 at 08.51.45 1Universidade Nacional Timor Lorosa'e (UNTL), Faculdade de Agricultura (FAGRI) nia Visedekanu ba Asuntu Akadémiku, Profesór Marçal Gusmão nu'udar mós dosente hatete, aula ba estudante semestre par tinan 2023 nian seidauk termina agora no sei iha faze ezame finál.

"Aula semetre pár 2023 nian ba estudante sira seidauk termina, agora sei iha faze ezame finál nian, maioria aula iha hela prosesu ezame finál nian, inklui mós ha'u-nia materia ida seidauk fó ezame, no materia balu ne’ebé ezame ona mós ha'u halo koresaun seidauk hotu", dehan Visedekanu iha knaar fatin, Kampus Sentral UNTL, Díli (22/01).

Profesór ne'e esplika, aula ne'e konsidera tarde tanba, hahú simu estudante foun presiza prosesu, rejistrasaun, priense fixa planifikasaun no foin hahú aula, maibé sira esforsu hodi termina aula, maské tarde uitoan no ne'e ladun iha implikasaun boot liu ba estudante sira.

WhatsApp Image 2024 02 01 at 17.07.12

WhatsApp Image 2024 02 01 at 08.51.46WhatsApp Image 2024 02 01 at 08.51.43

WhatsApp Image 2024 02 01 at 08.51.44

 

 

 

 

Iha sorin seluk, tuir estudante Fakuldade Edukasaun Arte no Umanidade, Departamentu Fízika, Isabel Pereira hatete, materia semestre par nian seidauk remata tanba materia rua hanesan, Kuríkulu ho Fizika aplikada (1) seidauk iha ezame finál.

"Ami-nia materia ba semestre par nian, seidauk remata, hela materia Kurríkulu no materia Fízika Aplikada (1) mak seidauk ezame, tanba profesór sira sei ba vizita estudante estajiáriu sira ne'ebé estájiu iha Munisípiu, no ami nafatin hein informasaun husi profesór hodi ezame" dehan Isabel iha resintu kampus FEAH, Liceu.

Dekanu Faculdade de Filosofia e Ciência Humana (FFCH), Profesór Martinho Borromeu hatete, aula iha fakuldade nian termina duni iha fulan Dezembru, inklui valór sira iha hotu ona, tanba dosente esforsu hodi termina iha dezembru liubá.

"Ami Filosofia aula ba semestre tuan 2023 termina ona la tarde, normalmente aula kada tinan ba semestre rua, semestre dahuluk hahú husi Marsu-Juñu no semestre daruak nian Agostu-Dezembru no ami termina duni aula iha fulan Dezembru, ami nia oráriu ba aula tinan 2024 nian sei hahú 15 Fevereiru, oráriu sai ona, ami hein ba aula de'it ona", dehan Dekanu.

 #TimorLeste #UNTL #FAGRI #FFCH 1 Fevereiru 2024

Média UNTL 📝: Leonia de A. da Costa
Foto 📷: Domingos Amaral

Comment