- Detalhes
- Escrito por Mateus Goncalves
- Visualizações: 437
Universidade Nacional Timor Lorosa'e (UNTL), nia Magnífiku Reitór Profesór, dr. João Soares Martins, MPH, Ph.D, hamutuk ho Xefia sira, diskuti preparasaun ba simu estudante foun tinan 2024 nian, iha Sala-Videokonferénsia UNTL nian, Díli (7/02).
Enkontru ne'e ho objetivu, atu diskute kona-ba preparasaun universidade nian hodi simu estudante foun tinan 2024. Nune'e bele evita ba fallansu sira ne'ebé akontese iha tinan sira liubá, no diskusaun ne'e mós foku ba mekanizmu sira hodi bele la'o tuir regra inskrisaun nian tuir oráriu ne’ebé fó-sai ona.
Aleinde ne’e partilla mós ba estrutura fakuldade sira relasiona ho prosesu aprendisajen liuliu atendimentu estudante sira.
Partisipa iha enkontru ne'e, Visereitór, Proreitór, Dekanu, Vise-Dekanu, Dosente sira.
#TimorLeste #UNTL 08 Fevereiru 2024
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 373
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, hamutuk ho Sívitas Akadémika (Dosente, funsionáriu no estudante), hato’o omenajen ikus ba Matebian Carlito Balella Fátima, iha nia Rezidénsia Tasi-Tolu, Comoro, Díli (2/02).
Matebian Carlito oan Husi Diretór Jerál Servisu Administrasaun Akadémika, remata ona nia peregrinasaun iha mundu, iha loron 25 fulan Dezembru 2023 iha Inglaterra, ho idade 21 (7 Fevereiru 2002-25 Dezembru 2023).
Sentidu kondolénsia ne’e partisipa VIsereitór, Proreitór, dosente, funsionáriu no estudante sira.
#TimorLeste #UNTL #DGSAA 07 Fevereiru 2024
Média UNTL 📝: Laurindo da Cruz Gomes
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 353
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, ho estrutura enkontru ho Vise-Diretór Ezekutivu Tecnologia da Informação e Comunicação, (TIC Timor I.P.), Eligio Moniz do Rego, iha sala-reuniaun TIC.Timor nian, Palácio do Governo, Díli (06/02).
Objetivu enkontru ne’e, diskute kooperasaun entre parte rua no servisu hamutuk iha konetividade no integra sistema teknolojia dijitál no komunikasaun nian.
Partisipa iha sorumutu ne'e, Visereitora ba Asuntu Estudantís, Profesora Lígia Tomás Correia, Visereitór ba Asuntu Administrasaun Finansas no Administrador Jerál, Profesór Helio A. X. Mauquei, Proreitór ba Asuntu Planeamentu Monitorizasaun no Avaliasaun, Profesór José Nelson Salsinha, Proreitór ba Asuntu Informatizasaun Transformasaun Dijitál no Inovasaun, Profesór Frederico Soares Cabral, Diretór Jerál Servisu Apoiu Reitoria, Sr. Jacinto H.S. Belo no ekipa husi TIC.Timor nian.
#TimorLeste #UNTL #TICTimorIp 07 Fevereiru 2024
Média UNTL 📝: Denilson Amandio Barros
Foto 📷: Domingos Amaral
- Detalhes
- Escrito por Mateus Goncalves
- Visualizações: 403
Universidade Nacional Timor Lorosa’e (UNTL) nia Visereitoria ba Asuntu Akadémiku no Garantia Kualidade Interna, Diresaun Jerál Servisu Administrasaun Akadémika liuhusi Diresaun Nasional Atendimentu Estudante (DNAE) fó hatene ba estudante foun ne’ebé admitidu ba UNTL iha tinan akadémiku 2024 nian kona-ba loron ba rejistrasaun nian.
Rejistrasaun sei hahú iha loron 12 to’o 20 Fevereiru 2024, iha resintu Faculdade de Economia e Gestão. Nune’e, informasaun kompletu bele haree iha anexu.
#TimorLeste #UNTL #DNAE 06 Fevereiru 2024
- Detalhes
- Escrito por Mateus Goncalves
- Visualizações: 376
Universidade Nacional Timor Lorosa’e (UNTL) nia Gabinete do Certificação dos Docentes (GABCEDU) nia Direção Nacional de Dados e Procesos de Acumulação de Créditos (DNDPAC) Dr. Junior Raimundo da Cruz, informa katak prosesu verifikasaun dadus rejime kareira ba dosente faze datoluk ba dosente na’in neennulu resin rua (62) iha tinan 2024.
“Planu ba tinan ida-ne’e tuir progresaun profesór hamutuk neen nulu resin rua (62), maibé tenke priense kritéria hanesan ponderasaun kréditu tenke 550, grau mestradu, abilitasaun literária mínimu no tenke iha avaliasaun dezempeñu pozitivu”, dehan Junior, iha Kampus Sentral UNTL nian, Díli (30/01).
Diretór ne’e mós salienta, profesór neen nuluresin rua (62) ne’e, tinan kotuk sira seidauk tuir progresaun, tanba la priense kritéria nune’e tinan ne’e fó oportunidade ba sira hodi kompleta dokumentu.
“Iha inísiu fulan ne’e, ami haruka ona karta no lista naran ba kada fakuldade, nune’e bele mai submete sira-nia dokumentu. Fulan Marsu nia laran akumula hodi verifika no halo avaliasaun ba kréditu.
Bainhira sira priense ona kritéria mak prosesu ba progresaun, se seidauk priense tinan oin mak bele tuir fila-fali, tanba tuir lei, 31 Marsu tenke submete ona dokumentu ba iha Ministériu Ensinu Superior Siénsia no Kultura (MESSK), nune’e sira mós halo verifikasaun hafoin halo publikasaun iha Jornal da Repúblika”, hatutan.
Kada tinan GABCEDU haree dosente sira ne’ebé priense ona kondisaun bele tuir progresaun, tanba tuir lei iha termu rua progresaun no promosaun eskalaun ida hanesan, eskalaun D, C, B no A. Mudansa ba nivel bainhira priense ona kondisaun, enkuantu mudansa husi eskalaun D atu ba C ne’e tenke konkore liuhusi vaga. Nune’e atu halo avaliasaun ne’e presiza konsellu doutór mak halo progresaun ne’e.
#TimorLeste #UNTL #GBACEDU #DNDPAC 31 Janeiru 2024
Média UNTL 📝: Domingos Amaral
Foto 📷: Laurindo da Cruz Gomes