- Detalhes
- Escrito por Mateus Goncalves
- Visualizações: 823
#TimorLeste #UNTL #COVID19 #COVID19TL 21 Setembru 2021- Universidade Nacional Timor Lorosa’e (UNTL) nia graduandu Moises Soares Magno, reprezenta ninia maluk graduandu seluk agradese ba inan-aman sira, no Sívitas Akadémika tomak tanba manifesta ona esforsu hodi tulun sira, durante estuda iha universidade no hetan grau akadémiku, inklui pesoál seguransa no limpeza sira mak asegura ambiente estudu nian.
“Títulu akadémika ne’ebé ohin ami hetan, liuhusi seremónia graduasaun ne’e la’ós akontese derepenti, maibé nu’udar rezultadu husi prosesu naruk ida, prosesu ne’e maka kontribuisaun direita no indireita iha matéria no ideia husi ita boot sira hotu ”, dehan Moises iha Graduasaun XXIV UNTL nian, iha Auditóriu Fakuldade Enjeñaria, Siensia no Teknolojia (FECT), Díli (21-9).
Eis-Senadu Jerál ne’e mós hatutan liuhusi nia diskursu, hodi konta prosesu sira hahú vida hanesan estudante iha UNTL to’o hetan grau lisensiatura iha nível ensinu superiór.
“Ami husu deskulpa ba inan-aman hotu, dala barak ami hirus tanba fó osan la tuir ami-nia hakarak, la to’o ami-nia nesesidade, no eru sira seluk ne’ebé ami halo hodi fila kotuk no lakohi atu komprende inan-aman sira, maské atu sosa de’it modo futun ida hodi han mós sei hanoin ami, oan sira-nia eskola oinsá ho nune’e ohin ami sei hakruk hodi bensa iha momentu ne'e", dehan Magno liuhusi diskursu ho matan been.
Iha fatin hanesan, Emancia Emma Soares Magno, nu’udar bin husi graduandu rekorda katak, maské esforsu husi inan aman todan tebes atu hare’e oan sira-nia eskola maibé ho oan nia susesu inan-aman kontenti bainhira akompaña oan sira-nia graduasaun.
“Ami senti kontenti bainhira haree alin no oan sira-nia susesu, maské sira hahú eskola inan-aman tenki esforsu maka'as hodi buka osan atu haree sira-nia eskola “, dehan Emancia iha Serimónia Graduasaun refere.
Média UNTL 📝: Maria Isabel
Foto 📷 : Miguel Gonçalves, Agustinho da Cruz e Silva, Denilson Barros (estajiáriu)
- Detalhes
- Escrito por Mateus Goncalves
- Visualizações: 1109
#TimorLeste #UNTL #FECT #COVID19 #COVID19TL 21 Setembru 2021 - Universidade Nacional Timor Lorosa’e (UNTL), ba dahuluk utiliza auditóriu Fakuldade Enjeñaria, Siénsia no Teknologia (FECT) Hera, Díli hodi hala'o Serimónia Solene ba Graduandu na'in atus tolu haatnulu resin sia (349), liuhusi graduasaun ba XXIV iha (21/09).
Graduandu UNTL nian, Titonio Paiva Piedade Freitas orgullu ho utilizasaun ba dahuluk edifísiu foun Hera ba serimónia graduasaun, iha espasu ne'ebé disponível no la hamosu engrafamentu hodi fasilita movimentu família husi graduandu nian.
“Ha’u orgullu tebes ho kondisaun auditóriu nian tanba la hamosu engrafamentu ba movimentu inan-aman sira-nian no konsege utiliza teknolojia hanesan (livestreaming) ne’ebé di’ak", tenik Titonio Paiva.
Iha fatin hanesan, tuir Mariano da Costa hanesan Aman ne’ebé partisipa sente kontente tebes tanba ho esforsu inan-aman no oan nian konsege finaliza ona oan nia estudu no lori sira koñese universidade nia edifísiu foun.
“Universidade hahú hatudu ona nia mudansa, tanba ne'e, ha’u hanesan inan aman sente kontente tanba bele partisipa oan nia graduasaun, durante ne’e ami esforsu ba nia atu sai ema matenek, ohin loron nia konsege finaliza ona nia estudu” dehan Mariano.
Serimónia graduasaun ne’e Universidade Nasional Timor Lorosa’e (UNTL) uza Auditorium ba graduandu sira no inan aman sira akompaña (livestreaming) liuhusi kanal televizaun RTTL.
Média UNTL 📝 : Leonia de A. da Costa (estajiária)
Foto 📷 : Denilson A. Barros (estajiáriu)
- Detalhes
- Escrito por Mateus Goncalves
- Visualizações: 630
#TimorLeste #UNTL #PAMD 20 Setembru 2021 - Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins MPH, Ph.D, partisipa serimónia tomada-posse ba Prezidente Autoridade Munisipál Díli (PAMD), Sra. Guilhermina Ribeiro, iha edifísiu Administrasaun Munisípiu, Matadouro, Dili, 20/09.
Serimónia tomada-posse ne’e, prezide husi Ministru Administrasaun Estatal, S. E. Miguel Pereira, hodi nomeia Prezidente Autoridade Munisípiu Dili, Sra. Guilhermina Ribeiro, ba mandatu períodu tuir mai.
Partisipa iha eventu refere, Vise-Reitora ba Asuntu Estudantís, Profesora Eng. Lígia Tomás Correia, M.Sc, Vise-Ministru Administrasaun Estatal, S. E. Lino de J. Torezão, membru Governu sira seluk, Prezidente Cámara de Comércio de Timor-Leste, Sr. Oscar Lima, no konvidadu sira seluk.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Escrito por Mateus Goncalves
- Visualizações: 1343
#TimorLeste #UNTL #DNAE #COVID19 #COVID19TL 21 Setembru 2021 - Universidade Nacional Timor lorosa’e (UNTL), nia Magnífiku Reitór, Profesór dr. João Soares Martins MPH, Ph.D, prezide universidade nia graduasaun ba dala XXIV (24) iha Auditóriu FECT-Hera UNTL (21/09), hodi mudansa fita no atribui diploma ba finalista na’in atus tolu haatnulu resin sia (349) ne’ebé preparadu ona atu integra ba komunidade hodi serbí.
Relasiona ho serimónia solene refere, Magnífiku Reitór liuhusi diskursu hateten ba graduadu sira katak, graduasaun momentu kulminante no selebra susesu inan-aman no oan sira-nian, tanba remata ona sira-nia estudu, hafoin tinan lubuk ida estuda iha universidade.
“Ohin ofisialmente universidade husik ona imi, hodi fila ba serbí komunidade no nasaun tuir matenek no kompeténsia akadémiku husi área oioin ne’ebé universidade oferta, tanba ne’e, ha’u tatoli ba imi atu uza matenek ne’e ho responsabilidade, hodi aplika no buka aprende liután ba idaidak nia futuru”, tenik Reitór.
Reitór mós agradese ba Sívitas Akadémika tomak universidade nian, ne’ebé dedika ona ba universidade no prepara ona fini liuhusi matenek ba graduadu sira no agradese mós ba inan-aman sira tanba la kolen tulun sira idaidak.
Iha fatin hanesan, Ministru Ensinu Superiór, Siénsia no Kultura (MESSK), S.E. Longuinhos dos Santos, ne’ebé reprezenta Governu hodi hato’o felisitasaun ba graduandu no inan-aman sira.
“Ohin ita komemora imi-nia susesu, koñesimentu sira imi hetan sai matadalan, hodi sai servidór iha futuru, nune’e, Governu liuhusi MESSK hatuur ona lema mak kualidade edukasaun mak futuru nasaun, liuhusi UNTL, tanba ne’e agradese mós ba lideransa Magnífiku Reitór, Sívitas Akadémika ne’ebé kria ona kondisaun pedagójika no lojístika, tulun sira-nia perkursu akadémiku tomak”, hatutan Ministru.
Governante ne’e, hatutan tan katak MESSK sei kontinua apoiu universidade nasionál hodi asegura kondisaun sira ba ensinu no aprendizajen, nune’e bele prepara foin sa’e sira, preparadu liután partisipa iha prosesu dezenvolvimentu.
Reprezentante graduadu, Moises Soares Magno, agradese ba apoiu no dedikasaun tomak husi família, no sivitas akadémika tomak ne’ebé fó ona apoiu ba graduadu idaidaik durante prosesu estudu iha universidade.
“Ami-nia agradese ba ho Sívitas Akadémika tomak, ba ami-nia dosente sira, funsionáriu sira, pesoál limpeza, seguransa sira, nomós estrutura universidade nian, husi Magnífiku Reitór atuál no Magnífiku Reitór sesante sira, ami-nia inan-aman, enkarregadu sira ne’ebé fó ona apoiu direta no indireta”, dehan Moises.
Partisipa iha eventu ne’e, Ministru Agrikultura no Peska, S.E Pedro Reis, Prezidente Instituto Nacional de Ciência e Tecnologia, Sr. José Cornélio, Ph.D, Diretór Ezekutivu ANAAA, Sr. Edmundo Viegas, Ph.D, reprezentante Komisaun G Parlamentu Nasionál, Deputada Domingas dos Santos, Amu Kapelaun UNTL, Pe. Nivio Lebre Correia, Fdcc, dosente, funsionáriu, inan-aman, graduadu, no konvidadu sira.
Média UNTL 📝 : Miguel Gonçalves
Foto 📷 : Agustinho da Cruz e Silva, Estajiáriu; Denilson A. Barros, Artur Ramos, Leonia de Araujo
- Detalhes
- Escrito por Mateus Goncalves
- Visualizações: 611
#TimorLeste #UNTL #FCS #DRI #Covid19 #Covid19TL 16 Setembru 2021 - Universidade Nacional Timor Lorosa’e (UNTL) liuhusi Fakuldade Siénsia Sosiál (FCS), nia Departamentu Relasaun Internasionál (DRI), hetan avaliasaun husi Ajensia Nasionál ba Avaliasaun no Akreditasaun Akadémika (ANAAA), hahú husi 16-17 setembru 2021.
Sesaun ba avaliasaun nian, abertura iha sala Vídeo Konferénsia UNTL nian, Díli (16/09), no tuir mai sei halo mós vizita lokál atu haree fasilidade sira mak DRI-FCS iha.
Painél Jurí ba avaliasaun ne’e mak Profesór Hazman Shah Abdullah (Internasionál) Mr. Flavio Simoes, no Dr. Nilton Paiva (Nasionál).
Aleinde DRI, universidade nasionál nia Departamentu Ensinu Edukasaun Físika no Desportu, partisipa ona iha avaliasaun programátika ne’ebé hala’o husi avaliadór ANAAA nian iha 06 Setembru 2021 liubá, no faze tuir mai mak Departamentu Komunikasaun Sosiál (DCS).
Partisipa iha Avaliasaun ne’e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Visereitór, Proreitór, Dekanu Fakuldade Siénsia Sosiál, Profesór Camilo Ximenes Almeida, Diretór DRI, Profesór Bernardo Idalina Leto, ho nia estrutura, Diretór DCS, Profesór Marcelino Ximenes Magno, ho nia estrutura, dosente, estudante DRI inklui alumni sira.
Média UNTL 📝 : Agostinho da Cruz e Silva
Foto 📷 : Pio Belo Ximenes.