- Detalhes
- Visualizações: 613
#TimorLeste #UNTL #GVRAGQ #DGSAA #DNAE #COVID19 #COVID19TL 12 Janeiru 2022
Universidade Nacional Timor Lorosa’e (UNTL) nia Graduasaun XXV ne’ebé sei hala’o iha Centro de Convenções de Díli (11/01), sesaun dader nian ne’e, mudansa fita no atribui diploma ba resen-graduadu Fakuldade Agrikultura (94), Enjeñaria, Siénsia no Teknolojia(93), Medisina no Siénsia Saúde (134) no Fakuldade Ekonomia no Jestaun(15). 
Magnífiku Reitór liuhusi diskursu hateten katak graduasaun momentu espesiál ba estudante, inan-aman no universidade selebra susesu sira-nia susesu, hafoin tinan lubuk ida estuda iha universidade.
“Susesu no graduasaun atinje liuhusi esforsu no sakrifísiu makaas, durante tinan barak nia laran, tan ne’e, ohin ofisialmente universidade husik imi, hodi fila ba serbí komunidade no nasaun tuir matenek no kompeténsia akadémiku ho responsabilidade, tanba ne’e, imi-nia susesu mak ita hotu nia susesu”, tenik Reitór.
Reitór mós agradese ba apoiu tomak Governu nian liuhusi MESSK, Sívitas Akadémika tomak universidade nian, ne’ebé dedika ona ba universidade no prepara ona fini liuhusi matenek ba graduadu sira no agradese mós ba inan-aman sira tanba la kolen tulun sira idaidak. 
Iha fatin hanesan, Ministru Ensinu Superiór, Siénsia no Kultura (MESSK), S.E. Longuinhos dos Santos, ne’ebé reprezenta husi Diretora-Jerál ba Ensinu Superiór no Siénsia, Dra. Maria Fernanda Lay Guterres, hato’o felisitasaun ba graduandu no inan-aman sira.
“Ohin iha graduasaun ne’e, hatudu katak UNTL kumpri nia misaun ne’ebé hala’o siklu formasaun ida dezde inísiu to’o imi-nia susesu ida ne’e, dezeja mós universidade nasionál sai sentru referénsia no kualidade ne’ebé hatutan liuhusi graduadu idaidak ba iha sosiedade”, hatutan DG
DG ne’e hatutan tan katak Governu liuhusi MESSK sei kontinua apoiu universidade nasionál hodi ultrapasa dezafiu sira no asegura kondisaun sira ba ensinu no aprendizajen, nune’e bele prepara foin sa’e sira, preparadu liután partisipa iha prosesu dezenvolvimentu. 
Resen-graduadu, João Francisco Ruas Hornay, agradese ba apoiu no dedikasaun tomak husi família, no Sívitas Akadémika tomak ne’ebé fó ona apoiu ba graduadu idaidaik durante jornada universitária.
“Ohin momentu, orgullu no felisidade, hafoin perkursu tomak akadémiku nian, liuhusi susesu ne’ebé ita hotu atinje, ho apoiu no prezensa Maromak nian, liuhusi família, dosente, funsionáriu no estrutura tomak universidade nian, nune’e, ita hotu kompromete atu aplika koñesimentu sira ho responsabilidade iha sosiedade no ba amada Pátria Timor-Leste”, hatutan. 
Partisipa iha eventu ne’e, Ministru Agrikultura no Peska, S.E Pedro Reis, Ministru Petróleo no Rekursu Minerais, S.E. Victor da Conceição Soares, Ph.D, Prezidente Instituto Nacional de Ciência e Tecnologia, Sr. José Cornélio, Ph.D, Diretór Ezekutivu ANAAA, Sr. Edmundo Viegas, Ph.D, reprezentante Komisaun G Parlamentu Nasionál, Deputada Domingas dos Santos, Korpu-Diplomátiku, Amu Kapelaun UNTL, Pe. Nivio Lebre Correia, Fdcc, dosente, funsionáriu, inan-aman, graduadu, no konvidadu sira. 
UNTL mós halo livestreaming liuhusi pájina Facebook, www.facebook.com/untl.edu.tl nomós kanál YouTube www.youtube.com/untl.edu.tl tanba servisu humutuk entre Diresaun-Jerál Servisu Apoiu Reitoria nia Departamentu Média no Komunikasaun (DEMKOM) no Departamentu Protokolu, Diresaun Nasionál Informasaun no Teknolojia (DNIT), Gabinete Visereitór ba Asuntu Akadémiku no Garantia Kualidade (GVAAGQ), Diresaun Jerál ba Servisu Asuntu Akadémiku (DGSAA), liuhusi Diresaun Nasionál ba Atendimentu Estudante (DNAE). 
Média UNTL 📝 : Miguel Gonçalves
Foto 📷 : Agustinho da Cruz e Silva, Denilson A. Barros, Artur Ramos, Leonia de Araujo, Laurindo Gomes, Miguel Gonçalves
- Detalhes
- Visualizações: 413
#TimorLeste #UNTL #GVRAGQ #VRAE #COVID19 #COVID19TL 12 Janeiro 2022
Universidade Nacional Timor Lorosa'e (UNTL) nia Visereitór ba Asuntu Akadémiku no Garantia Kualidade (VRAGQ), Profesor Doutór Samuel Venâncio de Sousa Freitas, iha Sala Videokonferénsia UNTL nian, Díli (10-01) sorumutuk ne'ebé hala'o ho objetivu atu atualização fali atividade orientasaun akadémika ba estudante turnu 2021 nian, iha 20-22 Janeiru 2022. 
“Ohin ita enkontru atu ajenda fila fali orientasaun akadémika ba alunu sira ne'ebé tama iha tinan akadémika 2021 nian, ita la konsege realiza iha momentu ne'ebá tanba impaktu COVID-19, nune'e ita update fali ba estrutura komisaun iha nível Universidade no Fakuldade atu diskute activity ne'ebé iha ona”, hatutan.
Visualize mós hato'o katak liuhusi reuniaun iha konkordánsia husi estrutura de Komisaun Fakuldade nian, tanto Visedekanu sira, inklui Asosiasaun atividade Estudante husi Fakuldade sira konkorda atu iha loron 20-22 Janeiru 2022 ho ne'ebé iha.
Iha fatin hanesan, Visereitora ba Asuntu Estudantís nian, Profesora Eng.ª Lígia Tomás Correia, M.Sc, hateten katak activity ne'ebé sei hala'o ba loron tolu efetivu a abertura husi Magnífiku Reitór no Reprezentante Reitór nian sei destaka iha Fakuldade sira hodi hato'o perfíl Universidade nian.
“Atividade ba loron dahuluk nian dader ba Universidade, no lokraik ba Fakuldade, no loron daruak ba kontinua Fakuldade mak sei jere tempu ba programa sira, no iha programa reflorestasaun bazeia mós ba Fakuldade sira-nia prontidaun, no misa”, tenik Profesora Lígia.
Orientar ne'ebé sei realizar ba estudante sira ne'ebé admitidu ba UNTL iha tinan akadémiku 2021, ne'ebé la konsege realiza tanba impacta COVID-19, enkuantu ba estudante foun 2022 nian, sei hala'o iha fevereiru bainhira Ministériu Ensinu Superiór, Siénsia no Kultura aprova ona lista ne'ebé passa.
Partisipa iha enkontru ne'e, Visereitór ba Asuntu Pós-Graduasaun no Peskiza Profesor Doutór Afonso de Almeida, Visedekanu ba Asuntu Akadémiku no Asuntu Estudantíl, inklui Asosiasaun Estudante Fakuldade nian. 
Média UNTL 📝 : Miguel Gonçalves
Foto 📷 : Miguel Gonçalves
- Detalhes
- Visualizações: 628
#TimorLeste #UNTL #FAGRI #COVID19 #COVID19TL 23 Dezembru 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D no Ministru Ensinu Superiór, Siénsia no Kultura (MESSK) S.E. Longuinhos dos Santos, lansa fatuk dahuluk ba kontrusaun edifísiu foun Fakuldade Agrikultura (FAGRI) nian, iha Kampus Hera (23/12).
Liuhusi diskursu, Magnífiku Reitór agradese ba parte hotu ne’ebé esforsu makas iha prosesu naruk dezde 2017 husi Reitór sesante (Profesór Doutór Fracisco Miguel Martins, M.Hum) nia mandatu no iha 2021 Universidade konsege inísia prosesu konstrusaun.
“Ita hotu espera katak ho konstrusaun edifísiu foun ida ne’e, atu bele halo di’ak liután ba ita-nia estudante no profesór sira atu bele servisu makas liután hodi kontribui ba dezenvolvimentu iha Timor-Leste nian, liuliu iha área Agrikultura nian”, tenik Reitór.
Iha fatin hanesan, MESSK S.E Longuinhos dos Santos hateten, atu garante kualidade di’ak presiza hadi’a uluk infraestrutura hodi prepara ba prosesu ensinu aprendizajen ida ho di’ak’. 
”Hato’o ha’u nia parabéns ba Magnífiku Reitór ho estrututura tomak ne’ebé mak halolon prosesu tomak husi estrutura anteriór no atuál, ohin ita konsege realiza lansamentu ida ne’e”, dehan Ministru Ensinu Superiór, Siénsia no Kultura (MESSK).
Iha fatin hanesan, Proreitór ba Asuntu Dezenvolvimentu Instituisional (PRADI), Profesór Lelis Gonzaga Fraga hateten, PRADI nia estrutura sesante halo ona levantamentu dadus, dezeñu tékniku sira halo aprezentasaun iha Ministeriu Finansas iha fulan Outubru 2020.
“Kontrusaun ne’e sei konstrui edifísiu tolu (building 1 to’o 3) ho medida kada edifísiu ho metro 17X43, kada edifísiu ho saladeaula 16, hosi edifísiu tolu ne’e ho totál saladeaula hamutuk 48, kada aula akumula estudante másimu 35”, tenik.
Profesór Lelis salienta liután katak, konstrusaun refere ho kustu milaun ida rihun atus ualu sianulu resin ida, atus neen haatnulu resin ualu, sentavu sianulu ($1,891,648.90) fahe ba edifísiu I, responsabiliza husi kompañia Gani Star, Lda ho kustu ($655, 395.42), edifísiu II Bobolait Lda ho kustu ($630,916.64), no konstrusaun ba edifísiu III kompañia Gani Star, Lda ho kustu ($605, 335.84).
Partisipa iha serimónia ne’e Ministru Agrikukultura, S.E. Pedro Reis, Visereitór no Proreitór sira, Diretór-Jerál sira ho estrutura, Diretór Nasionál sira ho estrutura, Diretór Sentru sira, Dekanu Fakuldade sira ho estrutura, estudante sira, autoridade lokál no konvidadu sira. 
Média UNTL 📝 : Altur Ramos
Foto 📷 : Denilson A. Barros, Leonia de A. da Costa
- Detalhes
- Visualizações: 411
#TimorLeste #UNTL #COVID19 #COVID19TL 29 Dezembru 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, iha Salão dos Padres Canossioanos, Hera (29-12), Díli, hato’o ba estrutura tomak no partisipante sira atu refleta susesu no dezafiu sira ne’ebé hala’o durante 2021 ne’e hodi kontinua serbí di’ak liután ba universidade no estudante sira iha tinan akadémika 2022 ne’ebé sei mai. 
“Ita hotu foin selebra Natál iha loron hirak liubá, mai ita hotu refleta ho Jesus Kristu nia moris ne’ebé simples liu iha bibi luhan, tanba ne’e ita hotu ho knar idaidak ne’ebé iha, maibé banati tuir simplisidade ida ne’e, hodi simu tinan foun 2022, kontinua serbí ho knar ne’e ba UNTL no liuliu ba estudante sira”, hatutan.
Magnífiku Reitór mós konvida dosente, funsionáriu no estrutura tomak universidade sira atu presta servisu ho makas liután, ho dedikasaun no amizade ne’ebé iha. 
“Agradese mós ba Amu sira, liuliu Pe. Nivio Lebre Correia, Fdcc ne’ebé oferese fatin ne’e ba ita, hodi hala’o natál hamutuk ne’e, no eventu ne’e, atu hametin amizade ba ita hotu, atu husik tinan 2021 no simu 2022 ho vontade foun, enerjia foun”, tenik Reitór.
Partisipa iha serimónia ne’e, Visereitór no Proreitór sira, Diretór-Jerál ho estrutura, Diretór Nasionál sira, Diretór Departamentu sira, Diretór Sentru sira, Dekanu ho estrutura husi Fakuldade sira, funsionáriu, dosente no konvidadu sira. 
Média UNTL 📝 : Miguel Gonçalves
Foto 📷 : Miguel Gonçalves
- Detalhes
- Visualizações: 424
#TimorLeste #UNTL #WFP #COVID19 #COVID19TL 22 Dezembru 2021
Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, Ph.D, ho Organizasaun ba Aihan Mundiál (Word Food Program-WFP) iha Timor-Leste, nia Emergency Coordinator, Sr. Ashley James Rogers, asina Memorandu Entendimentu hodi implementa programa formasaun ba estudante sira no peskiza konjunta.
“Akordu antes ne’e iha tiha ona, maibé liu ona prazu, tanba ne’e renova fila fali hodi permite kontinua kooperasaun servisu entre UNTL ho WFP, ho foku liubá hasa’e kapasidade estudante sira, liuliu sira bele envolve iha projetu peskiza konjuntu iha área nutrisaun no merenda eskolár nian”, tenik Reitór iha Sala Vídeo Konferénsia Kampus Sentrál nian, Díli (22/12).
Magnífiku Reitór hatutan, WFP kolabora ho UNTL kona-ba implementasaun programa Nutrisaun no Merenda Eskolar ne’e, tanba estudante mak futuru nasaun nian, nune'e tenki kontribui ba prevene mal-nutrisaun ba labarik sira.
Iha fatin hanesan, WFP nia Emergency Coordinator, Sr. Ashley James Rogers, hateten, objetivu husi asina MoU ne’e kona-ba servisu hamutuk entre WFP ho UNTL iha programa peskiza, seguransa alimentar, servisu estensionista relasiona ho merenda eskolar nian.
“Ita koopera hodi implementa programa ne’e, tanba estudante sira mak jerasaun foun ba sosiedade iha nasaun ida, tanba ne’e asuntu seguransa alimentar, servisu estensionista, no peskiza ne'e importante tebes”, dehan Coordinator James.
Partisipa husi Visereitór ba Asuntu Akadémika no Garantia Kualidade, Profesór Doutór Samuel Venâncio de Sousa Freitas, Visereitora ba Asuntu Estudantís, Profesora Eng.ª Lígia Tomás Correia, M.Sc, Proreitora ba Asuntu Kooperasaun, Profesora Doutora Lídia Gomes, no ekipa WFP iha Timor-Leste, no konvidadu sira.
Média UNTL 📝 : Leonia de A. da Costa
Foto 📷 : Laurindo da Cruz Gomes