- Detalhes
- Escrito por Mateus Goncalves
- Visualizações: 679
#TimorLesteUniversidade Nacional Timor Lorosa’e (UNTL), nia Ekipa Reitoria no Ekipa Visereitoria ba Asuntu Estudantíl nian, ho apoiu hosi Diresaun Nasionál Lojístika na Manutensaun, simu ona apoiu foos husi instituisaun sira no indivídu balun, atu distribui ba estudante sira mak hela iha alojamentu “kos”, maibé seidauk simu foos husi apoiu husi Ministériu Solidariedade Sosiál no Inkluzaun (MSSI) husi foos saka hamutuk 5.346 ne’ebé UNTL simu ona.
Ekipa sei nafatin atende no rejista pesoál no instituisaun ruma ne’ebé hakarak apoiu universidade nasionál nia estudante sira, bele lori ho forma (foos 25Kg), no tuir kbiit ne’ebé iha, mai iha Kampus Sentrál, to’o 16 abril 9h00TL, iha sala-15 (Fakuldade Direitu).
Iha biban ne’e solisita mós ba dosente, funsionáriu inklui instituisaun no individu balun ne’ebé hakarak fó apoiu bele kanaliza mai iha Ekipa, no hafoin sei rekolla hamutuk hodi koordena ho estudante ka rezidente kos sira atu mai simu, hodi sira bele enfrenta Serka-Sanitária no Inundasaun ne’ebé akontese iha Díli 4 abril liubá.
UNTL nia estudante ne’ebé hela iha “kos” no seidauk simu foos rejista ona rihun ida resin (1000+). Enkuantu dadaun iha instituisaun no pesoál balun mak entrega ona sira-nia apoiu ba iha Ekipa atendimentu iha Kampus Sentrál dezde 13 abril, no sei permite to’o 16 abril 2021.
Média UNTL 
: Agostinho da Cruz e Silva
: Agostinho da Cruz e SilvaFoto 
: Agostinho da Cruz e Silva
: Agostinho da Cruz e Silva- Detalhes
- Escrito por Mateus Goncalves
- Visualizações: 619
Universidade Nacional Timor-Lorosa’e (UNTL) nian, Magnífiku Reitór Profesór dr. João Soares Martins MPH, Ph.D, ho nia estrutura hamutuk lideransa Instituisaun Públiku nian hala’o audiénsia ho deputadu sira husi Komisaun G Parlamentu Nasionál (PN) nian ne’ebé trata asuntu Edukasaun, Juventude no Kultura.
Reuniaun refere realiza iha sala reuniaun Rezidénsia Ofisiál Prezidente Parlamentu Nasionál, iha Farol Dili, (9/4) ne’e, ho objetivu hodi diskute no hetan esklaresimentu kona-ba lei No. 32/V/, (3) primeira alterasaun lei No. 1/2020, 29 Dezembru, Orsamentu Jerál Estadu (OGE) 2021.
Partisipa iha audiénsia Magnifiku Reitor UNTL akompaña husi Visereitór, Proreitór no Diretór Nasional Planu i Finansa (DNPF), Sr. Egidio dos Santos Filipe, Diretór Ezekutivu Ajénsia Nasionál ba Avaliasaun no Akreditasaun Akadémika (ANAAA), Profesór Doutór Edmundo Viegas.
Aleinde ne’e partisipa mós husi Prezidente Institutu Nasionál, Siénsia no Teknolojia (INCT), Profesór Doutór José Cornélio Guterres no Prezidente Institutu Politékniku Betano (IPB), Profesór Doutór Acacio Cardoso Amaral, Prezidente Komisaun G Parlamentu Nasionál Deputadu António Verdial de Sousa no Deputadu Komisaun G nian.
Média UNTL : Mateus Gonçalves
: Mateus GonçalvesFoto : Mateus Gonçalves
: Mateus Gonçalves- Detalhes
- Escrito por Mateus Goncalves
- Visualizações: 631
#TimorLesteUniversidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D, akompaña husi Visereitór, Proreitór, Dekanu ho Visedekanu sira husi Fakuldade Enjeñaria Siénsia no Teknolojia (FEST) nian, partisipa iha diskusaun ba estabelesimentu Laboratóriu Nasionál Jeolojia (LNG), iha Resintu Hera, Díli.
“Agradese tebes ita bele mai hamutuk iha ne’e, hodi buka solusaun, ha’u foin haree iha livru ne’e ita-nia konkordánsia komesa iha tinan 2012, iha diskusaun barak maibé seidauk halo instalasaun, ne’e mak ohin ita marka enkontru ida ne’e atu aselera prosesu ne’e”, tenik Reitór, iha Salaun Hotel Novo Turismu (9/04).
Reitór mós hatutan katak, fatin UNTL iha FEST-Hera disponivel ba atu instala laboratóriu ne’e, no sei benefísia ba universidade liuliu Departamentu Jeolojia no Petróleu, nune’e mós ba Timor-Leste iha futuru.
Iha fatin hanesan, Presidente Institutu Petroléu no Jeolojia (IPG), Profesór Gabriel Aparício, dezeja katak, liuhusi sorumutu refere bele hamosu rezultadu ruma relasiona ho planu ba estabelesimentu Laboratóriu Nasionál Jeolojia iha Timor-Leste.
“IPG iha difikuldade barak liuliu fatin, ohin dader ita mai hamutuk iha ne’e haree liuliu prosesu atu harii LNG iha FEST-UNTL Hera, no ita nia hamutuk bele desidi asuntu ne’ebé di’ak ba IPG, di’ak ba universidade no di’ak ba nasaun”, tenik Prezidente IPG.
Iha sorin seluk, S.E. Ministru Petroléu Rekusu no Minerais, Profesór Doutór Victor da Conceição Soares, hateten katak estabelese LNG importante atu bele fasilita estudante atu eleva kualidade no peskizadór sira hodi peskiza asuntu importante ba nasaun nian.
“Liuhusi estabelesimentu laboratoriu iha Hera mak sei benefísia estudante sira iha FECT nian nomós bele ajuda peskizadór sira iha IPG atu halo peskiza ba rekursu naturais no jeolojia nian iha futuru”, tenik Eis Dekanu FEST ne’e.
Governante ne’e mós husu ba UNTL no IPG, atu aselera prosesu ne’e hodi bele fasilita estudante no instituisaun iha futuru hodi mellora liután kualidade no produtividade Jeolojia iha Timor-Leste.
Partisipa iha diskusaun ne'e Visereitór, Proreitór sira, Dekanu Interinu FECT, Profesór Junior Raimundo da Cruz, Dr.Eng. ho nia Visedekanu sira, ekipa husi Ministériu Petroléu no Minerais, Ekipa husi IPG, no konvidadu sira.
Média UNTL : Agostinho da Cruz e Silva
: Agostinho da Cruz e SilvaFoto : Agostinho da Cruz e Silva
: Agostinho da Cruz e Silva- Detalhes
- Escrito por Mateus Goncalves
- Visualizações: 611
#TimorLesteUniversidade Nacional Timor Lorosa’e (UNTL), Fakuldade Enjeñaria, Siénsia no Teknolojia (FECT), liuhusi Departamentu Enjeñaria Sívil (DEC), nia peskizadór sira hala’o survei iha Díli laran hodi observa no foti dadus kona-ba moru kontensaun mota nian, ponte, no estrada ne’ebé hetan estragu husi inundasaun iha 4 Abril 2021 liubá.
Objetivu husi survei refere atu rekolla dadus tékniku, halo análize hodi identifika kauza téknika husi oklu sientifika akadémika nian. Hafoin sei tau hamutuk dadus hotu ne’ebé hetan iha terrenu no ekipa sei relata ba ministeriu relevante sira.
Aleinde ne’e, sei hato’o mós pareser téknika oinsá atu halo mitigasaun ba dezastre inundasaun ne’ebé sempre akontese kada tinan.
Implementasaun ba atividade refere ekipa ne’e kolabora ho Péritu sira husi Universidade Yamaguchi-Japaun, liuhusi asisténsia projetu JICA-CADEFEST Phase II nian.
Ekipa survei lidera diretamente husi DEC nian, Profesór. Alfredo Ferreira, ST, M.Eng., hamutuk ho nia dosente no estudante sira CE-FECT-UNTL nian.
Média UNTL : FECT-UNTL
: FECT-UNTLFoto : Lizete Mevina Jessica Soares, Lic. Eng. Ele. (JICA-CADEFEST Project)
: Lizete Mevina Jessica Soares, Lic. Eng. Ele. (JICA-CADEFEST Project)- Detalhes
- Escrito por Mateus Goncalves
- Visualizações: 2977
#TimorLesteUniversidade Nacional Timor Lorosa’e (UNTL), liuhosi Unidade de Produção e Disseminação do Conhecimento do Programa de Pós-Graduação e Pesquisa (UPDC-PPGP) ho kolaborasaun Centro de Estudos de Cultura e Arte (CECA) nian, lansa livru ida ho título "Educação Física e Desporto Em Timor-Leste: Curriculo e Práticas no Desenvolvimento Pessoal e Social".
Lansamentu ne’ebé hala’o liuhusi via Google Meet (8-4) ne’e, organizadór, Profesór Doutór Vicente Paulino, hateten katak, livru refere feitu ho objetivu atu fasilita ho referénsia ba dosente no estudante sira.
“Livru ne'e organiza hosi Profesora Maria do Céu Baptista no ha’u rasik no publika husi UPDC-PPGP UNTL nian, no sei sai referénsia ba profesór no estudante sira Departamentu Ensinu Edukasaun Fízika no Desportu ne'ebé hamahon-an iha FEAH-UNTL”, hatutan Profesór Vicente Paulino, atuál Diretór CECA.
Autór ne’e mós dezeja katak, bele sai referénsia mós ba sira ne'ebé hakarak koñese realidade edukasaun fízika no desportu iha Timor-Leste, tanba área ne'e nu'udar espasu demokrátiku ba sira ne'ebé hakarak halo exersísiu desportivu.
Lansamentu ne'e hetan partisipasaun husi profesór Brazil sira, Portugal no Timor-Leste nian mak hanesan: Bebiana Sabino, Luís Manuel, Inês Monteiro, Helder Zimmermann e Teresa Dias, Maria do Céu Baptista, no alunu sira hosi Departamentu Ensinu Desporto FEAH-UNTL nian inklui konvidadu sira.
Média UNTL 
: Agostinho da Cruz e Silva
: Agostinho da Cruz e SilvaFoto 
: Arkivu UPDC
: Arkivu UPDC