- Detalhes
- Escrito por Mateus Goncalves
- Visualizações: 668
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, enkontru ho Vise-Ministra ba Asuntu ASEAN, Sra. Milena da Costa Rangel, hodi koalia kona-ba preparasaun Timor-Leste adere ba ASEAN no haree liubá área akadémika nian.
Sorumutu ne'e, hala'o iha sala-enkontru VMAA nian, (05/10), ho objetivu atu fahe informasaun no preparasaun ba semináriu internasional ne'ebé sei realiza iha Rejiaun Administrativa Espesial Oé-Cusse Ambenu (RAEOA), iha tinan 2024.
Partisipa husi Visereitór ba Asuntu Pos-Graduasaun no Peskiza Profesór Afonso de Almeida, Visereitora ba Asuntu Estudantís Profesora, Ligia Tomas Correia, Dosente, no ekipa husi MNEK nian.
#TimorLeste #UNTL #MNEK #VMAA 9 Outubru 2023
Média UNTL 📝: Denilson Amandio Barros
Foto 📷: Denilson Amandio Barros
- Detalhes
- Escrito por Mateus Goncalves
- Visualizações: 226
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hamutuk ho Prezidente Instituto Nacional de Formação de Docentes e Profissionais da Educação (INFORDEPE), Mestre Domingos Martins, halo abertura ba Kursu Baxarelatu Ensinu Báziku, iha Ensinu Básika Sentrál Dato, Munisípiu Likisa (06/10).
Magnífiku Reitór hateten, abertura kursu baxarelatu ba ensinu básiku ne'e hala'o iha teritoriu laran tomak, liuhusi akordu ne'ebé halo ona iha tinan kotuk, hodi kontinua fó formasaun ba profesór ensinu básiku iha munisípiu hotu.
"Liuhusi akordu ne'ebé, halo ona iha tinan kotuk, UNTL prontu atu bele halo formasaun tuir konteúdu kurrikulár ne'ebé iha no formasaun ne'e sei halo durante tinan tolu.
Hanesan Reitór husu ba profesór sira atu aproveita tempu hodi estuda nune'e sira bele hetan graduasaun durante tinan tolu oin mai", dehan Reitór.
Prezidente (INFORDEPE) nian, Mestre Domingos Martins, hatete formasaun ba etapa ne'e nian sei halo ba profesor sira hamutuk rihun ida atus rua hitu nulu resin lima, (1.275) iha teritóriu Timor laran.
"Formasaun ne'e realiza, tanba iha kooperasaun di'ak entre UNTL no INFORDEPE nomós ami tenta nafatin ba futuru atu koopera ho UNTL hodi bele hasa'e tan kualidade profesór sira-nian iha ensinu báziku iha teritóriu tomak", tenik Prezidente INFORDEPE.
Iha sorin seluk reprezentante estudante, Ezacop de Jesus Pereira, agradese ba Ministériu Edukasaun, UNTL no INFORDEPE, ne'ebé servisu hamutuk hodi realiza formasaun refere.
"Agradese ba Ministériu Edukasaun, UNTL no INFORDEPE ne'ebé servisu hamutuk hodi realiza programa kursu baxarelatu nian, no husu ba maluk profesór sira atu aproveita máximu formasaun ne'e nune'e durante tinan tolu nian laran ita bele finaliza estudu ho di'ak." Hateten Ezacop.
Partisipa husi Diretór Jerál Servisu Apoiu Reitoria, Sr. Jacinto H. S. Belo, Diretór Nasional Atendimentu Estudante (DNAE), Sr. Rui Loco Pires, Dosente husi FEAH UNTL, ekipa husi INFORDEPE, Profesór no Estudante sira.
#TimorLeste #UNTL #INFORDEPE #FEAH 06 Outubru 2023
Média UNTL 📝: Denilson Amandio Barros
Foto 📷: Denilson Amandiu Barros
- Detalhes
- Escrito por Mateus Goncalves
- Visualizações: 238
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D, hamutuk ho estrutura enkontru ho Ministru Juventude Desportu, Arte no Kultura, S.E. Nelio Isaac Sarmento, hodi ko'alia kona-ba apoiu Profesór Cubano sira-nian ne'ebé atu kontinua hanorin iha Departamentu Ensinu Físika no Desportu (DEFD) iha FEAH.
Eventu refere hala’o iha sala-enkontru MJDAK nian, Díli (05/10), ho objetivu deskuti kona-ba maneira oinsá kontinua apoiu UNTL nia Fakuldade Edukasaun Arte no Umanidade ninia Departamnetu Ensinu Físika no Desportu, liuhusi kontratu Profesór Cubano sira hodi hanorin departamentu refere.
Partisipa iha enkontru ne'e, Visereitór, Proreitór no Dekanu Fakuldade Edukasaun Arte no Umanidade nian, Profesór Teodoro Soares no ekipa husi MJDAK nian.
#TimorLeste #UNTL #MJDAK #EmbassyofCuba 5 Outubru 2023
Média UNTL 📝: Leonia de A. da Costa
Foto 📷: Leonia de A. da Costa, Denilson A. Barros
- Detalhes
- Escrito por Mateus Goncalves
- Visualizações: 215
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D, ho Diretór Jeral GabCEDU nian, Profesór Doutór Rui da Cruz no Presidente GabCEDU Atual Proreitor ba Asuntu Planeamentu, Monitorizasaun no Avaliasaun Prof. Dr. Nelson Salsinha lansa Sistema Dijital ba dadus dosente nian, iha Auditóriu FECT-Hera, Díli (29/09).
“Ohin ita halo lansamentu ba sistema dadus dosente ne’ebé sei monta iha ita-nia universidade, sistema dijitalizasaun seluk mós ita sei foka ba administrasaun Akadémika ba rejistu estudante, tanba ne’e ohin ita iha Proreitór ba Asuntu Informatizasaun, Transformasaun Dijital no Inovasaun (PRAITDI), atu kria sistema Dijitalizasaun Universidade nian”, hateten Magnífiku Reitór iha sesaun abertura.
Reitór mos agradese ba servisu GabCEDU nian ne’ebé apoiu iha nia mandatu, tanba promete ona katak rejime kareira sai prioridade no agradese bele hetan aprovasaun iha Konsellu-Ministru, dadaun ne’e progresaun kareira implementa ona, ohin dosente sira to’o ona iha B3.
Iha fatin hanesan Diretór-Jerál GabCEDU Profesór Doutór Rui da Cruz mos hatutan, depoizde lansamentu, ekipa sei tun ba fakuldade sira atu esklarese klean liután ba dosente sira kona ba sistema online ne’e no planu sira ne’ebé sei halo iha futuru.
“Atividade ohin ne’e atu atualiza servisu ne’ebé mak ami hala’o durante tinan rua ba kotuk no planu ba futuru GabCedu nian, nune’e presiza tebes kolega sira-nia apoiu tanba ita-nia kolarborasaun sai hanesan indikadór ida ba futuru”, hateten Diretór Jerál GabCEDU.
Partisipa husi Visereitór, Proreitór, Dekanu, Dosente no ekipa Gabineti Sertifikasaun Dosente Universitáriu (GabCEDU).
#TimorLeste #UNTL #GabCEDU 5 Outubru 2023
Média UNTL 📝: Agostinho da Cruz e Silva
Foto 📷: Denilson Amandiu Barros
- Detalhes
- Escrito por Mateus Goncalves
- Visualizações: 234
Universidade Nacional Timor Lorosa’e (UNTL) nia Proreitoria ba Asuntu Informatizasaun, Transformasaun Dijital no Inovasaun (PRAITDI) halo sosializasaun Sistema Dijitalizasaun (Sistema Informasaun Akadémika) ba Fakuldade haat (4), mak Faculdade de Ciências Sociais, Faculdade de Filosofia, Faculdade de Direito no Faculdade de Agricultura, iha sala Auditóriu FEAH, Díli (04/10).
Liuhusi sesaun abertura Magnífiku Reitór UNTL, Profesór João Soares Martins, MPH, Ph.D hateten, sosializasaun ne’e, foku ba implementasaun sistema dijitalizasaun ba fakuldade sira, no sei implementa uluk ba fakuldade haat mak hanesan, Faculdade de Ciências Sociais, Direitu, Filozofia no Agrikultura, nune'e estudante sira presiza haree valór ruma la presiza print ona, bele asesu liuhusi online.
“Sosializasaun ne'e durante loron rua 2-3, ba Fakuldade haat no sei implementa uluk ba fakuldade haat ne'e mak, Faculdade de Ciências Sociais, Filozofia, Agrikultura no Direitu. Dosente sira entuziasmu tanba sira mós konkorda atu utiliza sistema ne'e hodi fasilita estudante sira ho fasil”, dehan Reitór.
Iha fatin hanesan Proreitór PRAITDI Profesór Frederico Soares Cabral hatete, sosializasaun ida ne’e hanesan prosesu inisiál ba transformasaun dijitál iha UNTL nian, no atu hahú transformasaun dijitalizasaun ne’e, presiza sosializasaun.
“Se la iha sosializasaun mak ita implementa sistema dijitalizasaun, ita haruka ema uza, ikus mai sistema sei falla, tanba ne’e mak sosializasaun ne’e importante , agora daudauk ne’e sosializasaun haree ba iha regulamentu akadémiku ho módulu sira iha laran, no sosializasaun tuir mai ita sei haree ba sistema ne’e rasik, sistema ne’e ita sei presiza tempu naruk ida atu ita halo sosializasaun ba entidade tomak iha universidade nian ne’ebé relevante no ikus liu ita sei halo implementasaun reál iha inísiu tinan oin”, tenik Proreitór.
Sosializasaun refere realiza durante loron rua hahú husi loron 2-3 fulan outubru ne'e, ne'ebé organiza husi PRAITDI ho nia Direção Nacional Informática e Tecnologia (DNIT), no partisipa husi Dekanu Faculdade de Agricultura, Profesór Vicente de Paulo Correia ho nia estrutura, reprezentante estrutura Faculdade de Direito, reprezentante estrutura Faculdade de Filozofia, dosente, nomós funsionáriu fokal point sira.
#TimorLeste #UNTL #PRAITDI #DNIT #FAGRI #FADIR #FCS #FCH 3 Outubtru 2023
Média UNTL 📝: João Bosco Alves
Foto 📷: João Bosco Alves