#TimorLeste #UNTL #FECT #IndianEmbassy #COVID19 #COVID19TL 18 Maiu 2022

Universidade Nacional Timor Lorosa’e (UNTL) nia estudante Fakuldade Enjeñaria, Siénsia no Teknolojia partisipa iha palestra kona-ba implentasaun edukasaun nivél universidade iha Índia 🇮🇳 ne’ebé fasilita husi Embaixadór Índia ba Timor-Leste, iha Auditóriu Hera, Díli (17/05). india 1

Visereitór ba Asuntu Administrasaun no Finansas no Administradór-Jerál Profesór Helio A. X. Mauquei, reprezenta Magnífiku Reitór agradese Embaixadór Manoj Kumar Bharti tanba bele partilla informasaun, relasiona ho implentasaun edukasaun nivél universidade iha India ba estudante sira.

“Orgullu tanba estudante Enjeñaria prontu atu tuir semináriu ida ne’e, no mós Embaixdór bele partilla esperiénsia sira iha área teknolojia no área sira seluk ba estudante sira, hanesan Embaixadór nia vizita dahuluk iha Timor-Leste hasoru ona Magnífiku Reitór no propoin mós hasoru estudante sira”, hatutan Visereitór.

Profesór Mauquei hatutan, Embaixadór India nian mós promete sei halo akordu ida ho UNTL nune’e bele fó espasu ba joven universitáriu sira atu asesu ba edukasaun iha India.india 2

Iha fatin hanesan, Embaixadór Índia, Sr. Manoj Kumar Bharti, hatete, semináriu ne’e atu fó koñesimentu ba universitáriu sira no enkoraja atu estuda makas nune’e bele aplika bolsu estudu ba iha Universidade Índia nian. 

“Buat ne’ebé prioridade no importante husi India mai Timor-Leste mak atu enkoraja joven Universitáriu sira atu esforsu hodi asesu edukasaun iha nível universitáriu ho kualidade iha área oioin hanesan, Enjeñaria, Teknolojia, Jornalizmu, Ekonomia no seluk tan”, dehan Embaixadór India.

Embaixadór ne’e hatutan, estudante, dosente no funsionáriu sira ne’ebé iha interese atu kontinua estuda iha Universidade Índia iha área oioin Lisensiatura, Mestradu no Doutoramentu bele asesu informasaun iha website Embaixada Índia (www.indianembassyjakarta.gov.in). india 4

Média UNTL 📝: Leonia de A. Da Costa

Foto 📷: Altur Ramos

Comment

#TimorLeste #UNTL #SDU #GlobalCampusHumanRight #EmbaixadadeItalia #COVID19#COVID19TL 18 Maiu 2022

Universidade Nacional Timor Lorosa’e (UNTL) nia Visereitór ba Asuntu Pós-Graduasaun no Peskiza (VRAPGP), Profesór Doutór Afonso de Almeida, reprezenta Magnífiku Reitór simu Embaixadór Itália 🇮🇹 ba Timor-Leste, Sr. Benedetto Latteri, iha Sentru Direitu Umanu (SDU), Kampus Kaikoli UNTL nian (17/05).italia 2

Relasiona vizita refere, Profesór Doutór Afonso de Almeida, hatete liuhusi diskusaun ko’alia kona-ba papel SDU nian, hodi kontribui ba komunidade no dezenvolve iha UNTL nia laran ba dosente no estudante sira.

“Ita mós presiza dezenvolve, agora uza hela disiplina transversál iha Fakuldade sira hodi hanorin estudante sira, tanba ne’e mak ohin ko’alia atu futuru UNTL hamutuk ho Embaixada Itália nian ho Global Kampus apoiu ba SDU no apoiu mós iha parte investigasaun nian’’, tenik VRAPGP. italia 3

Iha fatin hanesan Embaixadór Itália nian, hatete objetivu vizita ne’ebé hala’o atu hatene liu tan SDU, nune’e, iha possibilidade bele iha kooperasaun ho instituisaun sira iha Timor-Leste liuliu sentru UNTL nian.

“Iha futuru ami iha possibilidade atu servisu hamutuk maibé la’ós husi ha’u hanesan Embaixadór, maibé husi Embaixada hodi dezenvolve diak liután iha UNTL nia SDU ne’e no ba dosente no estudante sira atu hatene papel SDU no Global Campus”, tenik embaixador.italia 4

Partisipa husi Visedekanu Asuntu Estudantíl Fakuldade Siénsia Sosiais nian, Profesór Mateus Tilman, MSSD, Diretór Departamentu Relações Internacionais Profesór Bernardo Idalina Leto, M.Si, Profesór Celso da Fonseca no ekipa SDU nian.italia 5

Média UNTL 📝: Laurindo da Cruz Gomes

Foto 📷: Laurindo da Cruz Gomes

Comment

#TimorLeste #UNTL #g7+ #COVID19 #COVID19TL 11 Maiu 2022

Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, hamutuk ho Sekretáriu Jerál g7+, Dr. Hélder da Costa, hasoru malu ho Prezidente Repúblika Eleitu, Dr. José Ramos Horta, iha Laureadu Nobel da Pas nia rezidénsia Farol Dili, (11/05). RRRRRR 1

Objetivu husi sorumutu ne’e, atu konvida Prezidente Repúblika Eleitu, Dr. José Ramos Horta, ba partisipa no halo abertura ba Semináriu Internasionál iha ámbitu komemorasaun Loron Restaurasaun Independénsia ba dala rua nulu (20) no sei halo reflesaun ba dezafiu sira, ne'ebé planea realiza iha 23 Maiu 2022, iha Auditóriu Hera UNTL nian, Díli.

Partisipa iha sorumutu ne’e, Visereitora ba Asuntu Estudantis, Profesora Eng.ª Lígia Tomás Correia, M.Sc, Diretór Sentru Nasionál Investigasaun Sientífika (CNIC), Profesór Doutór José António Lourenço da Costa, no Ekipa husi g7+ nian.RRRRRR 2

Média UNTL 📝: Denilson Amandio Barros

Foto 📷: Denilson Amandio Barros

Comment

#TimorLeste #UNTL #FCS-DCS #COVID19 #COVID19TL 13 Maiu 2022

 

Universidade Nacional Timor Lorosa’e (UNTL), Faculdade de Ciências Sociais (FCS) nia Departamento de Comunicação Social hala’o servisu komunitáriu iha Igreja Hatubuilico, ne’ebé prepara hela ba sai parokia, no iha fatin hanesan hametin lasu-amizade entre estudante, dosente no komunidade. q 1

Iha lokál atividade, Visediretór DCS nian, Profesór Roberto da Costa Pacheco, hateten atividade ne’ebé hala’o bazeia ba pilár Universidade nian liuliu dedikasaun komunitáriu atu lori estudante sira aprende organiza no servisu hamutuk ho komunidade. 

“DCS nia estudante sira mai iha ne’e, akompaña husi dosente sira, ho objetivu (1) halo atividade servisu komunitáriu, (2) fó mós materiál balun “simentu saka 40” ba igreja, no (3) bina-akrab entre estudante, dosente no komunidade rasik, no sosializasaun”, tenik Visediretór.q 2

Pacheco mós hatutan tan katak, hahú husi loron 6 to’o 9 Maiu ne’e, hala’o mós atividade fíziku hanesan hada fatuk ba jardin igreja nian, nahe igreja laran iha parte altar kotuk nian. 

Iha fatin hanesan, Amu Vigáriu Parokia Maubisse nian, Pe. Francisco Soares Fernandes apresia ho prezensa DCS nian, hatudu asaun ne’ebé ho valór boot liuhusi kolaborasaun hodi partilla domin ba sosiedade. 

“Asaun ne’ebé imi hala’o iha ne’e, hatudu vantajen boot tebes tanba ema la haree husi kiik ka boot maibé importante iha domin, servisu hamutuk, kolaborasaun, karidade no imi bele tulun ema seluk iha ita-nia sosiedade ne’e no hatudu ona imi ema sosiál duni”, tenik Amu Vigáriu. q 3

Pe. Francisco mós tatoli ba estudante sira atu sai estudante di’ak, sidadaun di’ak no sarani di’ak ne’ebé bele lori esperansa ba família no husu mós ba dosente sira DCS nian, atu sai bibi-atan di’ak ne’ebé sempre hatudu dalan di’ak ba estudante sira liuhusi dedikasaun ne’ebé pretense ba profesór sira idaidak nia papél.

Dionisia Soares Martins, estudante DCS nian sente kontente tanba bele aprende servisu hamutuk no akompaña husi profesór sira.

“Ha’u sente kontente, maské viajen dook maibé bele hala’o atividade sira tuir planu ne’ebé komisaun organizadora prepara, kria amizade di’ak entre estudante sira, aprende servisu hamutuk”, dehan Dionisia. 

Relasiona ho asaun refere Diretór DCS nian, Profesór Marcelino Ximenes Magno, hateten DCS hala’o kada tinan, atu lori estudante sira bele kontribui no aprende husi komunidade.q 4

“Estudante sira mai iha universidade liuliu ba estudante foun sira, katak mai la’ós aprende de’it siénsia maibé aprende atu organiza no servisu hamutuk ho komunidade” tenik Profesór Marcelino.

Realizasaun ba atividade ne’e, konta ho kontribuisaun husi estudante sira hahú husi turnu 2020, 2021, 2022, inklui estudante finalista sira, no apoiu husi dosente sira. q 5

Média UNTL 📝: Miguel Gonçalves

Foto 📷: Arkivu DCS

Comment

#TimorLeste #UNTL #FAGRI #COVID19 #COVID19TL 11 Maiu 2022

Universidade Nacional Timor Lorosa’e (UNTL) nia Dekanu Fakuldade Agrikultura (FAGRI) Profesór Vicente de Paulo Correia, Ph.D, iha Kampus Sentrál UNTL nian, Díli (11/05) hateten, nia Fakuldade hatuun ona iha planu prioridade ba 2022-2026 nian, sei hasa’e kapasidade dosente no dezenvolvimentu infraestutura. KAAA

‘’Planu prioridade durante ha'u-nia mandatu mak sei (1) hasa’e liu kapasidade ba ita-nia dosente sira ne’ebé sei iha mestradu no fó treinamentu ba funsionáriu, (2) hadia infrastutura ba aula sira, no (3) kria kooperasaun ho instituisaun seluk no embaixada sira, ajénsia sira ne’e mak ita loke tan ita-nia Visedekanu Kooperasaun no Peskiza’’, tenik Dekanu.

Profesór Paulo hatutan tan katak ba oin hanoin atu kapasita tan kapasidade dosente no funsionáriu nian iha área língua no metodolojia.

“Ita iha ona rekursu di'ak iha Fakuldade ne’e, tenki servisu di'ak tanba difikuldade ba ita hodi halo diferensa iha Departamentu sira no Fakuldade nia laran no ita-nia planu hotu sei la'o diak, bainhira ita-nia kooperasaun no servisu hamutuk di'ak", tenik Dekanu.

Média UNTL 📝: Laurindo da Cruz Gomes

Foto 📷: Laurindo da Cruz Gomes

Comment