- Detalhes
- Escrito por Mateus Goncalves
- Visualizações: 234
Universidade Nacional Timor Lorosa'e (UNTL), nia Faculdade de Educação Artes e Humanidades (FEAH), realiza serimónia judisium ba dala ruanulu resin sia (XXIX) ba estudante finalista na'in atus neen ha'at nulu resin ida (641), iha Salaun Tera-Santa, Comoro, Díli (11/10).
Iha serimónia ne'e, Magnífiku Reitór Profesór dr. João Soares Martins, MPH, Ph.D, hato'o parabéns ba finalista sira liuhusi dedikasaun, esforsu no estuda makas bele finaliza ona estudu iha FEAH.
"Parabéns ba imi hotu, tanba bele finaliza ona estudu, nomós agradese ba dekanu no estrutura FEAH nian, ne'ebé servisu makas, ne'e hanesan prestasaun bo'ot ida ba fakuldade no ba universidade, espera katak ita-nia governu bele aproveita rekursu ne'ebé ita prodús ba benefísiu no nesesidade edukasaun nian iha Timor-Leste", dehan Reitór Martins.
Iha fatin hanesan, Dekanu FEAH nian Profesór Dr. Teodoro Soares, hatete, judisium hanesan tradisaun akadémika liuliu iha fakuldade, tenki valoriza no hanesan mós serimónia despedida entre profesór ho estudante finalista sira.
"Judisium ne'e hanesan tradisaun akadémika nian, tanba ne'e ita tenke valoriza liuhusi eventu sira hanesan ne'e inísiu ba perkursu akadémiku nian, no husu ba finalista sira atu kontinua nafatin estudu ba kursu mestradu no doutoramentu, tanba Timor-Leste presiza rekursu umanu ne'ebé kualifikadu", tenik Dekanu Soares.
Partisipa iha eventu ne'e, Vise-Dekanu sira, Dosente, Funsionáriu, Konvidadu, Inan-Aman no Estudante sira.
#TimorLeste #UNTL #FEAH 11 Outubru 2023
Média UNTL 📝: Denilson Amandio Barros
Foto 📷: Denilson A. Barros & Agostinho da Cruz
- Detalhes
- Escrito por Mateus Goncalves
- Visualizações: 229
Universidade Nacionnal Timor Lorosa’e (UNTL) serivsu hamutuk ho Komisaun Funsaun Públika (KFP), liuhusi ekipa juri ba rekrutamentu selesaun Pur-Méritu ba Kargu Xefia Rejime Jerál-UNTL, informa ba kandidatu ne’ebé liu ona selesaun dokumentu atu haree naran admitidu no la admitidu iha aneksu, bele klik iha link ne’ebé mensiona.
https://drive.google.com/drive/folders/1hP12dmvIBepVljtEjHpHVLxvc-2znw_t?usp=drive_link
Ba aplikante sira ne’ebé admitidu, sei tuir simulasaun iha loron Sexta-Feira, 20-Outubru 2023 no prova eskrita iha loron Segunda-Feira, 23 fulan Outubru 2023, kona-ba fatin bele hare iha aneksu.
#TimorLeste #UNTL #DNRH #CFP 11 Outubru 2023
- Detalhes
- Escrito por Mateus Goncalves
- Visualizações: 205
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D partisipa iha diskusaun esbosu revizaun lei baze edukasaun ba daruak nian, ne'ebé lidera husi Diretora Jerál Ensinu Superior nian, Sra. Maria Filomena Lay Guterres, iha salaun-enkontru MESSK, Díli (09/10).
Objetivu husi diskusaun ne'e kona-ba lei baze edukasaun no foku liubá Ensinu Superior, no iha artigu ne'ebé deskuti liuliu desizaun utiliza lingua hodi hanorin iha eskola, tanba tetun nu’udar língua ba komunikasaun maibé la’ós língua hodi hanorin.
Diskusaun ne'e lidera husi Diretora Jerál ba Ensinu Superior nian, Sra. Filomena Lay Guterres, no partisipa husi Reitór sira hotu husi Universidade Privada sira iha Timor-Leste nian.
#TimorLeste #UNTL #MESSK 9 Outubru 2023
Média UNTL 📝: Leonia de A. da Costa
Foto 📷: Leonia de A. da Costa, Denilson A. Barros
- Detalhes
- Escrito por Mateus Goncalves
- Visualizações: 230
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, enkontru ho reprezentante Japan International Cooperation Agency (JICA), nian iha Timor-Leste, Sr. Ito Mimpei, iha Sala- Videokonferénsia UNTL nian,Díli (11/10).
Enkontru refere hala'o ho objetivu, atu diskute prosesu ba estabelese programa mestradu iha área Enjeñaria Siénsia no Teknolojia ne'ebé sei oferese husi Universidade Yamaguchi Uny husi Japaun. Aleinde ne’e, parte rua diskuti mós preparasaun simu vizita prezidente JICA nian mai iha UNTL.
Enkontru ne'e partisipa husi Visereitór ba Asuntu Pós-Graduasaun no Peskiza Profesór Afonso de Almeida, Ph.D Proreitór ba Asuntu Kooperasaun, Profesór Tomé Xavier Jerónimo, Dosente no ekipa husi JICA nian.
#TimorLeste #UNTL #FECT #JICA 11 Outubru 2023
Média UNTL 📝: Denilson Amandio Barros
Foto 📷: Denilson A. Barros & Agostinho da Cruz
- Detalhes
- Escrito por Mateus Goncalves
- Visualizações: 234
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hamutuk ho Ministru Ensinu Superiór Siénsia no Kultura, S.E. José Honório da Costa Pereira Jerónimo, diskuti kursu baxarelatu no programa mestradu ne'ebé atu estabelese tan iha universidade.
Eventu refere hala'o iha salaun-enkontru (MESSK) nian, Díli (09/10), ho objetivu atu aprezenta programa kursu baxarelatu no programa mestradu iha área Diretu, nune'e parte rua konkorda hodi haree alirse ba kursu sira atu loke maibé tenki kumpri kritéria MESSK nian.
Partisipa husi Visereitór ba Asuntu Pós-Graduasaun no Peskiza, Profesór Afonso de Almeida, Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas, Dekanu, Diretora Jerál MESSK, Sra. Maria Filomena Lay Guterres, Diretór Jerál Servisu Apoiu Reitoria Sr. Jacinto H. S. Belo no ekipa husi MESSK nian.
#TimorLeste #UNTL #MESSK 09 Outubru 2023
Média UNTL 📝: Denilson Amandio Barros
Foto 📷: Leonia de Araújo