Universidade Nacional Timor Lorosa’e (UNTL), liuhusi Fakudade Siénsias Sosiais (FCS) nia Departamentu Dezenvolvimentu Komunitáriu (DC) simu Ekipa Avaliadór sira husi Ministériu Ensinu Superiór, Siénsia Kultura (MESSK), hodi haree direta fasilidade ne’ebé sei uza ba kursu mestradu iha Dezenvolvimentu Komunitáriu nian.
Relasiona ho avaliasaun refere, iha kampus Kaikoli FCS nian, Díli (18/11), Magnífiku Reitór, Profesór dr. João Soares Martins MPH, Ph.D, hateten, prosesu internalmente husi universidade kompleta ona, tanba ne’e submete ba (MESSK) no ekipa mai halo avaliasaun, nomós espera ho rezultadu ne'ebé di'ak ba Departamentu nomós Universidade.
“Objetivu husi avaliasaun ne'e, atu hatan ba proposta ne’ebé atu loke kursu ho nível amestradu iha Departamentu Dezenvolvimentu Komunitáriu-FCS nian, nune’e, ba dosente, no timoroan sira ne'ebé hakarak kontinua mestradu bele aplika no espera rezultadu avaliasaun di’ak ba universidade, fakuldade no departamentu”, hatutan Reitór.
Partisipa iha avaliasaun ne'e Visereitór ba Asuntu Akadémiku no Garantia Kualidade, Profesór Doutór Samuel Venâncio Sousa Freitas, Visereitór ba Asuntu Pós-Graduasaun no Peskisa Profesór Doutór Afonso de Almeida, Próreitora ba Asuntu Koperasaun, Profesora Doutora Lídia Gomes, Dekanu Fakuldade Siénsias Sosiais, Profesór Camilo Ximenes Almeida, MCP, ho nia estrutura , Dosente, no Avaliadór MESSK Sr. Manuel Braz, no Painel MESSK Sr. Pedro Ximenes.
Média UNTL 
: Denilson A. Barros
: Denilson A. BarrosFoto 
: Denilson A. Barros
: Denilson A. Barros