- Detalhes
- Escrito por Adelaide da Cunha
- Visualizações: 793
#TimorLeste #UNTL #FMCS #DE #COVID19 #COVID19TL 27 Outubru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, halo abertura Estájiu Komunitáriu ne'ebé implementa husi Fakuldade Medisina no Siénsia Saúde (FMCS), Departamentu Enfermajen nia estudante na’in 145, iha Postu-Adminstrativu Laclo Munsípiu Manatuto, (26/10).
Magnífiku Reitór iha diskursu abertura hato'o ba estajiáriu sira atu aproveita oportunidadu no tempu hodi partilla no aprende esperiénsia husi kamunidade Laclo.
“Espera estájiu fulan rua bele lori imi aproveita esperiensia balun husi Komunidade Laclo ne'e, estájiu ida ne’e parte husi kurrikulár unidersidade nian, atu ita bo’ot sira tenki kumpri, ami sei husik hela ita bo’ot atu aprende hamutuk ho komunidade”, tenik Reitór.
Magnífiku Reitór mós husu ba estajiáriu apoiu governu halo sosializasaun ba komunidade liuliu vasinasaun atu bele aumenta imunidade komunidade nian hodi luta kontra Pandemia COVID-19.
Iha fatin hanesan, Dekanu FMCS, Profesór José Dionisio Ximenes, agradese ba Autoridade lokál no komunidade Laclo tanba disponível hodi simu universidade nasionál nia estudante sira.
“Hakarak agradese ba Adminitradór Postu Administrativu Laclo nian, tanba ho nia disponibilidade bele simu estajiáriu sira mai hala’o sira-nia estájiu durante fulan rua (26 Outubru 2021 to’o 28 Dezembru 2021) hamutuk ho komunidade iha ne’e”, tenik Dekanu.
Dekanu mós husu ba estajiáriu sira atu uza tempu ho másimu hodi alkansa planu hotu ne’ebé durante fulan rua nia laran, liuhusi servisu hamutuk ho autoridade no komunidade Laco nian.
Iha sorin seluk, Reprezentante Administradór Postu Administrativu Laclo, Sr. Andre Policarpo da Costa, agradese ba UNTL bele hili Laclo sai fatin ba estájiu tinan 2021 ne’e.
“Ha'u reprezentante administradór Postu Laclo nian, ami simu ho bemvindu ba alin estajiáriu sira no hakarak agradese ba UNTL bele hili Laclo sai fatin hodi hala’o estájiu Komunitariu atu bele akonsella inan-aman sira hodi partisipa iha vasinasaun” tenik.
Partisipa iha serimónia ne’e, Diretór-Jeral ba Servisu Apoiu Reitoria, Sr. Jacinto H. S. Belo, Dekanu FMCS Profesór José Dionisio Soares ho nia estrutura, Segundu Komandante PNTL Munisípiu Manatuto, Sr. Domingos de Deus, ho Membru Sira, Estajiáriu, Komunidade Laclo no konvidadu sira.
Média UNTL 
: Agostinho da Cruz e Silva
: Agostinho da Cruz e SilvaFoto 
: Agostinho da Cruz e Silva
: Agostinho da Cruz e Silva- Detalhes
- Escrito por Adelaide da Cunha
- Visualizações: 737
Universidade Nacional Timor Lorosa’e (UNTL), liu husi Gabinete Visereitora Asuntu Estudantis (VRAE) informa ba estudante sira UNTL ne’ebé admitidu ba Bolsa Hakbi’it, atu bele hakbesik-an ba Gabinete Fundu Desenvolvimentu Kapital Umanu (FDCH) nian hodi submete rekezitu sira.
Rekizitu sira hanesan, Foto Koloridu Medida 3x4 tahan 1, Kopia Kartaun Eleitorál koloridu tahan 1no Kopia Konta Bankária koloridu, data ikus submisaun iha loron 5 fulan Novembru 2021.
Informa mos ba benefisiáriu Bolsa Hakbi’it ne’ebé seidauk asina kontratu, atu bele hakbesik an ba Gabinete FDCH hodi asina termu kontratu, no loron ikus ba asina kontratu 29 Outubru 2021.
Avizu kompletu no lista naran bele haree iha dokumentu aneksu, ka bele haree iha kuadru avizu kada fakuldade no kuadru avizu FDCH nian.
Média UNTL :
:- Detalhes
- Escrito por Adelaide da Cunha
- Visualizações: 694
#TimorLeste #UNTL #FCS #UNESCO #COVID19 #COVID19TL 26 Outubru 2021 - Univerisdade Nacional Timor Lorosa’e (UNTL) liuhusi Fakuldade Siénsia Sosiál (FSS) nia Departamentu Komunikasaun Sosial (DCS), koopera ho Komisaun Nasionál ba UNESCO no UNESCO husi Jakarta hodi fó formasaun ba estudante eskrita no elabora notísia bazeia ba jéneru.
Iha Kampus Kaikoli UNTL nian, Díli (19/10), Diretór Akadémiku DCS, Profesór Marcelino Ximenes Magno, hateten, formasaun ne’e fahe ba parte rua, ida hetan formasaun kona-ba hakerek notísia no ida seluk hakerek notísia bazeia ba jéneru.
“Kooperasaun entre UNESCO ho UNTL-FCS liuhusi DCS ne’e iha grupu fó formasaun ba hakerek notísia nian, no grupu seluk Komisaun Nasionál Timor-Leste ba UNESCO fo formasaun ba estudante DCS nian kona-ba hakerek notísia iha sensibilidade jéneru nian” tenik Profesór Marcelino Magno.
Iha fatin hanesan, Formadór husi Komisaun Nasionál ba UNESCO, Sra. Ana Maria Celina Fatima, hateten, durante formasaun distribui matéria ba estudante sira, esplika, no ikus hakerek notísia liga ho Jéneru.
“Formasaun ohin ne’e ko’alia kona-ba jéneru, liga ho materia ne’ebé ami esplika no ami se fó traballu atu sira hakerek notísia ruma ne’e tuir ida-ida nia hakarak liga ho igualdade jéneru”, tenik Sra Ana.
Kooperasaun ne’e fahe ba parte rua, hanesan UNESCO Jakarta ne’e mak fahe informasaun kona-ba hakerek notísia, no iha grupu seluk mak kooperasaun ho Komisaun Nasionál ba UNESCO mak fó formasaun kona-ba hakerek notísia bazeia ba Jéneru.
Formasaun ne’e hasoru malu entre formadór ho estudante sira to’o dala rua nulu ho durasaun oras haat kada loron, no hahú husi Outubru to’o Novembru.
Média UNTL : Agostinho da Cruz e Silva
: Agostinho da Cruz e SilvaFoto : Agostinho da Cruz & Arkivu DCS
: Agostinho da Cruz & Arkivu DCS- Detalhes
- Escrito por Adelaide da Cunha
- Visualizações: 799
𝐊𝐎𝐌𝐔𝐍𝐈𝐊𝐀𝐃𝐎 𝐃𝐄 𝐈𝐌𝐏𝐑𝐄𝐍𝐒𝐀𝐊𝐚𝐢𝐱𝐚 𝐄𝐧𝐬𝐢𝐧𝐮 𝐃𝐢𝐣𝐢𝐭𝐚𝐥 𝐛𝐚 𝐄𝐧𝐬𝐢𝐧𝐮 𝐒𝐮𝐩𝐞𝐫𝐢𝐨𝐫 𝐃𝐢𝐫𝐞𝐢𝐭𝐮𝐬 𝐔𝐦𝐚𝐧𝐮𝐬 𝐢𝐡𝐚 𝐔𝐍𝐓𝐋
Iha ambitu projetu kapasitasaun ba kriasaun Sentru Direitus Umanus-UNTL, Universidade Nasional Timor Lorosa’e ho Kampus Global ba Direitus Umanus no Delegasaun Uniaun Europeia iha Timor Leste kontente atu anunsia Insiativa Aprende Dijitál (IAD) “Introdusaun Direitus Umanus iha Sudeste Aziátiku”, hodi apoia dezenvolvimentu edukasaun direitus umanus, liuliu iha tempu aprendizajen distánsia nian.
Ita apresia hodi foo agradese ba insiativa ne’e bele hala’o tanba ho apoiu Uniaun Europeia nian. Ho respeitu idane’e, 𝐄𝐦𝐛𝐚𝐱𝐚𝐝𝐨𝐫 𝐔𝐧𝐢𝐚𝐮𝐧 𝐄𝐮𝐫𝐨𝐩𝐞𝐢𝐚 𝐧𝐢𝐚𝐧, 𝐀𝐧𝐝𝐫𝐞𝐰 𝐉𝐚𝐜𝐨𝐛𝐬 afirma katak “UNTL nia Sentru Direitus Umanus ne’ebé Uniaun Europeia orgullu no apoiu, bele fo kontribuisaun boot ba ensinu no komprensaun direitus umanus iha Timor-Leste. Inisiativa Aprende Dijitál ida ne’e sei halo estudu ba direitus umanus asesível liu tan”.
IAD permite atu kombina hanorin dijitál ho partisipasaun aulas, inklui livru-didátiku foun, ho video-aulas hamutuk 30, Power Point slides no glosáriu mak elabora ona iha lia tetun no ingles. Rekursu hirak ne’e kria ba manorin and asistente-manorin Direitus Umanus UNTL sira, no estudante sira ba kursu transversal foun, mak adopta husi UNTL iha 2020 no sei implementa iha semester idane’e nu’udár edisaun pilotu.
Tuir 𝐔𝐍𝐓𝐋 𝐧𝐢𝐚 𝐯𝐢𝐬𝐞-𝐫𝐞𝐢𝐭𝐨𝐫 𝐛𝐚 𝐀𝐬𝐮𝐧𝐭𝐨 𝐀𝐤𝐚𝐝𝐚𝐦𝐢𝐤𝐮 𝐩𝐫𝐨𝐟𝐞𝐬𝐬𝐨𝐫 𝐒𝐚𝐦𝐮𝐞𝐥 𝐅𝐫𝐞𝐢𝐭𝐚𝐬, “inisiativa idane’e nu’udar instrumentu foun ba estudu no treinamentu hodi kontribui ba inovasaun didátiku husi Universidade Nasional hodi promove edukasaun direitus umanus tuir fakuldade ida-ida nian, hahú ho kursu transversál”.
Materia hotu-hotu dezenvolve ona hamutuk ho peritu akademiku rejionál husi kampus global nian iha Ázia-Pasífiku no mos rede Universidade ASEAN nian. Hirak ne’e adapta ho kuidadu no prova ona ba graduadu direitus umanus Timoroan, dosente no alumni UNTL sira ne’ebé treinadu durante projetu. Alende ne’e iha kolaborasaun husi organizasaun direitus umanus balu iha Timor Leste hodi hatama ezemplu lokál no estudu kazu, hirak ne’e maka CNC, PDHJ, ALFeLa, ADTL no La’o Hamutuk.
𝐉𝐞𝐬𝐭𝐨𝐫 𝐏𝐫𝐨𝐣𝐞𝐭𝐮 𝐊𝐚𝐦𝐩𝐮𝐬 𝐆𝐥𝐨𝐛𝐚𝐥, 𝐀𝐝𝐫𝐢𝐚𝐧𝐨 𝐑𝐞𝐦𝐢𝐝𝐝𝐢, esplika katak “IAD foka liu ba nosaun báziku husi estudu direitus umanus, nomos tópiku seletivu sira ne’ebé relevante ho asuntu presaun sira iha Timor Leste. Ami haksolok ho inisiativa idane’e, liuliu ba livru-didátiku, mak públika ona nu’udar rekursu nakloke no sei disponível ba ema hotu”.
Tinan akadémiku idane’e IAD disponível ho versaun beta atu tulun edisaun pilotu ba kursu foun ne’e. Matéria hotu-hotu sei finaliza no publika hikas fali iha tinan 2022 hafoin inkorpora komentariu sira husi estudante no manorin sira. Inisiativa hotu-hotu edukasaun direitus umanus nian iha Timor-Leste sei hetan autorizasaun atu utiliza matéria hirak ne’e no apoia sira nia konsellu valiozu sira.
𝐀𝐬𝐞𝐬𝐮 𝐈𝐧𝐢𝐬𝐢𝐚𝐭𝐢𝐯𝐚 𝐀𝐩𝐫𝐞𝐧𝐝𝐞 𝐃𝐢𝐣𝐢𝐭𝐚𝐥 𝐢𝐡𝐚 𝐧𝐞’𝐞 𝐧𝐞’𝐞:
- Detalhes
- Escrito por Adelaide da Cunha
- Visualizações: 531
#TimorLeste #UNTL #MESSK #MS #COVID19 #COVID19TL 26 Outubru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, ho kualidade hanesan Koordenadór ba Kurríkulu Padraun Nasionál Saúde nian, ho Ministériu Ensinu Superior, Siénsia no Kultura (MESSK), realiza Semináriu ho tema “Consulta do Currículo Nacional para o Ensino Superior nas Áreas de Medicina e Ciências da Saúde em Timor-Leste”.
Iha Salaun Ian Martin UNAMET, Díli (22/10), Reitór hateten, objetivu husi Semináriu ne’e atu antisipa ba futuru, nune’e MESSK uza hanesan padraun ida ba Universidade sira ne’ebé atu loke kursu ruma, tenke kumpri kurríkulu padraun ne’ebé iha.
“Ami realiza Semináriu Nasionál ida ne’e, ami halo ba Ministériu Ensinu Superiór atu uza hanesan Padraun Nasionál ida, bainhira universidade sira atu loke kursu foun ruma, no mínimu tenke kumpri padraun ne’ebé iha” tenik Reitór.
Iha fatin hanesan, Reprezentante Ministériu Saúde, Diretór-Jerál Servisu Koorporativu, Sr. Marcelo Amaral, hateten, Ministériu Saúde nia prezensa ba Dezenvolvimentu Kurrikulár importante tebes nune’e bele asegura katak prosesu Akadémiku sira ne’ebé iha bele koresponde ba nesesidade nasaun nian.
“Universidade sira loke programa saúde nian no kada tinan graduandu sira husi saúde barak maibé merkadu menus, tanba ne’e presiza aposta liután sira-nia kapasidade liuhusi Kurrikulu Nasionál ne’e, hodi harii kompetisaun iha rai laran, rejionál no bele mós internasionál”, tenik Dr. MS.
Diretór mós hatutan, kurríkulu ne’e presiza diskute nune’e, rekursu ne’ebé prodús ona, bele prontidaun iha merkadu sira iha profisaun profisionál, no bele enkuadra legalmente iha instituisaun sira.
“Ita presiza diskuti asuntu sira hanesan ne’e, hodi eleva kapasidade estudante sira-nia prontidaun iha merkadu, maibé responsabilidade másimu ne’e iha MESSK no universidade sira, nune’e bele fó atensaun di’ak ba estudante sira” dehan Diretór-Jerál MS.
Partisipa iha Semináriu Nasionál ne’e, Visereitór, Proreitór, Diretór-Jerál, Diretór Nasional no espesialista sira husi área Medisina Siénsia no Saúde nian, inklui reprezentante husi instituisaun ensinu superiór sira iha Díli.
Média UNTL : Leonia de A. da Costa
: Leonia de A. da CostaFoto : Denilson A. Barros, Pio Belo Ximenes
: Denilson A. Barros, Pio Belo Ximenes