Comment

Detalhes
Visualizações: 847

 

UNTL NIA REITÓR MODERA SEMINÁRIU KONA BA VARIANTE COVID 19 FOUN IHA TIMOR LESTE 1

#TimorLeste #UNTL #INCT # COVID19 #COVID19TL 21 Outubru 2021

Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, modera semináriu ho tema “A Atual Situação Epidemiológica em Timor-Leste - As Novas Variantes da COVID-19” organiza husi Instituto Nacional de Ciênsia e Tecnologia (INCT), iha salaun Universidade Oriental Timor Lorosa’e, UNITAL, Díli (21/10).

UNTL NIA REITÓR MODERA SEMINÁRIU KONA BA VARIANTE COVID 19 FOUN IHA TIMOR LESTE 2

Semináriu ne’e nudar atividade rutina ida husi INCT atu habelar informasaun kona-ba epidemiolójiku variante COVID-19 foun ho nia kauza sira no estratejia hodi kombate.

Oradór ba Seminariu ne’e, S.E. Ministra da Saúde, dra. Odete Maria Freitas Belo, MPH, ko’alia kona-ba "A Gestão de COVID-19 em Timor-Leste: As Variantes de Preocupação, Problemas e Desafios", Sr. Ismael Barreto, MLabMed, Reprezentante husi OMS iha Timor-Leste, aprezenta kona-ba "Doença de COVID-19 e as Variante de Preocupação: Problemas e Desafios para Timor-Leste".

Aleinde ne’e, iha mós aprezentasaun husi Oradór Internasional husi Indonézia, Profesór Dr. Amin Soebandrio, Diretór Instituto Eijkman Biolojia Molékular Indonézia, kona-ba "Estratégia de Prevenção e Controlo da Doença da COVID-19".

UNTL NIA REITÓR MODERA SEMINÁRIU KONA BA VARIANTE COVID 19 FOUN IHA TIMOR LESTE3

Partisipa iha semináriu ne’e Magnífiku Reitór Profesór dr. João Soares Martins, MPH, Ph.D, S.E. Ministra Saúde, dra. Odete Maria Freitas Belo, MPH, Diretor Ezekutivu ANAAA, Profesór Edmundo Viegas, Ph.D, Prezindente INCT nian, Profesór José Cornélio Guterres, Ph.D, ho nia ekipa no konvidadu sira seluk.

Média UNTL 📝: Denilson A. Barros
Foto 📷: Agustinho da Cruz e Silva

Comment

Detalhes
Visualizações: 772
UNTL DCS CECA REALIZA KOLÓKIU COVID 19 MEDIA NO KOMUNIKASAUN IHA TIMOR LESTE3
 
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VAAGK), Profesór Doutór Samuel Venâncio de Sousa Freitas, hala’o abertura ba Kolókiu ho tema ‘’COVID-19, Media e Comunicação Social em Timor-Leste”, ne’ebé organiza husi Sentru Estudu Kultura no Arte (CECA) no  koopera ho Departamentu Komunikasaun Sosiál (DCS), Fakuldade Siénsia Sosiál (FCS) UNTL, iha Sala Auditóriu-Liceu UNTL nian, Dili (21/10).
 
‘’Kolókiu ne’e importante tebes hola parte iha misaun universidade nian, hanorin, peskiza no tranzmite koñesimentu ba sosiedade, tanba halo peskiza ne’e atu kria ideia no lori feedback foun ruma, fó solusaun ba problema ne’ebé akontese, tanba ne’e importante tebes ba estudante sira partilla no diskuti asuntu relevansia ho DCS nomós UNTL”, tenik reprezentante Reitór nian, VRAAGK. 
 
Visereitór mós enkoraja DCS atu dezenvolve atividade peskiza, bele elabora hamutuk iha livru akta, tanba hanesan rezultadu partilla atu hatan ba rekomendasaun ANAAA nian liuliu envolvimentu dosente no estudante iha peskiza.
 
Iha fatin hanesan, Diretór CECA, Profesór Doutór Vicente Paulino, hateten, Kolókiu ne’e realiza bazeia ba pilar Universidade nian, hodi promove traballu ne’ebé dezenvolve husi dosente no estudante sira.  
UNTL DCS CECA REALIZA KOLÓKIU COVID 19 MEDIA NO KOMUNIKASAUN IHA TIMOR LESTE1 
“CECA iha nia obrigasaun atu organiza Kolókiu hanesan ne’e  no realizasaun ne’e sempre hamutuk ho profesór sira ne’ebé hamahan an iha UNTL no liuliu fó espasu ba dosente no estudante sira hodi aprezenta sira-nia peskiza, nune’e ita bele hatene katak estudante sira envolve an duni iha parte peskiza nian’’ tenik Diretór CECA.
 
Profesór Doutór Vicente Paulino mós hatutan, CECA simu ona testu hamutuk 9 husi oradór sira no kontinua hein tan sira seluk nian nune’e bele finaliza iha prosesu estruturasaun nomós revizaun nune’e CECA bele lansa rezultadu aprezentasaun iha livru.
 
Entretantu, Diretór DCS nian, Profesór Marcelino Ximenes Magno, agradese ba servisu hamutuk ne’ebé hala’o ho CECA, tanba importante atu departamentu bele promove peskiza. 
 
UNTL DCS CECA REALIZA KOLÓKIU COVID 19 MEDIA NO KOMUNIKASAUN IHA TIMOR LESTE2 
“Departamentu agradese ba apoiu universidade nian, liuliu VRAAGK ne’ebé sempre apoiu departamentu dezde inísiu preparasaun ba Avaliasaun ANAAA (Ajénsia Nasionál ba Avaliasaun no Akreditasaun Akadémika) nian, nomós iha kolókiu ne’e CECA apoiu tebes”, agrade Diretór. 
 
Kolókiu akadémiku ne’e hala’o durante loron rua (21-22 outobru), aborda temátiku sira; (1) COVID-19 no Média, (2) Produsaun Notísia iha Rádiu no Televizaun, (3) Edukasaun no Notísia, (4) Notísia iha Eleisaun Parlamentár, (5) Satisfasaun no impaktu rede sosiál no telenovela.  
 
Partisipa husi dosente-investigadór, estudante DCS, no estudante sira husi Fakuldade Edukasaun, Arte no Umanidade, no konvidadu sira. 
 
Média UNTL 📝:   Leonia de Araújo da Costa
Foto 📷:   Laurindo da Cruz Gomes, Pio Belo Ximenes

Comment

Detalhes
Visualizações: 682
240967321 4577337832287566 1428994619906775323 n
#TimorLeste #UNTL #PRAC #COVID19 #COVID19TL 15 Outubru 2021 - Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, Ph.D, akompaña husi Proreitora ba Asuntu Kooperasaun, Profesora Doutora Lídia Gomes, SKM, MPH, enserra formasaun ba bolseiru foun UNTL nian ne'ebé atu hala'o estudu iha Portugal, iha Auditóriu Liceu UNTL nian, Díli (15/10).
 
Relasiona ho enseramentu ne'e, Magnífiku Reitór hateten, formasaun ne’e importante ba bolseiru sira hodi koñese oinsá moris iha sosiedade Portugal nian, liuliu aprende no adaptasaun ba kultura.
"Formasaun ne’ebé UNTL fasilita ba bolseiru sira ne’ebé atu hala'o estudu iha Portugal, ne'e hanesan oportunidade di’ak ba sira, nune’e fasil atu komunika no servisu hamutuk iha sosiedade, liuliu bele koñese realidade moris lor-loron nian", tenik Reitór.
Reitór mós dezeja katak, bolseiru sira sei remata estudu ho susesu iha Portugal, no sei aplika fali koñesimentu sira ne’e iha Timor-Leste, liuliu iha universidade.
 
241193175 4577341188953897 2902123733558598917 n
 
Iha fatin hanesan, Proreitora ba Asuntu Kooperasaun nian hateten, formasaun ida ne'e foin dahuluk iha estrutura foun universidade nian, ne'ebé oferese ba sira na'in sanulu resin hat, ne’ebé kompostu husi Doutoramentu na’in 2, Mestradu na’in 7, no Interkámbiu Lisensiatura na’in 5.
" Objetivu husi formasaun, atu fó hanoin ba kandidatu sira atu prepara-an didiak, antes sira ba hala’o estudu iha Portugal", tenik Proreitora.
240666212 4577341948953821 5002646936283885057 n
 
Tuir Bolseira Madalena da Cruz, bolsu estudu ne'e hanesan buat foun ba iha Interkámbiu lisensiatura nian, liuhusi Programa Prokultura, kona-ba prosesu no preparasaun halo ona durante fulan ida molok viajen.
"Formasaun ne'e, hanesan materia ka matadalan ida oinsá ajuda ami bainhira ami aranka ba Portugal, ho nune’e ami iha ona koñesimentu di'ak hodi bele ajuda hala'o ami-nia estudu", tenik Madalena.
Madalena hatutan katak, maske iha dezafiu maibé sei nafatin esforsu atu aprende hodi eleva kapasidade iha dalen portugés.
Iha enseramentu ne’e mos, Universidade entrega sertifikadu formasaun ba bolseiru sira inklui sertifikadu apresiasaun ba formadór sira.
 
245766917 4577338398954176 4830135987140715416 n
 
Partisipa iha enseramentu ne'e, reprezentante husi Embaixada Portugal nian, formadór, ekipa tékniku Gabinete Koperasaun nian, ekipa tékniku Gabinete Reitoria, no bolseiru sira.
Média UNTL 📝: Emerenciana Martins
Foto 📷 : Denilson A. Barros

Comment

Detalhes
Visualizações: 635

UNTL NIA EKIPA REITORÁL VIZITA PR LU OLO 1

#TimorLeste #UNTL #PrecidênciaRepública #COVID19 #COVID19TL 19 Outubru 2021

Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, ho nia estrutura hasoru malu ho Prezidente da Repúblika (PR), Timor-Leste, Dr. Fransisco Guterres “Lu Olo”, iha Palásiu Prezidente, Aitarak Laran, Dili, (19/10).

Vizita refere atu kumprimenta Sua Exelénsia Prezidente Repúblika, no solisita mós opiniaun ruma relasiona ho Planu Estratéjiku UNTL nian ne’ebé iha hela presesu revizaun nian.

Magnífiku Reitór iha nia entrevista hafoin enkontru hateten, bainhira simu posse iha fulan hirak liubá tenta atu hasoru Prezidente Repúblika maibé lakonsege tanba pandemia.

UNTL NIA EKIPA REITORÁL VIZITA PR LU OLO 3

“Ami-nia prezensa atu kumprimenta Sua Exelénsia Prezidente Repúblika, tanba inísiu tomada-posse tenta atu hasoru, maibé situasaun ho impaktu COVID-19, nune’e, ohin mak ami hetan oportunidade mai hasoru no agradese tebes tanba Sua Exelénsia simu ami ho diak no fó mós hanoin ruma ba universidade”, tenik Reitór.

Reitór mós hatutan, husi prezensa ne’e universidade solisita Prezidente Repúblika fó hanoin ruma relasiona ho planu universidade nian ba futuru, liga ho Planu Estratéjiku ba 2021-2030 nian, iha fatin hanesan mos agradese tanba alumni UNTL bele sai Prezidente Repúblika iha Timor-Leste.

UNTL NIA EKIPA REITORÁL VIZITA PR LU OLO 2

Partisipa iha sorumutu ne’e, Prezidente Repúblika, akompaña husi asesór sira, Visereitór, Proreitór no Diretór Nasional husi UNTL nian.

Média UNTL 📝: Agostinho da Cruz e Silva
Foto 📷: Agostinho da Cruz e Silva

Comment

Detalhes
Visualizações: 792
245762614 4573330982688251 3484249142373732234 n
#TimorLeste #UNTL #UNWomen #@koica.timorleste #COVID19 #COVID19TL 14 Outubru 2021 -  Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, Ph.D, akompaña husi Visereitora ba Asuntu Estudantís, Profesora Eng. Lígia Tomás Correia, M.Sc, Reprezentante UN Women iha Timor-Leste, Sra. Nuntana Tangwinit, lansa Grupu Traballu Tékniku ba Inisiativa Kampus Seguru ne’ebé apoiu finansiamentu husi Korea International Cooperation Agency (KOICA).
 
“Liuhusi Inisiativa Kampus Seguru ne’e, di’ak tebes ligadu ho direitus umanus ema nian, ema hotu tenke livre husi kualker forma violénsia, liu-liu violénsia hasoru feto. Feto sira iha direitu atu livre, tanba ne’e mak ho inisiativa ida ne’e, ita bele servisu di’ak liután atu asegura katak, ema hotu livre atu mai aprende, estuda no servisu iha resintu kampus, liuliu ita-nia oan feto no inan feton sira”, tenik Reitór, iha Otel Timor Díli (14/10).
243396762 4573331419354874 3718848199837325179 n
 
Iha fatin hanesan, Reprezentante UN Women iha Timor-Leste, hateten lansamentu ne’e iha universidade nasionál hanesan inisiativa ho objetivu atu halakon violénsia kontra feto, asédiu-seksuál no labarik iha resintu kampus.
“UN Women atu servisu hamutuk ho parseiru sira hotu, atu asegura katak feto no labarik sira iha espasu públiku no privadu la bele hetan violénsia ba sira, liuliu programa kampus seguru atu asegura feto no labarik feto sira, nune’e asédiu-seksual sei la akontese iha espasu kampus seguru nian”, tenik Nuntana.
 
246056366 4573331556021527 1103084287581522227 n
 
Aleinde ne’e mós, Diretora KOICA iha Timor-Leste, Sra. Eunju Cha, hateten, dezeja katak programa Kampus Seguru sei hato’o ba estudante sira iha UNTL ne’ebé iha tempu tuir mai sira sei aprende, hetan koñesimentu ne’ebé di’ak no hetan mudansa pozitivu.
“Dalaruma sira-nia situasaun ameasadu, tanba ne’e, sira sei la fokus ba estudu ho ida ne’e asertamente halo sira insidente, nomós dala balun eskola la remata iha instituisaun edukativu universidade, ho nune’e programa Kampus Seguru importante tebes ba feto no labarik sira, atu disemina informasaun ba Sívitas Akadémika sira”, tenik Diretora.
 
245701055 4573330742688275 8849194904177049511 n

245850491 4573330749354941 4545361541200545044 n

Partisipa iha lansamentu ne’e Proreitor ba Assuntu Provedoria no Akonsellamentu, Profesór Tomé Xavier Jerónimo, SH, MD, dosente, funsionáriu, no estudante UNTL nian, reprezentante husi Komisaun Funsaun Públika, reprezentante husi Ministériu Ensinu Superiór Siénsia no Kultura, ekipa UNWomen inklui konvidadu sira.
Média UNTL 📝: Denilson A. Barros
Foto 📷: Pio Belo Ximenes

Comment

  1. UNTL-DEMKOM ENSERRA ESTÁJIU PROFISIONÁL BA ESTAGIÁRIU NA’IN 4
  2. UNTL-UA DISKUTE KOOPERASAUN INSTITUSIONÁL BA IHA FUTURU
  3. UNTL-FD KOMEMORA ANIVERSÁRIU BA XVI HO PALESTRA
  4. UNTL HALA’O ABERTURA JORNADA PEDAGÓJIKA LÍNGUA PORTUGEZA