- Detalhes
- Escrito por Adelaide da Cunha
- Visualizações: 1127
#TimorLeste #UNTL #VRAE #AMA #COVID19 #COVID19TL 11 Outubru 2021 - Universidade Nacional Timor Lorosa’e (UNTL) nia Magnífku Reitór Profesór dr. João Soares Martins, akompaña husi Visereitór no Proreitór sira lansa programa Sesta-feira Saudável ho tema “CORPO EM AÇÃO” ho objetivu atu promove atividades fízika ba sivitas akadémika universidade nian, iha Kampus Sentrál UNTL nian, Díli (08/10).
Magnífiku Reitór iha abertura hateten, programa ne’ebé universidade realiza ho objetivu atu envolve Sivitas Akadémika tomak nia partisipasaun tuir atividade ne’ebé promove.
“Ohin loron kmanek tebes ba ita, atu ita bele hala’o lansamentu ba atividade ida importante tebes, ho nia lema katak “CORPO EM AÇÃO” atu dehan katak ita servisu, maibé tenke bok-an ba mai ka halo ezersísiu, tanba durante semana ida nia laran, ita servisu kole no estudante sira tur iha aula laran mós kole” tenik Reitór.
Reitór mós kontinua husu ba sivitas akadémika tomak, atu partisipa ativamente iha atividade ida ne’e atu prevene an husi moras.
Iha fatin hanesan, Visereitora ba Asuntu Estudantís Profesora Eng. Lígia Tomas Correia hateten, programa Sesta-feira Saudavél ne’e, atu promove no hasa’e kualidade moris ne’ebé saudavél ho produtividade.
“Programa ne’e atu promove atividade físika iha komunidade Akademika, ho lema “CORPO EM AÇÃO “, katak “ BO’OK-AAN” ho nune’e dosente, funsionáriu no estudante bele promove no hasa’e kualidade moris ne’ebé saudavél ho produtividade”, hatutan Visereitora.
Visereitora mós salienta katak, programa ne’ebé realiza hala’o mós atividade Kampus Saudável, ho nia objetivu atu promove atividade HAMATAK-KAMPUS (ARVORIZASAUN).
“Iha Atividade Kampus Saudável, ne’e ita hala’o atu HAMATAK-KAMPUS (ARVORIZASAUN) ho asaun, ema ida kuda ai-horis ida, aleinde ne’e ita mós hala’o Feira Saudável atu akompaña ba estudante sira, hodi promove prátika iha Laboratóriu Negósiu, durante hala’o vida Akadémika”, tenik Egn. Lígia.
Profesora Lígia hatutan, programa ne’e realiza semanalmente no rotasaun ba fakuldade hotu, semana tuir mai (15 Outubru 2021), “Programa Sesta-feira Saudavél”, sei responsabiliza husi Fakuldade Agrikultura.
Hafoin lansamentu, Reitór no estrutura sira simbolikamente kuda ai-oan iha resintu Kampus Sentrál nian, no hala’o ezersísiu la’o ain ba Largo Lecidere hodi tau Ai-Funan iha Ilas Nossa Senhora de Fatima Lecidere.
Atividade refere realiza tanba VRAE koopera ho Asosiasaun Mulleres Akadémika (AMA-UNTL), no partisipa husi Diretór Jerál, Diretór Nasionál, Xefe Departamentu, Dosente inklui estudante sira.
Média UNTL 📝: Leonia de A. da Costa
Foto 📷: Laurindo da C. Gomes, Altur Ramos, Honorio Guteres
- Detalhes
- Escrito por Adelaide da Cunha
- Visualizações: 970
#TimorLeste #UNTL #VRAAGK #DNAE #MESSK 11 Outubru 2021 - Universidade Nacional Timor Lorosa’e (UNTL), liuhusi Visereitoria ba Asuntu Akadémiku no Garantia Kualidade (VAAGK), nia Diresaun Nasionál Atendimentu Estudante (DNAE), hahú ona rejistrasaun ba semestre Pár 2021 nian (22 setembru-29 outobru), hafoin Konfinamentu no Serka-Sanitária termina iha Setembru liubá.
“Governu fó subsídiu (propinas no pulsa) ba estudante UNTL nian no bazeia ba lista ne’ebé ita hato’o ba Ministériu Ensinu Superior, Siénsia no Kultura (MESSK), MESSK haruka osan ($) mai UNTL atu selu propinas nu’udar subsídiu, nomós transfere pulsa ba estudante ne’ebé nia númeru iha lista hamutuk 23.679”, tenik Visereitór ba Asuntu Akadémiku no Garantia Kualidade (VAAGK), Profesór Doutór Samuel Venâncio de Sousa Freitas.
Profesór Samuel mós hatutan, hafoin situasaun normál iha kapital Díli no iha resjistrasaun lista ba subsídiu propinas no pulsa nian iha mudansa.
“Ita iha mudansa ba númeru, bainhira regulariza situasaun iha capital Dili fila ba normal tanba ne’e ita hatama tan lista adisional hamutuk na’in 4.129, hodi kompleta numeru estudante ne’ebé halo rejistrasaun iha semester impar ho total 27.808”, tenik VRAAGK.
Visereitór mós hatutan pulsa ba estudante sira, Governu koopera direta ho operadór telekomunikasaun (Telemor, Timor Telecom, no Telkomcel) hodi haruka pulsa ba númeru estudante ne’ebé iha lista.
“Subsídiu pulsa nian MESSK koopera ho telekomunikasaun sira depozita direta ba numeru kontaktu estudante sira-nian, bazeia ba lista ne’ebé ita konsege hato’o, dadun ne’e DNAE mós sei verifika bazeia ba lista semestre impar nian, tanba ne’e sei hein hela relatóriu atu submete ba MESSK”, tenik Visereitór.
Fonte refere hatutan katak, subsídiu bazeia ba montante selu iha semestre anteriór maibé balun selu U$ 30.00, no agora rejista fali ba livre teoria nian, entaun universidade rekolla U$ 5.00 no U$ 25.00 entrega hikas ba estudante.
Iha sorin seluk, Diretór DNAE, Sr. Rui Loco Pires, hateten, dadus husi rejistrasaun semestre impar nian ho totál hamutuk 27.808 mak mai halo rejistrasaun.
“Estudante sira ne’ebé mai rejistu ba semestre impár nian hamutuk 27.808 signifika sira ne’e ativu hela entaun foin lalais ita submete dadus ba ministeriu hamutuk 23.679 tanba ne’e mak lista ba adisionál nian hamutuk na’in 4.129 hodi kompleta 27.808 nian”, tenik Sr. Rui.
Diretór DNAE ne’e mós hatutan, estudante sira ne’ebé ba rejista tenki lori resibu semestre impar nian, hodi konfirma iha loket rejistu nian.
“Estudante sira mai iha parte finansa, hatudu resibu hodi konfirma lista ne’ebé iha, hodi fó sira asina inklui rejista hela númeru telefone ba sira ne’ebé seidauk simu subsídiu, atu nune’e bele halo relatóriu ba universidade atu relata ba MESSK”, tenik Diretór.
Média UNTL 📝: Agostinho da Cruz e Silva
Foto 📷: Pio Belo Ximenes
- Detalhes
- Escrito por Mateus Goncalves
- Visualizações: 998
#TimorLeste #UNTL #VRAAGK #FMCS #DN #ANAAA COVID19 #COVID19TL 06 Outubru 2021 - Universidade Nacional Timor Lorosa’e (UNTL) liuhusi Fakuldade Medisina no Siénsia Saúde (FMCS), nia Departamentu Nutrisaun no Dietétika (DND), hetan ona avaliasaun programátika husi Ajénsia Nasionál ba Avaliasaun no Akreditasaun Akadémika (ANAAA), hahú iha loron 06-07 Outubru 2021.
Sesaun ba avaliasaun nian, abertura no sesaun jerál nian iha sala Vídeo konférensia UNTL nian, Dili (06-07), no tuir mai hala’o vizita lokál hodi haree laboratóriu, biblioteka, fasilidade, infraestrutura, saladeaula no halo verifikasaun ba dokumentu sira.
Ekipa Jurí ba avaliasaun ne’e husi Internasionál Profesór Dr. Mahederan Appukutty husi MQA Malasya nomós avaliadór Nasionál Dr. Mateus Pinheiro no Dr. Venâncio Soares Pinto, no parte ANAAA nian akompaña husi Sr. Hipolito da Cruz.
Partisipa iha avaliasaun ne’e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Diretora Poliklínika Universitária, Dra. Teresa Antónia Madeira Soares, Diretór Eskola Superiór Teknolojia Saúde, Profesór Antonio Ximenes, ho Dosente, Estudante, Stakeholder sira no Diretór Ezekutivu ANAAA Sr. Edmundo Viegas, Ph.D.
Média UNTL 📝: Leonia de A. Da Costa
Foto 📷: Denilson A. Barros
- Detalhes
- Escrito por Mateus Goncalves
- Visualizações: 836
#TimorLeste #UNTL #FAGRI #DASE #COVID19#COVID19TL 6 Outubru 2021 - Universidade Nacional Timor Lorosa’e (UNTL) liuhusi Fakuldade Agrikultura (FAGRI) nia Departamentu Agro-Sosiu-Ekonomia (DASE) dezloka ona estudante na’in atus ida sanulu resin ida (111) ba munisípiu Manatutu, durante loron tolu hodi hala’o prátika materia Mudansa Sosiál iha área agrikultura nian.
Prefessór Disiplina Mudansa Sosiál DASE nian, Profesór Gil da Conceição, iha Kampus Sentral UNTL nian, Dili (06/10), hatete objetivu prátika refere atu lori estudante sira haklean sira-nia koñesimentu teoria hodi implementa iha baze.
“Prátika ida ne’e estudante sira bele hakbesik aan liután ba Komunidade Agrikultór iha Postu-Administrativu Manatutu Vila, Suku Sau, nune’e, sira bele aprende moris hamutuk ho komunidade agrikultura, hodi sira bele identifika problema ruma ne’ebé iha baze no sira ho komunidade buka solusaun ba problema sira ne’e”, tenik profesór DASE.
Profesór hatutan iha kampu materia seluk nebe’e sira lori ne’e mak materia mudansa utilizasaun teknolojia, halo estudu kona ba grupu agrikultura, partisipasaun feto iha jestaun kultivasaun no karaterístika komunidade.
Iha fatin hanesan estudante Elivania Alves Coreia hatete prátika ba mudansa sosial nian atu kompara teoria ho realidade komunidade nian.
“Prátika ida ne’e ami atu haree liubá teoria hodi apar ho realidade ne’ebé akontese sosiedade, iha duni mudansa ka la’e, kona-ba agrikultura tinan uluk to'o agora”,tenik Elivania.
Média UNTL 📝: Laurindo da Cruz Gomes
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 770
#TimorLeste #UNTL #PR-PM # FECT 06 Outubru 2021 - Universidade Nacional Timor Lorosa’e (UNTL) nia Ekipa Elaborasaun Planu Estratéjiku (EEPE- 2021–2030), lidera husi Proreitór ba Asuntu Planeamentu, Monitorizasaun no Avaliasaun (PR-PMA), Profesór Nelson Salsinha, Ph.D, aprezenta rezultadu servisu EEPE nian, hodi hetan apresiasaun no sujestaun husi estrutura UNTL nian.
Iha Auditóriu Fakuldade Enjeñaria, Siénsia no Teknolojia (FECT), Hera (16/07), Magnífiku Reitór, Profesór dr. João Soares Martins MPH, Ph.D, hateten ekipa partilla konteúdu planu estratéjiku 2021-2030 hodi hetan input ruma.
“Sira mai partilla ho ita kona-ba konteúdu Planu Estratéjiku 2021-2030, ne’ebé planeia atu lansa iha novembu agora, tanba ne’e ita presiza halo konsultasaun klean ida, hodi hetan ideia balun husi profesór no Unidade sira hotu iha UNTL bele fó hanoin”, tenik Reitór.
Iha fatin hanesan, Proreitór PR-PMA, hateten katak ekipa ne’e inisia servisu iha fulan abril to’o outobru ne’e konsege hakat liu ona pasu balun.
“Ekipa ida ne’e ami servisu dezde iha fulan abril to’o mai momentu ida ne’e, ne’ebé pasu lubuk bo’ot ida ne’ebé ita liu ona, ohin mai aprezenta hikas hodi husu nafatin ita bo’ot sira-nia kontribuisaun atu ita bele rezolve planu estratéjiku ida ne’ebé repezenta duni ita hotu nia hakarak”, tenik Profesór Nelson.
Profesór Nelson mós hatutan prosesu halo ona konsultasaun ho parte hotu iha universidade nian hahú husi Estudante, Profesór, Unidade, Fakuldade hotu inklui Reitoria.
Partisipa iha Sorumutu ne’e Visereitór, Proreitór, Dekanu, Vise-Dekanu, Diretór Akadémiku Diretór-Jerál, Diretór Nasionál, Xefe Departamentu, no konvidadu sira.
Média UNTL 📝 : Agostinho da Cruz e Silva
Foto 📷: Pio Belo Ximenes