- Detalhes
- Escrito por Mateus Goncalves
- Visualizações: 1415
#TimorLeste #UNTL #FEAH #DLT #ANAAA #COVID19 #COVID19TL 05 Outubru 2021 - Universidade Nacional Timor Lorosa'e (UNTL) liuhusi Fakuldade Edukasaun, Arte no Humanidade (FEAH) nia Departamentu Ensinu Dalen Tetun (DELT) hetan ona Avaliasaun programátika husi Ajénsia Nasionál ba Avaliasaun no Akreditasaun Akadémika (ANAAA), ne’ebé hala’o iha Sentru Kulturál Embaixada Portugál, Díli (05/10).
Ekipa Jurí ba Avaliasaun husi Nasionál nian, Sra. Dirce Belo no Dr. Prudêncio da Silva, enkuantu avaliadór Internasionál mak Profesór Dr. Faizah Abd. Mazid.
Ho situasaun pandemia COVID-19 iha avaliasaun ne'e hetan prezensa husi avaliadór Nasionál sira iha Salaun Sentru Kulturál Embaixada Portugál no Avaliadór husi Internasional partisipa liuhusi Zoom.
Sesaun ba avaliasaun nian, abertura iha Salaun Sentru Kulturál Embaixada Portugál no tuir mai sei halo vizita lokál atu haree infraestrutura no fasilidade Departamentu nian, inklui fasilidade Fakuldade Edukasaun, Arte no Umanidade nian.
Partisipa iha Avaliasaun ne'e Magnífiku Reitór, Profesór dr. João Soares Martins, MPH, Ph.D, akompaña husi Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Dekana FEAH, Profesora Doutora Ana Cristina de J. S. Martins ho nia estrutura no Diretór DELT ho nia dosente, estudate, inklui alumni no stakeholder sira.
Iha sesaun abertura ne’e marka mós prezensa husi parte ANAAA nia Diretór Ezekutivu, Profesór Edmundo Viegas, Ph.D, ho nia ekipa.
Média UNTL 📝: Agostinho da Cruz e Silva
Foto 📷: Pio Belo Ximenes
- Detalhes
- Escrito por Mateus Goncalves
- Visualizações: 719
#TimorLeste #UNTL #GABCEDU #COVID19 #COVID19TL 05 Outubru 2021 - Universidade Nacional Timor Lorosa’e (UNTL) nia Gabinete Sertifikasaun Dosente Universitáriu (GabCEDU) aprezenta progresu, dezafiu no servisu ba Ekipa Reitorál hodi rona no adia tan loron ba entrega dokumentu nian to’o 30 Outubru, iha sala Vídeo Konferénsia UNTL nian, Díli (05/10).
Hafoin rona tiha aprezentasaun, Magnífiku Reitór, Profesór dr. João Soares Martins MPH, Ph.D agradese ba ekipa GabCEDU ne’ebé lidera husi Profesór Doutór Rui da Cruz ho nia servisu durante ne’e, no sei estende tan tempu ba dosente sira ne’ebé ladauk hatama sira nia dadus.
“Agradese ba GabCEDU nia servisu, ita sei iha servisu lubuk bo’ot ida mak sei halo no sei iha tempu atu bele verifika didi’ak dadus sira ne’e, ita fó tan tempu to’o 30 Outubru ba dosente sira atu hatama sira-nia dadus”, tenik Reitór.
Iha fatin hanesan, Diretór-Jerál GabCEDU Profesór Doutór Rui da Cruz iha nia entrevista hateten, objetivu hasoru malu ho ekipa reitorál ne’e atu aprezenta servisu GabCEDU nian durante ne’e.
“Ohin GABCEDU mai aprezenta nia progresu servisu durante fulan 8 nia laran, alkansa duni objetivu balun no balun iha hela prosesu nia laran no data rekolla dadus sei estende tan to’o 30 Outubru 2021” tenik Diretór-Jeráç.
Partisipa iha enkontru ne’e Visereitór, Proreitór, Diretór Nasionál no Xefe Departamentu GabCEDU ho nia funsionáriu sira.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 750
#TimorLeste #UNTL #FMCS #DF #ANAAA 01 Outobru 2021 - Univeridade Nacional Timor Lorosa’e (UNTL) liuhusi Fakuldade Medisina Siénsia Saúde (FMCS), nia Departamentu Farmásia hetan ona avaliasaun programátika husi Ajénsia Nasionál ba Avaliasaun no Akreditasaun Akadémika (ANAAA), iha Sala Video Konferénsia UNTL nian, Díli (01/10).
Ekipa jurí ba avaliasaun ne’e mak Avaliadór Nasionál nian, Dr. Raimundo dos Santos no Dr. Mateus Pinheiro no Avaliadór Internasionál Profesór Dr. Zamia Azdina.
Sesaun ba avaliasaun nian, abertura iha sala Vídeo Konferénsia UNTL nian, no tuir mai sei halo mós vizita lokál atu haree fasilidade hanesan saladeaula, laboratóriu iha Lahane, Díli ne’ebé Departamentu uza.
Partisipa iha avaliasaun ne’e Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas ho nia Ekipa, Visereitór ba Asuntu Pós-Gradausaun no Peskiza, Profesór Doutór Afonso de Almeida, Dekanu FMSCS, Profesór José Dionisio Ximenes, Diretór Departamentu Farmásia ho nia dosente, estudante, inklui alumni no stakeholder sira.
Média UNTL 📝: Agostinho da Crus e Silva
Foto 📷: Agostinho da Crus e Silva
- Detalhes
- Escrito por Mateus Goncalves
- Visualizações: 639
#TimorLeste #UNTL #FDCH #INCT #COVID19 #COVID19TL 01 Outubru 2021 - Universidade Nacional Timor Lorosa’e (UNTL) nia Asistente Téknika (Pontu Fokal) Sra. Jesuina Mendonça no Sr. Marcos da Cruz, partisipa iha Diseminasaun Informasaun ba Realizasaun Estudu no Avaliasaun ba Programa husi Fundo de Desenvolvimento do Capital Humano-FDCH ba fase daruak nian (2015-2020).
Enkontru ne’e realiza iha salaun enkontru FDCH nian, Díli (01/10), ho objetivu atu hadia di’ak liután polítika liña ministeriál nian ba implementasaun programa formasaun no bolsu estudu ne’ebé finansia husi FDCH ba futuru.
Iha diskusaun refere, partisipasaun husi Vise-Prezidente Instituto Nacional de Ciência e Tecnologia (INCT), Dr. Augusto da Conceição Soares, ho nia estrutura no pontu fokál sira husi liña ministeriál ne’ebé akreditadu husi FDCH, no parte UNTL nian.
Média UNTL 📝: Pio Belo Ximenes & Marcos da Cruz
Foto 📷: Pio Belo Ximenes
- Detalhes
- Escrito por Mateus Goncalves
- Visualizações: 784
#TimorLeste #UNTL #FECT #COVID19# COVID19TL 30 Setembru 2021 - Universidade Nacional Timor Lorosa’e (UNTL), realiza Semináriu Internasionál ho tema” Grandes Dezafius, Oportunidade, Prioridades Nasionais, Polítika Esterna” ho Oradór prinsipal Dr. José Ramos Horta, iha Auditóriu FECT Hera-UNTL (30/09).
Magnífiku Reitór Profesór dr. João Soares Martins MPH,Ph.D, iha abertura hateten oradór prinsipál ba semináriu ne’e ko’alia kona-ba dezafiu, oportunidade no prioridade sira Timor-Leste sei hasoru, nune’e mós halo reflesaun ba tinan 20 Timor-Leste nia independénsia.
“Esplikasaun sira ne’ebé oradór hato’o pertinente no importante atu haklean liután ita-nia koñesimentu kona-ba polítika esterna, diplomásia nomós nia esplikasaun liga ba prioridade nasionál sira, no globál liga mós ba situasaun COVID-19-19”, tenik Reitór.
Iha fatin hanesan, Eis Prezidente José Ramos Horta hateten, Timor-Leste iha dezafiu barak maibé oportunidade ida mak tranzisaun ba jerasaun foun no tranzisaun ne’e hahú tiha ona dezde tinan 2002 liubá.
“Ko’alia mak ida ne’ebé dezafiu, oportunidade, prioridade nasionál, polítika eksterna, ha’u esplika mak ida ne’e tranzisaun jerasaun hahú tiha ona iha 2002 Komité Sentrál, líder sira, ne’ebé mate iha tempu luta kuaze hotu-hotu mate iha tempu luta momentu ne’ebá iha estrutura governu no parlamentu maioria jerasaun foun”, tenik Dr. Ramos.
Partisipa iha semináriu ne’e, Visereitór, Proreitór, Diretór-Jerál, Diretór Nasionál, Funsionariu, Dosente, estudante no konvidadu sira.
Média UNTL 📝: Denilson A. Barros (estajiáriu)
Foto 📷: Pio Belo Ximenes, Denilson A. Barros, Leonia de A. da Costa