- Detalhes
- Visualizações: 444
#TimorLeste #UNTL #VRAE #FundasaunAlola #COVID1 #COVID19TL 28 Fevereiru 2022
Universidade Nacional Timor Lorosa'e (UNTL) nia Visereitora ba Asuntu Estudantís, Profesora Eng.ª Lígia Tomás Correia, M.Sc, partisipa iha abertura festivál tais hodi selebra Tais nu'udar "PATRIMÓNIU KULTURÁL IMMATERIAL”, ne'ebé organiza husi Fundasaun Alola, iha Salaun Novo Turismu Díli, (28/02).
Objetivu husi festivál ne' e, atu selebra susesu Timor-Leste nian, ne'ebé lori tais timor hetan ona rekoñese husi UNESCO hanesan patrimóniu kulturál timoroan nian iha Mundu.
Partisipa iha abertura ne'e, Sekretáriu Estadu Arte no Kultura, S.E. Teófilo Caldas, Diretora Interina Fundasaun Alola, Sra. Maria Imaculada Guterres, Inan no Aman, no kovidadu sira.
Média UNTL 📝 : Denilson Amandio Barros
Foto 📷 : Leonia de A. da Costa
- Detalhes
- Visualizações: 574
#TimorLeste #UNTL #COVID19 #COVID19TL 28 Fevereiru 2022
Universidade Nasional Timor Lorosa'e (UNTL) nia Magnifiku Reitór, Profesór dr. João Soares Martins, MPH, Ph.D, prezide enkontru ho Dekanu sira hodi rona hanoin relasiona ho rezultadu publikasaun estudante foun sira ne’ebé admitidu ba universidade iha tinan 2022, hamutuk rihun neen, hitu (6.007).
Reuniaun iha Sala-Video Konferénsia UNTL nian, Díli (28/02), ho objetivu atu rona hanoin husi Fakuldade sira, hodi haree liubá rezultadu publikasaun ho totál 6.007 no promove kapasidade jestaun atu garante prosesu aprendizajen ba estudante hotu iha universidade nasionál. 
Iha okaziaun ne'e diskute mós atu reativa fali sukursal BNCTL iha universidade nian atu atende ba estudante sira iha prosesu rejistu nian. 
Psrtisipa iha reuniaun ne'e, Visereitór Asuntu Akadémiku no Garantia Kualidade (VAAGQ), Prof. Samuel V. de Sousa Freitas, Ph.D, Visereitór ba Asuntu Administrasaun Finansa, no Administradór Jerál (VAAF-AG), Prof. Helio Mauquei, Ph.D, no Dekanu Fakuldade sira Universidade nian.
Média UNTL 📝 : Laurindo da Cruz Gomes
Foto 📷 : Laurindo da Cruz Gomes
- Detalhes
- Visualizações: 519
#TimorLeste #UNTL #VRAE #UNWOMEN #COVID19 #COVID19TL 23 Fevereiru 2022
Universidade Nasional Timor Lorosa'e (UNTL) nia Visereitora ba Asuntu Estudantís (VRAE), Eng.ª Lígia Tomás Correia, M.Sc, enkontru ho Kooredandora UNEomen ba Projetu Hamutuk ba Igualdade, Sra. Teresa Verdial de Araújo, iha sala Video Konferénsia UNTL nian, Díli (22/02).
Objetivu enkontru nian atu deside prioridade rua ba 2022, (1) Polítika sensível ba jéneru no planeamentu iha UNTL, (2) Implementasaun inisiativa Kampus Seguru hodi asegura kampus seguru, livre husi violensia, inkluzivu no laiha deskriminasaun, promosaun igualdade jéneru no empoderamentu ba feto.
Partisipa iha enkontru ne'e Visereitora ba Asuntu Estudantís (VRAE), Koordenadora UNWomen ba projetu Hamutuk ba Igualdade ho ekipa no estudante sira.
Média UNTL 📝 : Laurindo da Cruz Gomes
Foto 📷 : Laurindo da Cruz Gomes
- Detalhes
- Visualizações: 463
#TimorLeste #UNTL #FCS-DCS #KNTLU #COVID19 #COVID19TL 23 fevereiru 2022
Universidade Nacional Timor Lorosa'e(UNTL) nia Magnífiku Reitór, Profesór dr. João Soares Martins MPH, Ph.D, ho Komisaun Nasionál Timor-Leste, ensera formasaun Arte Narativa iha Era Dijitál, organiza husi Departamentu Komunikasaun Sosiál, Fakuldade Siénsia Sosiál (DCS-FCS), no apoiu husi Komisaun Nasional Timor-Leste ba UNESCO (KNTLU), iha salaun Katedrál, Díli (22/02).
Iha enseramentu ne'e, Magnífiku Reitór hateten formasaun refere importante ba estudante kursu Komunikasaun Sosiál nian, hodi aumenta tan estudante sira-nia koñesimentu ba kualidade ensinu no kualidade kooperasaun UNTL no KNTLU nune'e kursu sai akreditadu liután.
"Papel komunikasaun sosiál ne'e importante tebes, liuliu ba kursu Komunikasaun Sosiál atu hato'o informasaun ho domin no dame, nune'e bele kria sosiedade kreativu nomós komunikasaun di'ak ba sosiedade", tenik Reitór.
Iha fatin hanesan, Sekretáriu Ezekutivu KNTLU, Sr. Francisco Barreto, hateten, formasaun hakerek artigu ne'e hetan apoiu husi UNESCO Paris ho objetivu atu mellora koñesimentu estudante sira ne'ebé iha area komunikasaun sosiál.
"Ohin ita ensera ona formasaun durante fulan rua, no formasaun ne'e hodi ajuda estudante sira hakerek artikel ida ne'ebé di'ak no loos, tanba ne’e ba oin sei servisu hamutuk no kooperasaun nafatin nomós ba Universidade", tenik Sr. Francisco.
Iha fatin hanesan, Diretór Departamentu DCS, Profesór Marcelino X. Magno M.A, hateten, formasaun ne'e hala'o desde tinan kotuk koopera ho Komisaun Nasional Timor-Leste ba Unesco hodi fó formasaun ba estudante sira oinsa hakerek artigu ho kriativu.
"Deseju ba estudante sira ne'ebé hetan ona formasaun ne'e atu bele kontinua nafatin ba oin nune'e bele mellora nafatin Departamentu nomós universidade" tenik Deiretór.
Iha enseramentu ne'e, lansa mós website UNESCO nian ba DCS inklui fahe prémiu ba estudante manan na’in sira ne'ebé hakerek artigu kriativu nomós halo abertura ano letivu 2022 ba Departamentu Komunikasaun Sosiál.
Partisipa husi Dekanu Fakuldade Siénsia Sosiál, Profesór Camilo Ximenes Almeida, Diretór Ezekutivu Teknolojia Informasaun no komunikasaun (TIC,IP) Sr.Roberto Caetano de Sousa Vicente, Reprezentante husi Ministériu Ensinu Superiór, Siénsia no Kultura, Sr. Valentim Ximenes, Ph.D, dosente no estudante sira.
Média UNTL 📝 : Denilson Amandio Barros
Foto 📷 : Laurindo da Cruz Gomes
- Detalhes
- Visualizações: 530
#TimorLeste #UNTL #FCS #COVID19 #COVID19TL 24 Fevereiru 2022
Universidade Nacional Timor Lorosa’e (UNTL) nia Faculdade Siénsia Sosiál (FCS), Departamentu Siénsia Polítika (DCP) no Departamentu Komunikasaun Sosiál (DCS) realiza semináriu ho tema “Repõe Ordem Constitucional e Instituições Democráticas”, ho objetivu atu kompleta prátika husi estudante sira ne’ebé aprende matéria opsaun Dezenvolvimentu Polítiku, iha Kampus Kaikoli UNTL nian, Díli (23/02).
Dekanu FCS nian, no hanesan mós dosente disiplina nian, Profesór Camilo Ximenes Almeida, hateten semináriu refere, realiza ho inisitiva husi estudante sira, hakarak rona kandidatu ba Prezidente Repúblika sira 2022-2027 sira-nian misaun no vizaun.
“Eventu ne’e realiza ho inisiativa husi estudante sira, tanba sira aprende ona materia dezenvolvimentu polítika, liu-liu estudante Siénsia Polítika no Komunikasaun Sosiál, sira hakarak rona kandidatu sira-nia vizaun no misaun, nune'e, bele sai mós lisaun ba sira idaidak”, hatutan Profesór Camilo.
Dekanu hatete, aproveita tempu ne’e konvida kandidatura hotu, maibé sira seluk la disponivel, konsege konvida kandidatura na’in lima mak disponive hanesan Dra. Maria Helena Lopes de Jesus Pires (Dra. Milena Pires), Dr. Constancio Pinto “Terus”, Dr, José Manuel Ramos-Horta, Dr. Martinho Gusmão, no Dr. Antero Benedito da Silva.
Iha fatin hanesan Sandra da Costa Lay, Estudante DCP, semestre 6 haktuir katak, liuhusi semináriu refere fó hanoin katak tempu to’o ona feto kompete hodi ukun nasaun ida ne’e, hodi hatan ba dezafiu ne’ebé povu hasoru.
“Buat ne’e mak aprende husi semináriu ne’e katak tempu to’o ona atu feto mós bele kompete hodi ukun nasaun ne'e, haree liubá formulasaun polítika públika hodi responde ba desafiu ne’ebé komunidade hasoru”, hatutan.
Semináriu refere oradór husi Kandidatu ba Prezidente Repúblika 2022-2027, Dra. Maria Helena Lopes de Jesus Pires (Milena Pires), Dr. Constancio Pinto “Terus”, Dr, José Manuel Ramos-Horta, Dr. Martinho Gusmão, no Dr. Antero Benedito da Silva. Partisipa iha semináriu dosente, estudante no konvidadu sira.
Média UNTL 📝: Flora Ana Maria Ximenes (estajiária)
Foto📷 Alsino da Costa Madeira, Crispin de Jesus Amaral, Amaro de Jesus (estajiáriu)