- Detalhes
- Visualizações: 800
TimorLeste #UNTL #COVID19 #COVID19TL 01 Abril 2022
Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins MPH, Ph.D, lidera reuniaun ho estrutura administrasaun hodi avalia progresu servisu adminitrasaun no finansas nian, iha Sala-Enkontru Visereitoria ba Asuntu Administrasaun no Finansa nian, iha Kampus Sentrál UNTL nian, Díli (29/03). 
Objetivu husi sorumutu ne’e, atu avalia dezempeñu no kualidade servisu iha kada diresaun sira iha administrasaun universidade nian, alende ne’e diskuti mós planu foun ne’ebé atu implementa hodi garante kualidade servisu ne’ebé efetivu no efisiénsia.
Partisipa husi Visereitór ba Asuntu Administrasaun no Finansas no Administradór-Jerál, Profesór Hélio A. X. Mauquei, Ph.D, Proreitór Planeamentu, Monitorizasaun no Avaliasaun, Profesór José Nelson Salsinha, Ph.D, Diretór-Jerál, Diretór Nasionál no Xefe Departamentu sira.
Média UNTL 📝 : Leonia de A. Da Costa
Foto 📷 : Leonia de A. Da Costa
- Detalhes
- Visualizações: 1064
#TimorLeste #UNTL #COVID19 #COVID19 31 Marsu 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, akompaña husi Visereitór no Proreitór sira, hodi halo inspesaun ba edifísiu foun, ne’ebé lokaliza iha Kampus Sentrál UNTL, Díli (27/03), hodi haree faze finalizasaun konstrusaun nian.
Edifísiu foun ne’e nia konstrusaun responsável husi kompañia Ai-Tula Unip. Lda, hahú konstrusaun iha fulan Outubru 2019 liubá no finaliza iha fulan Marsu tinan ne’e, tuir planu sei entrega ba Universidade iha fulan Abril 2022.
Universidade nasionál nia uma foun refere kompletu ho fasilidade ne’ebé sei uza ba servisu administrasaun sentrál nian. 
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Visualizações: 557
#TimorLeste #UNTL #MESSK #UNITAL #COVID19 #COVID19 29 Marsu 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, partisipa iha semináriu diseminasaun Dekretu-Lei Nú. 3/2022, 12 Janeiru 2022, kona-ba Kuríkulu Padraun Nasionál ba Ensinu Superiór, organiza husi Ministériu Ensinu Superiór, Siénsia no Kultura (MESSK), iha salaun enkontru UNITAL nian, Díli (29/03).
Objetivu husi Semináriu ne’e atu disemina informasaun ba estrutura universidade no institutu superiór sira, kona-ba Padraun Nasionál Kuríkulu Ensinu Superiór nian, atu bele komprende lala’ok no rekezitu sira ne’ebé hatuur iha Dekretu-Lei refere. 
Iha Semináriu refere abertura husi Ministru Ensinu Superiór, Siénsia no Kultura, S.E. Longuinhos dos Santos, no partisipa husi Visereitór ba Asuntu Akadémiku, Profesór Doutór Samuel Venâncio de Sousa Freitas, Diretóra-Jeral Ensinu Superiór, Dra. Maria Filomena Lay Guterres, Dekanu Fakuldade ho nia estrutura, Reitór ho estrutura husi universidade seluk, ekipa tékniku no konvidadu sira.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Visualizações: 512
#Timorleste #UNTL #FMCS #HospitalRegionaldeBaucau #COVID19 #COVID19 29 Marsu 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, halo abertura Estájiu Klíniku I, II no III, ba estajiáriu na’in 66 husi Departamento de Farmácia, Departamento de Nutrição e Dietética no Departamento de Ciências Biodimedicas Laboratoriais, iha Hospital Regional Eduardo Ximenes, Baucau (28/03).
“Ne’e tempu ida di’ak tebes atu imi bele prátika fila fali teoria ne’ebé estuda iha universidade, durante ne’e, agora imi bele aplika tuir situasaun ideal ne’ebé iha atu buka aprende tan liuhusi prátika direta ho pasiente sira”, tenik Magnífiku Reitór.
Reitór mós husu ba estajiáriu sira hatudu idaidak nia sakrifisiu hodi atualiza ho kondisaun ne’ebé mínimu maibé tenta atu ajuda pasiente sira ne’ebé presiza apoiu.
“Iha tempu ida ne’e, agradese ba Diretór Ezekutivu Hospital Regional Eduardo Ximenes Baucau (HREXB) ne’ebé oferese ona fatin no oportunidade ba estudante sira hodi hala’o prátika atu prienxe kritériu universidade nian. 
Iha fatin hanesan, Dekanu Fakuldade Medisina no Siénsia Saúde (FMCS) Profesór Deonizio Ximenes hatete estájiu ne’ebé hala’o Fakuldade ho esperansa katak sira bele aproveita didiak oportunidade ne’e hodi aprende di’ak liután.
“Objetivu husi estájiu ne’e atu bele partilla siénsia ne’ebé durante ne’e sira hetan iha banku estudu no bele prepara mós ba aban bainrua sira remata kursu ne’e sira bele iha ona esperiensia ba servisu”, tenik Dekanu.
Iha fatin hanesan, Diretór Ezekutivu HREXB nian, Dr. Evangelino Roque Soares, hato’o bemvindu ba estudante sira no agradese ba Universidade tanba bele hili Hospital ne’e sai fatin pratika ba sira-nia estudu.
‘’Esperiénsia ita hetan hahu kompostu teoria no aplika hodi hetan resultadu liuhusi prátika hodi desenvolve di’ak liután ba imi-nia futuru liuliu fó atendimentu ba pasiente sira ne’ebé presiza asisténsia”, Dehan.
Estudante na’in 66 ne’e, kursu Farmásia hamutuk (27), no kursu Nutrisaun no Dietétika (19) no Siénsia Biomédika no Laboratoriál (20).
Partisipa husi Visereitora ba Asuntu Estudantís (VRAE), Profesora Eng.ª Lígia Tomás Correia, M.Sc, no Diretór-Jerál Servisu Apoiu Reitoria (DGSAR), Profesór Jacinto Hermenegildo Soares Belo, orientadór sira, estudante, pessoál saúde sira, inklui konvidadu sira.
Média UNTL 📝 : Laurindo da Cruz Gomes
Foto 📷 : Laurindo Da Cruz Gomes
- Detalhes
- Visualizações: 528
#TimorLeste #UNTL #G7+ #UNPAZ #CNE #STAE #COVID19 #COVID19TL 28 Marsu 2022
Universidade Nacional Timor Lorosa’e (UNTL) nia Magnífiku Reitór, Profesór Doutór João Soares Martins MPH, Ph.D, iha sesaun abertura iha Suai Room Timor Plaza Dili, (23/03) hateten semináriu nasionál ho tema “Lessons Learnt from Timor-Leste Presidential Election 2022”, importante ba jerasaun foun liuliu estudante sira ba futuru lider Timor-Leste nian.
“Akadémiku sira tenki marka posizaun ida ne’ebé neutru para bele ezerse an iha sosiedade liuhusi opiniaun ne’ebé independente no imparsiál, sem influénsia, bazeia ba situasaun polítika atuál liuliu eleisaun prezidensiál ne’e liu ona iha primeira ronda, no segunda ronda ne’ebé sei mai”, tenik Reitór UNTL.
Reitór UNTL ne’e mós agradese ba entidade relevante sira liuliu CNE, STAE, no entidade tomak, ne’ebé servisu makas durante Eleisaun Prezidensiál 2022 no felisita mós ba kandidatu 16 ne’ebé konkore ona.
Sekretáriu-Jerál G7+, Dr. Hélder da Costa hatete, G7+, nu’udar organizasaun intergovermentál ne’ebé kompostu husi nasaun 20, ho nia knaar atu promove paz no dezenvolvimentu iha país pós-konflitu sira relasiona mós prosesu eleisaun. 
“Objetivu husi eventu ne’e, atu konvida observadór nasionál no internasionál hodi fahe sira-nia hanoin relasiona ho ita-nia Eleisaun Prezidensiál 2022, ho esperiénsia iha tinan (2013-2015) Timor-Leste fahe ninia esperiénsia iha Guiné-Bissau kona-ba oinsa jere eleisaun ne’ebé kredibel, justu, livre”, tenik Hélder da Costa.
Iha fatin hanesan, Prezidente CNE, Sr. José Agostino da Costa Belo hatete, prosesu tomak CNE ho STAE la’o hela iha nível munisípiu no nasionál, atu kampaña la’o ho prosesu demokrátiku ida, parsiál no tranquilidade.
“Timor-Leste iha buat ida ne’ebé diferente mós ho rai sira seluk, tanba ita iha lei hodi asegura kona-ba kampaña no prosesu tomak ne’ebé la’o, situasaun ne’e ita selebra hodi asina paktu rituál ida para entendimentu entre kandidatu sira ne’e, maibé agradese ba apoiu entidade tomak no povu nia partisipasaun”, tenik nia. 
Magnífiku Reitór UNPAZ, Profesór Adolmando Soares Amaral hatete, liuhusi semináriu nasionál refere atu fó hanoin malu ba proseu Eleisaun Prezidensiál 2022 para iha tempo tuir mai buat htou bele la’o ho di’ak, dehan nia.
“Akadémiku sira tenki firme, atu eduka ita-nia povu eleitór sira, tanba akadémiku mak kanaliza no loke povu nia hanoin, maibé envolve an iha partidu, dalaruma sira-nia observasaun ne’e ladun neutru ona”, tenik.
Semináriu ne’e realiza tanba G7+ parseria ho Universidade Nacional Timor Lorosa’e (UNTL) no Universidade da Paz (UNPAZ).
Partisipa husi Observadór Nasionál no Internasionál, Sosiedade Sivil, Korpu Diplomátiku, Akadémiku sira, no estudante sira husi UNTL, UNPAZ no UNDIL, Ekipa Tékniku G7+ nian, no konvidadu sira.
Média UNTL 📝 : Altur Ramos
Foto 📷 : Laurindo Da Cruz Gomes, Agustino Da C. Silva