- Detalhes
- Visualizações: 1058
#TimorLeste #UNTL #VRAAGK #FECT #COVID19 #COVID19TL 07 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, halo abertura ba Orentasaun Akadémika ba Estudante Foun 2022 nian ho tema “Construir Sinergias Para Alcançar Boas Prestações Académicas, Rumo a um Campus de Excelência”, iha Auditóriu Fakuldade Enjeñaria, Siénsia no Teknolojia (FECT) Hera, Díli (07/04).
“Sesaun abertura ba Orentasaun Akadémika ne’e importante tebes, iha vida akadémika tanba meiu ne’e atu koñese ambiente Universidade nian, ho estrutura Universidade nian, hahú husi Reitór, to’o dosente sira”, tenik Reitór.
Magnífiku Reitór mós hato’o bemvindu ba estudante sira tanba admitidu no hetan oportunidade atu estuda iha Universidade Nasionál iha área idaidak ne’ebé oferese.
Abertura ne’ebé hala’o iha Kampus Hera ne’e, estudante foun sira hetan delegasaun hodi reprezenta Departamentu no Fakuldade sira ne’ebé eziste iha UNTL.
Partisipa iha abertura ne’e Visereitór, Proreitór, Dekanu Fakuldade, Dosente sira, Funsionáriu no anima husi estudante Fakuldadde Enjeñaria, Siénsia no Teknolojia nian.
Média UNTL 📝 : Agostinho da Cruz e Silva
Foto 📷 : Julito Afonso
- Detalhes
- Visualizações: 651
#TimorLeste #UNTL #ANAAA #COVID19 #COVID19TL 06 Abril 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, abertura semináriu diseminasaun informasaun kona-ba avaliasaun programátika nian, hodi prepara ba avaliasaun ne’ebé sei hala’o husi Ajénsia Nasionál ba Avaliasaun no Akreditasaun Akadémika (ANAAA) iha tinan 2022 nian. 
Iha abertura ne'ebé hala’o iha Sala-Enkontru Fakuldade Agrikultura (FAGRI) nian, (06/04), Magnífiku Reitór agradese ba Diretór Ezekutivu (ANAAA) Sr. Edmundo Viegas, Ph.D. ne'ebé ho hanoin di'ak no fó atensaun makas tebes ba instituisaun ensinu superior nian iha teritóriu tomak inklui UNTL.
"Agradese ba hotu-hotu liuliu ba formadu sira atu hetan esperiénsia ho diak, nomós formasaun ne'e importante tebes atu prepara ita hodi hetan valór di'ak liu iha avaliasaun atu prepara ba avaliasaun tuir mai”, tenik Reitór.
Iha fatin hanesan, Diretór Ezekutivu ANAAA nian, Sr. Edmundo Viegas, Ph.D, hateten semináriu refere nu’udar inisiativa di'ak universidade atu fó asisténsia ba diretór sira, nune’e, prepara atu tuir avaliasaun akreditasaun ba programátika.
"Semináriu ne'e tékniku husi ANAAA nian mai fahe informasaun no atu prepara diretór kursu no dosente sira, liuliu fasilita maneira hodi priense no fornese informasaun tuir indikadór sira ANAAA nian”, tenik Diretór ANAAA.
Iha tinan 2022, universidade prepara kursu hitu (7) ba avaliasaun hanesan, Fakuldade Siénsia Exata (FSE), Departamentu Siénsia Exata; Fakuldade Enjeñaria, Siénsia no Teknolojia (FEST), Departamentu Enjeñaria Informátika no Departamentu Enjeñaria Sívil; Fakuldade Edukasaun, Arte Humanidade (FEAH), Departamentu Ensinu Língua Portugueza; Fakuldade Ekonomia no Jestaun (FEG), Departamentu Jestaun, Departamentu Siénsia Ekonomia no Departamentu Kontabilidade.
Partisipa husi Visereitór Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Visereitór Asuntu Pos-Graduasaun no Peskiza, Profesór Doutór Afonso de Almeida, Diretór Departamentu, Dosente no Funsionáriu sira.
Média UNTL 📝 : Denilson Amandio Barros
Foto 📷 : Julito Afonso (estajiáriu)
- Detalhes
- Visualizações: 494
#TimorLeste #UNTL #FCS #COVID19 #COVID19TL 06 April 2022
Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, Ph.D, ho estrutura hala’o vizita ba Faculdade de Ciências Sociais (FCS) hodi haree diretamente infraestrutura nian no fasilidade sira, inklui diskusaun ho estrutura Fakuldade, iha Kampus Kaikoli UNTL nian, Díli (05-04).
“FCS ne’e importante tebes atu prepara futuru líder nasaun nian, tanba ne’e ita sei haree hotu oinsa melloria kondisaun iha Fakuldade, nune’e ita bele fó atendimentu ne’ebé di’ak ba estudante sira, promove UNTL nia existensia i visibilidade iha sosiedade importante tebes", tenik Magnífiku Reitór.
Iha sorin seluk, Dekanu FCS, Profesór Camilio Ximenes Almeida, hato’o ba Magnífiku Reitór ho estrutura atu tau atensaun ba Fakuldade, liuliu iha infraestrura liga ba edifísiu, no fasilidade sira ba aprendizajen nian. 
“Infraesturtura sira ne’ebé FCS utiliza mak ohin ita haree hotu ona kondisaun real, kursu hitu mak eziste iha ne’e, neen avalia ona husi ANAAA (Ajénsia Nasionál ba Avaliasaun no Akreditasaun Akadémika) maioria ho rezultadu hetan valór C no ida mak hetan B, enkuantu kursu Inkluzaun Komunitaria Sosiál mak seidauk avalia, maibé ami esforsu atu mellora iha futuru”, hatutan.
Profesór Camilo mós hatutan tan katak, bazeia ba kondisaun real no rezultadu avaliasaun nian, indika katak presiza mellora kondisaun infraestrutura, fasilidade sira, hasae kualifikasaun dosente, no promove peskiza iha área Siénsia Sosiál nian.
Vizita ne’e, partisipa husi Visereitór, Proreitór, Diretór-Jerál, Diretór Nasionál, Visedekanu, Diretór Departamentu sira, dosente no estudante sira.
Média UNTL 📝 : Altur Ramos
Foto 📷 : Avelino da C. Bobo
- Detalhes
- Visualizações: 516
#TimorLeste #UNTL #ConselhoGeral #COVID19 #COVID19TL 06 Abril 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, hala'o enkontru ho Konsellu Jerál hodi diskute kursu mestradu ba profesór sira iha espesialidade Edukasaun nian, iha Sala Videokonferénsia UNTL nian, Díli (06/04).
Enkontru ne'e ho objetivu atu diskute kona-ba prosesu importante sira atu bele garante kualidade ensinu ba profesór sira iha (1) Espesialidade Língua Literatura no Sosiedades, (2) Espesialidades Kurríkulu no Formasaun ba Profesór, (3) Espesialidade iha Edukasaun Sientífika, Matemátika no Teknolójika, (4) Espesialidade iha Edukasaun Ambiente, Sosiedade no Movimentu Sosiál.
Kursu ne'e sei finansia husi Coordenação de Aperfeiçoamento de Pessoal de Nível Superior (CAPES), Brazil 🇧🇷, no hetan apoiu husi Universidade Federal de Santa Catarina, Brazil.
Partisipa iha enkontru ne'e Visereitór ba Asuntu Akadémiku no Garatia Kualidade, Profesór Doutór Samuel Venâncio de Sousa Freitas, Visereitór ba Assuntu Pós-Graduasaun no Peskiza, Profesór Doutór Afonso de Almeida, Prezidente Konsellu Jerál dr. Aniceto Cardoso Barreto, no nia membru, inklui mós Dekanu sira.
Média UNTL 📝 : Laurindo da Cruz Gomes
Foto 📷 : Laurindo da Cruz Gomes
- Detalhes
- Visualizações: 638
#TimorLeste #UNTL #PRAK #COVID19 #COVID19TL 5 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH Ph.D, akompaña husi estrutura, funsionáriu no dosente Universidade nian partisipa iha serimónia fúnebre matebian Ana Paula dos Santos Soares, iha Semitériu Manleuana Díli, (03/04).
Liuhusi misa corpo prezente iha kapela Lesibutak Manleuana, Díli, Magnífiku Reitór agradese ba matebian nia dedikasaun ba Universi
dade, no família boot UNTL sente triste, tanba lakon ema di’ak ida ne’ebé durante dedika-an ba Universidade to’o hakotu nia jornada moris.
“Ba família no Universidade, ohin ita asiste ba dala ikus nian ita nia bin, alin no oan Ana Paula ne’ebé mak hakotu ona nia viajen iha mundu ne’e, UNTL triste no laran susar tanba ho nia dedikasaun no kontribuisaun barak tebes, ami laiha buat ida atu hato’o maibé ita hotu hasa’e nafatin orasaun atu bele hetan fatin di’ak iha mundu seluk”, tenik Reitór.
Antes ne’e, Universidade mós presta ona omenajen iha matebian nia rezidénsia ne’ebé partisipa husi Visereitora ba Asuntu Estudantís, Profesora Eng.ª Lígia Tomás Correia, M.Sc, Próreitora ba Asuntu Kooperasaun, Profesora Doutora Lídia Gomes, Diretór-Jeral Servisu Apoiu Reitoria, Sr. Jacinto H. S. Belo, Eis-Reitór Próreitor na Asuntu Kooperasaun, Profesór Doutór Eduardo Aniceto Serrão, funsionáriu no dosente sira UNTL nian.
Matebian hakotu iis iha Hospital Nacional Guido Valadares, iha 1 Abril 2022. Antes ne’e, hala’o knar hanesan funsionária iha Gabinete Proreitoria ba Asuntu Kooperasaun- UNTL, durante tinan sia (2013-2022) hodi dedika-an ba Universidade Nasionál to'o remata nia jornada moris iha mundu.
Ana Paula dos Santos Soares, moris iha Suku Asumanu, Postu-Administrativu Liquiçá, Munisípiu Liquiçá iha loron 25 Novembru 1989. Matebian nu’udar oan husi José Soares no Rosa dos Santos Lobo, oan dane’en husi maun alin nain sia.
Sra. Ana Paula dos Santos Soares hahú tama eskola Primaria Nú. 3 Fatumeta, Díli (1995-2001),depois kontinua ba ensinu Pre-Sekundária iha Ensinu Sekundáriu Nú. 4 Fatumeta, Dili, 2001 to’o 2004, Ensinu Sekundáriu Externato São José, Comoro, Dili (2004-2007), hafoin kontinua ba Ensinu Superiór iha Universidade Nacional Timor Lorosa’e (2008 –2013), Fakuldade Enjeñaria, Siénsia no Teknolojia hodi hetan títulu Licenciada em Engenharia Informática.
Matebian durante sei moris dedika nia-an hodi servi instituisaun UNTL iha Gabineti Próreitoria ba Asuntu Kooperasaun, komesa iha tinan 2013 to’o nia jornada moris iha mundu remata iha loron 01 Abril 2022.
Tempu pasa ho lalais, tristeza boot ba família, matebian husik hela nia kaben Leonardo Fernandes no oan, iha idade 32.
Tristeza ida ne’e mós hafalun estrutura universidade, funsionáriu no liuliu hirak ne’ebé mak koñese no servisu hamutuk ho nia, sente lakon ema di’ak ida ne’ebé dedika nia-an hodi kontribui nia esperiensia ba Dezenvolvimentu Universidade nian, maibé Maromak planu buat seluk ida. Adeus Ana Paula 💙.
Média UNTL 📝 : Agostinho da Cruz e Silva
Foto 📷 : Denilson Amandio Barros