- Detalhes
- Escrito por Mateus Goncalves
- Visualizações: 3723
#UNTL, 1 fevereiru 2019
Reitór Universidade Nacional Timor Lorosa'e (UNTL) Profesór Doutór Francisco Miguel Martins, hetan 
Sra. Adalgisa Maria Soares Ximenes.
Iha biban ida ne’e Embaixadora Ximenes ko'alia ho Reitor kona-ba koperasaun institusionál entre estudante universitáriu sira UNTL nian no estudante universitariu sira iha instituisaun akadémika Korea nian.
Embaixadora mós informa ba Reitor kona-ba Governo Korea nian atu establese Sentru ba Kursu Lingua Korea ninian iha Timor-Leste, atu haree mós oinsá estudante sira husi universidade nasional UNTL bele foti mós semestre ho kreditu iha Korea, no atividades akadémikas interkambiu seluk-seluk iha futuru.
Média UNTL
Foto: Mateus Gonçalves
- Detalhes
- Escrito por Mateus Goncalves
- Visualizações: 1746
#UNTL, 30 janeiru 2019
Reitór Universidade Nacional Timor Lorosa'e (UNTL) Profesór Doutór Francisco Miguel Martins hetan vizita kortezia, no iha biban hanesan ko'alia mós kona-ba ba progressu servisus saúde iha Timor-Leste no koperasaun ba oin parte akadémika nian, ho reprezentate hosi Royal Australian College of Surgeons (RACS) Dr. Manoj Sharma (Ophthalmologist) no Prof. Nitin, Founder and Director East Timor Eye Program, no Prof. Ben Canny, Dekanu Fakuldade Medicina, hosi Universidade Tasmania iha Australia.
Média UNTL
Foto:Mateus Goncalves
- Detalhes
- Escrito por Mateus Goncalves
- Visualizações: 3249
#UNTL, 29 janeiru 2019
Bazeia ba dadus estudante sira Universidade Nacional Timor Lorosa’e UNTL ninian, to’o tinan letivu 2018 nian, hosi Diresaun Nasionál Atendimentu Estudante (DNAE), korpu estudantil hamutuk 17,688.
Hosi total ne’e, analiza ba jéneru nian, total estudante sira feto barak liu mane, no ida ne’e passu pozitivu ida atu garante paridade géneru iha sosiedade laran, inklui mos iha nivel akademiku nian.
“Ita-nia estudante sira ne’ebé mai rejistu bazeia ba relatóriu 2018 nian, hamutu 17,688 maibé fahe ba jéneru, feto hamutuk rihun ualu atus ualu limanulu (8,850), no mane hamutuk rihun 8 atus neen neenulu resin tolu (8,663)”, tenik Diretór Diretór Nasionál Atendimentu Estudante (DNAE) Rui Loco Pires, iha Kampus Sentral, Dili.
Sentru Estudus Géneru iha UNTL analiza daudauk kestaun ida ne’e relasiona ho Timor-Leste nian kompromissu atu atinji Objetivus Dezenvolvimentu Sustentável (ODS), liu-liu ODS 5 konaba Igualidade Jéneru iha partes sosiedade hotu-hotu, atu garante sosiedade ida ne’ebe inkluzivu no igual liu.
Média UNTL
Foto: Miguel Gonçalves, Moises do Rego
- Detalhes
- Escrito por Mateus Goncalves
- Visualizações: 1945
#UNTL, 30 janeiru 2019
Universidade Nacional Timor Lorosa’e (UNTL), iha Dili, iha ninia konjuntu bibliotekas kompostu hosi Biblioteka Sentral, temporariamente lokaliza hamutuk ho INFORDEPE, iha Balide, no mos biblioteka ualu (8) tan lokaliza iha fakuldade ida-idak nia resintu laran.
Diretór Nasionál Biblioteka Sentral, Sr. José Francico Lourdes hateten katak UNTL iha biblioteka sentrál ida ho biblioteka kada fakuldade no hamutuk hotu sia (9).
“Iha biblioteka sentrál ne’e iha livrus hotu, no balun maka aloka ona ba fakuldade sira. Hafoin ita kontrola de’it. Universidade planeia sei sosa tan livru”, hatete mos Diretór.
Diretór haktuir tan katak livru sira ne’ebé biblioteka sia (9) UNTL nian akumula, hamutuk rihun limanulu atus rua hitunulu resin rua (50,272).
Estudante UNTL, Maguida Pacheco de Andrade, hateten nia prefere estuda no asesu ba iha Biblioteka Sentral iha Balide tanba bele hetan referénsia ba traballu akademiku sira.
Estudante ne’e haktuir mos katak fatin ne'e seguru ona no livru sufisiente maske sei presiza tan aumenta livru iha área espesifiku sira.
Média UNTL/ Estajiária: Emerenciana
Foto: Miguel Gonçalves
- Detalhes
- Escrito por Mateus Goncalves
- Visualizações: 1694
#UNTL, 28 janeiru 2019
Universidade Nacional Timor Lorosa’e (UNTL), hola parte mos iha Reuniaun Grupu de Traballo ba Objetivus Dezenvolvimentu Sustentável (ODS) / Sustainable Development Goals (SDGs) iha Timor-Leste, iha Salaun Sosiedade Sivil, Palácio do Governo, iha Dili.
Grupu de Traballo ba Objetivus Dezenvolvimentu Sustentável (ODS) mak kordena no akompaña implementasaun asoens atu realiza ODS sanulu resin hitu (17) iha Timor-Leste to’o tinan 2030.
Iha tinan 2019, Timor-Leste sei aprezenta VNR (Voluntary National Review) ka Revizaun Nasional Voluntária, nudar relatóriu nasional konaba ba implementasaun ODS nia Objetivus 17, Alvus 169, Indikadores 232, iha rai laran ba High Level Political Forum (HLPF) iha ONU. Timor-Leste sei aprezenta VNR ba HKPF ba dahuluk iha tinan ne’e 2019.
Grupu Traballo refere lidera hosi Gabinete Primeiru-Ministru nian no kompostu hosi reprezentantes liñas ministerias governu nian, intituisoens sosiedade sivil, instituisoens akadémikas públika no privadas sira, setor privado, komunikasaun sosial no mos parseirus dezenvolvimentu nian.
Universidade Nacional nia pontu fokal hodi reprezenta instituisaun publika akademika ne’e iha Grupu de Traballo ODS Timor-Leste nian mak Pro-reitór Assuntos Koperasaun Professor Doutor Eduardo Serrão, ne’ebe mos sei lidera Grupu de Traballo ba ODS/SDGs iha nível UNTL laran nian.
Média UNTL
Fotos: Janio Tilman