- Detalhes
- Escrito por Mateus Goncalves
- Visualizações: 2072
#UNTL, 22 janeiru 2019
Delegasaun Husi Global Campus of Human Rights Vizita UNTL
Magnífiku Reitor UNTL nian, Professor Doutor Francisco Miguel Martins, simu vizita ofisial husi delegasaun ida husi Global Campus of Human Rights, iha Kampus Sentral, Dili.
Global Campus of Human Rights mak rede global kompostu hosi universidade atus ida (100) ne’ebe komprometidu atu avansa edukasaun konaba diretus humanus no demokrasia.
Reitor fo boasvindas ba delegasaun no iha biban ne’e aprezenta UNTL nia perfil akadémiku no korporativu. Reitor apresia delegasaun nia vizita ofisial no haksolok ho oportunidade atu kria koperasaun diak no sustentável ba oin entre partes rua ne’e.
“UNTL kontenti tebes, Global Campus hakarak oferese bolsas de estudu ba Timoroan sira iha UNTL hodi bele foti programa Master of Arts (MA) iha Direitus Humanus no Demokrasia,” hatete Reitor UNTL Professor Doutor Martins.
Delegasaun ofisial hosi Global Campus lidera hosi Professor Manfred Nowak ho ekipa, ho objetivu atu hahu diskusaun ho nível ezekutivu UNTL nian konaba preparasaun futura Nota de Entendimentu ka MOU (Memorandum of Understanding) relasiona ho koperasaun entre universidade nasional UNTL ho Global Campus.
Akompaña Reitor durante soru-mutu ne’e UNTL nia Professor Dr. Antero Bendito da Silva, Professor Aniceto Guro-Berteni Neves no Professor José Armando Pinto Casquilho.
Média UNTL
Foto: Mateus Gonçalves
- Detalhes
- Escrito por Mateus Goncalves
- Visualizações: 2102
#UNTL, Segunda-feira, 21 janeiru 2019
UNTL kontribui no haburas nafatin kualidade edukasaun ba dezenvolvimentu nasional hahú kedas husi ensinu pré-eskolar.
Namkait ho asuntu ne’e Magnífiku Reitór UNTL nian, Profesór Doutór Francisco Miguel Martins iha liceu foin lalais hateten hahú tinan ne’e, 2019, Departamentu Ensinu Pre-eskolár hahú simu estudante foun atu sai professor iha area foun refere ne'e.
“Área ne’e importante, ita hakarak enrikese kualidade edukasaun ne’e husi baze [pre-eskolár]. Iha ona kolaborasaun ho Universidade do Minho”.
Departamentu Ensinu Pre-eskolár ofisializa ona lisensa operasionál husi Ministériu Educação, enkuantu dosier sira mós aprova ona husi Konsellu Jerál UNTL nian hodi implementa iha tinan 2019.
Departamentu ne’e sei integra iha Fakuldade Edukasaun Artes I Umanidade (FEAH), tanba ne’e atualmente fakuldade ne’e iha ona departamentu 10.
UNTL kompostu husi Fakuldade sia (9) no Departamentu 40.
Média UNTL
Foto: Miguel Gonçalves
- Detalhes
- Escrito por Mateus Goncalves
- Visualizações: 2062
Reitor UNTL, Francisco Miguel Martins, ohin quarta-feira (16/1/2019) akompaña husi Presidente Konsellu Jeral UNTL, Dr. Aneceto Cardoso Barreto no Komisaria Komisaun Funsaun Públika, Maria Domingas Fernandes Alves, fo serimonia tomada de posse ba strutura foun akademiku nain tolu iha Auditorium, Liceu-UNTL.
Iha Diskursu ba serimonia refere, Reitor UNTL hateten katak Strutura foun ne atu asegura jestaun ida ne'ebe efikas ba rekursu humanu akadimikus ne'ebe maka existe.
Strutura foun ne'e kompostu husi Pró-Reitor para os Assuntos de Controlo de Qualidade Interna, Professor Marcos António Amaral, M.Ed.Mgmt; Pró-Reitor os Assuntos Académicos, Professor Miguel Maia dos Santos, M.Ed e Pró-Reitor para os Assuntos de Provedoria e Aconselhamento, Professora Tersa António Madeira Soares, BDS, MPH.
Parabens ba Estrutura foun no bom trabalho.
- Detalhes
- Escrito por Mateus Goncalves
- Visualizações: 1921
Estudantes programa intercambio cultural PAS-Korea no UNTL vizita fatin produsaun kafe hosi kooperativa cafe Timor CCT iha posto administrativu Railako, Municipiu Ermera, no mos vizita fatin importante historiku Prizaun Ai-Pelu no sentru viveirus ai-oan no fatin masin sira iha postu administrativu Maubara, Munisipiu Liquiça.
Vizita ne’e ho ninia objetivu atu lori estudantes hosi programa interkambio PAS-Korea atu vizita, observa no identifika kualidade plantasaun kafé no ai-oan, no aprende konaba ba istoria no kultura fatin sira vizita.
Partisipa iha vizita refere, Reitor UNTL, Professor Doutor Francisco Miguel Martins, Pro-Reitor Cooperação, Professor Doutor Eduardo Aniceto Serrão, estrutura UNTL, hamutuk ho estudantes hosi PAS-Korea no UNTL.
Lui hosi programa interkambio PAS-Korea no UNTL, bele hametin diak liu tan kooperasaun no amizade entre estudantes Timor-Leste no Korea.
Média UNTL
Foto: Felizarda da C. Antunes, Janio Tilman
- Detalhes
- Escrito por Mateus Goncalves
- Visualizações: 3573
Sosiedade Azia Pasífiku (Pacifik Asia Society-PAS) husi Korea Sul no Universidade Nacional Timor Lorosa’e (UNTL) liuhusi mobilidade akadémika promove asaun karitativa tulun orfanatu sira iha Uma Orfanatu Madre Dominicana do Rosario Bidau-Dili Sábadu (12-01).
Relasiona ho asaun ne’e, Magnífiku Reitór UNTL Profesór Francisco Miguel Martins louva ho inisiativa ne’e tanba estudante sira iha ona intensaun sensitive ba moris sosiál.
“Ita eduka sira la’ós atu hanoin de’it sira-nia aan maibé hanorin sira hatene hanoin sosiedade, realidade moris sosiál nian. Tanba ne’e ita louva karitativa ne’e ba ita-nia maluk seluk hodi fó liman, neon atu alin sira bele krese hanesan ho ita”.
Profesór ne’e deskreva katak asaun karitativa ne’e estudante sira fó liuhusi diskusaun grupu nian ho sasan sira. Hahan balun, ropa, no material sira eskola nian livru, lapezeira, sapatu ho livru tuir nivel estudante nian.
“Lia-menon ba alin no oan sira iha Orfanatu Dominicana do Rosario ne’e atu utiliza didi’ak tempu ne’ebé Madre sira fó domin hodi prepara imi ho di’ak husi atividade sosiál, eskola, moral I espirituál nian”.
Iha fatin hanesan Supervizora PAS-Korea nian Ju Se Jing agradese ba Madre sira ne’ebé simu asaun kartitativa ne’e.
“Ami sei esforsu atu tinan sira tuir atividade ne’e sei la’o nafatin. Tanba ami-nia objetivu atu tulun nasaun sira ne’ebé funu no ki’ak barak liuliu hadi’ak sira-nia saúde atu sai ema ne’ebé di’ak ba futuru”.
Ju Se Jing hateten Tulun sira hanesan ne’e maské lato’o maibé ho oituan tau hamutuk bele tulun sira husi kiik to’o asesu ba universidade ne’e dalan ida di’ak tebes.
“Liuhusi programa PAS nian Ami husi Korea sei reza ba Imi iha Timor-Leste no husu mós imi atu reza ba Ami atu ita-nia relasaun ne’e ba oin bele metin liután“.
Relasiona ho asaun karitativa ne’e Superiora Orfanatu Dominicana do Rosario Bidau, Madre Maria de Fátima Pui agradese ba tulun ne’e liuhusi vizita no haree situasaun labarik sira oan ki’ak inan-aman laiha.
“Alin sira nain 45, durante ne’e ami fó formasaun ba sira maské sira eskola iha liur maibé depoizde sai eskola sira aprende suku, aprende komputadór, Inglés, Portugés, matemátika ho múzika”.
Misionária Dominikana do Rosario ne’e haktuir oan ki’ak sira mai husi família ne’ebé karakter lahanesan.
“Ita-nia Madre sira koko fó formasaun ida integrál liuliu dezenvolvimentu pesoál katak la’ós matenek de’it maibé emosionál, espirituál, no fíziku tanba sira presiza isin saudável ho estuda ho di’ak”.
Atividade ne’e hola parte ba pilár universidade nian “estensaun i dedisaun ba komunidade”. Ne’ebé implementa liuhusi interkámbiu entre PAS-Korea ho UNTL ne’ebé kobre ho atividade oioin maka halo ona abertura iha 7 janeiru no sei enserra iha 20 janeiru 2019. *Edisaun Média UNTL*