- Detalhes
- Visualizações: 2753
Universidade Nacional Timor Lorosa’e (UNTL), liuhusi Gabinete Proreitoria Asuntu Estudantíl, hala’o agradesimentu ba kampiaun Liga Nasionál Basketeból Timor-Leste époka 2017 hodi lansa jogadór sira husi modalidade basketeból, Voleból tantu feto-mane iha Époka 2018.
Iha entrevista Proreitór ba Asuntu Estudantíl, Professór Zeferino Viegas Tilman hateten eventu ne’e ho tipu ida agradesimentu ba rezultadu hirak maka UNTL atinje iha époka 2017 nian liuliu Ekipa Basketeból ne’ebé sai kampiaun.
- Detalhes
- Visualizações: 2052
Universidade Nacional Timor Lorosa’e (UNTL) ho Southeast Asian Regional Center for Graduate Study and Research in Agriculture (SEARCA) organiza forum seguransa alimentár durante loron tolu (28 fevereiru to’o 1-2 marsu), iha Liceu ho tema “Leaders in ASEAN Agriculture and development in Timor-Leste”.
Iha entrevista ba jornalista sira, Reitór UNTL, Francisco Miguel Martins atividade ne’e eventu internasionál ne’ebé koopera ho SEARCA no MAP hodi partila no deskute kona-ba seguransa alimentár (Food Security) no mudansa klimátika no temátiku seluk tán.
- Detalhes
- Visualizações: 3164
Universidade Nacional Timor Lorosa’e (UNTL), lansa fatuk inan ba konstrusaun Fakuldade Enjeñaria Siénsia no Teknolojia (FEST) ho apoiu grand husi Governu Japaun liuhusi JICA ho milaun 21, iha ne’ebé hahú iha 20 fevereiru to’o entrega iha jullu 2019.
Iha entrevista, tersa-feira ne’e (20-02), Reitór UNTL, Professór Francisco Miguel Martins hateten konstrusaun ne’e nia fundu orsamentu husi Governu Japaun liuhusi JICA ho totál milaun 21, ne’ebé Reitór maka asina kontratu ho kompañia ne’ebé liu iha konkursu.
- Detalhes
- Visualizações: 5747
Ba sivita-Akadémika Universidade Nacional Timor Lorosa’e (UNTL), Nu’udar Reitór Instituisaun ida ne’e nian fó hanoin ba imi katak “ita iha komponente ida kompostu husi; dosente, disente no tékniku administrativu ne’ebé hamahan an ida uma knuuk ida matenek nian hodi halibur ema hotu husi Lorosa’e to’o Loromonu, husi Tasi-feto to’o Tasi-mane atu eleva ita-nia kualidade hodi simu estafeta prosesu dezenvolvimentu nasionál ba País-doben ida ne’e”.
Ho lian-menon katak atu hala’o idaidak nia knar ho resposabilidade aas, morál, étiku no polítiku atu eleva ita-nia kualidade instituisaun iha parte hotu; ensinu, peskiza, jestaun, administrasaun, publikasaun, inovasaun no kreativu iha área oioin ne’ebé ita oferta iha universidade murak ne’e. se ita ba la kuida hirak ne’e maka labele atinje visaun no misaun ne’ebé tara iha leten aas bá.
- Detalhes
- Visualizações: 2240
Universidade Nacional Timor Lorosa’e (UNTL), liuhusi Diresaun Biblioteka Sentrál, iha ona livru 50272 maka sirkula iha biblioteka sira, konta mós ho livru 1201 ne’ebé entrega husi empreza Plural Editora-Portugal, kustu orsamentu dollar rihun haatnulu hodi dezenvolve sistema edukativu. Iha entrevista Reitór UNTL, Francisco Miguel Martins (13-02), iha INFORDEPE hateten universidade sosa livru hodi hadia no dezenvolve biblioteka atu eleva sistema edukativu ba alunu sira nu’udar futuru jerasaun Timor-Leste nian.