Mensajen Magnífiku Reitór Universidade Nacional Timor Lorosa’e (UNTL), 2018

Reitor menzajenBa sivita-Akadémika Universidade Nacional Timor Lorosa’e (UNTL), Nu’udar Reitór Instituisaun ida ne’e nian fó hanoin ba imi katak “ita iha komponente ida kompostu husi; dosente, disente no tékniku administrativu ne’ebé hamahan an ida uma knuuk ida matenek nian hodi halibur ema hotu husi Lorosa’e to’o Loromonu, husi Tasi-feto to’o Tasi-mane atu eleva ita-nia kualidade hodi simu estafeta prosesu dezenvolvimentu nasionál ba País-doben ida ne’e”.

Ho lian-menon katak atu hala’o idaidak nia knar ho resposabilidade aas, morál, étiku no polítiku atu eleva ita-nia kualidade instituisaun iha parte hotu; ensinu, peskiza, jestaun, administrasaun, publikasaun, inovasaun no kreativu iha área oioin ne’ebé ita oferta iha universidade murak ne’e. se ita ba la kuida hirak ne’e maka labele atinje visaun no misaun ne’ebé tara iha leten aas bá.

Atu atinje Vizaun “Sentru Exelénsia ba Ensinu Superiór no Peskiza Sientífika iha Timor-Leste”, dosente, disente no tékniku administrativu dezempeña funsaun ho loloos; estudante sira knaar maka aprende, estuda no estuda, profesór sira komunika, diálogu, no akompaña ita-nia estudante sira halo interasaun hodi provoka estudante sira atu konsentra di’ak ba área espesializasaun idaidak nian. Tékniku administrativu serví ho loloos ba ita-nia joven sira-nia interese ba futuru nasaun ida ne’e nian.

Nu’udar Reitór (UNTL) enkoraja atu ánimu liután, atu serví ita povu no nasaun ne’e ho responsabilidade morál, étiku, polítiku, sosiál to’o bele lori UNTL ba ita-nia komunidade, no mundu, ba imi-nia atensaun no dedikasaun tomak ha’u (Reitór) louva no agradese.

*Obrigadu*