- Detalhes
- Escrito por Mateus Goncalves
- Visualizações: 2301
#UNTL 04 fevereiru 2019
Universidade Nasional UNTL ninia Unidade Produsaun i Diseminasaun Koñesimentu (UPDC), hanesan sub-unidade ne’ebé tutela ba iha Programa Pós-Graduasaun i Peskiza (PPGP), atu divulga produsaun sientífika sira, no kopera ho unidade no departamentu sira seluk ne’ebé eziste iha universidade Nasionál UNTL hodi publika rezultadu peskiza profesór sira-nian.
UPDC akomoda mós investigadór dotourandu internasionál nain lima (5) husi Brazil, Portugál no Inglatera ne’ebé hala’o sira-nia peskiza iha unidade ne’e nia laran.
“Durante ezisténsia unidade ne’e iha unversidade hala’o ona atividade oin-oin, realizasaun konferénsia, kolókiu no semináriu sientífiku sira, inklui publika ona Revista Veritas,” hateten Xefe Unidade, Profesór Doutór Vicente Paulino.
Revista Veritas, maka publikasaun ho tipu livru ne’ebé akumula artigu sientífiku sira ne’ebé peskizadór UNTL sira hala’o no publika liu hosi UPDC.
Dadaun ne’e Revista Veritas iha ona volume 20 no hahu publika dezde tinan 2014. Revista Veritas mós disponível ba asessu gratuitu no públiku liuhusi repositóriu dijitál UNTL nian liuhusi link: (http://repositorio.untl.edu.tl).
Partes interessadu atu hetan kópia revista veritas bele desloka diretamente ba UPDC nia fatin lokaliza iha resintu kampus Ekonomia i Jestaun, iha UNTL, Dili.
Média UNTL / Estajiária: Emerenciana de Jesus
Foto: Moises do Rego
- Detalhes
- Escrito por Mateus Goncalves
- Visualizações: 2137
#UNTL, 4 fevereiru 2019
Dekanu Fakuldade Edukasaun Artes I Umanidade (FEAH), Profesór Pedro Soares ohin aprezenta ona ofisialmente Xefe Departamentu Ensinu Pré-Escolar, Me. Francisca Soares dos Reis, ba Reitór Universidade Nacional Timor Lorosa’e (UNTL) Professor Doutór Francisco Miguel Martins.
Departamentu Ensinu Pre-eskolár, ne’ebé hahú ona simu estudante foun, ofisializa ona lisensa operasionál husi Ministériu Edukasaun, no dosier sira mós aprova ona husi Konsellu Jerál UNTL nian hodi implementa iha tinan 2019.
Média UNTL
Foto: Mateus Gonçalves
- Detalhes
- Escrito por Mateus Goncalves
- Visualizações: 1617
Magnifiku Reitór Universidade Nacional Timor Lorosa'e (#UNTL), Profesór Doutór Francisco Miguel Martins, lori naran estrutura tomak universidade nasional ninian, no Sivitas Akadémika UNTL (dosente, funsionáriu no estudante sira), hato'o Parabéns no Feliz Aniversáriu ba Sua Exa. Reverendíssimu Dom Carlos Ximenes Belo, SDB.
- Detalhes
- Escrito por Mateus Goncalves
- Visualizações: 2594
#UNTL, 4 fevereiru 2019
Reitór Universidade Nacional Timor Lorosa'e (UNTL) Profesór Doutór Francisco Miguel Martins, akompana husi Pro-Reitor Assuntu Akadémiku Professor Miguel Maia, hala’o enkontru institusional ho Presidente hosi Instituto Nacional de Formação de Docentes e Profissionais de Educação (INFORDEPE) Sr. Deolindo da Cruz, iha Gabinete do Reitor, Kampus Sentral, UNTL, Dili.
Iha biban ida ne’e Reitor koalia konaba kolaborasaun no koperasaun institusionál entre UNTL no INFORDEPE ba tinan 2019 nian.
Assuntu seluk inklui INFORDEPE ninia nakloken atu oferese fatin ba Departamento de Formação de Professores da Educação Pré-Escolar, integra iha Fakuldade Edukasaun Artes I Umanidade (FEAH), no foin harii no hahu simu estudantes iha tinan letivu 2019 nian.
Média UNTL
Foto: Mateus Gonçalves
- Detalhes
- Escrito por Mateus Goncalves
- Visualizações: 2366
#UNTL, 01 fevereiru 2019
Universidade Nacional Timor Lorosa’e (UNTL), harii nian Sentru Estudu ba Jéneru (SEJ) iha tinan 2013, ho nia papél atu halo peskiza, diskusaun, semináriu no implementasaun fokalizadu ba kestaun sira jéneru nian.
Diretór Gil da Conceição iha nia knaar fatin Kaikoli hateten katak programa SEJ nian hatuur iha pilár tolu universidade nian ensinu, peskiza, sentru estudu ho ninia programa hodi bele ba hanorin nune’e mós bele fó formasaun ba komunidade sira iha área rurál, liuhusi prátika, estájiu no meiu sira seluk.
Funsaun husi SEJ mós atu habelár no dezenvolve siénsia jéneru husi aspetu sosiál no hasa’e sívitas akadémika sira-nia koñesimentu iha pilár estensaun ba komunidade liuhusi prátika no estájiu.
SEJ mós koopera ho Governu nia ministeriu relevante sira oin-oin inklui atividade ekonomia familiár, asesu enerjia eletrisidade iha área rurál, jestaun grupu ka envolvimentu feto no mane iha setór agrikultura.
Média UNTL / Estajiária: Celeste Gusmão
Foto: Maria Isabel