- Detalhes
- Escrito por Mateus Goncalves
- Visualizações: 11814
#TimorLeste #UNTL #FDCH 22 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D ho nia Visereitór no Proreitór sira hala'o enkontru ho Diretora Ezekutiva Fundu Dezenvolvimentu Kapitál Umanu (FDCH), Sra. Leila M. L. Cárceres dos Santos, hodi ko’alia kona-ba kooperasaun ba eleva kapitál umanu liuhusi programa bolsu-estudu ba UNTL ne'ebé apoiu husi FDCH.
Iha sala Video Konferénsia UNTL nian, Díli (19/02), liuhusi intervensaun Magnífiku Reitór nian hateten katak universidade fó prioridade mós ba bolsu estudu, no propoin atu labele aplika de’it ba Portugal no Brazil bele mós ba nasaun seluk.
“Ha’u akompaña programa bolsu estudu ne’ebé implementa, ha’u hanoin presiza loke oportunidade ba nasaun seluk, aleinde ba Brazil no Portugal. Ba dosente sira ne'ebé estuda iha nasaun seluk bainhira sira fila tenki iha rekizitu obrigatóriu tuir kursu portugés antes reintegra mai UNTL”, tenik Reitór.
Iha fatin hanesan, Diretora Ezekutiva FDCH agradese ba disponibilidade estrutura universidade nian no kongratula mós estrutura foun bele servisu di’ak liután iha kooperasaun ho FDCH.
“Primeiru agradese tebes ba disponibilidade UNTL nian ho FDCH atu hamutuk no kongratula mós ita bo’ot sira-nia mandatu, fiar katak sei ativu liután iha universidade no kooperasaun diak liután”, tenik Sra. Cárceres
Aleinde ne’e, Diretora FDCH hato’o mós ba estrutura universidade nian kona-ba papel FDCH, no informasaun jerál bolseiru sira-nian, inklui planu ba 2022 no mós programa estájiu profisionál.
Durante kooperasaun entre UNTL ho FDCH simu ona bolsu estudu ba Universidade Nacional Timor Lorosa'e hamutuk na’in 205 kompostu husi kursu Mestradu no Doutoramentu, gradua ona hamutuk 72 no dadaun ne'e ativu hela hamutuk bolseiru na’in 132.
Partisipa iha sorumutu ne'e Visereitór no Proreitór sira, Diretór Sentru Estudu Kultura no Arte, Profesór Doutór Vicente Paulino, Asesora FDCH Sra. Ana Paula dos Santos ho konvidadu sira.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 12694
#TimorLeste #UNTL #FECT 22 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, ho nia Visereitór no Proreitór sira hala'o enkontru ho estrutura Fakuldade Enjeñaria Siénsia no Teknolojia (FECT) nian, hodi rona direta progresu no dezafiu sira ne'ebé fakuldade nian.
Sorumutu ne'e realiza iha Sala Vídeo Konferénsia UNTL nian, Díli (22/02), Dekanu FECT, Profesór Doutór Ruben Jerónimo Freitas, no nia estrutura aprezenta kona-ba sistema dijitalizasaun ne'ebé durante ne'e implementa ligadu ho rejistrasaun online nomós preparasaun Departamentu Enjeñaria Informátika ba Avaliasaun husi Ajénsia Nasionál ba Avaliasaun no Akreditasaun Akadémika (ANAAA) no seluk tan.
Iha asuntu relevante seluk aprezenta mós kona-ba kooperasaun sira durante ne'e liuliu ho Japan International Cooperation Agency (JICA), inklui kooperasaun ho parseiru sira tantu nasionál no internasionál sira.
Partisipa iha iha enkontru ne'e Visereitora ba Asuntu Estudantíl, Profesora Eng. Lígia Tomas Correia, M.Sc, Proreitora ba Asuntu Kooperasaun Profesora Doutora Lídia Gomes, SKM, M.D. no Dekanu FECT ho nia estrutura sira.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 9965
#TimorLeste #UNTL #GRSE 19 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, simu vizita husi Grupo de Reflexão Sobre Educação (GRSE) ne'ebé lidera husi Sr. Embaixadór Domingos de Sousa, iha Sala Vídeo Konferénsia UNTL nian, Díli (19/02).
Ojetivu husi enkontru refere, ekipa GRSE husu apoiu Magnífiku Reitór nian relasiona ho prosesu ba estabelese Eskola Superiór Edukasaun iha Timor-Leste, atu dezenvolve no kapasita profesór sira liuhusi formasaun sira, no atu mellora liután kualidade ensinu iha Timor-Leste.
Partisipa iha enkontru ne'e, ekipa husi Grupu de Reflexão Sobre Edukasaun Sr. Domingos Sousa, Doutór Roque Rodrigues, Dra. Lurdes Bessa, ho nia ekipa sira.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 12595
#TimorLeste #UNTL #EmbassyofSouthKoreaTimorLeste 19 Fevereiru 2021
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D, simu vizita husi S.E. Embaixadór Koreia Súl 🇰🇷 nian iha Timor-Leste, Sr. Kim Jeong-ho, no nia ekipa, iha sala Vídeo Konferénsia UNTL nian, Díli (08/02).
Vizita ne’e hala’o ho objetivu hodi atualiza kooperasaun ne’ebé implementa ona, no diskute kona-ba meiu sira atu dezenvolve Sentru Estudu Korea no apoiu estabelesimentu Departamentu Estudu Korea iha universidade nasionál.
Partisipa iha enkontru ne'e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, no Proreitora ba Asuntu Kooperasaun, Profesora Doutora Lídia Gomes, SKM, M.D.
Média UNTL 📝: Mateus Gonçalves
Foto 📷: Mateus Gonçalves
- Detalhes
- Escrito por Mateus Goncalves
- Visualizações: 11706
#TimorLeste #UNTL #MS #PalaciodasCinzas 19 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, ho nia estrutura hasoru malu ho Ministra Saúde (MS), S.E. dra. Odete M. P. Belo, iha Salaun Enkontru Palacio das Cinzas (18/02), hodi ko’alia kona-ba programa Mestradu Pediatria ne’ebé universidade nasionál konsentra liuhusi Programa Pós-Graduasaun no Peskiza.
Alende kursu mestradu Magnifiku Reitór ho nia estrutura mós husu apoiu fasilidade hanesan aimoruk no seluk tan, relasiona estabelesimentu Poliklínika Universitária UNTL nian, tanba diresaun ne’e foin mak estabelese liuhusi estrutura foun universidade nian.
Partisipa iha sorumutuk refere, Visereitór ba Asuntu Akadémiku, Profesór Doutór Samuel Venâncio de Sousa Freitas, Visereitór Asuntu Pós-Graduasaun no Peskiza, Profesór Doutór Gabriel António de Sá, Proreitora ba Asuntu Kooperasaun, Profesora Doutora Lídia Gomes, SKM, M.D., Diretora Poliklínika Universitária, Profesora Teresa António Madeira Soares, BDS, MPH, Diretór-Jeral Servisu Koorporativu Ministériu Saúde nian ho nia ekipa.
Média UNTL 📝: Agostinho da Cruz e Silva
Foto 📷: Agostinho da Cruz e Silva