NOTÍCIAS E EVENTOS

Detalhes: Escrito por Mateus Goncalves; Publicado em 02 março 2021; Atualizado em 02 março 2021; Visualizações: 744

CFP

#TimorLeste #UNTL #KFP 18 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór no Proreitór sira, hala’o reuniaun ho Prezidente Komisun Funsaun Públika (CFP), Profesór Doutór Faustino Cardoso Gomes, iha sala Vídeo Konferénsia, UNTL nian, Díli. (18/02),

Objetivu husi reuniaun ne’e atu diskute kona-ba kooperasaun entre instituisaun rua, liuliu haree ba pedidu husi CFP nian, relasiona ho rekursu ne’ebé UNTL prodús iha área Informátika nian hodi bele apoiu Desenvolvimentu Sistema Informasaun iha CFP.

Iha parte seluk, Prezidente CFP mós solisita ba UNTL atu haree estudante finalista sira ne’ebé ho mellor kualifikadu iha área Informátika nian, nune’e bele rekomenda hodi apoiu CFP iha Dezenvolvimentu Sistema refere.
Partisipa iha reuniaun ne’e Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Visereitór ba Asuntu Administrasaun Finansa no Administrador-Jerál, Profesór Hélio A. da Costa X. Mauquei, Ph.D, Proreitór ba Asuntu Inspesaun, Auditoria no Kontrolu Kualidade, Profesór José Honorio da Costa P. Jerónimo, Komisária CFP nian, Sra. Maria de Jesus Sarmento, inklui konvidadu sira.

Média UNTL 📝: Mateus Goncalves
Foto 📷: Mateus Goncalves

Comment

Detalhes: Escrito por Mateus Goncalves; Publicado em 02 março 2021; Atualizado em 02 março 2021; Visualizações: 832

Konselu Jestaun

#TimorLeste #UNTL 18 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór no Proreitór sira hala'o enkontru dahuluk ho Konsellu Jestaun nian hodi diskute kona-ba jestaun sira iha universidade antes no iha tempu oin mai, iha sala Vídeo Konferénsia UNTL nian, Díli (18/02).

Ajenda iha enkontru ne'e mak: (1) Konstrusaun edifísiu foun tolu Fakuldade Agrikultura nian iha Hera-Díli; (2) Simu estudante foun; no (3) Elejibilidade ba bolsu estudu ba dosente UNTL.

Partisipa iha enkontru ne'e Visereitór ba Asuntu Akadémiku no Garantia Kualidade, Profesór Doutór Samuel Venâncio Sousa Freitas, Visereitór ba Asuntu Administrasaun Finansa, no Administradór-Jeral Profesór Helio A. da C. X. Mauquei, Ph.D, Proreitór ba Asuntu Dezenvolvimentu Institusionál, Profesór Doutór Lelis Gonzaga Fraga, ho nia Xefi Departamentu, Diretór-Jerál ba Asuntu Akadémiku, Sr. Armindu Leto, no membru Konsellu Jestaun sira ne'ebé reprezenta husi Dekanu kada Fakuldade sira.

Média UNTL 📝: Agostinho da Cruz e Silva
Foto 📷: Agostinho da Cruz e Silva#TimorLeste

Comment

Detalhes: Escrito por Mateus Goncalves; Publicado em 26 fevereiro 2021; Atualizado em 27 fevereiro 2021; Visualizações: 2471

#TimorLeste #UNTL #FD 25 de Fevereiru 2021

Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D, akompaña husi Visereitór no Proreitór sira, hasoru malu ho estrutura Fakuldade Direitu nian, hodi rona direta progresu no dezafiu sira mak fakuldade enfreta.

Iha Sala Vídeo Konferénsia UNTL nian, Díli (25/02), Dekanu Fakuldade Direitu nian, Profesór Isidoro Viana da Costa, hato’o ba estrutura foun universidade nasionál nian kona-ba progresu no dezafiu sira mak fakuldade enfrenta atu atualiza no haree hamutuk pasu sira ba oin.

Toka mós kona-ba planu sira fakuldade nian, liuliu planu atu implementa "ano zero", reativa kursu mestradu no planu atu loke kursu estensaun.

Partisipa iha reuniaun refere, Visereitór ba Asuntu Akadémika no Garantia Kualidade nian, Profesór Doutór Samuel Venâncio de Sousa Freitas, Visereitór ba Asuntu Estudantís, Profesora Eng. Lígia Tómas Correia, M.Sc, Proreitór ba Asuntu Provedoria no Akonsellamentu Profesór Mestre Tomé Xavier Jerónimo, Dekanu Fakuldade Direitu, Profesór Isidoro Viana da Costa, ho nia Vise-dekanu sira.

Média UNTL 📝: Agostinho da Cruz e Silva
Foto 📷: Agostinho da Cruz e Silva

Comment

Detalhes: Escrito por Mateus Goncalves; Publicado em 02 março 2021; Atualizado em 02 março 2021; Visualizações: 2553

FCS

#TimorLeste #UNTL #FCS #HumanRightsCentre 18 Fevereiru 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór sira hala'o sorumutu ho Dekanu Fakuldade Siénsia Sosiál (FCS) nian, Profesór Camilo Ximenes Almeida, no Visedekanu sira hodi atualiza progresu no dezafiu sira Fakuldade nian, ba estrutura universidade nian.

Liuhusi aprezentasaun ne’ebé hala’o iha Sala Vídeo Konferénsia Kampus Sentrál UNTL nian, Díli (18/02) ne’e, estrutura FCS hato’o kona-ba progresu no dezafiu sira ba Ekipa Reitorál, inklui planu sira hanesan atu reativa kursu estensaun nian hanesan Departamentu Relasaun Internasionál no Administrasaun Públika.

Toka mós kona-ba rekursu umanu sira ne’ebé atinji ona liuliu hirak ne'ebé hasai kursu doutoramentu ne'ebé permite ona atu loke kursu foun nível Mestradu iha FCS, alende ne'e estrutura FCS mós lori funsionáriu sira husi Sentru Direitus Umanus ne’ebé tutela iha Fakuldade.

Partisipa iha enkontru ne’e, Visereitór ba Asuntu Akadémiku no Garantia Kualidade Profesór Doutór Samuel Venâncio Sousa Freitas, Visereitora ba Asuntu Estudantíl, Profesora Eng. Lígia Tomas Coreia, M.Sc, Dekanu Fakuldade FCS, Profesór Camilo Ximenes Almeida, ho nia estrutura, inklui konvidadu sira.

Média UNTL 📝: Agostinho da Cruz e Silva
Foto 📷: Agostinho da Cruz e Silva

Comment